Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Սեպտեմբերի 5-ին Գեղարքունիքի մարզը հերթական մասնակցությունն է ունեցել Տավուշի մարզի Դիլիջան քաղաքում անցկացվող «Մշակութային վերածնունդ» «Արվեստների և արհեստների» hամահայկական փառատոնի 15 ամյակին նվիրված միջոցառմանը։ Այն կազմակերպվել է ՀՀ տարածքային կառավարման և ենթակառուցվածքների նախարարության, ՀՀ էկոնոմիկայի նախարարության զբոսաշրջության կոմիտեի աջակցությամբ։ Գեղարքունիքի մարզի պատվիրակության կազմում ընդգրկվել են Գեղարքունիքի մարզպետի աշխատակազմի, մարզի համայնքապետարանների, մարզի կրթամշակութային հաստատությունների, արվեստի ոլորտի ներկայացուցիչներ, երաժիշտներ և պարային խմբեր։ Ցերեկույթի ընթացքում Գեղարքունիքի մարզի մշակութային ներուժը ներկայացրել է Գեղարքունիքի մարզպետի աշխատակազմի ԿՄՍ վարչության գլխավոր մասնագետ Արփիկ Չքոլյանը։ «Տուրիզմը միավորում է մշակույթներ» խորագրով փառատոնի ընթացքում ցուցադրվել են Գեղարքունիքի մարզի Սևանի Հովհաննես Այվազովսկու անվան արվեստի դպրոցի, Սևանի մշակութային կենտրոնի, Մարտունու արվեստի դպրոցի շնորհալի սաների ձեռքի աշխատանքները, Գեղարքունիքի երկրագիտական թանգարանը ներկայացրել է թանգարանային տարբեր ցուցանմուշներ, Գավառի տարածաշրջանին բնորոշ թխվածքներ։
Ավանդույթները՝ նոր շնչով 07.09.2026
Սեպտեմբերի 5-ին Գեղարքունիքի մարզպետ Կարեն Սարգսյանը Գավառի Թթուջուր կոչվող տարածքում մասնակցեց «Գաստրոփառատոն Գավառ. Գավառի համն ու հոտը» փառատոնին՝ նվիրված Գավառի ավանդական ուտեստներին, խոհանոցային ժառանգության պահպանմանն ու տարածմանը։ Ներկայացվեցին Գավառի քյուֆթան, փախլավան, նուրպան, օձի թթուն և այլ ավանդական ուտեստներ, կազմակերպվեցին խոհարարական վարպետաց դասեր և մշակութային միջոցառումներ։ Մի օր՝ լի համով, ավանդույթներով ու գավառյան ջերմությամբ։
ՀՀ Գեղարքունիքի մարզպետ Կարեն Սարգսյանը շնորհավորական ուղերձ է հղել Փրկարարի օրվա կապակցությամբ 04.09.2026
Փրկարարի օրը՝ խիզախության, նվիրումի և մարդկային կյանքի հանդեպ պատասխանատվության խորհրդով Սիրելի՛ փրկարարներ, Շնորհավորում եմ ձեզ մասնագիտական տոնի՝ Փրկարարի օրվա կապակցությամբ։ Ձեր ծառայությունը միայն մասնագիտություն չէ․ այն առաքելություն է, որը պահանջում է պատրաստ լինել ամեն պահի՝ վտանգի պահին մեկ քայլ առաջ անցնելու, օգնության ձեռք մեկնելու և մարդկային կյանք փրկելու համար։ Արտակարգ իրավիճակներում ձեր արագ կողմնորոշումն ու վճռականությունը հաճախ վճռորոշ են դառնում։ Ձեր աշխատանքի արդյունքը երբեմն չի երևում, բայց դրա արժեքը չափվում է ամենակարևորով՝ փրկված կյանքերով, պաշտպանված ընտանիքներով և մարդկանց անվտանգության զգացումով։ Գեղարքունիքի մարզում փրկարարական ծառայության պատասխանատվությունն առանձնահատուկ է՝ հաշվի առնելով մարզի աշխարհագրական առանձնահատկությունները։ Իմ երախտագիտությունն եմ հայտնում մեր մարզի փրկարարներին՝ պատասխանատու և անձնվեր ծառայության համար, որի շնորհիվ արտակարգ իրավիճակներում մեր քաղաքացիներն իրենց ավելի պաշտպանված են զգում։ Մաղթում եմ ձեզ ուժ, տոկունություն, անվտանգ ծառայություն, իսկ ձեր ընտանիքներին՝ առողջություն, բարօրություն և խաղաղություն։
ՆԳՆ շրջիկ սպասարկման գրասենյակը ծառայություն կմատուցի Գեղարքունիքի մարզում 02.09.2026
ՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ սեպտեմբերի 3-ին ժամը 11։30-16:00 ծառայություն կմատուցվի Գեղարքունիքի մարզի Վարդենիս համայնքում՝ համայնքապետարանի հարևանությամբ։ Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ։ Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում քաղաքացիները մոտենալով շրջիկ գրասենյակ` կարող են նորը ստանալ, օգտվել նաև հաշվառման-քննական բաժինների կողմից մատուցվող այլ ծառայություններից։
Սիրելի՛ աշակերտներ, ուսանողներ, մանկավարժներ, ծնողներ և կրթության ոլորտի նվիրյալներ, Սրտանց շնորհավորում եմ ձեզ Սեպտեմբերի 1-ի՝ Գիտելիքի և դպրության օրվա, ինչպես նաև նոր ուսումնական տարվա մեկնարկի կապակցությամբ: Սեպտեմբերի 1-ը յուրաքանչյուրիս համար առանձնահատուկ խորհուրդ ունի: Այն նոր ճանապարհի , նոր նպատակների , գիտելիքի ու բացահայտումների սկիզբ է: Առանձնահատուկ ջերմությամբ շնորհավորում եմ մեր առաջին դասարանցիներին, ովքեր այսօր առաջին անգամ ոտք են դնում դպրոց՝ սկսելով իրենց կյանքի կարևոր ու հիշարժան փուլերից մեկը։ Սիրելի՛ աշակերտներ և ուսանողներ, կրթությունը ոչ միայն գիտելիք ձեռք բերելու, այլև մտածելու, ստեղծագործելու, սեփական ուժերին հավատալու և ապագան կերտելու հնարավորություն է։ Մաղթում եմ, որ նոր ուսումնական տարին ձեզ համար լինի արդյունավետ, հետաքրքիր, նոր ձեռքբերումներով ու հաջողություններով լի։ Թող ձեր ստացած գիտելիքները դառնան ամուր հիմք՝ ձեր երազանքներն իրականացնելու և մեր հայրենիքի զարգացման գործում ձեր ներդրումն ունենալու համար։ Հարգելի՛ մանկավարժներ, Ձեր առաքելությունը ․․․
Գեղարքունիքի մարզում 2026 թվականի օգոստոս ամսին ծնվել է 110 երեխա 01.09.2026
2026 թվականի օգոստոս ամսին Գեղարքունիքի մարզի ծննդօգնություն իրականացնող առողջապահական հիմնարկներում ծնվել է 110 երեխա, որից 68-ը՝ տղա, 42-ը՝ աղջիկ: 110 երեխաներից 21-ը ծնվել են Գավառի բժշկական կենտրոնում, 59-ը՝ Մարտունու ծննդատանը, 21-ը՝ Սևանի բժշկական կենտրոնում, 9-ը՝ Վարդենիսի բժշկական կենտրոնում։ Ճամբարակի առողջության կենտրոնում օգոստոս ամսին ծնունդ չի գրանցվել։
