Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
2025-2026 ուսումնական տարվան ընդառաջ՝ Գավառի Լ. Քալանթարի անվան պետական դրամատիկական թատրոնում անցկացվեց օգոստոսյան խորհրդակցությունը, որը վարում էր ՀՀ ԿԳՄՍ նախարարի տեղակալ Արաքսիա Սվաջյանը, ով հանդես եկավ ընդարձակ զեկույցով և պատասխանեց ներկաներին հուզող հարցերին։ Միջոցառմանը մասնակցում էին Գեղարքունիքի մարզպետի տեղակալ Ջանիկ Բազեյանը, ԿԳՄՍ նախարարի խորհրդական Արտաշես Թորոսյանը, «ԿԶՆԱԿ» հիմնադրամի տնօրենի պաշտոնակատար Ժաննա Հարությունյանը, ՀՀ ԿԳՄՍ նախարարության հանրակրթության վարչության պետ Թամարա Սարգսյանը, Գեղարքունիքի մարզպետի աշխատակազմի ԿՄՍ վարչության պետ Կարեն Զազյանը, ՏԻՄ ներկայացուցիչներ: Խորհրդակցության շրջանակում քննարկվեցին․ Հանրակրթության նոր չափորոշչի ներդրման ընթացքը «Անվտանգ և ապահով կրթական միջավայրի տարվա» մեկնարկը ԲՏՃՄ լաբորատորիաների ներդրումը դպրոցներում Ուսուցիչների կամավոր ատեստավորում և տարակարգի տրամադրում Քննությունների նոր ձևաչափ (4-րդ և 9-րդ դասարաններում) Երկարօրյա ծառայության կազմակերպում․․․
Այսօր՝ օգոստոսի 19-ին, Գեղարքունիքի մարզի Վարդենիս համայնքի Շատվան գյուղում տեղի ունեցավ նորակառույց բուժակ-մանկաբարձական կետի բացման արարողությունը, որին մասնակցեցին Գեղարքունիքի մարզպետ Կարեն Սարգսյանը, Վարդենիս համայնքի ղեկավար Ահարոն Խաչատրյանը, ԿԽՄԿ պատվիրակության ղեկավար Դաֆնե Մարեն, ԿԽՄԿ քաղաքական և գործառնական խորհրդատու Ավետիք Փաշայանը, Վարդենիսի ԲԿ-ի տնօրեն Շահեն Շահինյանը, ինչպես նաև մարզպետի աշխատակազմի և համայնքապետարանի աշխատակիցներ։ Գեղարքունիքի մարզպետ Կարեն Սարգսյանը շնորհավորեց Շատվանի նոր ԲՄԿ-ի բացման առիթով և ընդգծեց ծրագրի կարևորությունը համայնքի բնակիչների առողջության պահպանման գործում։ Մարզպետը իր խոսքում նաև շնորհակալություն հայտնեց ԿԽՄԿ գործընկերներին՝ արդյունավետ համագործակցության համար՝ նշելով․ «Մեր քաղաքականությունն է, որ առողջապահական ծառայությունները հասանելի լինեն՝ անկախ բնակավայրի սահմանամերձ կամ քաղաքային լինելուց, և քաղաքացիները ստիպված չլինեն որակյալ բուժսպասարկում ստանալու համար հասնել քաղաքային բնակավայրեր»։
Օգոստոսի 18-ին Գեղարքունիքի մարզպետ Կարեն Սարգսյանը հերթական աշխատանքային խորհրդակցություն անցկացրեց մարզպետի աշխատակազմի ստորաբաժանումների ղեկավարների հետ։ Քննարկվեցին մի շարք կարևոր հարցեր, մասնավորապես՝ Տեղական բյուջեների սեփական եկամուտների հավաքագրման ընթացքը Սուբվենցիոն ծրագրերի կատարողականների դիմաց վճարումները Մարտունիում Մյասնիկյան փողոցի լուսավորության կառուցման ծրագիրը Մարզային ճանապարհների սպասարկման խնայողությունների վերաբաշխումը Որոշ օբյեկտներում շինարարական թերությունների վերացում և ընթացիկ շինաշխատանքների վերահսկողությունը ՀՀ կառավարության կողմից 2025 թ․ հրատապ ծրագրերի իրականացման ընթացքը Քննարկվել են նաև՝ Նորակերտում, Սոթքում և Գագարինում մանկապարտեզների նախագծերի ձեռքբերումը Մարտունի համայնքում երկու մանկապարտեզների տարածքների բարեկարգումը Միջմարզային տրանսպորտային երթուղիների կազմակերպումը Վարդենիսի մարզադաշտի կառուցման ծրագիրը Մարզպետը հանձնարարեց սեղմ ժամկետներում ներկայացնել տեղեկատվություն՝ «Բուսաբուծության աջակցության» ծրագրի մոնիտորինգի արդյունքների մասին Բերքահավաքի ընթացքի և ցուցանիշների վերաբերյալ Քննարկման ավարտին ստորաբաժանումների ղեկավարներին տրվեցին նոր հանձնարարականներ:
ՀԵՐՔՈՒՄ 15.08.2025
«Ժողովուրդ» օրաթերթում օգոստոսի 15-ին հրապարակված` «Ավինյանի անարդարության ճարտարապետությունը Շորժայում» նյութը անհեթեթություն է, որը հերթական անգամ վկայում է որոշ լրագրողների մասնագիտական անգրագիտության և պրոֆեսիոնալիզմի բացակայության մասին։ Նյութում տեղ գտած բովանդակությունը ոչ այլ ինչ է, քան անտեղյակության ցցուն դրսևորում: Մասնավորապես ներկայացված է, թե իբր շինարարության թույլտվության պատասխանատուներն են Գեղարքունիքի մարզպետ Կարեն Սարգսյանը և «Սևան ազգային պարկ» ՊՈԱԿ-ի տնօրեն Կարեն Մնացականյանը։ Սա բացահայտ ապատեղեկատվություն է։ Նյութի հեղինակին տեղին է հիշեցնել, որ մարզպետը նման լիազորություն չունի: Շինթույլտվություն տրամադրում է տեղական ինքնակառավարման մարմինը, քանի որ շինարարությունն ընթանում է հենց Շողակաթ բնակավայրի վարչական տարածքում։․․․
Կախակնում կառուցվում է նոր կրթահամալիր՝ «300 դպրոց, 500 մանկապարտեզ» ծրագրի շրջանակում 14.08.2025
Գեղարքունիքի մարզպետ Կարեն Սարգսյանը Վարդենիս համայնքի ղեկավար Ահարոն Խաչատրյանի ուղեկցությամբ այցելել է Կախակնի կրթահամալիրի շինհրապարակ՝ տեղում ծանոթանալու ընթացող շինարարական աշխատանքներին։ 144 տեղանոց կրթահամալիրի շինարարական աշխատանքները մեկնարկել եմ 2024թ․ դեկտեմբերից։ Նոր համալիրը նախատեսված է Կախակն, Տրետուք և Կուտական գյուղերի երեխաների համար։ Նախագծի պայմանագրային արժեքը՝ 1 միլիարդ 210 միլիոն դրամ, իրականացվում է ՀՀ պետական բյուջեի միջոցներով՝ Հայաստանի տարածքային զարգացման հիմնադրամի պատվիրատվությամբ։ Այս պահի դրությամբ աշխատանքներն իրականացված են շուրջ 35%-ով։ Շենքի ամբողջական շահագործումը նախատեսված է 2026 թվականի սեպտեմբերին։ Կրթահամալիրը լիովին համապատասխանելու է ժամանակակից կրթական չափորոշիչներին՝ ապահովելով հարմարավետ և անվտանգ միջավայր համայնքի փոքրիկների համար։ ...
Կայացավ զորակոչային հանձնաժողովի հերթական նիստը 13.08.2025
Օգոստոսի 13-ին տեղի ունեցավ Գեղարքունիքի մարզային զորակոչային հանձնաժողովի նիստը՝ մարզպետ Կարեն Սարգսյանի նախագահությամբ։ Նիստին մասնակցեցին հանձնաժողովի բոլոր անդամները։ Քննարկվեցին 2025 թ. ամառային զորակոչի ավարտական փուլի արդյունքները, զորակոչի գործընթացում պետական գերատեսչությունների համագործակցությունը, ինչպես նաև կրթության հիմքով տարկետման ներկայացված գործերը։ Մարզպետը տվեց որոշ հանձնարարականներ՝ զորակոչի կազմակերպման գործընթացը առավել արդյունավետ իրականացնելու համար։
