Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզի դպրոցականների առաջին խումբը մեկնեց ճամբար 01.07.2024
Ի կատարումն ՀՀ վարչապետի դպրոցականների 2024 թվականի ամառային հանգստի կազմակերպման նպատակով կայացրած համապատասխան որոշման՝ Գեղարքունիքի մարզպետի աշխատակազմի կողմից ստեղծված համապատասխան հանձնաժողովի աշխատանքների արդյունքում մարզի բոլոր համայնքներից ընտրվեցին սահմանված չափորոշիչներն համապատասխանող դպրոցականներ, որոնց առաջին, 143 հոգանոց խումբը, մանկական առողջարարական «Հասմիկ» ճամբար հանգստի մեկնեց 2024 թվականի հուլիսի 1-ին։ Սույն որոշմամբ առողջարարական հանգստի մեկնելու հնարավորությունից օգտվում են զոհված, հաշմանդամություն ձեռք բերած կամ հաշմանդամություն ունեցող զինծառայողների և աշխարհազորայինների, ծնողազուրկ ու ընտանիքների անապահովության գնահատման համակարգում հաշվառված ընտանիքների (նախապատվությունը տալով բազմազավակ՝ 4 և ավելի երեխա ունեցողներին, այնուհետև՝ ընտանիքների անապահովության գնահատման բարձր միավոր ունեցողներին) 7-13 տարեկան երեխաներ։․․
Հուլիսի 1-ին Գեղարքունիքի մարզպետ Կարեն Սարգսյանն ընդունեց Ֆրանսիայի Հանրապետության Իզերի դեպարտամենտի գյուղատնտեսության պալատի մասնագետներին, ովքեր մարզպետի հրավերով, Գեղարքունիք-Իզեր համագործակցության շրջանակներում, գտնվում են Գեղարքունիքի մարզում։ Հանդիպման հիմնական նպատակն էր՝ ֆրանսիական կողմին ներկայացնել Գեղարքունիքի մարզի գյուղատնտեսության առանձնահատկությունները, զարգացման հեռանկարները և հիմնախնդիրները՝ Գեղարքունիք-Իզեր ապակենտրոնացված համագործակցության շրջանակներում ֆրանսիական փորձը Գեղարքունիքի մարզում տեղայնացնելու միջոցով գյուղատնտեսության զարգացմանն ու արդիականացմանը զարկ տալու և առաջնահերթ անելիքները հստակեցնելու համար։ Կարեն Սարգսյանը խոսեց Գեղարքունիքի մարզի գյուղատնտեսության զարգացման հիմնական ուղղությունների, ոլորտում իրականացվող պետական աջակցության ծրագրերի...
Գեղարքունիքի մարզում ներկայացվեց «Մանր եղջերավոր կենդանիների համարակալման և հաշվառման ծրագիրը» 27.06.2024
Հունիսի 27-ին ՀՀ Էկոնոմիկայի նախարարության աշխատակազմի սննդի անվտանգության վարչության պետ Մելանյա Կարապետյանը և «Գյուղատնտեսական ծառայությունների կենտրոն» ՊՈԱԿ տնօրեն Գառնիկ Հովհաննիսյանը Գեղարքունիքի մարզպետի աշխատակազմի վարչական շենքում ներկայացրին ՀՀ կառավարության կողմից իրականացվող «Մանր եղջերավոր կենդանիների համարակալման և հաշվառման ծրագիրը» և ծրագրի միջոցառումների կատարման ժամանակացույցը։ Գեղարքունիքի մարզպետի աշխատակազմում հրավիրված հանդիպմանը մասնակցեցին բնակավայրերի վարչական ղեկավարներ, տնտեսավարողներ և անասնաբույժներ, Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչության ներկայացուցիչներ, մարզի համայնքապետարանների աշխատակազմերի գյուղատնտեսության ոլորտի պատասխանատուներ։․․․
ՀՀ կառավարության 2024 թվականի հունիսի 27-ի հերթական նիստում որոշում է կայացվել 60 միլիոն դրամ հատկացնել Գեղարքունիքի մարզի Մարտունի համայնքի Մարտունի քաղաքի, Ծովինար, Ծակքար, Ձորագյուղ բնակավայրերի մշակույթի տների գույքի ձեռբերման համար։ Մարտունի համայնքի մշակույթի տունը վերանորոգվել է 2008 թվականին՝ Լինսի հիմնադրամի միջոցներով։ Փոխվել է շենքի տանիքը, կատարվել են ներքին հարդարման աշխատանքներ։ Ծովինար բնակավայրի մշակույթի տան կապիտալ վերանորոգման աշխատանքները մեկնարկել են 2020 թվականից։ Աշխատանքներն իրականացվում են սուբվենցիոն ծրագրերի շրջանակներում, որի համար 2020 թվականին հատկացվել է 10 միլիոն 534 հազար, 2021 թվականին՝ 12 միլիոն 295 400 հազար, 2022 թվականին՝ 19 միլիոն 980 հազար դրամ։․․․
Գավառ համայնքից Հայոց բանակ ճանապարհվեց նորակոչիկների հերթական խումբը 27.06.2024
Հունիսի 27-ին ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքից Հայոց բանակ ճանապարհվեց Գավառ համայնքի նորակոչիկների առաջին խումբը։ Զորակոչի արարողությանը մասնակցեցին Գեղարքունիքի մարզպետի տեղակալ Ջանիկ Բազեյանը, ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքի պետ Վանիկ Գոզեյանը, Գավառ համայնքի ղեկավարի տեղակալ Գրիգոր Բոշյանը, Գեղարքունիքի մարզպետի աշխատակազմի, Գավառի համայնքապետարանի, ուժային կառույցների ներկայացուցիչներ, նորակոչիկների ծնողներ և հարազատներ։ Հանդիպման ընթացքում Գեղարքունիքի մարզպետի տեղակալ Ջանիկ Բազեյանն օրվա առիթով շնորհավորեց նորակոչիկներին՝ նրանց մաղթելով խաղաղ և ապահով ծառայություն, միաժամանակ շեշտելով, որ հայ զինվորի համազգեստը կրելը մեծ պատիվ ու հպարտություն է, հայրենիքի պաշտպանությունը՝ սուրբ պարտականություն։․․․
Հայոց բանակ ճանապարհվեցին Սևան համայնքի նորակոչիկները 27.06.2024
ՀՀ ՊՆ զորակոչային և զորահավաքային համալրման ծառայության Գեղարքունիքի տարածքային ստորաբաժանման Սևանի բաժնմունքում հաշվառված նորակոչիկները Սևան քաղաքից և հարակից բնակավայրերից էին: Նորակոչիկներն անցան բժշկական զննություն, իրականացվեցին վերջին փաստաթղթային գործողություններ։ Զորակոչի արարողության մասնակցում էին Գեղարքունիքի մարզպետի աշխատակազմի տարածքային վարչության պետ Վանիկ Հարությունյանը, մարզպետի աշխատակազմի,Սևանի համայնքապետարանի, ՀՀ ՊՆ Զ և ԶՀԾ Սևանի տարածքային բաժանմունքի ներկայացուցիչներ, նորակոչիկներ ծնողներն ու հարազատները։ Վերջիններս օրվա առիթով շնորհավորեցին, խաղաղ և ապահով ծառայություն մաղթեցին նորակոչիկներին, հույս հայտնելով, որ նրանք բարեխղճորեն ու պարտաճանաչ կերպով կկատարեն իրենց առջև դրված պարտականությունները և բարձր կպահեն իրենց հայրենիքի ու հայ զինվորի պատիվը։․․․
