Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ձորագյուղում՝ նոր ավտոկանգառներ և շուրջօրյա ջրամատակարարում 06.08.2025
Ձորագյուղում՝ նոր ավտոկանգառներ և շուրջօրյա ջրամատակարարում Գեղարքունիքի մարզպետ Կարեն Սարգսյանը և Մարտունի համայնքի ղեկավար Հովհաննես Հովեյանը այցելեցին Ձորագյուղ՝ ծանոթանալու երկու կարևոր սուբվենցիոն ծրագրերի իրականացման արդյունքներին։ Պատմամշակութային հուշարձաններով ավտոկանգառներ Ձորագյուղի կենտրոնական փողոցում կառուցվել են Մարտունու տարածքի պատմամշակութային հուշարձանները պատկերող երկու ավտոկանգառներ։ Ծրագրի արժեքը՝ 8 մլն 320 հազ. դրամ Ֆինանսավորում՝ 50%՝ ՀՀ կառավարություն, 50%՝ համայնք Շինաշխատանքները՝ 2024թ. սեպտեմբեր - 2025թ. Հուլիս Նոր կանգառները ոչ միայն ապահովում են ժամանակակից հարմարություններ, այլև ներկայացնում են Մարտունու համայնքի պատմությունն ու զբոսաշրջային գրավչությունները։ Շուրջօրյա ջրամատակարարում՝ 260 ընտանիքի համար։․․․
Անցկացվեց քաղաքացիների հերթական ընդունելությունը 06.08.2025
Օգոստոսի 6-ին Գեղարքունիքի մարզպետ Կարեն Սարգսյանն ընդունեց քաղաքացիների՝ մարզպետի աշխատակազմի վարչական շենքում։ Ընդունելությանը մասնակցած քաղաքացիները բարձրացրեցին տարբեր խնդիրներ՝ Դրամական աջակցություն, Աշխատանքի տեղավորման խնդրանք, Բազմաբնակարան շենքի ջրահեռացման հարց, Բնակարանային պայմանների բարելավում, Հողի նշանակության փոփոխություն, Ձեռնարկատիրական գործունեության աջակցություն։ Բոլոր դիմումները ընդունվել են հաշվառման և կպատասխանվեն օրենքով սահմանված կարգով։ Մարզպետի աշխատակազմը միշտ պատրաստ է լսելու և հնարավուրթյան սահմաններում աջակցելու Գեղարքունիքի բնակչությանը։
Վերակառուցվում է Սևան-Մարտունի-Գետափ միջպետական նշանակության ավտոճանապարհը 06.08.2025
Վերակառուցվում է Մ-10, Սևան-Մարտունի-Գետափ միջպետական նշանակության ավտոճանապարհի կմ79+060 - կմ80+590 հատվածը՝ մոտ 1.5 կմ երկարությամբ։ Այս ճանապարհը շրջանցելու է Վարդենյաց լեռնանցքի այն հատվածը, որը ձմռանը հաճախ փակվում էր ձնաբքի պատճառով։ Նոր ճանապարհի կառուցման շնորհիվ նախատեսվում է ապահովել անխափան ու անվտանգ երթևեկություն՝ հատկապես ձմռանը։ Շինարարությունը իրականացվում է ՀՀ պետական բյուջեի միջոցներով։
Վարդաձորի միջնակարգ դպրոցի շենքը վերանորոգվում է 05.08.2025
Մարտունի համայնքի ղեկավար Հովհաննես Հովեյանի, Վարդաձորի վարչական ղեկավար Մաքսիմ Ավետիսյանի, ինչպես նաև մարզպետի աշխատակազմի և համայնքապետարանի քաղաքաշինության ոլորտի պատասխանատուներըի ուղեկցությամբ շինհրապարակ է այցելել Գեղարքունիքի մարզպետ Կարեն Սարգսյանը։ Ծրագիրը իրականացվում է ՀՀ կառավարության «300 դպրոց, 500 մանկապարտեզ» պետական ծրագրի շրջանակում՝ պետական բյուջեի միջոցներով։ Վերանորոգման պայմանագրային արժեքը՝ 202 մլն դրամ։ Աշխատանքների շրջանակում նախատեսվում է՝ Տանիքի մասնակի նորոգում Ներքին և արտաքին հարդարումներ Նոր սանհանգույցների, ջեռուցման ու կոյուղու համակարգերի տեղադրում Վինիլային հատակների կառուցում Բացօթյա մարզահրապարակի կառուցում Նոր դռների տեղադրում և մի շարք այլ աշխատանքներ Շինարարությունն արդեն մեկնարկել է, և այն նախատեսվում է ավարտել առաջիկա չորս ամսվա ընթացքում։ Նպատակն է՝ ստեղծել ավելի բարեկարգ, անվտանգ և ուսումնական գործընթացին համապատասխան միջավայր Վարդաձորի աշակերտների համար։
Բարեկարգվում է Վարդաձորի մշակույթի տան բակային տարածքը 04.08.2025
Գեղարքունիքի մարզպետ Կարեն Սարգսյանը Մարտունի համայնքի ղեկավար Հովհաննես Հովեյանի հետ այցելել է Վարդաձոր՝ մշտադիտարկելու մշակույթի տան բակային տարածքում իրականացվող շինարարական աշխատանքները։ Աշխատանքներն ընթանում են ՀՀ կառավարության 2024 թ․ սուբվենցիոն ծրագրերի շրջանակում։ Ծրագրի պայմանագրային արժեքը կազմում է 37,968,000 դրամ, որից 65%-ը ֆինանսավորում է կառավարությունը, իսկ 35%-ը՝ Մարտունու համայնքապետարանը։ Նախատեսվում է՝ • 820 քմ տարածքի ասֆալտապատում • 162 քմ սալիկապատում • 108 մ հենապատի կառուցում և ցանկապատում • կանաչապատում և եզրաքարերի տեղադրում Շինարարությունը մեկնարկել է 2024-ի նոյեմբերին և արդեն իսկ իրականացվել է շուրջ 85%-ով։ Աշխատանքները նախատեսվում է ավարտել մինչև տարեվերջ։ Տեղում էին նաև Վարդաձորի վարչական ղեկավար Մաքսիմ Ավետիսյանը, ինչպես նաև մարզպետի աշխատակազմի և համայնքապետարանի համապատասխան մասնագետները։
Գեղարքունիքի մարզում հուլիս ամսին ծնվել է 115 երեխա 01.08.2025
2025 թվականի հուլիս ամսին Գեղարքունիքի մարզի ծննդօգնություն իրականացնող առողջապահական հիմնարկներում ծնվել է 115 երեխա, որից 68-ը՝ տղա, 47-ը՝ աղջիկ: 115 երեխաներից 24-ը ծնվել են Գավառի բժշկական կենտրոնում, 43-ը՝ Մարտունու ծննդատանը, 26-ը՝ Սևանի բժշկական կենտրոնում, 18-ը՝ Վարդենիսի բժշկական կենտրոնում, 4-ը՝ Ճամբարակի առողջության կենտրոնում։
