Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը 15.07.2024
Հուլիսի 15-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց հերթական աշխատանքային խորհրդակցությունը։ Ստորաբաժանումների ղեկավարները զեկուցեցին նախորդ խորհրդակցության ընթացքում տրված հանձնարարականների կատարման արդյունքների մասին։ Խորհրդակցության ընթացքում քննարկումներ ծավալվեցին տեղական բյուջեների սեփական եկամուտների հավաքագրման արդյունքների, Սևան համայնքի Չկալովկա գյուղում կատարված ապօրինի շինության ապամոնտաժման, Գավառ քաղաքի Հացառատ թաղամասում կոյուղագծի կառուցման նախագծի ձեռքբերման, 2024 թվականի սուբվենցիոն ծրագրերի մեկնարկի, Ծովասարի և Վարդենիկի մանկապարտեզների գույքի ձեռքբերման հարցերի շուրջ։ Խոսվեց նաև «Լեռնային Ղարաբաղից բռնի տեղահանված ընտանիքների բնակարային մատչելիության ապահովման պետական աջակցության ծրագրի», միջպետական, հանրապետական նշանակության և մարզային ճանապարհների սպասարկման, գծանշման, 2024 թվականի հուլիսի 31-ին մարզխորհրդի նիստ հրավիրելու հետ կապված հարցերի մասին։․․․
«ՀՀ վարչապետի գավաթ» սիրողական լողի մրցաշարն 2024 թվականին կանցկացվի օգոստոսի 17-ին 15.07.2024
Մրցաշարն անցկացվում է արդեն երրորդ անգամ ՀՀ Գեղարքունիքի մարզի Ճամբարակ համայնքի Շողակաթ բնակավայրի (նախկին Շորժա) Սևանա լճի լողափնյա տարածքում՝ Հանրապետությունում լողի մասսայականացման և առողջ ապրելակերպի քարոզման նպատակով: Մրցաշարին մասնակցության համար ներկայացվում է հայտ, անձնագրի կամ նույնականացման վկայականի և մրցումներին մասնակցելու համար բժշկի թույլտվության պատճենները կամ տեղեկանք առողջության վերաբերյալ, ինչպես նաև մրցաշարին մասնակցելու հետևանքով առաջացող ռիսկերի գնահատման և ստանձնման պայմանագիրը: Փաստաթղթերն անհրաժեշտ է ներկայացնել ՀՀ լողի ֆեդերացիա՝ մինչև 2024 թվականի հուլիսի 30-ը ներառյալ (հասցե՝ Դավիթ Համբարձումյանի անվան ջրացատկի օլիմպիական հերթափոխի մասնագիտացված մանկապատանեկան մարզադպրոց, Մ. Խորենացի փ. 1/1, Էլ. հասցե` swimmingarm@mail.ru)։Հայտը ներկայացնող անձը ՀՀ լողի ֆեդերացիայի կողմից ընտրված լողավազանում պետք է հանձնի նախնական ստուգարք՝ լողալու ունակության մակարդակը որոշելու համար:...
ՀՀ կառավարության կողմից 2023 թվականին Գեղարքունիքի մարզում իրականացված սուբվենցիոն ծրագրերի ամփոփում 12.07.2024
Գեղարքունիքի մարզի Վարդենիս համայնքի Տորֆավան գյուղում ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում ասֆալտապատմամբ հիմնանորորգվել է կենտրոնական ճանապարհը։ 116․Տորֆավանի կենտրոնական ճանապարհի հիմնանորոգման ծրագրի պայմանագրային արժեքը կազմում է 45 միլիոն դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Վարդենիսի համայնքապետարանը։ Շինարարական աշխատանքները մեկնարկել են 2023 թվականի հոկտեմբերից և ավարտվել նույն տարվա դեկտեմբերին։ Ծրագրի իրականացման արդյունքում Տորֆավանի կենտրոնական ճանապարհն ասֆալտապատվել է 1080 գծամետր երկարությամբ և 4300 քառակուսի մետր մակերեսով։ Տեղադրվել է նաև ջրահեռացման համակարգ։ Ծրագրի շահառու են հանդիսանում Տորֆավան գյուղի բոլոր բնակիչները։ Տորֆավանի կենտրոնական ճանապարհն իր պատմության մեջ ասֆալտապատվել է առաջին անգամ։
ՀՀ կառավարության 2024 թվականի հուլիսի 11-ի հերթական նիստում որոշում է կայացվել 57 միլիոն 227,4 հազար դրամ հատկացնել Գավառ համայնքի Ծովազարդ, Լճափ, Հայրավանք, Սարուխան, Գանձակ և Ծաղկաշեն բնակավայրերում, սուբվենցիոն ծրագրերի շրջանակներում , խաղահրապարակների և պուրակների կառուցման համար։ Նշված բնակավայրերում խաղահրապարակների և պուրակների կառուցման աշխատանքների 90 տոկոսն արդեն ավարտված է, իսկ այս գումարի հատկացմամբ աշխատանքներն ամբողջովին կհասցվեն ավարտին։
ՏԵՂԵԿԱՑՈՒՄ 10.07.2024
ՀՀ վարչապետի աշխատակազմի Հանրային կապերի և տեղեկատվության կենտրոնի կողմից գործարկվել է bnakavayr.am հարթակը։ Այն ծառայում է Լեռնային Ղարաբաղից տեղահանված ընտանիքների բնակարանային ապահովման պետական աջակցության ծրագրի հանրայնացման և ծրագիրը շահառուներին մատչելի ներկայացնելուն։ Հարթակում ներկայացված են տեղահանված անձանց բնակարանային ապահովման ծրագրի մանրամասները, անհրաժեշտ պայմանները, դիմելու կարգը, ինչպես նաև՝ մանրամասն տեղեկատվություն բոլոր այն բնակավայրերի վերաբերյալ, որտեղ ծրագրի շրջանակներում բնակարան գնելու կամ կառուցելու դեպքում պետությունը տրամադրելու է արտոնյալ աջակցություն։ Հարթակում ինտերակտիվ քարտեզի և բնակավայրերի մասին առանձին էջերի միջոցով ներկայացված են աջակցության ծրագրում ընդգրկված այն 390 բնակավայրերը, որտեղ ծրագրով առավել աջակցություն է նախատեսված բնակարան/տուն գնելու կամ կառուցելու համար։․․․
Գեղարքունիքի մարզպետ Կարեն Սարգսյանն անցկացրեց քաղաքացիների հերթական ընդունելություն 10.07.2024
Հուլիսի 10-ին Գեղարքունիքի մարզպետ Կարեն Սարգսյանը մարզպետի աշխատակազմի վարչական շենքում կատարեց քաղաքացիների ընդունելություն։ Ընդունելությանը մասնակցում էին նաև Գեղարքունիքի մարզպետի աշխատակազմի գլխավոր քարտուղար Սևակ Խլղաթյանը, մարզպետի աշխատակազմի առողջապահության և սոցիալական ոլորտի հարցերի վարչության պետ Լուսինե Վարդանյանը։ Քաղաքացիները դիմեցին դրամական օգնության, բնակարանի վիճակի գնահատման, միջհամայնքային նշանակության մի շարք հարցերի վերաբերյալ պարզաբանումներ ստանալու, բնակավայրում ոռոգման ջրագծի գործունեության կարգավորման, աշխատանքի տեղավորման խնդրանքով, անձնակ բնույթի հարցերով։ Քաղաքացիների կողմից բարձրացված մի շարք հարցերի մարզպետը տեղում պարզաբանումներ տվեց, մնացած դիմումները վերցվեցին հաշվառման, որոնց պատասխանները կտրվեն օրենքով սահմանված կարգով և ժամկետներում։
