Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՏԵՂԵԿԱՑՈՒՄ 25.06.2024
ՀՀ Կրթության, Գիտության, Մշակույթի ու Սպորտի նախարարության «Ոչ նյութական մշակութային ժառանգության պահպանությանն ուղղված ծրագրերի» շրջանակներում «Սևան» երիտասարդական ակումբ» ՀԿ- ի նախաձեռնությամբ 2024 թ-ի ապրիլի 1-ից մեկնարկել է «Ափդեյթ 4. Երգվող երգեր» ծրագիրը: Ծրագրի նպատակն է հանրայնացնել ու կենսունակություն հաղորդել Գեղարքունիքի մարզում վերջին 3 տարիներին կազմակերպության կողմից հավաքագրված հին ու մոռացության մատնվող երգերը` նպաստելով Գեղարքունիքի մարզի ոչ նյութական մշակութային ժառանգության` մասնավորապես երգային մշակույթի պահպանությանն ու երիտասարդների միջոցով դրա տարածմանը, հանրայնացմանը: Ծրագրի շրջանակներում Սևան քաղաքում գործող ԳԱՄՄԱ բենդի երիտասարդ երաժիշտները ոլորտում հայտնի երաժիշտ-փորձագետ Սևադա Համբարչյանի օգնությամբ ապրիլ ամսից մշակում են գեղարքունյանց երգերից բաղկացած երգացանկ:․․․
ՀՀ կառավարության կողմից 2023 թվականին Գեղարքունիքի մարզում իրականացված սուբվենցիոն ծրագրերի ամփոփում 24.06.2024
Գեղարքունիքի մարզի Վարդենիս համայնքի Ծովակ բնակավայրում ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում ասֆալտապատմամբ հիմնանորոգվել է 1-ին փողոցի 11-րդ փակուղին, արտաքին լուսավորության ցանց կառուցվել 3-րդ փողոցում և նրան կից առաջին փողոցի 2-րդ նրբանցքում։ Ծովակում սուբվենցիոն 2 ծրագրերի իրականացման նպատակով ներդրվել է 39 միլիոն 875 հազար դրամ, որից 20 միլիոն 440 հազար դրամը ՀՀ կառավարության, 19 միլիոն 435 հազար դրամը՝ Վարդենիսի համայնքապետարանի մասնաբաժինն է։ Ծովակ գյուղի 1-ին փողոցի 11-րդ փակուղու ասֆալտապատման ծրագրի պայմանագրային արժեքը կազմում է 34 միլիոն 849 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Վարդենիսի համայնքապետարանը։ Ծրագրի իրականացման արդյունքում Ծովակի 1-ին փողոցի 11-րդ փակուղին ասֆալտապատմամբ հիմնանորոգվել է 257, 5 գծամետր երկարությամբ և 1559,5 քառակուսի մետր մակերեսով։․․․
Գեղարքունիքի մարզում մեկնարկել է 2024 թվականի ամառային զորակոչը 24.06.2024
2024 թվականի ամառային զորակոչը Գեղարքունիքի մարզում մեկնարկեց հունիսի 24-ին, որի ընթացքում ՀՀ ՊՆ Զ և ԶՀԾ Գեղարքունիքի մարզային ստորաբաժանումից զինվորական ծառայության ճանապարհվեց Մարտունի համայնքի նորակոչիկների առաջին խումբը։ Զորակոչի արարողությանը մասնակցեցին Գեղարքունիքի մարզպետի տեղակալ Ջանիկ Բազեյանը, ՀՀ ՊՆ Զ և ԶՀԾ Գեղարքունիքի մարզային ստորաբաժանման ղեկավարի տեղակալ Բենիկ Սարգսյանը, Մարտունի համայնքի ղեկավարի տեղակալ Արմեն Շահինյանը, Գեղարքունիքի մարզպետի աշխատակազմի, ՀՀ ՊՆ Զ և ԶՀԾ Գեղարքունիքի մարզային ստորաբաժանման, Մարտունու համայնքապետարանի, ուժային կառույցների ներկայացուցիչներ, նորակոչիկների ծնողներ և հարազատներ։ Հանդիպման ընթացքում Գեղարքունիքի մարզպետի տեղակալ Ջանիկ Բազեյանն օրվա առիթով շնորհավորեց, խաղաղ և ապահով ծառայություն մաղթեց նորակոչիկներին, հույս հայտնելով, որ նրանք բարեխղճորեն ու պարտաճանաչ կերպով կկատարեն իրենց առջև դրված պարտականությունները և բարձր կպահեն իրենց հայրենիքի ու հայ զինվորի պատիվը։․․․
Գեղարքունիքի մարզպետն անցկացրեց աշխատանքային հերթական խորհրդակցությունը 24.06.2024
Հունիսի 24-ին Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը։ Գեղարքունիքի մարզպետի աշխատակազմի ստորաբաժանումների ղեկավարները զեկուցեցին նախորդ խորհրդակցության ընթացքում տրված հանձնարարականների կատարման արդյունքների մասին։ Խորհրդակցության ընթացքում քննարկումներ ծավալվեցին միջպետական և հանրապետական նշանակության ավտոճանապարհների եզրերի մաքրության պահովման, Երևան-Սևան ավտոճանապարհի մերձակա գոտիներում առևտրի կանոնակարգման, հանրային լողափերում նոր լողասեզոնի բացման հետ կապված հարցերի շուրջ։ Խոսվեց նաև մարզում իրականացված սուբվենցիոն ծրագրերի կատարողական արդյունքների, մարզի բժշկական կենտրոնների 2022, 2023, 2024 թվականների առաջին եռամսյակի համեմատական ցուցանիշների վերլուծության, հունիսի 20-ին Վարդենիսում տեղի ուենցած ուժեղ քամիների հետևանքով կրթական հաստատությունների շենքերին պատճառած վնասների վերականգնման հետ կապված հարցերի մասին։․․․
ՈՒՇԱԴՐՈՒԹՅՈՒՆ 21.06.2024
ՀՀ ՆԳՆ ՓԾ Գեղարքունիքի մարզային փրկարարական վարչությունը տեղեկացնում է, որ ս/թ հունիսի 25-ին, ժամը 12։00-ին Գեղարքունիքի մարզի Մարտունի քաղաքում նախատեսվում է անցկացնել «Տարածաշրջանին բնորոշ արտակարգ իրավիճակները, կանխարգելումը և քաղաքացիական պաշտպանության հիմնահարցերը» թեմայով զրույց-քննարկում, «Ազդարարում, տարհանում, պատսպարում» թեմայով գործնական վարժանք։ Խորհուրդ է տրվում խուճապի չմատնվել։
Կայացավ մարզային զորակոչային հանձնաժողովի հերթական նիստը 21.06.2024
Հունիսի 21-ին Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանն անցկացրեց մարզային զորակոչային հանձնաժողովի հերթական նիստը, որին մասնակցում էին զորակոչային հանձնաժողովի բոլոր անդամները։ Օրակարգում քննարկվեցին ամառային զորակոչի անցկացմանը վերաբերող հարցեր, որից հետո ՀՀ ՊՆ Զ և ԶՀԾ Գեղարքունիքի մարզային ստորաբաժանման կողմից ներկայացվեցին հանրակրթական ուսումնական հաստատությունների ավարտական դասարաններում սովորող անձանց տարկետմանը վերաբերող հարցեր, որոնց հետ կապված հանձնաժողովը տվեց համապատասխան եզրակացություններ։ Հանձնաժողովը նաև քննարկեց զորակոչի աշխատանքներին ներգրավված կազմակերպությունների փոխգործակցության արդյունքները, որոնց վերաբերյալ մարզպետը տվեց համապատասխան հանձնարարականներ։ Նիստի ավարտին ՀՀ ՊՆ Զ և ԶՀԾ Գեղարքունիքի մարզային ստորաբաժանման ղեկավարը զեկուցեց 2024 թվականի հունիսի 24-ից մեկնարկելիք ամառային զորակոչի մասին։
