Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետի աշխատակազմում տեղի ունեցած հանդիպմանը քննարկվեցին օրակարգային մի շարք հարցեր 17.04.2026
Ապրիլի 17-ին Գեղարքունիքի մարզպետի աշխատակազմի նիստերի դահլիճում տեղի ունեցավ հանդիպում՝ մարզի համայնքների ղեկավարների տեղակալների, մարզային ենթակայության կրթական և առողջապահական հաստատությունների ղեկավար կազմի հետ։ Հանդիպմանը մասնակցում էին Գեղարքունիքի մարզպետի տեղակալներ Ջանիկ Բազեյանը, Վահան Զարոյանը, մարզպետի աշխատակազմի առողջապահության և սոցիալական ոլորտի հարցերի վարչության պետ Լուսինե Վարդանյանը, ԿԳՄՍ վարչության պետ Կարեն Զազյանը, ՏԿ և ՏԻ հարցերի վարչության պետ Վանիկ Հարությունյանը, գյուղատնտեսության և ՇՄ պահպանության վարչության պետ Էդգար Գևորգյանը, ովքեր օրակարգային հարցերի վերաբերյալ հնչեցրին հանձնարարականներ և առաջարկություններ։ Քննարկվեցին ԲՄԿ-ների, դպրոցական և նախադպրոցական հիմնարկների բուժքույրերին վերաբերող՝ առողջապահության նախարարի համապատասխան հրամանից բխող աշխատանքային և ընթացիկ բնույթի հարցեր «Քաղաքացու օր» տոնակատարության կազմակերպման, տեխնիկական և բովանդակային մասով աջակցություն ցուցաբերելու, տոնակատարությունը համայնքներում հավուր պատշաճի անցկացնելուն վերաբերող հարցեր Գեղարքունիքի մարզպետի որոշմամբ ապրիլի 26-ին հայտարարված համամարզային շաբաթօրյակի և ծառատունկի նախապատրաստական աշխատանքներին առնչվող հարցեր։ Հանդիպումն ավարտվեց հարց ու պատասխանի ձեւաչափով։
ՀՀ Գեղարքունիքի մարզպետ Կարեն Սարգսյանի շնորհավորանքի խոսքը՝ Ոստիկանության աշխատողի օրվա առթիվ 16.04.2026
Հարգելի՛ ոստիկանության ծառայողներ, սրտանց շնորհավորում եմ ձեզ Ոստիկանության աշխատողի օրվա առթիվ։ Ձեր պատասխանատու և պատվաբեր ծառայությունը կարևորագույն դեր ունի մեր հասարակության անվտանգության, իրավակարգի ամրապնդման և քաղաքացիների իրավունքների պաշտպանության գործում։ Ամեն օր, հաճախ բարդ ու վտանգավոր պայմաններում, դուք պատվով իրականացնում եք ձեր առաքելությունը՝ պահպանելով հասարակական կարգն ու խաղաղությունը։ Գեղարքունիքի մարզում ևս ձեր նվիրված աշխատանքի շնորհիվ շարունակաբար ամրապնդվում է օրենքի գերակայությունը, բարձրանում է քաղաքացիների անվտանգության մակարդակը և վստահությունը պետական ինստիտուտների նկատմամբ։ Բարձր եմ գնահատում ձեր մասնագիտական պատրաստվածությունը, պատասխանատվության զգացումը և հայրենանվեր ծառայությունը։ Մաղթում եմ ձեզ քաջառողջություն, անսպառ ուժ ու կորով, նորանոր հաջողություններ ծառայության մեջ և խաղաղ ու անվտանգ առօրյա։
Թատերական երկամսյակի հերթական ներկայացումը բեմադրեցին Երևանի Խամաճիկների պետական թատրոնի դերասանները 16.04.2026
Գեղարքունիքի մարզում անցկացվող «Թատերական երկամսյակ» նախաձեռնության շրջանակներում ապրիլի 16-ին Գեղարքունիքի մարզի փոքրիկ հանդիսատեսն հյուրընկալեց Երևանի Խամաճիկների պետական թատրոցի դերասաններին, ովքեր հանդես եկան Հանս Քրիստիան Անդերսենի «Արքայադուստրը սիսեռահատիկի վրա» հեքիաթի բեմադրությամբ։ Ռեժիսոր՝ Աննա Էլբակյան։ Արդեն 4-րդ տարին անցկացվող «Թատերական երկամսյակի» նախաձեռնությունը Գեղարքունիքի մարզպետ Կարեն Սարգսյանին է, իսկ աջակցությունը՝ ԿԳՄՍԵ նախարար Ժաննա Անդրեասյանին։ Ծրագրի շրջանակներում բեմադրվեց հերթական՝ 7-րդ ներկայացումը, որը դիտեցին Գեղարքունիքի մարզի տարբեր հանրակրթական դպրոցների կրտսեր տարիքի դպրոցականներ, մանկավարժներ և ծնողներ։ Գեղարքունիքի մարզում անցկացված թատերական երկամսյակին լավագույն մասնակցության համար՝ Երևանի Խամաճիկների պետական թատրոնի անձնակազմը խրախուսվեց ՀՀ Գեղարքունիքի մարզպետ Կարեն Սարգսյանի շնորհակալագրով։
ՆԳՆ շրջիկ սպասարկման գրասենյակը ծառայություններ կմատուցի Վարդենիս համայնքում 15.04.2026
ՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ ապրիլի 17-ին, ժամը 11:00-16:00 ծառայություն կմատուցվի Գեղարքունիքի մարզի Վարդենիս համայնքում՝ համայնքապետարանի հարևանությամբ։ Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ։ Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում քաղաքացիները մոտենալով շրջիկ գրասենյակ` կարող են նորը ստանալ, օգտվել նաև հաշվառման-քննական բաժինների կողմից մատուցվող այլ ծառայություններից։
Տրանսպորտային հեղափոխություն Մարտունիում և Վարդենիսում 15.04.2026
Գեղարքունիքի մարզի Մարտունու և Վարդենիսի տարածաշրջաններում շուտով կգործարկվեն կանոնավոր ուղևորափոխադրումներ՝ ապահովելով ավելի հարմարավետ և հասանելի տեղաշարժ բնակիչների համար։ ՀՀ տարածքային կառավարման և ենթակառուցվածքների նախարարությունը հայտարարել է մրցույթ՝ միասնական երթուղային ցանցերի ձևավորման նպատակով։ Արդյունքում հաղթող են ճանաչվել համայնքների կողմից ստեղծված «Մարտունու համայնքային տրանսպորտ» և «Վարդենիսի տրանսպորտ» ՓԲԸ-ները։ Նախատեսվում է՝ ▪️ Մարտունու համայնքը ձեռք կբերի 19 նոր միկրոավտոբուս ▪️ Վարդենիսի համայնքը՝ 27 միկրոավտոբուս Նոր տրանսպորտային միջոցներով կիրականացվեն ինչպես միջմարզային, այնպես էլ ներհամայնքային ուղևորափոխադրումներ։ ՀՀ ՏԿԵ նախարարությունը արդեն պայմանագրեր է կնքել ընկերությունների հետ, որոնց համաձայն՝ առաջիկա 6 ամիսների ընթացքում պետք է ներմուծվեն անհրաժեշտ տրանսպորտային միջոցները և մեկնարկի ուղևորափոխադրումների գործընթացը։ Ծրագիրը կարևոր քայլ է մարզում բնակչության շարժունակության բարելավման և համայնքների զարգացման ուղղությամբ։
Շենացող Գավառ 15.04.2026
Հայտարարվել է հրատապ բաց մրցույթ՝ Գավառագետ գետի հունի մաքրման և ափերի ամրացման աշխատանքների իրականացման համար։ Ծրագրի նախահաշվային արժեքը կազմում է 449 միլիոն 649 հազար ՀՀ դրամ, այն իրականացվում է պետական բյուջեի միջոցներով։ Ծրագիրը կարևոր նշանակություն ունի շրջակա միջավայրի պահպանության տեսանկյունից․ այն միտված է գետի հունի մաքրմանը և ջրի հոսքի բարելավմանը, ափերի ամրացման միջոցով հնարավոր վարարումների և վնասների նվազեցմանը, բնական միջավայրի պահպանությանը և էկոլոգիական ռիսկերի նվազեցմանը, տարածքի ընդհանուր բարեկարգմանը։ Սա կարևոր կարևոր քայլ է գետերի մաքրման, բնապահպանական խնդիրների լուծման և կայուն ու անվտանգ միջավայրի ձևավորման ուղղությամբ։
