Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հուլիսի 13-ին Գեղարքունիքի մարզպետ Կարեն Սարգսյանը, ՀՀ ներքին գործերի նախարար Արփինե Սարգսյանի, ՀՀ-ում ԱՄՆ գործերի ժամանակավոր հավատարմատար Դեյվիդ Ալենի հետ միասին Սևանա լճի ափին ներկա են գտնվել Գեղարքունիքի մարզային փրկարարական վարչության հատուկ ջրափրկարարական կայանի նոր վարչական համալիրի բացման հանդիսավոր արարողությանը, որին մասնակցել են նաև ներքին գործերի նախարարության, ԱՄՆ դեսպանատան, «Սևան» Ազգային պարկի, ՆԳՆ Էկոպարեկային ծառայության, ՀՀ Գեղարքունիքի մարզպետի աշխատակազմի պատասխանատուներ, հյուրեր։ Կառույցի շինաշխատանքները մեկնարկել են 2025 թվականի հունիս ամսին։ Սևանի ջրափրկարարական կայանի կառուցումն իրականացվել է ՆԳ նախարարության, ԱՄՆ Եվրոպական հրամանատարության և Հայատանում ԱՄՆ դեսպանության ԱՄՆ ռազմական խմբի աջակցությամբ։ Արարողության մասնակիցները շրջել են կառույցի տարածքում, ծանոթացել ստեղծված ներքին և արտաքին հարմարավետ և նպատակային պայմաններին, տեխնիկական հագեցվածությանը, որոնք հնարավորություն կտան էլ ավելի բարձրացնել արագ արձագանքման մակարդակը,․․․
Ուշադրություն 14.07.2026
Հարգելի՛ քաղաքացիներ, ջերմաստիճանի կտրուկ բարձրացումը անտառային և հարակից տարածքներում հրդեհների առաջացման և տարածման վտանգ կարող է առաջացնել, և մեծ վնաս հասցնել բնությանը, հասարակությանը և տնտեսությանը։ Ուստի արգելվում է չնախատեսված տեղերում վառել խարույկ, նետել այրվող լուցկի, չմարված ծխախոտի մնացորդ, վառելիքով լիցքավորված ավտոմեքենաների շրջակայքում ծխել և օգտվել բաց կրակից։ Քաղաքացիներին հորդորվում է չայրել չոր խոտ կամ խոզան, ինչպես նաև արևով լուսավորվող բացատներում չթողնել շշեր և ապակու կտորներ, քանի որ դրանք կարող են ֆոկուսացնել ճառագայթները՝ վերածվելով հրկիզող ոսպնյակների։ Հրդեհի փոքր օջախ հայտնաբերելու դեպքում խորհուրդ է տրվում փորձել հանգցնել այն՝ օգտագործելով կրակմարիչներ, բահեր, ծառերի ճյուղերի կապուկներ, թաց հագուստ կամ ամուր կտոր։ Անհրաժեշտ է համոզվել, որ կրակն ամբողջությամբ մարվել է, և կրկին բորբոքման վտանգ չկա։ Անտառային հրդեհներից խուսափելու համար անհրաժեշտ է յուրաքանչյուրիս զգուշավորությունը, պահպանելով հրդեհային անվտանգության կանոնները։
Կհիմնանորոգվի Գավառ-Նորատուս - Սևանա լիճ մարզային նշանակության 2,4 կմ ավտոճանապարհահատվածը 14.07.2026
Սիրելի՛ գավառցիներ Վերջապես լուծում կստանա մարզային նշանակության ևս մեկ խնդիր․ կհիմնանորոգվի Գավառ քաղաքի Սայադյան փողոցի 2,4 կմ հատվածը (Գավառ-Նորատուս-Սևանա լիճ մարզային նշանակության ավտոճանապարհահատված)։ Ծրագրի նախագծանախահաշվային արժեքը կազմում է 998 միլիոն 776 573 հազար դրամ։ Գավառ քաղաքի Սայադյան փողոցում իրականացվող հիմնանորոգման աշխատանքների արդյունքում կասֆալտապատվի 2,4 կմ ճանապարհ, կկառուցվեն մայթեր, կանցկացվի արտաքին և ներքին ջրահեռացման համակարգ։ Ծրագրի ավարտին կիրականացվեն նաև ճանապարհի կահավորման և գծանշման աշխատանքներ։
«Վարչաֆեստ 2026». երիտասարդական երաժշտական փառատոն՝ Սևանա լճի ափին 13.07.2026
«Վարչաֆեստ 2026». երիտասարդական երաժշտական փառատոն՝ Սևանա լճի ափին ՀՀ կառավարության աջակցությամբ ԿԳՄՍ նախարարությունը ստեղծում է նոր hարթակ: Այն երաժշտության շուրջ միավորելու է երիտասարդ երաժիշտներին ու ստեղծագործողներին: Փառատոնին մասնակցող երաժշտական խմբերն ունեն հնարավորություն՝ ներկայանալու լայն լսարանին, իսկ լավագույնները կստանան մրցանակներ՝ Գլխավոր մրցանակ՝ 4 000 000 ՀՀ դրամ Առաջին մրցանակ՝ 3 000 000 ՀՀ դրամ Երկրորդ մրցանակ՝ 2 000 000 ՀՀ դրամ Երրորդ մրցանակ՝ 1 000 000 ՀՀ դրամ Փառատոնին կարող են մասնակցել միայն 3 և ավելի անդամներից կազմված խմբերը: Երաժշտական ժանրերի սահմանափակում չկա: Վոկալ-գործիքային կազմով կենդանի կատարումը պարտադիր պայման է: «Վարչաֆեստ 2026». երիտասարդական երաժշտական փառատոնին մասնակցելու հայտերն ընդունվում են մինչև հուլիսի 20-ը: Նախընտրական փուլին մասնակցելու համար անհրաժեշտ է ներկայացնել տեսաձայնագրություն՝ այն ուղարկելով varchafest@gov.am էլեկտրոնային հասցեին: Փառատոնի եզրափակիչ փուլը կկայանա օգոստոսի 22-ին Սևանա լճի ափին։
Քաղաքացիների հետ՝ անմիջական կապի մեջ 08.07.2026
Հուլիսի 8-ին Գեղարքունիքի մարզպետ Կարեն Սարգսյանն անցկացրեց քաղաքացիների հերթական ընդունելությունը։ Մարզպետը լսեց բնակարանային, աշխատանքի, սոցիալական աջակցության, կրթության, տրանսպորտի և այլ ոլորտներին վերաբերող հարցերը։ Յուրաքանչյուր դիմում կարևոր է, և ներկայացված խնդիրները ստանում են համապատասխան ուսումնասիրություն ու ընթացք։ Շարունակում ենք բաց և անմիջական երկխոսությունը քաղաքացիների հետ՝ միասին լուծումներ գտնելու և բարձրացված հարցերին հնարավորինս արդյունավետ արձագանքելու նպատակով։
Գեղարքունիքի մարզպետը շնորհավորեց օլիմպիադայում հաջողություններ գրանցած դպրոցականներին 08.07.2026
Հուլիսի 8-ին Գեղարքունիքի մարզպետ Կարեն Սարգսյանն ընդունեց 2025-2026 ուսումնական տարվա հանրապետական առարկայական օլիմպիադայում հաջողություններ գրանցած Գեղարքունիքի մարզի աշակերտներին և նրանց դպրոցների տնօրեններին։ Մարզպետը շնորհավորեցի աշակերտներին՝ կարևոր ձեռքբերման կապակցությամբ և ընդգծեց, որ յուրաքանչյուր հաջողության հիմքում գիտելիքի նկատմամբ սերն է, հետևողական աշխատանքն ու ուսուցիչների նվիրվածությունը։ Կարեն Սարգսյանը վստահություն հայտնեց, որ մեր երիտասարդները իրենց գիտելիքներն ու կարողությունները հետագայում ծառայեցնելու են Հայաստանի Հանրապետության զարգացմանն ու հանրային բարօրությանը։ 2025-2026 ուսումնական տարվա հանրապետական առարկայական օլիմպիադայում Գեղարքունիքի մարզի դպրոցականներն արժանացել են 13 դիպլոմի և 16 գովասանագրի։ Մարզպետն անձամբ հանձնեց աշակերտներին դիպլոմներն ու գովասանագրերը՝ մաղթելով նոր հաջողություններ, ստեղծագործ միտք և նոր հաղթանակներ։․․․
