Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Անցկացվել են «ՀՀ Վարչապետի գավաթ» դպրոցականների լողի մրցաշարի Գեղարքունիքի մարզային փուլի մրցումները 12.10.2026
Լող մարզաձևը մասսայականացնելու, լողի կանոնավոր պարապմունքներին դպրոցահասակ տարիքի երեխաների ներգրավվածությունն ապահովելու, ինչպես նաև դպրոցահասակ տարիքի երեխաների ֆիզիկական վարժություններով մշտապես զբաղվելու և առողջ ապրելակերպի նկատմամբ հետաքրքրությունը բարձրացնելու նպատակով Հայաստանի Հանրապետությունում արդեն երկրորդ տարին է ինչ անցկացվում է «Հայաստանի Հանրապետության Վարչապետի գավաթ» դպրոցականների լողի մրցաշար։ Մրցաշարը կազմակերպում և անցկացնում է ՀՀ կրթության, գիտության, մշակույթի և սպորտի նախարարության կողմից ստեղծված հանձնաժողովի կողմից՝ համագործակցելով «Լողի հայկական դաշնություն» մարզական հասարակական կազմակերպության հետ։ Այն անցկացվում է երկու փուլով՝ մարզային և եզրափակիչ։ Մրցաշարի մարզային փուլի մրցումները կազմակերպում և անցկացնում են Հայաստանի Հանրապետության մարզպետների աշխատակազմերը՝ Ֆեդերացիայի կողմից ստեղծված մրցավարական հանձնաժողովի հետ: Մրցաշարն անցկացվում է 2 տարիքային խմբով։ Առաջին տարիքային խմբում ընդգրկվում են 4-7-րդ դասարանների․․․
813 միլիոն 386 հազար դրամ՝ Գեղարքունիքի մարզում իրականացվող ծրագրերի համար 08.10.2026
ՀՀ կառավարության 2026 թվականի հոկտեմբերի 8-ի հերթական նիստում որոշում է կայացվել Գեղարքունիքի մարզի երկու սուբվենցիոն ծրագրերի, ինչպես նաև մարզով անցնող միջպետական և հանրապետական նշանակության ճանապարհների միջին նորոգման աշխատանքների համար հատկացնել 813 միլիոն 386 հազար դրամ ։ Այդ թվում՝ 40 միլիոն 799.8 հազար դրամ՝ Ճամբարակ քաղաքի Կոմիտաս փողոցից մինչև Վ. Տերյան փողոց ընկած հատվածի, Ճամբարակի համայնքապետարանի հարակից և սպասարկող ճանապարհ անցուղի ասֆալտապատման աշխատանքներ համար։ 44 միլիոն 546.4 հազար դրամ՝ Մարտունի համայնքի Մարտունի քաղաքի Հերացի փողոցի քարե սալիկներով կառուցում իրականացնելու համար։ 107 միլիոն 640․0 հազար դրամ՝ Ծովագյուղից դեպի Դիլիջանի թունել ընկած 6,1 կիլոմետր հանրապետական նշանակության ճանապարհի միջին նորոգման աշխատանքների համար։ 333,000 միլիոն դրամ՝ Մ-10 Լճափ-Հայրավանք 7,6 կիլոմետր միջպետական նշանակության ճանապարհի միջին նորոգման աշխատանքների համար։ 287 միլիոն 400 հազար դրամ՝ Ծովագյուղից-Սեմյոնովկա 2 կիլոմետր միջպետական նշանակության ճանապարհի միջին նորոգման աշխատանքների համար։
ՀՀ Գեղարքունիքի մարզպետ Կարեն Սարգսյանն այսօր մասնակցել է ՀՀ ՏԿԵ նախարար Դավիթ Խուդաթյանի գլխավորությամբ անցկացված խորհրդակցությանը։ Խորհրդակցության ընթացքում քննարկվել է կառուցվող, հիմնանորոգվող և վերանորոգվող 500 մանկապարտեզների և նախակրթարանների ծրագրի ընթացքը։ Մարզպետներն առանձին-առանձին ներկայացրել են իրենց մարզերում իրականացվող աշխատանքների ընթացքը, առկա խնդիրներն ու նախատեսվող քայլերը։ Նախարարը աշխատանքների ժամկետների պահպանման և իրականացվող աշխատանքների որակի ապահովման վերաբերյալ տվել է համապատասխան հանձնարարականներ։
Գեղարքունիքի մարզում 2026 թվականի սեպտեմբեր ամսին ծնվել է 154 երեխա 07.10.2026
2026 թվականի սեպտեմբեր ամսին Գեղարքունիքի մարզի ծննդօգնություն իրականացնող առողջապահական հիմնարկներում ծնվել է 154 երեխա, որից 71-ը՝ տղա, 83-ը՝ աղջիկ: 154 երեխաներից 33-ը ծնվել են Գավառի բժշկական կենտրոնում, 83-ը՝ Մարտունու ծննդատանը, 23-ը՝ Սևանի բժշկական կենտրոնում, 14-ը՝ Վարդենիսի բժշկական կենտրոնում և 1 երեխա՝ Ճամբարակի առողջության կենտրոնում։
Հոկտեմբերի 9-ին միացե՛ք «Առանց մեքենայի օր» արշավին 07.10.2026
Հոկտեմբերի 9-ին միացե՛ք «Առանց մեքենայի օր» արշավին։ Այդ օրը նախապատվությունը տվե՛ք քայլքին, հեծանիվին կամ հանրային տրանսպորտին ։ Միասին խթանենք ակտիվ տեղաշարժն ու առողջ ապրելակերպը։
Քաղաքացիների խնդիրներին՝ հետևողական լուծումներ 07.10.2026
Գեղարքունիքի մարզպետ Կարեն Սարգսյանը քաղաքացիների հերթական ընդունելությունն անցկացրեց մարզպետի աշխատակազմի վարչական շենքում։ Յուրաքանչյուր դիմում առանձին ուշադրության և հետևողական աշխատանքի կարիք ունի։ Քաղաքացիների բարձրացրած խնդիրներն ուսումնասիրվում են հնարավորությունների շրջանակում՝ անհրաժեշտ քայլեր ձեռնարկելով դրանց հասցեական և արդյունավետ լուծմանը նպաստելու համար։
