Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը 22.01.2024
Հունվարի 22-ին Գեղարքունիքի մարզպետ Կարեն Սարգսյանի մոտ հրավիրված հերթական խորհրդակցության ընթացքում քննարկվեցին առաջնահերթ ու կարևոր խնդիրներ, որոնց կարգավորման շուրջ նախորդ խորհրդակցությանը հանձնարարականներ էին տրվել մարզպետի աշխատակազմի ստորաբաժանումների ղեկավարներին։ Մարզպետին զեկուցվեց 6 հարց՝ 60-ից ավելի ենթահարցերով, որոնք հիմնականում առնչվում են կրթության, առողջապահության, քաղաքաշինության, ենթակառուցվածքների կառավարման, ֆինանսական, տարածքային կառավարման ու տեղական ինքնակառավարման, գյուղատնտեսության, ծրագրերի իրականացման, տեղեկատվության ու այլ ոլորտներին։ Առանձնակի անդրադարձ եղավ Լեռնային Ղարաբաղից բռնի տեղահանված բնակչության հիմնախնդիրների կարգավորման ընթացքին։ ․․․
ՀԱՅՏԱՐԱՐՈՒԹՅՈՒՆ 18.01.2024
Հայաստանի Հանրապետության Գեղարքունիքի մարզպետի աշխատակազմի և Ֆրանսիայի Հանրապետության Իզերի դեպարտամենտի միջև ապակենտրոնացված համագործակցության շրջանակներում 2024թ. փետրվարից կմեկնարկեն ֆրանսերեն լեզվի անվճար դասընթացներ՝ Գավառի տարածաշրջանի 11-14 տարեկան դպրոցականների համար: Դասերը կանցկացվեն Ֆրանս-Ֆորմասիոն Ինտերնասիոնալ կազմակերպության կողմից ուսումնական տարվան զուգահեռ հեռավար տարբերակով՝ ամենամսյա օֆլայն հանդիպումների հնարավորությամբ։ Դասերի հաճախականությունը` շաբաթական 2 օր, օրական 2 ժամ տևողությամբ։ Դասընթացին զուգահեռ մասնակիցները հնարավորություն կունենան ամբողջ տարվա ընթացքում կամավոր հիմունքներով մասնակցել ֆրանսախոս մշակութային միջոցառումների։ Գրանցվելու համար անհրաժեշտ է զանգահարել 093 48 29 06 / 096 48 29 06 հեռախոսահամարաներով կամ անցնել․․․
Վերջին շրջանում նկատվող սուր շնչառական վարակների, մասնավորապես սեզոնային գրիպի տարածմամբ պայմանավորված, ակտիվացել է տարբեր տարիքի քաղաքացիների դիմելիությունը և հոսպիտալացումը բժշկական հաստատություններ։ Իրավիճակի հետագա բարդություններից խուսափելու նպատակով Գեղարքունիքի մարզի բժշկական օգնություն և սպասարկում իրականացնող կազմակերպությունների կողմից կատարվում է սեզոնային գրիպի դեմ պատվաստումների գործընթացը՝ ինչպես բուժհաստատություններում, այնպես էլ արտագնա եղանակով։ Պատվաստումներին զուգընթաց մարզի բժշկական օգնություն և սպասարկում իրականացնող կազմակերպությունների կողմից բնակչության շրջանում իրականացվում են նաև իրազեկման աշխատանքներ՝ պատվաստումների կարևորության, հետագա բարդություններից խուսափելու․․․
2023 թվականին ՀՀ Գեղարքունիքի մարզպետի աշխատակազմում մուտքագրվել է քաղաքացիներից ստացված 1779 դիմում, բողոք, առաջարկություն, հանրագիր, այդ թվում՝ 166 դիմում ՀՀ Գեղարքունիքի մարզպետի աշխատակազմ են վերահասցեագրվել ՀՀ Վարչապետի աշխատակազմից։ Հաշվառվել է 55 բողոք, 2 առաջարկություն, 10 հանրագիր։ Գեղարքունիքի մարզպետի աշխատակազմից մարզի համայնքներ և պետական այլ մարմիններ է վերահասցերագրվել 271 դիմում։ Դրական պատասխան է տրվել 1047 դիմումի, պարզաբանում է տրվել է 333 դիմումի, մերժվել է 128 դիմում։ 2023 թվականի ընթացքում ՀՀ Գեղարքունիքի մարզպետը մարզպետի աշխատակազմում և մարզի համայնքներում ընդունել է 364 քաղաքացու, որից 248 քաղաքացու տրվել է բավարար պատասխան, 98 քաղաքացու դիմում, օրենքի շրջանակներում, չի բավարարվել, 18 քաղաքացու դիմում ընթացքի մեջ է և...
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 16.01.2024
Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց աշխատանքային հերթական խորհրդակցությունը, որի ընթացքում քննարկվեցին նախորդ խորհրդակցությանը տրված հանձնարարականների կատարման ընթացքին վերաբերող հարցեր, տրվեցին նոր հանձնարարականներ։ Ստորաբաժանումների ղեկավարների կողմից նախ տեղեկատվություն ներկայացվեց Լեռնային Ղարաբաղից բռնի տեղահանված և Գեղարքունիքի մարզի տարբեր բնակավայրերում ապաստանած ընտանիքների վերաբերյալ, hամաձայն որի՝ հաշվառված են 5-12 տարեկան 898 երեխաներ, որոնցից 751-ը հաճախում են մարզային ենթակայության հանրակրթական, 57-ը ԿԳՄՍ նախարարության ենթակայության դպրոցներ, 19 երեխա՝ նախակրթարաններ և 65-ը սովորում են քոլեջներում կամ ուսումնարաններում։ Հանրակրթությունից դուրս մնացած ․․․
Անցկացվեց ձմեռային հերթական զորակոչը 14.01.2024
Հունվարի 14-ին Գեղարքունիքի մարզում ձմեռային հերթական զորակոչն անցկացվեց ՀՀ ՊՆ զորակոչային եւ զորահավաքային համալրման ծառայության Գեղարքունիքի մարզային ստորաբաժանման Գավառի և Ճամբարակի տարածքային բաժիններում հաշվառված զորակոչիկների շրջանում։ Նշված համայնքներում կայացած զորակոչի արարողություններին մասնակցեցին Գեղարքունիքի մարզպետի աշխատակազմի տարածքային կառավարման և տեղական ինքնակառավարման հարցերի վարչության պետ Վանիկ Հարությունյանը, նույն վարչության գլխավոր մասնագետ Հրանդիկ Օհանյանը, Գավառի և Ճամբարակի համայնքապետարանների ներկայացուցիչներ, ուժային կառույցների ղեկավարներ, նորակոչիկների ծնողներ և հարազատներ։ Միջոցառումներն անցկացվեցին հանդիսավոր արարողություններով, հնչեցին շնորհավորանքի և բարեմաղթանքի խոսքեր։ Նորակոչիկները տեղի եկեղեցիներում, մոմեր վառեցին և ստացան Գեղարքունյաց թեմի հոգևոր դասի օրհնությունը։ Բարի և խաղաղ ծառայություն ձեզ, սիրելի նորակոչիկներ։ ․․․
