Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՀՀ  Գեղարքունիքի մարզպետ Գնել Սանոսյանի շնորհավորանքի խոսքը  Արցախի Հանրապետության տոնի առթիվ

ՀՀ Գեղարքունիքի մարզպետ Գնել Սանոսյանի շնորհավորանքի խոսքը Արցախի Հանրապետության տոնի առթիվ 02.09.2019

Սիրելի հայրենակիցներ: 1991 թվականի սեպտեմբերի 2-ին հռչակվեց Արցախի անկախ հանրապետությունը, որով դրվեց ին հայկական երկրորդ պետության հիմքերը: Այդ կամարտահայտումը, սակայն, հարկ եղավ պաշտպանել ռազմադաշտերում, տասնյակ հազարավոր հայորդիների կյանքի ու արյան գնով: Իսկ դրան հաջորդած տարիները ցույց տվեցին մեր հաղթանակների անշրջելիությունը, համայն հայության անսասան կամքը՝ ազատ, ինքնիշխան Արցախի պաշտպանության ու հզորացման գործում: Շնորհավորում եմ բոլորիս Արցախի անկախության տոնի առթիվ, մաղթում խաղաղ ու հզոր հայրենիք, համազգային նոր հաղթանակներ: Լավագույն ցանկություններով ՝ ՀՀ Գեղարքունիքի մարզպետ Գնել Սանոսյան

 Գեղարքունիքի մարզում բացվեց հինգ նոր նախակրթարան

Գեղարքունիքի մարզում բացվեց հինգ նոր նախակրթարան 01.09.2019

Նոր ուսումնական տարում Գեղարքունիքի մարզի Նորաշեն, Զոլաքար, Մարտունի և Գավառ համայնքներում բացվեցին հինգ նոր նախակրթարաններ, որոնց ժապավենները կտրեցին ՀՀ ԿԳՄՍ նախարար Արայիկ Հարությունյանը և ՀՀ Գեղարքունիքի մարզպետ Գնել Սանոսյանը: Նախակրթարանները հիմնվել են ՀՀ ԿԳՄՍ նախարարության «Կրթական ծրագրերի կենտրոն» ԾԻԳ ՊՀ-ի միջոցներով և համայնքների մասնակի ներդրումներով, բացառությամբ Նորաշենի նախակրթարանի, որտեղ ներդրումը ամբողջովին կատարվել է պետության կողմից: Նախարարի և մարզպետի համատեղ այցի առաջին կանգառը Նորաշենի հիմնական դպրոցում էր, որտեղ նորաբաց նախակրթարան այս տարի հաճախում են 16 երեխա: Նոր ուսումնական տարին այս դպրոցում դիմավորեցին տոնական միջոցառմամբ, ուրախ երգ ու պարով: ԿԳՄՍ նախարար Արայիկ Հարությունյանը, ողջունելով ներկաներին, նշեց, որ պետությունը կարևորում է նախակրթարանների դերը և ներկա փոփոխությունների շեմին ՀՀ կառավարությունն ակնկալում է ներգաղթ, ինչի հաշվին ակնկալվում է աշակերտների թվի ավելացում:

ՀՀ Գեղարքունիքի մարզպետ Գնել Սանոսյանի ուղերձը նոր ուսումնական տարվա  առթիվ

ՀՀ Գեղարքունիքի մարզպետ Գնել Սանոսյանի ուղերձը նոր ուսումնական տարվա առթիվ 31.08.2019

Սիրելի հայրենակիցներ: Ամեն մեկիս կյանքում առանձնահատուկ տեղ ունի Սեպտեմբերի 1-ը, որը մեզ քաղցր հուշերով ու ամուր թելերով կապում է դպրոցի , գիտության ու կրթության հետ, որոնք միշտ էլ վճռորոշ դերակատարություն են ունեցել յուրաքանչյուր անձի զարգացման և կայացման հարցում։ Նոր Հայաստանում նորովի պետք է արժեւորվեն կրթությունն ու գիտությունը՝ որպես մեր հայրենիքի առաջընթացի ու բարօրության հաստատման նախապայման: Մենք հետեւողականորեն կշարունակենք կրթական բարեփոխումները, որպեսզի մոտ ժամանակներում ունենանք արդի չափորոշիչներին համահունչ ու մրցունակ կրթական համակարգ: Շնորհավորում եմ ձեզ Գիտելիքի օրվա եւ նոր ուսումնական տարվա մեկնարկի կապակցությամբ, ցանկանում առաջադիմություն ուսման մեջ, խաղաղ հայրենիք, ստեղծագործ աշխատանք: Ջերմ բարեմաղթանքներով՝ Գեղարքունիքի մարզպետ Գնել Սանոսյան

Ոռոգման շրջանն ընթանում է առանց դժգոհությունների

Ոռոգման շրջանն ընթանում է առանց դժգոհությունների 30.08.2019

Գեղարքունիքի մարզպետարանում «Գեղարքունիք» ՋՕԸ տնօրենի, Գեղարքունիքի մարզի համայնքների ղեկավարների մասնակցությամբ քննարկվեցին այս տարվա ոռոգման շրջանի հետ կապված մի շարք ընթացիկ ու հրատապ լուծում պահանջող հարցեր: Քննարկումը վարում էին ՀՀ ջրային պետական կոմիտեի նախագահի տեղակալ Հարություն Գուլյանը , Գեղարքունիքի մարզպետի տեղակալ Նարեկ Գրիգորյանը եւ «Գեղարքունիք» ՋՕԸ տնօրեն Կարեն Սարգսյանը: Վերջինիս ներկայացմամբ՝ այս տարի «Գեղարքունիք» ՋՕԸ սպասարկման տիրույթում գործել է 23 պոմպակայան, 60 խորքային հոր եւ ոռոգման ինքնահոս համակարգեր: Պայմանագիր է կնքվել 7069 ջրօգտագործողների հետ, որոնց թիվը դեռեւս ավելացման միտում ունի: ՋՕԸ սպասարկման տարածքում ոռոգում իրականացվել է շուրջ 1810 հեկտարի վրա: «Ոռոգման ջուրը տնտեսություններին մատակարվել է ժամանակին ու բավարար չափով: Օգոստոսի վերջերի դրությամբ տնտեսություններն արդեն կատարել են չորրորդ կամ հինգերորդ ոռոգումը՝ առանց ուշացումների: Գանձումները հուլիսի տվյալներով կազմել են 109 տոկոս: Կարծում եմ, գանձումները տարվա կտրվածքով կկազմեն 110 տոկոս: Համայնքերի ղեկավարների հետ համագործակցված աշխատանքի արդյունքում մենք 470-ով ավելացրել ենք բաժանորդների քանակը, մոտ 50 հեկտարով՝ ոռոգվող հողատարածքների մակերեսները:

Ավագանու նիստ

Ավագանու նիստ 30.08.2019

Գավառ համայնքի ավագանու հերթական նիստը տեղի կունենա սույն թվականի սեպտեմբերի 6-ին, ժամը 16;00-ին, Գավառի քաղաքապետարանի ավագանու սենյակում` օրակարգային հետևյալ հարցերով.

 Պեղումներ Օձաբերդ հնավայրում

Պեղումներ Օձաբերդ հնավայրում 29.08.2019

Արդեն վեց տարի է, ինչ Գեղարքունիքի մարզի Ծովինար համայնքի Օձաբերդ կոչվող հնավայրում հնագիտական հետազոտություններ է իրականացնում հայկական արշավախումբը հնագետ, պատմական գիտությունների թեկնածու Միքայել Բադալյանի ղեկավարությամբ: Այս պեղումները Օձաբերդում, որոնք սկսվել են հուլիսի 27-ին եւ շարունակվել մեկ ամիս, արձանագրել են հետաքրքիր բացահայտումներ, որոնք նոր ուղղումներ են մտցնում թե հուշարձանի շերտագրության, թե պատմագիտական մինչ այժմ եղած պատկերացումների մեջ: Հնագիտական արշավախմբի ղեկավար Միքայել Բադալյանի տեղեկացմամբ, պեղումներն իրականացվում են ՀՀ Կրթության, գիտության, մշակույթի եւ սպորտի նախարարության «Պատմամշակութային արգելոց-թանգարանների եւ պատմական միջավայրի պահպանություն» ՊՈԱԿ-ի նախաձեռնությամբ՝ Գիտության պետական կոմիտեի «Ենթակառուցվածքի զարգացման ծրագրի» դրամաշնորհի շրջանակներում: «Այս տարի պեղումները կենտրոնացված են եղել 2 տեղամասում՝ ամրոցի արեւելյան հատվածում (Տեղամաս E 2) եւ միջնաբերդի հյուսիսարեւելյան աշտարակի եւ հյուսիսային պատի դիմաց ընկած հատվածում, որտեղ ֆիքսվել էր թեքահարթակ (Տեղամաս G):

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-11-11 18:19:26