Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանը կատարեց քաղաքացիների հերթական ընդունելություն 07.05.2025
Մայիսի 7-ին Գեղարքունիքի մարզպետ Կարեն Սարգսյանը աշխատակազմի վարչական շենքում կատարեց քաղաքացիների ընդունելություն։ Ընդունելության մասնակից քաղաքացիները դիմում ներկայացրին աշխատանքի տեղավորման և վերականգնման, բնակարանի և բազմաբնակարան բնակելի շենքի տանիքների վերանորոգման, բուժման, մարզադաշտի օգտագործման, գործունեություն ծավալելու նպատակով տարածքի ձեռքբերման, ընտանեկան, անձնական հարցերի կարգավորման, ինչպես նաև սոցիալական բնույթի տարբեր խնդիրների կարգավորման նպատակով ֆինանսական աջակցություն ստանալու համար։ Գեղարքունիքի մարզպետի աշխատակազմ ներկայացված դիմումներին պատասխան կտրվի լրացուցիչ ուսումնասիրություն կատարելուց հետո՝ օրենքով սահմանված կարգով և ժամկետում։
Գեղարքունիքի մարզպետ Կարեն Սարգսյանը Հայաստանի Հանրապետության քննչական կոմիտեի նախագահ Արթուր Պողոսյանի հետ մայիսի 2-ին մասնակցել է մարզային քննչական ստորաբաժանումներում կայացած խորհրդակցությանը։ Խորհրդակցության արդյունքներով Քննչական կոմիտեի նախագահ Արթուր Պողոսյանը ստորաբաժանումների ղեկավարներին հանձնարարել է ուշադրության կենտրոնում պահել մեկ տարուց ավելի ժամկետում քննվող կոռուպցիոն բնույթի ծանր և առանձնապես ծանր դեպքերով քրեական վարույթները։ Արթուր Պողոսյանը հանձնարարել է նաև մանրամասն ուսումնասիրել անչափահասների կողմից կատարված հանցագործություններ ծնող պատճառները՝ ընդգծելով նրանց լավագույն շահը պաշտպանելու և առավելապես կանխարգելիչ միջոցներ ձեռնարկելու կարևորությունը: Խորհրդակցության ընթացքում անդրադարձ է կատարվել նաև ապօրինի ձկնորսության դեպքերի աճին, անտառահատումների և ապօրինի ընդերքօգտագործման դեպքերին և հանձնարարվել է այդ դեպքերով շարունակել անհրաժեշտ հետևողականությունը քրեական վարույթների բնականոն ընթացքն ապահովելու և պետությանը պատճառված վնասը վերականգնելու ուղղությամբ:
ՀՀ Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 06.05.2025
Մայիսի 5-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց հերթական աշխատանքային խորհրդակցությունը։ Սկսելով խորհրդակցությունը՝ Կարեն Սարգսյանը շնորհակալություն հայտնեց աշխատակազմին՝ 2025 թվականի մայիսի 3-ին հայտարարված համապետական շաբաթօրյակը մարզում արդյունավետորեն կազմակերպելու և անցկացնելու համար։ Խորհրդակցության ընթացքում քննարկվեցին 2025 թվականի ապրիլի 30-ի դրությամբ մարզի համայնքների բյուջեների սեփական եկամուտների հավաքագրման արդյունքների, նախորդ տարիներից կուտակված ապառքների գանձման նպատակով հարուցված վարչական վարույթների, համայնքների կողմից տրված շինթույլտվությունների օրինականության ու ժամկետների, մարզում անցկացված թատերական երկամսյակի արդյունքների ամփոփման հետ կապված հարցեր։ Խոսվեց նաև Վարդենիս համայնքի Նորակերտ գյուղի նոր մանկապարտեզի կառուցման նախագծանախահաշվային փաստաթղթերի ձեռքբերման, 2024 թվականին իրականացված և 2025 թվական տեղափոխված սուբվենցիոն ծրագրերի ավարտման ժամկետների, Միջգերատեսչական հանձնաժողովի կողմից․․․
Գեղարքունիքի մարզպետ Կարեն Սարգսյանը հանդիպում ունեցավ մարզային թատրոնի դերասանների հետ 06.05.2025
Մայիսի 6-ին Գեղարքունիքի մարզպետ Կարեն Սարգսյանը Գավառի Լ․ Քալանթարի անվան պետական դրամատիկական թատրոնի շենքում հանդիպում-քննարկում անցկացրեց թատրոնի տնօրինության և դերասանական կազմի հետ։ Հանդիպմանը մասնակցեցին նաև Գեղարքունիքի մարզպետի տեղակալ Ջանիկ Բազեյանը և Գեղարքունիքի մարզպետի աշխատակազմի ԿՄՍ վարչության պետ Կարեն Զազյանը։ Հանդիպման սկզբում թատրոնի տնօրեն Հայկ Ղափանցյանը կոլեկտիվի անունից շնորհակալություն հայտնեց Գեղարքունիքի մարզպետին՝ մարզում թատերական երկամսյակի կազմակերպման ու անցկացման համար, շեշտելով, որ այն լայն արձագանք է գտել հանրապետության թատերական շրջանակներում՝ արժանանալով մասնագետների բարձր գնահատականին։ Այնուհետ ծավալված անկաշկանդ զրույցի ընթացքում թատրոնի դերասաններն ու գլխավոր ռեժիսորը Գեղարքունիքի մարզպետին ներկայացրին իրենց առաջիկա ծրագրերն ու խաղացանկը, առաջնահերթ անելիքները, հանդես եկան առաջարկություններով ու հարցադրումներով։․․․
2025 թվականի մայիսի 2-ին Ծովինար բնակավայրի հարակից անտառային տարածքի 5 կիլոմետրանոց արահետային խճուղում կազմակերպվել և անցկացվել է «Հայաստանի Հանրապետության Վարչապետի գավաթ» դպրոցականների թիմային խճուղավազք մրցումների մարզային փուլը։ Մրցումներն անցկացվել են թիմային կարգով։ Թիմի կազմում ընդգրկվել են նույն դպրոցի 7 աշակերտներ, այդ թվում` 2 աղջիկ և 5 տղա: Մրցապայքարը ավարտված է համարվել եթե թիմի բոլոր անդամները հաղթահարել են 5 կիլոմետրանոց ճանապարհահատվածը, հակառակ դեպքում թիմի արդյունքները զրոյացվել է: Մարզային փուլին մասնակցության հայտ են ներկայացրել մարզի 39 դպրոցական թիմեր, նախորդ տարվա 28-ի փոխարեն։ Թիմերի մեծ մասը կարողացել են ավարտել մրցապայքարը, ինչի արդյունքում առաջին տեղը գրավել է Ծակքարի միջնակարգ դպրոցի թիմը, երկրորդ հորիզոնականում՝ Լճավանի Ա. Խաչատրյանի անվան միջնակարգ դպրոցի թիմը, իսկ երրորդ տեղում՝ Թթուջուր միջնակարգ դպրոցի թիմը:․․․
ՈՒՇԱԴՐՈՒԹՅՈՒՆ 04.05.2025
ՀՀ ՆԳՆ ՓԾ Գեղարքունիքի մարզային փրկարարական վարչությունը տեղեկացնում է, որ ս/թ մայիսի 8-ին ժամը 12։00-ին ՀՀ Գեղարքունիքի մարզի Ճամբարակ քաղաքում նախատեսվում է անցկացնել «Տարածաշրջանին բնորոշ արտակարգ իրավիճակները, կանխարգելումը և քաղաքացիական պաշտպանության հիմնահարցերը» թեմայով զրույց-քննարկում, ինչպես նաև «Ազդարարում, տարհանում, պատսպարում» թեմայով գործնական վարժանք։ Բնակչությանը խորհուրդ է տրվում խուճապի չմատնվել։ Զրույց-քննարկման օրակարգը՝ http://gegharkunik.mtad.am/files/announcements/20426.pdf
