Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարության 2026 թվականի սեպտեմբերի 17-ի հերթական նիստում որոշում է կայացվել 77 միլիոն 884.9 հազար դրամ հատկացնել Գեղարքունիքի մարզի համայնքների սուբվենցիոն ծրագրերի համար։ Այդ թվում․ 39 միլիոն 054.0 հազար դրամ հատկացվել է Գեղարքունիքի մարզի Վարդենիս քաղաքի Վ․ Համբարձումյան 17, 19 և Լեռնագործների 1/1, 1/2/ բազմաբնակարան բնակելի շենքերի բակերի ասֆալտապատման աշխատանքների համար, որի շրջանակներում արդեն ասֆալտապատվել է շուրջ 5733 քմ տարածք։ 38 միլիոն 830.9 հազար դրամ՝ Գեղարքունիքի մարզի Մարտունի համայնքի Վարդաձոր բնակավայրում ոռոգման ջրատարի կառուցման աշխատանքների համար։ Իրականացվել է աշխատանքների շուրջ 80 տոկոսը։ Ծրագրի շրջանակներում կառուցվում է 1,6 կմ երկարության ոռոգման ջրատար, ինչի արդյունքում Վարդաձոր բնակավայրի ոռոգելի ցանքատարածությունները կավելանան ևս 40 հեկտարով։
Ուշադրություն աշխատանք փնտրող քաղաքացիներին 11.09.2026
Տեղեկացնում ենք, որ Գեղարքունիքի մարզի Գավառ, Մարտունի, Վարդենիս, Սևան և Ճամբարակ համայնքներում 2026 թվականի սեպտեմբերի 10-ի դրությամբ առկա են, բանվորի, մեխանիզատորի, ներքին հարդարողի, սալիկագործի 24 թափուր աշխատատեղ՝ շինարարության ոլորտում։ Թափուր աշխատատեղերն ըստ մարզի համայնքների․․․․
Այսօր Գեղարքունիքը հեծանվային աշխարհի ուշադրության կենտրոնում է 10.09.2026
Գեղարքունիքի մարզպետ Կարեն Սարգսյանը ՀՀ ԿԳՄՍ նախարար Ժաննա Անդրեասյանի հետ Գավառում մասնակցեց միջազգային պրոֆեսիոնալ բազմափուլ «Tour of Armenia 2026» հեծանվավազքի առաջին փուլի մեկնարկին։ UCI-ի միջազգային օրացույցում 2.2 դասակարգմամբ ընդգրկված մրցաշարի առաջին՝ Գավառ–Մեծ Մասրիկ փուլը մեկնարկեց հենց մեր մարզից՝ Գեղարքունիքի ճանապարհներն ու բնապատկերները ներկայացնելով միջազգային հեծանվասպորտի հարթակում։ Հպարտ ենք հյուրընկալել միջազգային այս կարևոր մարզական իրադարձությունը Գեղարքունիքում։
Քաղաքացիների դիմումները՝ հասցեական լուծումների հիմքում 09.09.2026
Սեպտեմբերի 9-ին Գեղարքունիքի մարզպետ Կարեն Սարգսյանը քաղաքացիների հերթական ընդունելությունն անցկացրեց Գեղարքունիքի մարզպետի աշխատակազմի վարչական շենքում։ Քաղաքացիների կողմից բարձրացվել են սոցիալական, աշխատանքային, բնակարանային, հողօգտագործման, առողջապահական և այլ բնույթի հարցեր ու խնդիրներ։ Քաղաքացիների բարձրաձայնած յուրաքանչյուր հարց մեր ուշադրության կենտրոնում է։ Հետևողականորեն աշխատում ենք՝ հնարավորության սահմաններում աջակցելու և խնդիրներին հասցեական լուծումներ տալու ուղղությամբ։
15 նոր երթուղի՝ Սևան և Ճամբարակ խոշորացված համայնքների համար 09.09.2026
Սևան և Ճամբարակ խոշորացված համայնքների միասնական երթուղային ցանցի ձևավորման շրջանակում ՀՀ տարածքային կառավարման և ենթակառուցվածքների նախարարության կողմից հայտարարված մրցույթի արդյունքում հաղթող է ճանաչվել «Ավտոփայլ» ՍՊԸ-ն։ Ներդրման արժեքը կազմում է շուրջ 453 մլն ՀՀ դրամ։ Հասարակական տրանսպորտի սպասարկման համար նախատեսվում է ներգրավել 36 ամբողջությամբ նոր միկրոավտոբուս։ Տրանսպորտային միջոցների ներկրման գործընթացը գտնվում է ավարտական փուլում, և առաջիկա օրերին կմեկնարկի սպասարկումը։ Միասնական երթուղային ցանցը ներառում է 15 երթուղի և կարևոր նշանակություն կունենա բնակավայրերի տրանսպորտային հասանելիության բարելավման գործում։ Նոր երթուղիները կապահովեն Սևանի և Ճամբարակի բնակավայրերի միջև կապը, ինչպես նաև Սևան և Ճամբարակ քաղաքներից դեպի Երևան ուղևորափոխադրումները։ Սա կարևոր քայլ է՝ մարզի բնակիչների համար ավելի հարմար, հասանելի և ժամանակակից հասարակական տրանսպորտային ծառայություն ապահովելու ուղղությամբ։
Պլանային ջրանջատում Գեղարքունիքի մարզում սեպտեմբերի 10/11-ին 09.09.2026
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված, ս.թ. սեպտեմբերի 10-ին ժամը 07:00-ից մինչև սեպտեմբերի 11-ը ժամը 07:00-ն կդադարեցվի Գեղարքունիքի մարզի՝ Սևան քաղաքի, Գագարին, Ծաղկունք, Վարսեր բնակավայրերի, ինչպես նաև Բուսաբանական այգու տարածքի, Կառավարական առանձնատների տնտեսություն ՊՈԱԿ, Հայաստանյաց Առաքելական Սուրբ Եկեղեցի Մայր Աթոռ Սուրբ Էջմիածին Սևան և հարակից այլ իրավաբանական սպառողների ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: «Վեոլիա Ջուր» ՓԲԸ
