Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Գեղարքունիքի մարզպետը շարունակում է սուբվենցիոն ծրագրերի դիտարկումը մարզի համայնքներում

Գեղարքունիքի մարզպետը շարունակում է սուբվենցիոն ծրագրերի դիտարկումը մարզի համայնքներում 24.10.2019

ՀՀ կառավարության կողմից հաստատված սուբվենցիոն ծրագրերի դիտարկման նպատակով Գեղարքունիքի մարզպետ Գնել Սանոսյանն աշխատանքային այց կատարեց Գեղարքունիք, Լանջաղբյուր, Սարուխան եւ Գանձակ համայնքներ: Մարզպետի այցի առաջին կանգառը Գեղարքունիք գյուղի մանկապարտեզում էր, որի շենքը հիմնանորոգվել է սուբվենցիոն ծրագրի շրջանակներում: Գեղարքունիքի մարզպետարանի աշխատակազմի քաղաքաշինության վարչության տվյալներով՝ մանկապարտեզի շինարարության պայմանագրային արժեքը կազմել է շուրջ 13 միլիոն դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Գեղարքունիքի համայնքապետարանը: Շինարարական աշխատանքները սկսվել են հուլիսից եւ ավարտվել հոկտեմբերին: «Գեղարքունիքի մանկապարտեզի օրինակը յուրահատուկ է նրանով, որ շենքային պայմանների խնդիրը լուծվել է ոչ թե հիմքից կառուցելու, այլ գործող շինություններից մեկի տարածքը հիմնանորոգելու հաշվին: Գեղարքունիք գյուղի մշակույթի տան անօգտագործելի տարածքն այսուհետ ծառայելու է համայնքի մանկապարտեզի կարիքներին: Այս օրինակը կարող է նախադեպ դառնալ նաեւ այլ համայնքներում...

Գեղաքարի հիմնական դպրոցը կմիավորվի Խաչաղբյուր գյուղի միջնակարգ դպրոցին

Գեղաքարի հիմնական դպրոցը կմիավորվի Խաչաղբյուր գյուղի միջնակարգ դպրոցին 23.10.2019

Գեղարքունիքի մարզի Գեղաքար գյուղի հիմնական դպրոցը առաջիկայում կմիավորվի Խաչաղբյուր գյուղի միջնակարգ դպրոցին, երբ ՀՀ կառավարության կողմից կընդունվի համապատասխան որոշումը: Ինչպես տեղեկացրեց Գեղարքունիքի մարզպետ Գնել Սանոսյանը, Գեղաքարի հիմնական դպրոցը տարիներ շարունակ գործել է ընդամենը 1 աշակերտով, ընդ որում այդ մեկ աշակերտը նույն գյուղի բնակիչ չէ, այլ Արարատի մարզի Մասիս համայնքում բնակվող ընտանիքից է՝ դպրոցի տնօրենի եղբոր երեխան:Նա հիմա տեղափոխվել է Մասիս՝ իր ծնողների մոտ եւ կրթությունը շարունակում է այնտեղ: Այժմ Գեղաքարում բնակվող մի քանի ընտանիքներից մեկում միայն կա մեկ դպրոցահասակ երեխա, ում շնորհիվ դեռ Գեղաքարի հիմնական դպրոցը շարունակում է գործել: Գեղարքունիքի մարզպետարանը, ելնելով ստեղծված իրավիճակից, առաջարկություն է ներկայացրել կառավարություն՝ Գեղաքարի հիմնական դպրոցը Խաչաղբյուրի հիմնական դպրոցին միավորելու վերաբերյալ: «Մենք հանգեցինք նման որոշման, որովհետեւ Գեղաքարում առաջիկա տարիների ընթացքում մնալու է նույն մեկ աշակերտը....

Գեղարքունիքի մարզպետը Ներքին Գետաշեն, Վերին Գետաշեն եւ Մադինա համայնքներում դիտարկեց սուբվենցիոն ծրագրերի ընթացքը

Գեղարքունիքի մարզպետը Ներքին Գետաշեն, Վերին Գետաշեն եւ Մադինա համայնքներում դիտարկեց սուբվենցիոն ծրագրերի ընթացքը 23.10.2019

Հոկտեմբերի 22-ին Գեղարքունիքի մարզպետ Գնել Սանոսյանն աշխատանքային այց կատարեց Ներքին Գետաշեն, Վերին Գետաշեն եւ Մադինա համայնքներ՝ դիտարկելու սուբվենցիոն ծրագրերի շրջանակներում իրականացվող շինարարական աշխատանքների ընթացքը: Գեղարքունիքի մարզպետարանի քաղաքաշինության վարչության տվյալներով՝ Ներքին Գետաշեն գյուղում ՀՀ կառավարության կողմից հաստատված սուբվենցիոն ծրագրերի հաշվին ասֆալտապատվում է թվով 13 փողոց, կառուցվում 1 կիլոմետր երկարության գազատար 5 տարբեր թաղամասերում եւ արտաքին լուսավորվածության , 2491 գծամետր երկարության խմելու, 988 գծամետր երկարության ոռոգման ջրատարների ներքին ցանցեր: Ասֆալտապատման ծրագրի շինարարության պայմանագրային արժեքը կազմել է 292 միլիոն 892 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Ներքին Գետաշենի գյուղապետարանը: Ասֆալտապատվել է 5413 գծամետր երկարության ճանապարհ՝ 21 հազար քառակուսի մետր մակերեսով...

Արտոնյալ վարկերը կարող են խթանել Գեղարքունիքի մարզի գյուղատնտեսության արդիականացումը

Արտոնյալ վարկերը կարող են խթանել Գեղարքունիքի մարզի գյուղատնտեսության արդիականացումը 22.10.2019

Գեղարքունիքի մարզպետարանում հրավիրված հանդիպման հիմնական թեման մարզի գյուղատնտեսության տարբեր ճյուղերի արդիականացումն էր, որին կարող են նպաստել տրամադրվելիք արտոնյալ վարկերը: Ինչպես տեղեկացրեց Գեղարքունիքի մարզպետարանի աշխատակազմի գյուղատնտեսության եւ բնապահպանության վարչության պետ Համբարձում Համբարձումյանը, Հայաստանի զարգացման եւ ներդրումների կորպորացիայի ներկայացուցիչների հետ հանդիպմանը մասնակցումն էին մարզի համայնքների ղեկավարներ, ֆերմերային տնտեսությունների ներկայացուցիչներ, մարզպետարանի ու համայնքապետարանների գյուղատնտեսական բաժինների մասնագետներ, շահագրգիռ այլ անձինք: «Կազմակերպությունը մարզի տնտեսություններին ու գյուղատնտեսությամբ զբաղվել ցանկացողներին առաջարկում է այնպիսի արտոնյալ վարկեր, որոնց մի մասը սուբսիդավորում է պետությունը: Եվ դրանցից օգտվելու դեպքում մեր մարզի գյուղատնտեսության արդիականացումը լուրջ առաջընթաց կգրանցի: Այսպես, առաջարկվում է լիզինգով ձեռք բերել գյուտեխնիկա եւ գյուղգործիքներ, տարեկան 9 տոկոս տոկոսադրույքով, որի 7 տոկոսը սուբսիդավորում է պետությունը, 2 տո

Սեւանա լճի ափամերձ ու ջրածածկման ենթակա անտառային տարածքները մաքրվում են ծառերից ու թփերից

Սեւանա լճի ափամերձ ու ջրածածկման ենթակա անտառային տարածքները մաքրվում են ծառերից ու թփերից 22.10.2019

Այժմ Սեւանա լճի ափամերձ անտառների ջրածածկման ենթակա հատվածներում մաքրման աշխատանքներ են իրականացվում Սեւան Ազգային պարկի Վարդենիսի տեղամասում, 98 հեկտար տարածքի վրա: Ինչպես տեղեկացրեց Գեղարքունիքի մարզպետ Գնել Սանոսյանը, մաքրման աշխատանքներն ընթանում են հոկտեմբեր ամսի սկզբներից եւ ավարտի կհասցվեն մինչեւ տարեվերջ: «Սեւանա լճի հիմնախնդիրները եւս շատ են, որոնց կարգավորման մեջ առաջնահերթ ենք համարում լճի ջրի որակի ապահովումը: Այսօր ջրի մաքրությանն առաջին հերթին սպառնում են ջրի տակ մնացած անտառային բուսական զանգվածները, որոնց նեխումից լճում առաջանում են անցանկալի, տհաճ երեւույթներ: Մեր առաջնահերթ խնդիրն է՝ առաջիկա երեք տարիների ընթացքում այդ բուսական զանգվածներից մաքրել 700 հեկտար տարածք, իսկ ջրածածկման ենթակա անտառային տարածքները եւս նախապատրաստել Սեւանի բարձրացմանը: Այժմ մաքրման աշխատանքներ են իրականացվում Սեւան Ազգային պարկի Վարդենիսի տեղամասում, 98 հեկտարի վրա: Մաքրման աշխատանքներում կփորձենք ներգրավել նաեւ Սեւանի ափամերձ համայնքների բնակիչներին...

Ներքին Գետաշենի անասնաշուկայում իրավիճակի կարգավորմանն ուղղված աշխատանքները շարունակվում են

Ներքին Գետաշենի անասնաշուկայում իրավիճակի կարգավորմանն ուղղված աշխատանքները շարունակվում են 22.10.2019

Կիրակի օրը՝ հոկտեմբերի 20-ին, ՀՀ ԿԵ սննդամթերքի անվտանգության տեսչական մարմինը անասնահամաճարակային մշտադիտարկում է անցկացրել Գեղարքունիքի մարզի Մարտունու տարածաշրջանում գտնվող երկրի ամենամեծ անասնաշուկայում, որտեղ բերվում և վաճառվում են ընտանի կենդանիներ հանրապետության բոլոր մարզերից և Արցախից: Սա Տեսչական մարմնի կողմից անասնաշուկայում իրավիճակի կարգավորմանը միտված հերթական քայլն է: Երկրում կենդանիների համարակալման բացակայության պատճառով՝ այդ գործընթացը գրեթե անվերահսկելի է, և այս մշտադիտարկման նպատակն էր ստուգել-հասկանալ, թե կենդանի վաճառողները որքանով են տիրապետում այն պահանջներին ու պայմաններին, որոնք իրենք պետք է պահպանեն անասնաշուկա կենդանիներին տեղափոխելու համար: ՍԱՏՄ Գեղարքունիքի մարզային կառույցի տեսուչների, մարզի անասնաբույժների, ՀՀ ոստիկանության կարանտինային վաշտի ներկայացուցիչների կողմից անասնահամաճարակային մշտադիտարկման ընթացքում անցկացվող միջոցառումներին հետևել են նաև ՍԱՏՄ ղեկավարությունը և Գեղարքունիքի մարզպետարանի ներկայացուցիչները....

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-11-19 17:12:55