Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տեղեկացում՝ «Իմ քայլը հանուն Գեղարքունիքի» գործարար համաժողովի մասնակցության վերաբերյալ 19.02.2019
2019 թվականի ապրիլի 19-ին կայանալու է «Իմ քայլը հանուն Գեղարքունիքի» տնտեսական գործարար համաժողով, որի նպատակն է համախմբել ծնունդով Գեղարքունիքի մարզից Հայաստանում և արտերկրում բնակվող գործարարներին՝ մարզում ներդրումներ կատարելու, սոցիալ-տնտեսական բնույթի ծրագրեր իրականացնելու, աշխատատեղեր ստեղծելու համար: Մարզի համայնքներում ներդրումային ծրագրեր կյանքի կոչելու համար խնդրվում է մարզի բնակիչներին՝ իրենց կողմից մշակված խելացի և նպատակային գաղափարները ներկայացնել Գեղարքունիքի մարզպետարան՝ այն համապատասխանեցնելով ներդրումային ծրագիր-առաջարկի ձևաչափին: Ներկայացված ծրագրերը Գեղարքունիքի մարզպետարանում ստեղծված հանձնաժողովի կողմից քննարկվելու և հավանության արժանանալու դեպքում կներկայացվեն գործարար համաժողովի օրակարգում: Հարցերի և դիմումների համար կապվել՝ ՀՀ Գեղարքունիքի մարզպետարան Զարգացման ծրագրերի, զբոսաշրջության և վերլուծության բաժնի պետ՝ Վարդուհի Մնացականյանին Հեռ.՝ +374 60 65 06 27, +374 94 70 57 21 Էլ. hասցե vard.m@mail.ru
Վարդաձորցի փոքրիկները վերջապես կհաճախեն մանկապարտեզ 19.02.2019
Գեղարքունիքի մարզի Վարդաձոր համայնքում շահագործման հանձնվեց նորակառույց մանկապարտեզի շենքը: 80 սանի համար նախատեսված կառույցը գործելու է երկու խմբով, որոնցից յուրաքանչյուրն ունի առանձին խաղասենյակ, ննջարան, խոհանոց և սանհանգույց: Բացի այդ, գործելու է նաև ընդհանուր խոհանոց և սանհանգույց: Նորակառույցն ապահովված է կոմունալ բոլոր հարմարություններով, կահավորված եվրոպական չափանիշներին համապատասխան: Մանկապարտեզի շինարարական աշխատանքները մեկնարկել են 2017 թվականին՝ Հայաստանի Տարածքային Զարգացման Հիմնադրամի ֆինանսավորմամբ և Վարդաձոր համայնքի համաֆինանսավորմամբ: Մի շարք աշխատանքներում իրենց աջակցությունն են ցուցաբերել նաև վարդաձորցի գործարարները: Շինարարական աշխատանքներն իրականացնող «Նիգ Դավ Գրուպ» ԲԲԸ տնօրենների խորհրդի նախագահ Գագիկ Նիկողոսյանի տեղեկացմամբ՝ մանկապարտեզի ամբողջ շինմոնտաժային աշխատանքների համար ծախսվել է մոտ 169 միլիոն դրամ: Վարդաձորի նորակառույց մանկապարտեզի հանդիսավոր բացման արարողությունը տեղի ունեցավ փետրվարի 19-ին: Արարողությանը մասնակցում էին.
Գեղարքունիքի մարզպետարանում քննարկվեցին մարզում զբոսաշրջության զարգացման հեռանկարները 18.02.2019
Փետրվարի 18-ին Գեղարքունիքի մարզպետ Գնել Սանոսյանն ընդունեց ՄԱԶԾ-ի «Ինտեգրացված Գյուղական Զբոսաշրջության Զարգացում» ծրագրի համակարգող Արման Վալեսյանին և նույն ծրագրի «Երիտասարդների առաջխաղացման արահետ» բաղադրիչի ներկայացուցիչ Արեգ Սինանյանին: Հանդիպման հիմնական թեման մարզի զբոսաշրջության ոլորտում ՄԱԶԾ «Ինտեգրացված Գյուղական Զբոսաշրջության Զարգացում»ծրագրի կողմից առաջ քաշված որոշակի նորարարական գաղափարների և ծրագրերի կյանքի կոչումն էր, ինչպես նաև Գեղարքունիքի մարզպետարանի և մարզի համայնքների հետ համագործակցության շրջանակների ընդլայնումը: Ծրագրի համակարգող Արման Վալեսյանը ներկայացրեց ծրագրի բովանդակությունը, նպատակներն ու անելիքները, որտեղ ընդգրկված է Գեղարքունիքի մարզը: Ըստ ներկայացվածի՝ ծրագիրը ֆինանսավորում է Ռուսաստանի Դաշնությունը, իրականացնում ՄԱԿ-ի զարգացման ծրագիրը՝ ՀՀ տարածքային կառավարման և զարգացման նախարարության հետ համատեղ: Ծրագրի նպատակն է ՝ համայնքներ հետ միասին լուծումներ գտնելու զբոսաշրջության զարգացման և խթանման համար...
Կարդիականացվի Մարտունի քաղաքի գրադարանը 15.02.2019
Փետրվարի 15-ին Գեղարքունիքի մարզպետ Գնել Սանոսյանն ընդունեց «Արտիսիմո» հասարակական կազմակերպության համահիմնադիր Էկա Հորստկային, ում հետ քննարկեց նույն կազմկերպության «Լուսե տանիք» նախագծի էսքիազային փուլի ներկայացման եւ իրականացման հետ կապված հարցեր: Ինչպես հանդիպման սկզբում ներկայացրեց Էկա Հորստկան, «Լուսե տանիքը» Մարտունի քաղաքի հանրային գրադարանի վերակառուցման եւ արդիականացման ծրագիրն է, որի արդյունքում կստեղծվի ժամանակակից գրադարան՝ համակարգչային, աուդիո, ստեղծագործական, ժամանցային սենյակներով, որոնք հասանելի կլինեն նաեւ տարբեր կարողություններով անձանց ու գրավիչ՝ զբոսաշրջիկների համար: «Նախագիծը հետեւելու է հնի պահպանման ու նորի ստեղծման սկզբունքին եւ նպատակ ունի՝ բարձրացնել անձի մշակութային գիտակցությունը: Մարտունու համայնքապետարանի գործակցության եւ ԵՄ կողմից ֆինանսավորվող ՀԲԸՄ «ՔՀԿ Կամուրջ» ծրագրի տեղեկատվական ...
Գեղարքունիքի մարզպետ Գնել Սանոսյանն աշխատանքային եռօրյա այց կատարեց Արաբական Միացյալ Էմիրություններ 13.02.2019
Արաբական Միացյալ Էմիրությունների Դուբայ քաղաքում գործող «Ռոյալ Ֆռոնտ» (“Royal Front” LLC) ներդրումային ընկերության տնօրենի հրավերով փետրվարի 8- 11-ին Գեղարքունիքի մարզպետ Գնել Սանոսյանը եռօրյա աշխատանքային այց կատարեց Արաբական Միացյալ Էմիրություններ։ Դուբայում Գնել Սանոսյանն աշխատանքային հանդիպումներ ունեցավ Դուբայի տնտեսական զարգացման դեպարտամենտի ներդրումների խթանման բաժնի տնօրեն Իբրահիմ Ահլիի (Ibrahim Ahli, Direcor of Investment Promotion Division Department of Economic Development in Dubai) , «ԱլԱվեալ ինվեսթմենթ գրուպի» բաժնետեր Կռուս Աֆիֆիի (Cyrus Afifi, Shareholder AlAwael Investment Group), Չինաստանի մեքենաշինական կորպորացիայի բիզնեսի զարգացման մենեջեր ...
Դրախտիկի միջնակարգ դպրոցում բացվել է «Արմաթ» ինժեներական լաբորատորիա 13.02.2019
Գեղարքունիքի մարզի Դրախտիկ գյուղի միջնակարգ դպրոցում հանդիսավորությամբ բացվեց «Արմաթ» ինժեներական լաբորատորիա: Լաբորատորիայի բացմանը մասնակցեցին ՀՀ ԱԺ պատգամավոր Վարազդատ Կարապետյանը, Գեղարքունիքի մարզպետի տեղակալներ Նարեկ Գրիգորյանը և Անուշավան Ղազարյանը, Գեղարքունիքի մարզպետարանի ԿՄՍ վարչության պետ Կարեն Զազյանը, «Վորլդ Վիժն Հայաստան» կազմակերպության Գեղարքունիքի մարզի զարգացման ծրագրերի համակարգող Վարազդատ Սարգսյանը, «Արմաթ» ինժեներական լաբորատորիաների ներդրման ծրագրի համակարգող Սեդրակ Վարդանյանը, Դրախտիկի միջնակարգ դպրոցի մանկավարժներ, աշակերտներ եւ ծնողներ: Ինչպես տեղեկացրեց Դրախտիկի միջնակարգ դպրոցի տնօրեն Նազիկ Բաբաքոխյանը, ինժեներական լաբորատորիայի գործունեության համար հատկացվել է 1 դասասենյակ, որը նորոգվել ու կահավորվել էՔաջարանի պղնձամոլիբդենային կոմբինատի եւ Դրախտիկի դպրոցի աշակերտների ծնողների միջոցներով ու ջանքերով: «Ինժեներական ...
