Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հայտնի են ֆուտզալի Գեղարքունիքի մարզային առաջնության կիսաեզրափակիչ փուլի մասնակիցները 09.04.2024
Ապրիլի 9-ին` Բ ենթախմբի վերջին տուրում կայացավ երկու հանդիպում։ Առաջին խաղում ՀՀ ՆԳ նախարարության ոստիկանության Գեղարքունիքի մարզային վարչության թիմը հաղթեց Գեղարքունիքի մարզպետի աշխատակազմի թիմին, իսկ երկրորդ խաղում ՀՀ ԶՈՒ բանակային երկրորդ կորպուսի թիմը հաղթեց Գավառի համայնքապետարանի թիմին։ Այս հանդիպումների արդյունքում ենթախմբում 1-ին տեղը գրավեց ՀՀ ՆԳ նախարարության ոստիկանության Գեղարքունիքի մարզային վարչության թիմը, իսկ 2-րդ տեղ՝ ՀՀ ԶՈՒ բանակային երկրորդ կորպուսի թիմը, որոնք էլ անցան առաջնության կիսաեզրափակիչ փուլ։ Կիսաեզրափակիչ փուլի առաջին հանդիպումը կանցկացվի Ա ենթախմբում 1-ին տեղը գրաված Մարտունու համայնքապետարանի և Բ ենթախմբի 2-րդ տեղը գրաված ՀՀ ԶՈՒ բանակային երկրորդ կորպուսի թիմերի միջև։․․․
Գավառ քաղաքի պետթատրոնի դահլիճում Լեռնային Ղարաբաղից բռնի տեղահանված և Գեղարքունիքի մարզում հաստատված բնակչության հետ հանդիպեցին Գեղարքունիքի մարզպետ Կարեն Սարգսյանը, ՀՀ Աշխատանքի և սոցիալական հարցերի նախարարի տեղակալ Դավիթ Խաչատրյանը, ՀՀ Տարածքային կառավարման և ենթակառուցվածքների նախարարի տեղակալ Նարեկ Մանուկյանը, ՀՀ փոխվարչապետ Տիգրան Խաչատրյանի խորհրդական Աննա Գասպարյանը, ՀՀ ԱԺ պատգամավոր Ռուստամ Բաքոյանը։ Հանդիպմանը մասնակցում էին նաև Գեղարքունիքի մարզի Միասնական սոցիալական ծառայության տարածքային կենտրոնների տնօրեններ, Գեղարքունիքի մարզպետի աշխատակազմի և համայնքապետարանների պատասխանատու աշխատակիցներ։․․․
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 08.04.2024
Ապրիլի 8-ին Գեղարքունիքի մարզպետ Կարեն Սարգսյանը Գեղարքունիքի մարզպետի աշխատակազմի ստորաբաժանումների ղեկավարների հետ անցկացրեց աշխատանքային հերթական խորհրդակցությունը։ Զեկուցվող հարցերն ընդգրկում էին քաղաքաշինության, հողաշինության, կրթության, մշակույթի, ֆինանսական, առողջապահության և սոցիալական, տարածքային կառավարման և տեղական ինքնակառավարման, գյուղատնտեսության և շրջակա միջավայրի պահպանության ոլորտները։ Քաղաքաշինության և հողաշինության ոլորտում զեկուցվեց մարզում այլ գերատեսչությունների կողմից իրականացվող ծրագրերի ընթացքի, որակի և ժամկետների մասին: Ֆինանսական ոլորտում զեկուցվեց համայնքների բյուջեների սեփական եկամուտների հավաքագրման, մարզի համայնքների կողմից 2024 թվականի ընթացքում ապառքների գանձման նպատակով ուղարկված ծանուցումների և ԴԱՀԿ ներկայացված գործերի վերաբերյալ:․․․
Թատերական երկամսյակի հերթական ներկայացումը բեմադրվեց մայրության և գեղեցկության տոնի առթիվ 07.04.2024
Գեղարքունիքի մարզպետ Կարեն Սարգսյանի նախաձեռնությամբ և ՀՀ ԿԳՄՍ նախարարության աջակցությամբ 2024 թվականի մարտի 1-ից Գեղարքունիքի մարզում մեկնարկած թատերական երկամսյակի շրջանակներում ապրիլի 7-ին՝ մայրության և գեղեցկության տոնի առթիվ, Գեղարքունիքի՝ Լևոն Քալանթարի անվան պետական դրամատիկական թատրոնի դահլիճում տեղի ունեցավ ցերեկույթ, որին ներկա էին Գեղարքունիքի մարզպետի տեղակալ Ջանիկ Բազեյանը, Գավառ համայնքի ղեկավարի տեղակալ Գրիգոր Դաշտոյանը, մարզպետի աշխատակազմի կրթության, մշակույթի և սպորտի վարչության պետ Կարեն Զազյանը, Գեղարքունյաց թեմի Հայրավանքի վանահայր հոգեշնորհ Տ. Բաբկեն վրդ. Սալբիյանը։ Ցերեկույթին հրավիրված էին Արցախյան պատերազմներում և Հայաստանի Հանրապետության սահմանները պաշտպանելիս հերոսաբար զոհված հայորդիների մայրեր, քույրեր, դուստրեր կանայք, մարզային ենթակայության...
Հրաձգության մարզային մրցումներում հաղթող է ճանաչվել Զոլաքար գյուղի N 1 միջնակարգ դպրոցի թիմը 06.04.2024
Հայաստանի Հանրապետության մարզերի և Երևան քաղաքի հանրակրթական դպրոցների 7-12-րդ դասարանների աշակերտների « Սպարտակիադա» մարզական միջոցառման շրջանակում Գեղարքունիքի մարզի դպրոցականների միջև անցկացվել են «Դիպուկ հրաձիգ» հրաձգության մրցումներ: Այն անցկացվել է երկու փուլով` համայնքային և մարզային: Համայնքային փուլի մրցումներն անցկացվել են մարտի 15-ին, որի ընթացքում լավագույն արդյունք ցուցաբերած դպրոցական թիմերն ապրիլի 5-ին Գավառի Հ. Թումանյանի անվան N 3 հիմնական դպրոցի հրաձգարանում մասնակցել են մարզային փուլի մրցումներին: Թիմի կազմում ընդգրկվել են 4 տղա և 4 աղջիկ: Մրցումներն անցկացվել են օդամղիչ հրացաններով` մինչև թիրախ 10 մետր հեռավորությունից: Հրաձգության միջազգային ֆեդերացիայի կանոնակարգի համաձայն յուրաքանչյուր հրաձիգ կատարել է 6 կրակոց, որից հաշվարկային է եղել 5 լավագույնը:․․․
Վանաձորի «Հորովել» երգի-պարի անսամբլը պարային ներկայացմամբ եղավ Գավառ համայնքում 05.04.2024
Հայ մեծանուն գրող և բանաստեղծ Հովհաննես Թումանյանի 155 ամյա հոբելյանի կապակցությամբ Վանաձորի «Հորովել» երգի-պարի անսամբլը ներկայացնում է «Թումանյանի աշխարհը» պարային ներկայացումը մեծ բանաստեղծի ստեղծագործությունների մոտիվներով: ՀՀ ԿԳՄՍ նախարարության նախաձեռնությամբ «Հորովել» անսամբլը և «Ժողովրդական երաժշտության և պարի ազգային կենտրոն» ՊՈԱԿ-ը իրականացնում են «Թումանյանի աշխարհը» պարային ներկայացման հյուրախաղերը Հայաստանի մի շարք համայնքներում։ Հյուրախաղերի ցանկում ներառված էր նաև Գավառ համայնքը, որտեղ, Գեղարքունիքի մարզպետի աշխատակազմի աջակցությամբ, «Թումանյանի աշխարհը» պարային ներկայացումը ցուցադրվեց ապրիլի 5-ին, Գեղարքունիքի Լևոն Քալանթարի անվան պետական դրամատիկական թատրոնի դահլիճում:...
