Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ուշադրություն աշխատանք փնտրող քաղաքացիներին 12.08.2026
Տեղեկացնում ենք, որ Գեղարքունիքի մարզի Գավառ, Մարտունի, Վարդենիս, Սևան և Ճամբարակ համայնքներում 2026 թվականի օգոստոսի 12-ի դրությամբ առկա են, բանվորի, մեխանիզատորի, ներքին հարդարողի, սալիկագործի, էլեկտրոմոնտաժողի, եզրաքար շարողի 32 թափուր աշխատատեղ՝ շինարարության ոլորտում։ Թափուր աշխատատեղերն ըստ մարզի համայնքների․․․․
ՀՀ աշխատանքի և սոցիալական հարցերի նախարարությունը տեղեկացնում է 08.08.2026
Այսօրվանից ուժի մեջ է մտնում մի շարք պաշտոններ զբաղեցնելու համար գործող առավելագույն տարիքի՝ 65 տարեկանի շեմի վերացման կարգավորումը։ Մասնավորապես, փոփոխությունը վերաբերում է քաղաքացիական, մաքսային, հարկային և համայնքային ծառայության, Ազգային ժողովի աշխատակազմում պետական ծառայության պաշտոններին, վարչական պաշտոն զբաղեցնող աշխատակազմի ղեկավարներին, պետական ոչ առևտրային կազմակերպությունների գործադիր մարմինների ղեկավարներին, մասնագիտական ուսումնական հաստատությունների տնօրեններին, ինչպես նաև անձնական տվյալների պաշտպանության լիազորված մարմնի ղեկավարի պաշտոնին։ Նոր կարգավորմամբ՝ վերոնշյալ պաշտոններում աշխատանքային գործունեությունը շարունակելու հնարավորությունն այլևս չի պայմանավորվի անձի՝ որոշակի տարիքի հասնելու հանգամանքով։․․․
ՄԱԿ-ի Միգրացիայի միջազգային կազմակերպությունը և Կորեայի միջազգային համագործակցության գործակալությունը Գեղարքունիքի մարզպետի աշխատակազմի հետ ունեցած համագործակցության շրջանակներում մարզի համայնքներում իրականացնում է «Խոցելի համայնքներում կենսապահովման և տնտեսական կենսունակության խթանում» (ԽՀԿՏԿԽ) ծրագիրը, որը միտված է` ընդլայնելու տեղական տնտեսությունների ենթակառուցվածքները, ինչպես նաև կազմակերպելու կենսապահովումը ինչպես կարճաժամկետ, այնպես էլ կայուն լուծումներով։ Ծրագիրն ուղղված է տեղահանված և մարզի համայնքներում վերաբնակություն հաստատած տնտեսությունների և խոցելի խմբերի ինտեգրմանը, նպաստելով ընտանիքների և տեղական տնտեսությունների բարեկեցության ապահովմանը։ Սույն ծրագրի շրջանակներում օրերս Գեղարքունիքի մարզի Մարտունի և Ճամբարակ համայնքներին նվիրաբերվել է 75 ձիաուժ հզորության «TAVOL 754» մակնիշի 1-ական մինի տրակտորներ՝ տարբեր գործողությունների համար նախատեսված կցորդիչներով։ Նախորդ տարի նման տեխնիկա նվիրաբերվել է նաև Վարդենիս համայնքին։ Համայնքներում նշված տեխնիկաների շնորհիվ հնարավոր կլինի իրականացնել գյուղատնտեսական, բնապահպանական բնույթի աշխատանքներ, որոնք կնպաստեն շրջապատի սանիտարական վիճակի բարելավմանը։
Քաղաքացիների հերթական ընդունելությունը Գեղարքունիքի մարզպետի աշխատակազմում 05.08.2026
Օգոստոսի 5-ին Գեղարքունիքի մարզպետի տեղակալ Ջանիկ Բազեյանը մարզպետի աշխատակազմի վարչական շենքում կատարեց քաղաքացիների հերթական ընդունելությունը, որին ներկա էին մարզպետի աշխատակազմի գլխավոր քարտուղար Սիմոն Մանուկյանը, մարզպետի խորհրդական Սևակ Խլղաթյանը, մարզպետի աշխատակազմի առողջապահության և սոցիալական ոլորտի հարցերի վարչության պետ Լուսինե Վարդանյանը։ Քաղաքացիները դիմեցին աշխատանքի տեղավորման, տարածքի հիմնանորոգման, բնակարանի ձեռքբերման, տարածքի հանդեպ սեփականության իրավունքի ձեռքբերման, պետպատվերի շրջանակներում բուժում կազմակերպելու, արտադրանքի իրացման, դրամական աջակցություն ստանալու, անձնական բնույթի տարբեր հարցերով։ Ներկայացված դիմումներին պատասխան կտրվի օրենքով սահմանված կարգով։
Մրցույթ է հայտարարվել մարզային նշանակության ևս մեկ ճանապարհի հիմնանորոգման համար 04.08.2026
ՀՀ Գեղարքունիքի մարզի Վարդենիս համայնքի Կախակն բնակավայրում պետական միջոցներով կառուցվող կրթահամալիրի գործունեությամբ պայմանավորված, կհիմնանորոգվի Մեծ Մասրիկ - Կախակն մարզային նշանակության ավտոճանապարհի 6,2 կիլոմետր հատվածը։ Շինարարական աշխատանքների ձեռքբերման համար ՀՀ տարածքային կառավարման և ենթակառուցվածքների նախարարությունը հայտարարել է մրցույթ, որի համար վերջնաժամկետ է սահմանվել 2026 թվականի օգոստոսի 14-ի ժամը 11։00-ն։ Ծրագրի նախահաշվային արժեքը կազմում է շուրջ 1 միլիարդ 8 միլիոն դրամ, որը կհատկացվի ՀՀ պետական բյուջեի միջոցներից։ Ճանապարհաշինական աշխատանքների արդյունքում դեպի կրթահամալիր բարեկարգ երթևեկություն կապահովվի նաև Կուտական և Տրետուք բնակավայրերի սովորողների համար։
Գեղարքունիքի մարզում հուլիս ամսին ծնվել է 97 երեխա 03.08.2026
2026 թվականի հուլիս ամսին Գեղարքունիքի մարզի ծննդօգնություն իրականացնող առողջապահական հիմնարկներում ծնվել է 56 տղա և 41 աղջիկ: Մարտունու ծննդատուն՝ 41 երեխա Սևանի բժշկական կենտրոն՝ 29 երեխա Գավառի բժշկական կենտրոն՝ 18 երեխա Վարդենիսի բժշկական կենտրոն՝ 7 երեխա Ճամբարակի առողջության կենտրոն՝ 2 երեխա։
