Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարության նիստում ֆինանսական միջոցներ հատկացվեց 3 սուբվենցիոն ծրագրերի համար 27.08.2026
ՀՀ կառավարության 2026 թվականի օգոստոսի 27-ի հերթական նիստում որոշում է կայացվել երեք սուբվենցիոն ծրագրերի համաֆինանսավորման նպատակով Գեղարքունիքի մարզին հատկացնել 482 միլիոն 346.0 հազար դրամ։ Այդ թվում՝ 152 միլիոն 274.6 հազար դրամ հատկացվել է Մարտունի -Երանոս բնակավայր իրար միացնող 4,9 կմ ճանապարհի ասֆալտապատման աշխատանքների համար։ 17 միլիոն 410.4 հազար դրամ՝ Մարտունի համայնքի Արծվանիստ-Ծովինար, Ծովինար-Վարդենիկ, Վարդենիկ-Զոլաքար, Աստղաձոր-Վաղաշեն, Մարտունի-Ներքին Գետաշեն, Ծակքար-Ծովասար և Վարդաձոր-Ձորագյուղ իրար միացնող 6,8 կմ երկարության կենտրոնական ճանապարհների լուսավորության համակարգերի կառուցման աշխատանքների համար․ Աշխատանքների իրականացման արդյուքում նշված բնակավայրերում արդեն տեղադրվել է 220 հենասյուն և լեդ լուսավորության համակարգ։ 312 միլիոն 661.0 հազար դրամ՝ Մարտունի համայնքի Վաղաշեն, Գեղհովիտ, Լեռնակերտ, Վերին Գետաշեն, Մադինա, Լիճք, Երանոս բնակավայրերում 9,4 կմ երկարության ոռոգման համակարգերի կառուցում։ Աշխատանքների իրականացման արդյունքում նշված բնակավայրերում կոռոգվի 340 հեկտար հողատարածք, սպասարկելով 1320 տնտեսության։
Կառավարության սուբսիդավորումը տվել է իր դրական արդյունքը 27.08.2026
Կառավարության սուբսիդավորումը տվել է իր դրական արդյունքը․ նախորդ տարվա համեմատ ցանքատարածություններն աճել են ավելի քան 4 350 հա-ով Վարդենիս համայնքի Գեղամաբակ բնակավայրում մարզպետ Կարեն Սարգսյանը հետևել է հացահատիկային մշակաբույսերի բերքահավաքի աշխատանքներին։ Այս տարի մարզում աշնանացան ցորենի ցանքատարածությունները կազմել են 14 651,6 հա՝ նախորդ տարվա 10 294,1 հա-ի փոխարեն։ Բարձր բերքատվության ապահովման գործում կարևոր դեր ունի հավաստագրված սերմերի կիրառումը։ 2026 թվականին ևս պետական աջակցության ծրագրի շրջանակում մարզում իրականացվել են հավաստագրված սերմերով ցանքեր՝ աջակցելով գյուղացիական տնտեսություններին։ Բերքահավաքի ավարտից հետո կամփոփենք նաև մարզում ստացված համախառն բերքի և միջին բերքատվության ցուցանիշները։
Նոր ուսումնական տարին՝ հանրակրթության ոլորտի զարգացման նոր հեռանկարներով 26.08.2026
Նոր ուսումնական տարվան ընդառաջ օգոստոսի 26-ին օգոստոսյան խորհրդակցություն է անցկացվել Գեղարքունիքի մարզում՝ Նորատուսի Հ 1 միջնակարգ դպրոցում։ Խորհրդակցությանը մասնակցել են Գեղարքունիքի մարզի հանրակրթական դպրոցների տնօրեններ ու վարչատնտեսական մասի համակարգողներ, ինչպես նաև նախադպրոցական և արտադպրոցական հաստատությունների ղեկավարներ։ Հանդիպմանը մասնակցել է Գեղարքունիքի մարզպետի տեղակալ Ջանիկ Բազեյանը, ԿԶՆԱԿ հիմնադրամի տնօրեն Ժաննա Հարությունյանը, ԿԳՄՍՆ հանրակրթության վարչության պետ Թամարա Սարգսյանը, մարզպետի աշխատակազմի կրթության ոլորտի պատասխանատուներ։ Այն անցկացրել է ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը։ Մինչ խորհրդակցության մեկնարկը տեղի է ունեցել կրթական էքսպո, որի ընթացքում մասնակիցները ծանոթացել են հանրակրթության պետական նոր չափորոշչի ներդրման շրջանակում մշակված «Ամենահետաքրքիր խմբակ», «Ամենահետաքրքիր նախագծային աշխատանք», «Նորարարական դասի լավագույն գաղափար», «Աշակերտական խորհրդի լավագույն նախաձեռնություն»,․․․
Քաղաքացիների ձայնը՝ մեր աշխատանքի կարևորագույն ուղենիշ 26.08.2026
Օգոստոսի 26-ին Գեղարքունիքի մարզպետ Կարեն Սարգսյանը քաղաքացիների հերթական ընդունելությունն անցկացրեց Վարդենիսի համայնքապետարանում։ Յուրաքանչյուր դիմում և բարձրացված հարց մեր ուշադրության կենտրոնում է։ Մենք հետևողականորեն աշխատում ենք՝ հնարավորության սահմաններում աջակցելու և քաղաքացիների բարձրաձայնած խնդիրներին հասցեական լուծումներ տալու ուղղությամբ։ Քաղաքացիների ձայնը պետք է լսելի լինի, իսկ նրանց բարձրացրած հարցերը՝ ստանան համապատասխան արձագանք և լուծում։
«Վարչաֆեստ 2026»՝ երիտասարդ երաժիշտների նոր հարթակ Սևանի ափին 24.08.2026
Սևանա լճի ափին՝ Sevan Festival City-ի տարածքում, կայացավ «Վարչաֆեստ 2026» երիտասարդական երաժշտական մրցույթ-փառատոնը՝ մեկ հարթակում համախմբելով Հայաստանի տարբեր մարզերից ժամանած երիտասարդ երաժշտախմբերին, կենդանի երաժշտության սիրահարներին և ոլորտի ներկայացուցիչներին։ Փառատոնի եզրափակիչ փուլ անցած 20 խմբերը հանդես եկան կենդանի կատարումներով։ Մրցույթին նախորդած լսումներին մասնակցել էր շուրջ 100 երիտասարդական երաժշտական խումբ, որոնցից ընտրվել էին լավագույն 50-ը, ապա՝ եզրափակիչ փուլի 20 մասնակիցները։ Հաղթողները որոշվեցին ժյուրիի գնահատականների և հանդիսատեսի քվեարկության արդյունքներով․ «Red Line»՝ գլխավոր մրցանակ՝ 4 մլն դրամ «Dophamin»՝ 1-ին տեղ՝ 3 մլն դրամ «Noosh»՝ 2-րդ տեղ՝ 2 մլն դրամ «Folkastic»՝ 3-րդ տեղ՝ 1 մլն դրամ։ «Վարչաֆեստ 2026»-ը դարձավ երիտասարդ երաժիշտների բացահայտման, նրանց ստեղծագործական ներուժի զարգացման և նոր համագործակցությունների ձևավորման կարևոր հարթակ՝ միաժամանակ Սևանի ափը վերածելով երաժշտությամբ ու երիտասարդական էներգիայով լի յուրահատուկ միջավայրի։
Գործնական աշխատանք, հստակ առաջնահերթություններ և արդյունք՝ Գեղարքունիքի շարունակական զարգացման համար 24.08.2026
Գեղարքունիքի մարզպետ Կարեն Սարգսյանը անցկացրեց հերթական աշխատանքային խորհրդակցությունը՝ մարզպետի աշխատակազմի ստորաբաժանումների ղեկավարների մասնակցությամբ։ Քննարկվեցին ուսումնական տարվա մեկնարկին ընդառաջ իրականացվող նախապատրաստական աշխատանքները, մարզի ճանապարհների բարեկարգման, փոսալցման և գծանշման ընթացքը, հացահատիկի բերքատվության արդյունքները, ինչպես նաև «Ֆեստիվառ»-ի կազմակերպմանն ուղղված աշխատանքները։ Օրակարգում էին նաև մարզի զարգացմանն ու բնակիչների առօրյային առնչվող մի շարք այլ կարևոր հարցեր։ Ամփոփվեց կատարվածը, հստակեցվեցին առաջիկա անելիքները և համապատասխան հանձնարարականներ տրվեցին՝ յուրաքանչյուր ուղղությամբ աշխատանքը հետևողականորեն առաջ տանելու համար։
