Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հայ-ֆրանսիական համագործակցություն՝ հանուն Գեղարքունիքի գյուղատնտեսության զարգացման 21.10.2026
Գեղարքունիքի մարզի և Ֆրանսիայի Իզերի դեպարտամենտի ապակենտրոնացված համագործակցության շրջանակում մարզպետ Կարեն Սարգսյանն ընդունել է ֆրանսիացի գործընկերներին՝ Ժակլին Ռեբուֆեին և Մարի-Պիեռ Կուալիեին՝ Օվերն-Ռոն-Ալպ ռեգիոնի Գյուղատնտեսական պալատից, ինչպես նաև Միշել Պազումյանին և Սյուզան Սենլարին՝ Ֆրանսիայի հայկական հիմնադրամից։ Հանդիպման ընթացքում խոսվել է գյուղատնտեսության ոլորտում համագործակցության շրջանակում իրականացվող աշխատանքների, արդեն իսկ ունեցած փորձի և նոր ծրագրերի հնարավորությունների մասին։ Առանձնահատուկ անդրադարձ է կատարվել ֆրանսիական հաջողված փորձը Գեղարքունիքի մարզում կիրառելու և տեղական պայմաններին համապատասխան ծրագրեր ներդնելու հնարավորություններին։ Մարզպետը վստահություն է հայտնել, որ նման համագործակցությունը հնարավորություն է տալիս նոր գիտելիքներ ու փորձ ներգրավել մարզ, զարգացնել գյուղատնտեսությունը և ստեղծել ավելի լավ հնարավորություններ ֆերմերային տնտեսությունների համար։
Ուշադրություն 21.10.2026
Գեղարքունիքի մարզի Մարտունի համայնքի հարգելի բնակիչնե՛ր, Տեղեկացվում է, որի հոկտեմբերի 22-ին և 23-ին Գեղարքունիքի մարզի Մարտունի համայնքի մի շարք բնակավայրերում, ժամը 10։00-ից մինչև 17։00-ն ընկած ժամանակահատվածում, գործարկվելու են էլեկտրական շչակներ։ Խնդրում ենք չանհանգստանալ։ ՀՀ Ներքին գործերի նախարարության փրկարար ծառայություն
Գեղարքունիքի մարզը՝ COP17-ի «Կանաչ գոտում» 21.10.2026
Հայաստանում, 2026 թվականի հոկտեմբերի 19-30-նն անցկացվող ՄԱԿ-ի «Կենսաբազմազանության մասին» կոնվենցիայի կողմերի 17-րդ համաժողովի (COP17) «Կանաչ գոտում», ներկայացված է նաև Գեղարքունիքի մարզի տաղավարը, որտեղ մարզի համայնքների կողմից ցուցադրվում են մարզի կենսաբազմազանության պահպանությանն ուղղված աշխատանքները, մարզի բնապահպանական, գյուղատնտեսական և մշակութային ներուժը, բուսաբուծության և տեղական արտադրության տարբեր ուղղությունները։ Ներկայացվող տաղավարի միջոցով այցելուները հնարավորություն ունեն ծանոթանալու Գեղարքունիքի մարզի մարզի առանձնահատկություններին, զբոսաշրջային հնարավորություններին, ձեռքբերումներին և զարգացման հեռանկարներին։ Ցուցադրության ընթացքում ներկայացվում է նաև Սևանա լճի էկոհամակարգի պահպանությանն ուղղված ծրագրերը և այդ ուղղությամբ տարվող աշխատանքները։
Դդմաշենի միջնակարգ դպրոցի թիմը հաղթող է ճանաչվել ֆուտզալի մարզային փուլի մրցումներում 16.10.2026
ՀՀ մարզերի և Երևան քաղաքի հանրակրթական դպրոցների 7-12-րդ դասարանների աշակերտների «Սպարտակիադա» մարզական միջոցառման շրջանակում Գեղարքունիքի մարզի դպրոցականների միջև անցկացվել են ֆուտզալի մարզային մրցումներ: Այն նպատակ ունի ուսումնական հաստատությունների մինչև 18 տարեկան սովորողների շրջանում առողջ ապրելակերպի արմատավորմանը, մարզական-մասսայական միջոցառումներում բարձր դասարանների աշակերտների ներգրավմանը, ֆուտզալ մարզաձևի զարգացմանը։ Ֆուտզալ մարզաձևի մրցումներին մասնակցել են ուսումնական հաստատությունների 10-12-րդ դասարանների սովորողները։ Թիմի կազմում ընդգրկվել են 9 տղա։ Ֆուտզալի Գեղարքունիքի մարզային մրցումները մեկնարկել են 2026 թվականի հոկտեմբերի 15-ին։ Այն անցկացվել է Գավառի Գրիշա Վահանի Ափրոյանի անվան մարզադպրոցում։ Մարզային փուլին մասնակցել են Գավառի, Մարտունու, Սևանի, Վարդենիսի և Ճամբարակի համայնքային փուլերում առաջին տեղեր գրաված Գեղարքունիքի, Վերին Գետաշենի Հ.1 Դդմաշենի, Մեծ Մասրիկի միջնակարգ և Ճամբարակի ավագ դպրոցների թիմերը։․․․
Ուշադրություն աշխատանք փնտրող քաղաքացիներին 16.10.2026
Տեղեկացնում ենք, որ Գեղարքունիքի մարզի Գավառ, Մարտունի, Վարդենիս, Սևան և Ճամբարակ համայնքներում 2026 թվականի հոկտեմբերի 10-ի դրությամբ առկա են բանվորի, ներքին հարդարողի, հսկիչի, վարորդի 18 թափուր աշխատատեղ՝ շինարարության ոլորտում։ Թափուր աշխատատեղերն ըստ մարզի համայնքների․ ՄԱՐՏՈՒՆԻ 1. «Շանթ Սեյրան» ՍՊԸ-ում. Վարորդի -1 տեղ Կապ՝ 093 90 79 06 Արսեն: 2. «Արմատ Քոնստրաքշն» ՍՊԸ -ում. Բանվորի-1 տեղ Կապ՝ 098 30 66 92 Դավիթ: ԳԱՎԱՌ 1. «Գավառի ՃՇՇ» ԲԲԸ-ում. Բանվորի- 1 տեղ Կապ՝ 077 17 80 10 Ժ. Խաչատրյան: 2. «Գավառ սերվիս» ՍՊԸ․․․
ՏԿԵՆ փոխնախարարն աշխատանքային այց է կատարել Գեղարքունիքի մարզ 16.10.2026
Հոկտեմբերի 16-ին աշխատանքային այցով Գեղարքունիքի մարզ է ժամանել ՀՀ ՏԿԵ նախարարի տեղակալ Ավետիք Դարբինյանը։ Նրան ուղեկցել են Գեղարքունիքի մարզպետի տեղակալ Ջանիկ Բազեյանը, մարզպետի աշխատակազմի քաղաքաշինության վարչության պետ Սասուն Սահակյանը, շինարարության ոլորտի պատասխանատուներ։ Աշխատանքային խումբը եղել է Գեղարքունիքի մարզի Սևան համայնքի Ծովագյուղի, Զովաբերի, Սևան քաղաքի թիվ 3 «Հեքիաթ», Մարտունի քաղաքի թիվ 2,3,4 մանկապարտեզներում, որտեղ ՀՀ կառավարության կողմից իրականացվող «300 դպրոց, 500 մանկապարտեզ» և սուբվենցիոն ծրագրերի շրջանակներում իրականացվում են հիմնանորոգման և վերանորոգման աշխատանքներ։ Նշված մանկապարտեզներից 4-ում շինարարությունն ընթանում է ՀՀ Գեղարքունիքի մարզպետի աշխատակազմի պատվիրատվությամբ և պետական բյուջեի ամբողջական ֆինանսավորմամբ, իսկ մնացած 2 ծրագրերն իրականացվում են Մարտունի համայնքի 2025 թվականի սուբվենցիոն ծրագրերի շրջանակներում՝ պետություն- համայնք 75 և 25 տոկոս հարաբերակցությամբ։
