Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ճամբարակում միջգերատեսչական մակարդակով տարվում են անհրաժեշտ աշխատանքներ 11.06.2025
Ճամբարակում տեղի ունեցած գազի պայթյունի կապակցությամբ Ներքին գործերի ու Տարածքային կառավարման և ենթակառուցվածքների նախարարությունները համատեղ իրականացնում են իրավիճակից բխող անհրաժեշտ գործողություններ։ Միջգերատեսչական մակարդակով, մարզային և համայնքային իշխանությունների ներգրավմամբ, աշխատանքներ են տարվում տարբեր, այդ թվում՝ շենքի բնակիչների կարիքների գնահատման, անհրաժեշտ դեղորայքի, սննդի, կարիքն առաջանալու դեպքում կացարանով ապահովելու, պատահարի հետևանքների չեզոքացման և այլ առաջնային ուղղություններով։ Տեղում որոնողափրկարարական աշխատանքները, որոնց ներգրավված են շուրջ 230 փրկարարական ծառայողներ և ոստիկաններ, ղեկավարում է Փրկարար ծառայության տնօրեն-ՆԳ նախարարի տեղակալ Կամո Ցուցուլյանը։ Որոնողափրկարարական միջոցառումներն ինտենսիվորեն շարունակվում են։ ՀՀ ներքին գործերի նախարարություն - Ministry of Internal Affairs of Armenia ՀՀ տարածքային կառավարման և ենթակառուցվածքների նախարարություն / Ministry of Territorial Administration and Infrastructure of Armenia
ՀՀ ՏԿԵ նախարար Դավիթ Խուդաթյանն այսօր այցելել է Ճամբարակ քաղաք 11.06.2025
ՀՀ ՏԿԵ նախարար Դավիթ Խուդաթյանն այսօր այցելել է Ճամբարակ` տեղում հետևելու այսօր Տիգրան Մեծ փողոցի 4-րդ շենքում տեղի ունեցած պայթյունի հետևանքների վերացման և որոնողափրկարարական աշխատանքների ընթացքին։ Այս պահին էլ տեղում դեռևս շարունակվում են որոնողափրկարարական աշխատանքները, որոնց ներգրավված են 200-ից ավել փրկարար ծառայողներ։ Նախարարը մարզպետ Կարեն Սարգսյանի, ՆԳՆ Փրկարար ծառայության ղեկավար Կամո Ցուցուլյանի հետ քննարկել ենք իրավիճակը, տրվել են անհրաժեշտ ցուցումներ։ Նախարարը վստահեցրել է, որ անհրաժեշտ ամեն ինչ իրականացվելու է, որ աղետի հետևանքով տուժածներն առանց կեցավայրի ու անհրաժեշտ պայմանների չմնան։ Հետո արդեն որոշումներ կկայացվեն շենքի և երկարաժամկետ լուծումներ տրվող քայլերի մասին։ ՀՀ տարածքային կառավարման և ենթակառուցվածքների նախարարություն / Ministry of Territorial Administration and Infrastructure of Armenia
Գեղարքունիք-Իզեր ապակենտրոնացված համագործակցության շրջանակներում իրականացված և ընթացքի մեջ գտնվող առողջապահական ծրագրերը դիտարկելու նպատակով Գեղարքունիքի մարզպետ Կարեն Սարգսյանը մարզում ընդունել է Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյիին, Իզերի դեպարտամենտալ խորհրդի մշակույթի, ժառանգության և ապակենտրոնացված համագործակցության հարցերի փոխնախագահ Պատրիկ Կուրտոյին: Այցի առաջին կանգառը Մարտունի համայնքի Ծովինար գյուղում էր, որտեղ 2024 թվականի ընթացքում իրականացվել են բուժամբուլատորիայի շենքի հիմնանորոգման աշխատանքները` 12 միլիոն դրամ արժողությամբ, որի 50 տոկոսը հատկացվել է ֆրանսիական «Բժշկական օգնություն և զարգացում» կազմակերպության կողմից, իսկ 50 տոկոսը՝ Ծովինարի բուժամբուլատորիայի տնտեսված միջոցներից։ Ֆրանսիական կողմը Ծովինարի բուժամբուլատորիային նվիրել է նաև մանկական կշեռք, էլեկտրասրտագրության ապարատ, անալիզատոր, խոնավաչափ, սեղաններ, քարտադարան և դեղորայքի պահարան։․․․
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 09.06.2025
Հունիսի 9-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց հերթական աշխատանքային խորհրդակցությունը։ Խորհրդակցության ընթացքում քննարկվեցին տեղական բյուջեների սեփական եկամուտների հավաքագրման 2025 թվականի առաջին հինգ ամիսների արդյունքների, նախորդ տարիներից կուտակված ապառքների գանձման, համայնքապետարանների կողմից տրամադրված շինթույլտվությունների ժամկետների պահպանման, Վարդենիսի ԲԿ, Ծակքարի ԱԱՊԿ նոր շենքերի կառուցման, մարզային նշանակության ճանապարհների հիմնանորոգման նախագծերի ձեռքբերման կամ շինարարական մրցույթների հայտարարման հետ կապված հարցեր։ Խոսվեց ֆրեզված ասֆալտի հումքով մարզի բնակավայրերում երկրորդային նշանակության ճանապարհների նորոգման մասին: Օրակարգային հարցերից էին նաև Վարդենիսի բանավան թաղամասի նորակառույց մանկապարտեզի տարածքի բարեկարգումը, Մարտունի քաղաքի Մյասնիկյան փողոցի հիմնանորոգումը և լուսավորության ցանցի կառուցումը: Խոսվեց նաև Վարդենիս քաղաքի մարզադաշտի կառուցման ներդրումային ծրագրի, ․․․
ՏԵՂԵԿԱՑՈՒՄ 09.06.2025
Տեղեկացվում է ՀՀ Գեղարքունիքի մարզի Մարտունի խոշորացված համայնքի ազգաբնակչությանը, որ 2025 թվականի հունիսի 13-ին ժամը 15։00-ին ՀՀ Գեղարքունիքի մարզպետ Կարեն Սարգսյանը Մարտունի քաղաքի մշակույթի կենտրոնի մեծ դահլիճում հանդիպում կունենա Մարտունի խոշորացված համայնքի ազգաբնակչության հետ։ Ցանկացողները կարող են ներկա գտնվել հանդիպմանը։ ՀՀ Գեղարքունիքի մարզպետի աշխատակազմ
Այսօր Կարեն Դեմիրճյանի անվան մարզահամերգային համալիրում տեղի ունեցավ Հայաստանի Հանրապետության և Ռուսաստանի Դաշնության միջև միջտարածաշրջանային համագործակցության տասներորդ համաժողովը։ Համաժողովի շրջանակներում՝ լիագումար նիստին Գեղարքունիքի մարզպետ Կարեն Սարգսյանը հանդես եկավ ելույթով, խոսեց ՀՀ–ՌԴ միջտարածաշրջանային համագործակցության կարևորության մասին, ընդգծեց տարածաշրջանային համագործակցության դերը տնտեսական և հումանիտար զարգացման գործում: Համաժողովին մասնակցում էին նաև մարզպետի տեղակալ Ջանիկ Բազեյանը, համայնքների ղեկավարները, մարզպետի աշխատակազմի և համայնքապետարանների աշխատակիցներ։
