Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մասնագիտական տոնի առթիվ Գեղարքունիքի մարզպետի շնորհակալագրով խրախուսվեցին մի շարք բուժաշխատողներ: Հունիսի 21-ին՝ Բուժաշխատողի օրվա առթիվ, Գեղարքունիքի մարզպետ Կարեն Սարգսյանն ընդունեց, շնորհավորեց և ծառայողական պարտականությունները լավագույնս կատարելու համար ՀՀ Գեղարքունիքի մարզպետի շնորհակալագրով խրախուսեց մարզի տարբեր բուժհիմնարկների 18 բուժաշխատողների։ Մարզպետն իր խոսքում շնորհակալություն հայտնեց նրանց և կարևորեց բուժաշխատողների դերը ՝ հանրությանը մատուցած մասնագիտական գործունեությունը ամենայն պատասխանատվությամբ և որակյալ կազմակերպելու համար, ապա անդրադարձավ այն ծրագրերին, որոնք, պետական աջակցությամբ առաջիկայում կիրականացվեն մարզում, ի նպաստ որակյալ բուժծառայությունը մարզի բնակավայրերին ավելի մոտեցնելու քաղաքականությանը։
ՀՀ կառավարության կողմից 2023 թվականին Գեղարքունիքի մարզում իրականացված սուբվենցիոն ծրագրերի ամփոփում 19.06.2024
Գեղարքունիքի մարզի Գավառ համայնքի Ծաղկաշեն բնակավայրում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում 2023 թվականին կառուցվել է արտաքին լուսավորության ցանց, մանկական խաղահրապարակ և ավտոտրանսպորտային սպասարկման կանգառ։ Սուբվենցիոն 3 ծրագրերի իրականացման համար ներդրվել է 28 միլիոն 439 հազար դրամ, որից 13 միլիոն 889 հազար 400 դրամը ՀՀ կառավարության, 14 միլիոն 549 հազար 600 դրամը Գավառի համայնքապետարանի մասնաբաժինն է։ Ծաղկաշենի արտաքին լուսավորության ցանցի կառուցման պայմանագրային արժեքը կազմում է 5 միլիոն 299 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Գավառի համայնքապետարանը։
Գեղարքունիքի մարզպետի աշխատակազմի, Մ․ Մելքոնյանի անվան ռազմամարզական վարժարանի, Մարտունու համայնքապետարանի միջև ձեռք բերված համագործակցության շրջանակներում և Գեղարքունիքի մարզպետ Կարեն Սարգսյանի աջակցությամբ Մարտունի համայնքի հանրակրթական տարբեր դպրոցների 9-րդ դասարաններում սովորողներն, իրենց ծնողների ու ՆԶՊ առարկան դասվանդող ուսուցիչների ուղեկցությամբ, ճանաչողական նպատակով այցելել են Մ․ Մելքոնյանի անվան ռազմամարզական վարժարան։ Այցի ընթացքում դպրոցականները հանդիպել են վարժարանի տնօրենության հետ, զրույց անցկացրել, շրջել վարժարանում, ծանոթացել ստեղծված պայմաններին և հնարավորություններին։ Դպրոցականները հանդիպումներ են ունեցել նաև վարժարանի սաների հետ, զրուցել նրանց հետ, ծանոթացել վարժարանի առօրյային, անցուդարձին, ստացել իրենց հետաքրքրող հարցերի պատասխանները։
Հունիսի 13-ին ՀՀ էկոնոմիակայի նախարարության և Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության աշխատակացիները, երկու գերատեսչությունների միջև ձեռք բերված պայմանավորվածության համաձայն, Գեղարքունիքի մարզի Ճամբարակ և Վարդենիս համայնքներում տնտեսվարողներին և շահագրգիռ այլ անձանց իրազեկել են 2024 թվականին գյուղոլորտում նախատեսված և ՀՀ կառավարության կողմից իրականացվող պետական աջակցության ծրագրերը։ Բանախոսներն անդրադարձել են ՀՀ պետական աջակցությամբ իրկաանացվող հետևյալ ծրագրերին․ «Գյուղատնտեսության ոլորտին տրամադրվող վարկերի տոկոսադրույքների սուբսիդավորման», « 2019-2024 թվականների տավարաբուծության զարգացման», «Փոքր և միջին «խելացի» անասնաշենքների կառուցման կամ վերակառուցման և դրանց տեխնոլոգիական ապահովման պետական աջակցության» , «Ոռոգման արդիական համակարգերի ներդրման համաֆինանսավորման»․․․
ՀՀ կառավարության 2024 թվականի հունիսի 14-ի հերթական նիստում որոշում է կայացվել 672 միլիոն 827․1 հազար դրամ հատկացնել Մ-14, Մ-4-Շորժա-Վարդենիս միջպետական նշանակության ավտոճանապարհի կմ72+800 - կմ78+100 հատվածի հիմնանորոգման համար, որն ընդգրկում է Գեղարքունիքի մարզի Վարդենիս համայնքի Գեղամասար-Արեգունի 5,3 կիլոմետր հատվածը։
Հիմք ընդունելով ՀՀ Գեղարքունիքի մարզպետի 2024 թվականի հունիսի 13-ի թիվ 298-Ա որոշումը՝ հունիսի 14-ին Գեղարքունիքի մարզպետի աշխատակազմի վարչական շենքում անցկացվեց շտաբային ուսումնավարժություն «Բնակչության պաշտպանության միջոցառումների կազմակերպումը և իրականացումը ուժեղ երկրաշարժի դեպքում» թեմայով: Ուսումնավարժությունն անցկացրեց Գեղարքունիքի մարզպետի տեղակալ Ջանիկ Բազեյանը և ղեկավարման շտաբի պետ՝ Ներքին գործերի նախարարության փրկարար ծառայության Գեղարքունիքի մարզային փրկարարական վարչության պետ, փ/ծ գնդապետ Գևորգ Գալստյանը։ ՈՒսումնավարժությանը ներգրավված էին Գեղարքունիքի մարզպետի աշխատակազմի ղեկավար կազմը, Գեղարքունիքի մարզի տարհանման և Գեղարքունիքի մարզի արտակարգ իրավիճակների մշտական գործող հանձնաժողովների կազմերը, փրկարար ծառայության Գեղարքունիքի մարզային փրկարարական վարչության և Վարդենիսի համայնքապետարանի ներկայացուցիչներ։...
