ԳԵՂԱՐՔՈՒՆԻՔԻ ՄԱՐԶՊԵՏԱՐԱՆ

Գեղարքունիքի մարզպետարանը ձևավորվել է 1996 թվականից` ,,ՀՀ վարչատարածքային բաժանման մասին,, օրենքի համաձայն։ Գեղարքունիքի մարզպետարանը ՀՀ սահմանադրության համաձայն, իրականացնում  է պետական կառավարում։ Ոլորտի հարաբերությունները կարգավորվում են ՀՀ Սահմանադրությամբ, ՀՀ օրենքներով, ՀՀ Նախագահի` ,,Հայաստանի Հանրապետության մարզերում պետական կառավարման մասին,, հրամանագրով և այլ իրավական ակտերով։ Հայաստանի Հանրապետության Գեղարքունիքի մարզում պետական կառավարումն իրականացնում է Գեղարքունիքի մարզպետը` մարզպետարանի միջոցով: Մարզպետարանն իրագործում է կառավարության տարածքային քաղաքականությունը, համակարգում հանրապետական գործադիր մարմինների տարածքային ծառայությունների գործունեությունը։

Մարզպետարանը կազմված է մարզպետից, մարզպետի տեղակալներից, խորհրդականներից, օգնականներից և մարզպետարանի աշխատակազմից։ Աշխատակազմը բաղկացած է 6 վարչություններից, քարտուղարությունից, 8 առանձնացված ստորաբաժանումներից: Մարզպետարանի համակարգում ընդգրկված են  մարզային ենթակայության պետական ոչ առևտրային, պետական փակ բաժնետիրական ընկերություններ։

Մարզպետարանի կանոնադրության համաձայն` կանոնակարգվել են մարզպետի տեղակալների, մարզպետարանի գլխավոր քարտուղարի կողմից մարզպետարանի աշխատակազմի կառուցվածքային և առանձնացված ստորաբաժանումների աշխատանքների համակարգումը։ Աշխատանքները կազմակերպվում են մարզպետարանի աշխատակազմի կառուցվածքային և առանձնացված ստորաբաժանումների կանոնադրությունների  աշխատանքային ծրագրերին համապատասխան։ Մարզպետարանի կառուցվածքային և առանձնացված ստորաբաժանումների համար սահմանվել է 184  հաստիքային միավոր, որից 155-ը՝ քաղաքացիական ծառայության պաշտոններ։

Որպես  Գեղարքունիքի  մարզպետ պաշտոնավարել  են՝

1. Վլադիմիր Միհրանի Մովսիսյան 1996-1996թթ.

2. Ռուդիկ Հրաչիկի Ղուկասյան 1996-1999թթ.

3. Վահագն Վլադիմիրի Հակոբյան 1999-2003թթ.

4. Ստեփան Սարիբեկի Բարսեղյան 2003-2006թթ.

5. Արսեն Ռազմիկի Գրիգորյան 2006-2007թթ.

6. Նվեր Ղազարի Պողոսյան 2007-2012թթ.

7. Ռաֆիկ Խորենի Գրիգորյան 2012-2017թթ.

8. Կարեն Հովսեփի Բոթոյան  2017-2018թթ. 

9. Իշխան Վաչիկի Սաղաթելյան 01.06.2018- 04.10.2018թթ.

10.Գնել Հենզելի Սանոսյան    10.10.2018-02.08.2021թթ.