Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Նախազորակոչային և զորակոչային տարիքի երիտասարդության կենցաղում առողջ ապրելակերպի արմատավորման, ինչպես նաև դպրոցականների և երիտասարդության շրջանում իրականացվող ռազմահայրենասիրական դաստիարակության հետագա բարելավման նպատակով անցկացվում են ռազմամարզական խաղեր։ Դրանք անցկացվում են 4 փուլով՝ ներդպրոցական, համայնքային, մարզային և հանրապետական։ Ռազմամարզական խաղերին մասնակցում են հանրակրթական դպրոցների 10-12-րդ դասարանցիներից ձևավորված թիմերը։ Թիմերի կազմերում հանդես են գալիս 9-ական տղա մարզիկներ: ՀՀ Գեղարքունիքի մարզում ռազմամարզական խաղերի ներդպրոցական փուլն անցկացվել է մինչ 2026 թվականի սեպտեմբերի 18-ը։ Այս փուլում ձևավորված դպրոցական թիմերը սեպտեմբերի 24-25-ը մասնակցել են համայնքային փուլին, որն անցկացվել է Գավառ, Մարտունի, Սևան, Վարդենիս և Ճամբարակ համայնքներում։
Վթարային ջրանջատում Գեղարքունիքի մարզում հոկտեմբերի 5/6-ին 05.10.2026
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ «Հայաստանի Էլեկտրական ցանցեր» ընկերության կողմից իրականացվող աշխատանքներով պայմանավորված, ս.թ. հոկտեմբերի 5-ին ժամը 11:00-ից մինչև հոկտեմբերի 6-ը ժամը 07:00-ն կդադարեցվի Գեղարքունիքի մարզի՝ Ծովազարդ, Բերդկունք, Հայրավանք, Լճափ, Չկալովկա, Նորաշեն և Լճաշեն գյուղերի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Գեղարքունիքի մարզպետ Կարեն Սարգսյանի շնորհավորական ուղերձը Ուսուցչի օրվա առթիվ 05.10.2026
Սիրելի՛ ուսուցիչներ, շնորհավորում եմ Ուսուցչի օրվա առթիվ։ Ուսուցչի առաքելությունը միայն գիտելիք փոխանցելը չէ։ Ուսուցիչն այն մարդն է, ով ձևավորում է մտածողություն, արժեքներ ու վերաբերմունք աշխարհի նկատմամբ, օգնում է երեխային հավատալ սեփական ուժերին և վստահ քայլել դեպի ապագա։ Ձեր աշխատանքի արդյունքը միայն դասարանում չէ․ այն մեր երեխաների ձեռքբերումների, ընտրությունների ու վաղվա օրվա մեջ է։ Հատկապես ուզում եմ ընդգծել մեր մարզի ուսուցիչների ամենօրյա նվիրումն ու պատասխանատու աշխատանքը։ Դուք ոչ միայն կրթում եք, այլև կերտում եք մեր մարզի ու մեր պետության ապագան։ Վստահ եմ՝ ձեր նվիրվածության, մասնագիտական բարձր պատասխանատվության և հավատարմության շնորհիվ Գեղարքունիքի յուրաքանչյուր սերունդ ունենալու է ավելի գիտակից, կրթված ու արժանապատիվ ապագա։
Ուսուցչի աշխատանքը՝ ապագայի կարևորագույն ներդրում 05.10.2026
Ուսուցչի օրվա առիթով մարզպետ Կարեն Սարգսյանը ընդունեց Գեղարքունիքի հանրակրթական դպրոցների մանկավարժների, ովքեր իրենց աշխատանքը կատարում են բարձր պատասխանատվությամբ և մասնագիտական նվիրումով։ Մարզպետը շնորհավորեց նրանց մասնագիտական տոնի կապակցությամբ՝ մաղթելով քաջառողջություն, անձնական ու աշխատանքային հաջողություններ։ Հանդիպման ընթացքում նաև ներկայացրեց մարզում իրականացվող և նախատեսվող դպրոցաշինական ծրագրերը, անդրադարձավ կրթության ոլորտում իրականացվող բարեփոխումներին և դպրոցների աշխատանքային պայմանների բարելավման ուղղությամբ կատարվող աշխատանքներին։ Ուսուցիչների հետ նաև քննարկվեցին նրանց հուզող հարցերը, առաջարկներն ու նախաձեռնությունները, խոսվեց մասնագիտական փորձի փոխանակման և կամավոր ատեստավորման արդյունքների մասին։ Մարզպետը ուսուցիչներին հանձնեց նաև Գեղարքունիքի մարզպետի շնորհակալագրեր՝ նրանց կատարած կարևոր աշխատանքն արժևորելով և մաղթելով նոր հաջողություններ ու ձեռքբերումներ։ Կրթված, գիտակից ու բարձր արժեհամակարգ ունեցող սերնդի ձևավորման գործում մանկավարժի դերն անգնահատելի է։
ՀՀ Գեղարքունիքի մարզպետ Կարեն Սարգսյանի շնորհավորական ուղերձը ՀՀ Անկախության 35-րդ տարեդարձի առթիվ 21.09.2026
Սիրելի՛ հայրենակիցներ, Շնորհավորում եմ Հայաստանի Հանրապետության Անկախության օրվա առթիվ Սեպտեմբերի 21-ը մեր ժողովրդի կամքի, արժանապատվության և սեփական պետությունը կերտելու վճռականության խորհրդանիշն է։ Անկախությունը մեզ տրված ժառանգություն չէ միայն․ այն արժեք է, որը մենք պարտավոր ենք ամեն օր ամրապնդել՝ մեր աշխատանքով, միասնականությամբ և պատասխանատվությամբ։
ՀՀ ՆԳՆ ՓԾ Գեղարքունիքի մարզային փրկարարական վարչություն տեղեկացնում է 18.09.2026
Ուշադրություն տեղեկացվում է, որ 2026 թվականի սեպտեմբերի 23-ին Գեղարքունիքի մարզի Ճամբարակ համայնքի Կալավան բնակավայրում նախատեսվում է անցկացնել «Տարածաշրջանին բնորոշ արտակարգ իրավիճակները, կանխարգելումը և քաղաքացիական պաշտպանության հիմնահարցերը» թեմայով զրույց-քննարկում ինչպես նաև «Ազդարարում, տարհանում և պատսպարում» թեմայով գործնական վարժանք, որի ընթացքում կգործարկվի էլեկտրական շչակ։ Խնդրվում է խուճապի չմատնվել։ ՀՀ ՆԳՆ ՓԾ Գեղարքունիքի մարզային փրկարարական վարչություն
