Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Ալեքսան Առաքելյանը ճանապարհվեց վաստակած հանգստի

Ալեքսան Առաքելյանը ճանապարհվեց վաստակած հանգստի 25.05.2020

Գեղարքունիքի մարզում ֆիզիկական կուլտուրայի և սպորտի զարգացման գործում ունեցած ավանդի և ծննդյան 66-րդ տարեդարձի առթիվ մայիս 25-ին Գեղարքունիքի մարզպետ Գնել Սանոսյանը Գեղարքունիքի մարզպետի շնորհակալագրով խրախուսեց և վաստակած հանգստի ճանապարհեց Գեղարքունիքի մարզպետարանի ԿՄՍ վարչության մշակույթի և սպորտի բաժնի ավագ մասնագետ Ալեքսան Առաքելյանին: Գնել Սանոսյանը ծննդյան տարեդարձի առթիվ շնորհավորեց Ալեքսան Առաքելյանին և շնորհակալություն հայտնեց նրան՝ անցած տարիների ընթացքում ունեցած աշխատանքային եռանդի, նվիրվածության և պատասխանատվության համար: «Եղեք առողջ և երջանիկ: Համոզված եմ, որ կգտնեք այլ ու հետաքրքիր զբաղմունք, Ձեր առօրյան լեցուն դարձնելու համար»,- ասաց Գեղարքունիքի մարզպետը: Ալեքսան Առաքելյանը շնորհակալություն հայտնեց Գեղարքունիքի մարզպետ Գնել Սանոսյանին, մարզպետարանի աշխատակազմին՝ արդյունավետ համագործակցության համար, հույս հայտնելով, որ անհրաժեշտության դեպքում պատրաստ է գործընկերներին աջակցել իր փորձով և գիտելիքներով:

Թարմացում 24.05.2020

16-22.05.2020թ. ժամանակահատվածում ՀՀ Գեղարքունիքի մարզում ֆիզիկական և իրավաբանական անձանց կողմից կատարված նվիրատվությունների, ինչպես նաև դրանց բաշխման վերաբերյալ փաստացի տեղեկատվությունը...

Կհիմնանորոգվի Սարուխան համայնքի  թիվ 1 մանկապարտեզը

Կհիմնանորոգվի Սարուխան համայնքի թիվ 1 մանկապարտեզը 24.05.2020

Այս տարվա ընթացքում կհիմնանորոգվի Գեղարքունիքի մարզի Սարուխան համայնքի թիվ 1 մանկապարտեզի շենքը: Աշխատանքները կիրականացվեն ՀՀ կառավարության կողմից իրականացվող սուբվենցիոն ծրագրերի շրջանակներում: Ծրագրի ընդհանուր արժեքը կազմում է 164 միլիոն 908 հազար դրամ, որի 65 տոկոսը կամ 107 միլիոն 190 հազար դրամը տրամադրում է ՀՀ կառավարությունը, 57 միլիոն 717 հազար դրամը՝ Սարուխանի համայնքապետարանը: Թիվ 1 մանկապարտեզի շենքը կհիմնանորոգվի երկու փուլով: «Առաջին փուլում կատարվելու է շենքի հիմքերի ամրացման, երկու հարկերի ծածկերի եւ տանիքի հեռացման ու նոր ծածկերի ու տանիքի կառուցման աշխատանքներ: Երկրորդ փուլում կիրականացվեն ներքին հարդարման եւ գույքի ձեռքբերման աշխատանքներ: Մանկապարտեզի շենքը կառուցվել է 1965 թվականին, ժամանակի ընթացքում կապիտալ նորոգման չի ենթարկվել ու գտնվում է անբարեկարգ վիճակում: Մանկապարտեզը գործում է չորս խմբով, 120 տեղով»,-ներկայացրեց Սարուխան համայնքի ղեկավարը:

   Վերին Գետաշեն համայնքում  կկառուցվի ոռոգման ջրատարի ներքին ցանց

Վերին Գետաշեն համայնքում կկառուցվի ոռոգման ջրատարի ներքին ցանց 23.05.2020

Գեղարքունիքի մարզի Վերին Գետաշեն գյուղում ՀՀ կառավարության կողմից իրականացվող սուբվենցիոն ծրագրերի շրջանակներում այս տարի կառուցվելու է ոռոգման ջրատարի ներքին ցանց՝ 2100 գծամետր երկարությամբ: Ծրագրի ընդհանուր արժեքը կազմում է 42 միլիոն 635 հազար դրամ, որի 70 տոկոսը կամ 29 միլիոն 845 հազար դրամը հատկացնելու է ՀՀ կառավարությունը, 30 տոկոսը կամ 12 միլիոն 790 հազար դրամը՝ Վերին Գետաշենի համայնքապետարանը: Վերին Գետշեն համայնքի ղեկավար Տիգրան Մուրադյանի հավաստմամբ՝ ոռոգման համակարգը կառուցվելու է 13 թաղամասերում, տարբեր տրամաչափերի երկաթյա խողովակներով կամ կիսախողովակներով: Շինարարական աշխատանքների համար մրցույթը հայտարարված է, հաղթող կազմակերպությունն արդեն հայտնի է, որի հետ արդեն կնքվել է համապատասխան պայմանագիր: «Գյուղի 13 թաղամասերում գործում են հողե առուներ, որոնցում ջրի կորուստը շատ մեծ է: Կառուցվող համակարգը նվազագույնի կհասցնի այդ կորուստները, միաժամանակ ջուրը սպառողներին կհասնի արագ ու ժամանակին: Կարվի հնարավորը, որպեսզի համակարգը շահագործման պատրաստ լինի ոռոգման շրջանի մեկնարկից: Շինարարական աշխատանքները կսկսվեն մեկ շաբաթից»,-ներկայացրեց համայնքի ղեկավարը:

ՀՀ Գեղարքունիքի մարզպետ Գնել Սանոսյանի շնորհավորանքի խոսքը մարզի հանրակրթական հաստատությունների շրջանավարտներին

ՀՀ Գեղարքունիքի մարզպետ Գնել Սանոսյանի շնորհավորանքի խոսքը մարզի հանրակրթական հաստատությունների շրջանավարտներին 22.05.2020

Սիրելի շրջանավարտներ: Ուսումնական ավարտական տարվա վերջին երեք ամիսները ձեզ համար ընթացան անսովոր, արտակարգ ու ոչ ցանկալի պայմաններում, սակայն, կարծում եմ, հեռավար ուսուցմամբ դուք կարողացաք լրացնել գիտելիքների այն պաշարը, որ ձեզ անհրաժեշտ էր՝ դասընթացն ավարտելու եւ նոր կյանք մտնելու համար: Համոզված եմ, որ տարիների ընթացքում ձեռք բերված գիտելիքները, ստացած դաստիարակությունն ու կրթությունը ձեզ կառաջնորդեն կյանքի նոր ու լուսավոր ճամփաներով, որ դուք կարդարացնեք ձեր ծնողների եւ ուսուցիչների հույսերն ու ակնկալիքները, կիրականացնենք ձեր նպատակներն ու երազանքները: Անշուշտ, դժվար է բաժանվել դպրոցական միջավայրից, որտեղ թողնում եք մի ամբողջ բովանդակ կյանք՝ լի գեղեցիկ ակնթարթներով, լավագույն ու հիշարժան տպավորություններով: Դուք կկարոտեք ձեր ուսուցիչներին ու դասընկերներին, ձեր դասարանն ու աշակերտական նստարանը, սակայն կգտնեք կրթական կամ աշխատանքային նոր միջավայր՝ դառնալով Նոր Հայաստանին արժանի քաղաքացիներ:Շնորհավորում եմ ձեզ Վերջին դասի եւ վերջին զանգի կապակցությամբ, մաղթում քաջառողջություն, նորանոր հաջողություններ եւ ձեռքբերումներ, երազանքների ու նպատակների իրականացում:

Գեղամավանում կասֆալտապատվի 2-րդ փողոցը

Գեղամավանում կասֆալտապատվի 2-րդ փողոցը 22.05.2020

Գեղարքունիքի մարզի Գեղամավան համայնքում ՀՀ կառավարության կողմից իրականացվող սուբվենցիոն ծրագրի շրջանակներում այս տարվա ընթացքում կասֆալտապատվի 2-րդ փողոցը՝ 1015 գծամետր երկարությամբ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի վարիչի փոխանցմամբ, ծրագրի ընդհանուր արժեքը կազմում է 76 միլիոն 466 հազար դրամ, որից 45 տոկոսը կամ 34 միլիոն 409 հազար դրամը ներդնելու է ՀՀ կառավարությունը, 55 տոկոսը՝ կամ 42 միլիոն 56 հազար դրամը՝ Գեղամավանի համայնքապետարանը: Գեղամավան համայնքի ղեկավար Վաչիկ Սաղաթելյանի հավաստմամբ՝ 2-րդ փողոցի ասֆալտապատման ընդհանուր մակերեսը կկազմի 6870 քառակուսի մետր: «Փողոցի ընդհանուր երկարությունը կազմում է շուրջ 1700 գծամետր, որից 1015-ը կասֆալտապատվի այս տարի, մնացածը՝ եկող տարվա սուբվենցիոն հերթական ծրագրով: Այս փողոցը տասնամյակների ընթացքում դարձել էր անբարեկարգ եւ դժվարանցանելի: Երկու տարի առաջ այն հիմնանորոգեցինք ասֆալտի երկրորդային հումքով, սակայն ժամանակի ընթացքում այն կրկին քանդվեց: Շինարարական աշխատանքների մրցույթը կհայտարարենք առաջիկայում»,-ներկայացրեց համայնքի ղեկավարը:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-07-07 12:53:43