Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մեկնարկել է ՀՀ վարչապետի հովանու ներքո անցկացվող «Սևանի շուրջը» սիրողական հեծանվային արշավը 29.08.2026
Երկօրյա հեծանվարշավին մասնակցության հայտ է ներկայացրել 106 քաղաքացի, սակայն նախապատրաստական մարզումներից հետո հաստատվել է նրանցից 86-ի մասնակցությունը: Օգոստոսի 29-ին հեծանվային արշավի մեկնարկը տրվել է առավոտյան ժամը 07:30-ին։ Հեծանվարշավին մասնակցում է նաև ՀՀ վարչապետ Նիկոլ Փաշինյանը։ Առավոտյան մասնակիցների հետ հանդիպել և նրանց հաջողություն են մաղթել ՀՀ կրթության, գիտության, մշակույթի և սպորտի նախարար Ժաննա Անդրեասյանը և Գեղարքունիքի մարզպետ Կարեն Սարգսյանը։ Մասնակիցները Սևանա լճի շուրջ նախատեսված երթուղին անցնում են սեփական՝ մեխանիկական հեծանիվներով։ Առաջին օրվա երթուղին շուրջ 136 կմ է․ այն բաժանված է չորս հատվածի՝ մեկնարկից մինչև առաջին կանգառ՝ 35 կմ, առաջինից երկրորդ կանգառ՝ 33 կմ, երկրորդից երրորդ կանգառ՝ 35,4 կմ, իսկ երրորդ կանգառից մինչև գիշերակացի վայր՝ ևս 33 կմ։ Երեկոյան նախատեսված է նաև մասնակիցների հանդիպումը խարույկի շուրջ։ Հեծանվային արշավը կշարունակվի նաև օգոստոսի 30-ին։ Նախատեսված երթուղին բաղկացած է երեք հատվածից՝ 24 կմ, 26,1 կմ և 28,7 կմ։ Այսպիսով, երկրորդ օրը մասնակիցները կանցնեն շուրջ 79 կմ՝ հասնելով վերջնագծին Սևանի թերակղզում։
Սոթքում՝ ջրի նոր համակարգ դեպի նոր հնարավորություններ 27.08.2026
Սոթքում Գեղարքունիքի մարզպետ Կարեն Սարգայանը մասնակցեց նոր ոռոգման համակարգի բացման արարողությանը։ Միջոցառմանը ներկա էին նաև ՄԱԿ-ի ՊՀԾ Հայաստանյան գրասենյակի ղեկավար Լեյլա Մելիուն, ՀՀ ՏԿԵՆ, ՏԿԵՆ ՋԿ և ՀՀ ԱԳՆ ներկայացուցիչներ, Վարդենիս համայնքի ղեկավար Ահարոն Խաչատրյանը, համայնքի բնակիչներ և հյուրեր։ ՄԱԿ-ի Պարենի համաշխարհային ծրագրի, «Հայկը մեր հերոսների համար» ամերիկյան հասարակական կազմակերպության և Վարդենիս համայնքի եռակողմ աջակցությամբ կառուցվել է 6․2 կմ երկարությամբ ոռոգման ջրագիծ և 4400 խմ ծավալով ջրավազան։ Արդյունքում շուրջ 160 հեկտար ցանքատարածություն կապահովվի անխափան ոռոգմամբ՝ նպաստելով Սոթքի տնտեսությունների զարգացմանն ու բերքատվության բարձրացմանը։ Ջուրը գյուղատնտեսության հիմքն է, իսկ նման ծրագրերը՝ համայնքների կայուն զարգացման կարևոր գրավականը։ Առաջիկայում նմանատիպ ծրագիր կիրականացվի նաև Գեղամասարում։
ՀՀ կառավարության նիստում ֆինանսական միջոցներ հատկացվեց 3 սուբվենցիոն ծրագրերի համար 27.08.2026
ՀՀ կառավարության 2026 թվականի օգոստոսի 27-ի հերթական նիստում որոշում է կայացվել երեք սուբվենցիոն ծրագրերի համաֆինանսավորման նպատակով Գեղարքունիքի մարզին հատկացնել 482 միլիոն 346.0 հազար դրամ։ Այդ թվում՝ 152 միլիոն 274.6 հազար դրամ հատկացվել է Մարտունի -Երանոս բնակավայր իրար միացնող 4,9 կմ ճանապարհի ասֆալտապատման աշխատանքների համար։ 17 միլիոն 410.4 հազար դրամ՝ Մարտունի համայնքի Արծվանիստ-Ծովինար, Ծովինար-Վարդենիկ, Վարդենիկ-Զոլաքար, Աստղաձոր-Վաղաշեն, Մարտունի-Ներքին Գետաշեն, Ծակքար-Ծովասար և Վարդաձոր-Ձորագյուղ իրար միացնող 6,8 կմ երկարության կենտրոնական ճանապարհների լուսավորության համակարգերի կառուցման աշխատանքների համար․ Աշխատանքների իրականացման արդյուքում նշված բնակավայրերում արդեն տեղադրվել է 220 հենասյուն և լեդ լուսավորության համակարգ։ 312 միլիոն 661.0 հազար դրամ՝ Մարտունի համայնքի Վաղաշեն, Գեղհովիտ, Լեռնակերտ, Վերին Գետաշեն, Մադինա, Լիճք, Երանոս բնակավայրերում 9,4 կմ երկարության ոռոգման համակարգերի կառուցում։ Աշխատանքների իրականացման արդյունքում նշված բնակավայրերում կոռոգվի 340 հեկտար հողատարածք, սպասարկելով 1320 տնտեսության։
Կառավարության սուբսիդավորումը տվել է իր դրական արդյունքը 27.08.2026
Կառավարության սուբսիդավորումը տվել է իր դրական արդյունքը․ նախորդ տարվա համեմատ ցանքատարածություններն աճել են ավելի քան 4 350 հա-ով Վարդենիս համայնքի Գեղամաբակ բնակավայրում մարզպետ Կարեն Սարգսյանը հետևել է հացահատիկային մշակաբույսերի բերքահավաքի աշխատանքներին։ Այս տարի մարզում աշնանացան ցորենի ցանքատարածությունները կազմել են 14 651,6 հա՝ նախորդ տարվա 10 294,1 հա-ի փոխարեն։ Բարձր բերքատվության ապահովման գործում կարևոր դեր ունի հավաստագրված սերմերի կիրառումը։ 2026 թվականին ևս պետական աջակցության ծրագրի շրջանակում մարզում իրականացվել են հավաստագրված սերմերով ցանքեր՝ աջակցելով գյուղացիական տնտեսություններին։ Բերքահավաքի ավարտից հետո կամփոփենք նաև մարզում ստացված համախառն բերքի և միջին բերքատվության ցուցանիշները։
Նոր ուսումնական տարին՝ հանրակրթության ոլորտի զարգացման նոր հեռանկարներով 26.08.2026
Նոր ուսումնական տարվան ընդառաջ օգոստոսի 26-ին օգոստոսյան խորհրդակցություն է անցկացվել Գեղարքունիքի մարզում՝ Նորատուսի Հ 1 միջնակարգ դպրոցում։ Խորհրդակցությանը մասնակցել են Գեղարքունիքի մարզի հանրակրթական դպրոցների տնօրեններ ու վարչատնտեսական մասի համակարգողներ, ինչպես նաև նախադպրոցական և արտադպրոցական հաստատությունների ղեկավարներ։ Հանդիպմանը մասնակցել է Գեղարքունիքի մարզպետի տեղակալ Ջանիկ Բազեյանը, ԿԶՆԱԿ հիմնադրամի տնօրեն Ժաննա Հարությունյանը, ԿԳՄՍՆ հանրակրթության վարչության պետ Թամարա Սարգսյանը, մարզպետի աշխատակազմի կրթության ոլորտի պատասխանատուներ։ Այն անցկացրել է ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը։ Մինչ խորհրդակցության մեկնարկը տեղի է ունեցել կրթական էքսպո, որի ընթացքում մասնակիցները ծանոթացել են հանրակրթության պետական նոր չափորոշչի ներդրման շրջանակում մշակված «Ամենահետաքրքիր խմբակ», «Ամենահետաքրքիր նախագծային աշխատանք», «Նորարարական դասի լավագույն գաղափար», «Աշակերտական խորհրդի լավագույն նախաձեռնություն»,․․․
Քաղաքացիների ձայնը՝ մեր աշխատանքի կարևորագույն ուղենիշ 26.08.2026
Օգոստոսի 26-ին Գեղարքունիքի մարզպետ Կարեն Սարգսյանը քաղաքացիների հերթական ընդունելությունն անցկացրեց Վարդենիսի համայնքապետարանում։ Յուրաքանչյուր դիմում և բարձրացված հարց մեր ուշադրության կենտրոնում է։ Մենք հետևողականորեն աշխատում ենք՝ հնարավորության սահմաններում աջակցելու և քաղաքացիների բարձրաձայնած խնդիրներին հասցեական լուծումներ տալու ուղղությամբ։ Քաղաքացիների ձայնը պետք է լսելի լինի, իսկ նրանց բարձրացրած հարցերը՝ ստանան համապատասխան արձագանք և լուծում։
