Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գավառի տարածաշրջանի միասնական երթուղային ցանցը ձևավորելու նպատակով երթուղային ցանցը սպասարկող «Գավառտրանս» ՍՊԸ-ն ներկրել է պահանջվող և ամբողջությամբ նոր՝ թվով 28 «Գազել» մակնիշի տրանսպորտային միջոցներ, որոնցից երկուսը հարմարեցված են հաշմանդամություն ունեցող անձանց ֆիզիկական վիճակին։ Այս ձեռնարկով լուծվել է Գավառի տարածաշրջանի միասնական երթուղային ցանցի սպասարկման և արդիականացման՝ տարիների ընթացքում կուտակված խնդիրը։
Հերթական ներկայացումը «Թատերական երկամսյակ» նախաձեռնության շրջանակներում 11.04.2026
Ինչպես արդեն հայտնի է՝ ՀՀ Գեղարքունիքի մարզպետ Կարեն Սարգսյանի նախաձեռնությամբ և ՀՀ ԿԳՄՍԵ նախարար Ժաննա Անդրեասյանի աջակցությամբ 2026 թվականի մարտ-ապրիլ ամիսներին Գեղարքունիքի մարզում հայտարարված «Թատերական երկամսյակ» նախաձեռնությանշրջանակներում Գեղարքունիքի Լևոն Քալանթարի անվան դրամատիկական թատրոնում, մարզի հանդիսատեսի առջև, տարբեր ներկայացումներով հանդես են գալիս մայրաքաղաքի և հանրապետության տարբեր մարզերի թատերական խմբեր։ Նախաձեռնության նպատակն է մարզում մեծացնել թատրոնի հանդեպ հետաքրքրությունը, մարզի հանդիսատեսին ավելի մոտեցնել թատերական կյանքին, նրան պարգևելով բարձր տրամադրություն և հաճելի պահեր։ Այս անգամ թատերական եկամսյակի հերթական՝ 8-րդ ներկայացումը Գեղարքունիքի Լ․ Քալանթարի անվան դրամատիկական թատրոնի դահլիճում բեմադրեցին Վանաձորի Հ. Աբելյանի անվան պետական դրամատիկական թատրոնի դերասանները։ Նրանք հանդես եկան «Սեր, թե՞ քուանշ» ներկայացման բեմադրությամբ։ Ռեժիսոր՝ Ժիրայր Գաբրիելյան։ Ներկայացումը դիտելու նպատակով Գեղարքունիքի մարզպետի աշխատակազմի կողմից հրավիրվել էին ․․․
Լճաշենում կառուցվել է 140 հիմնական աշխատատեղով ջերմատուն 11.04.2026
Հայաստանում ջերմատնային տնտեսությունների զարգացման աջակցության ՀՀ կառավարության 2023 թվականի ծրագրի շրջանակներում Գեղարքունիքի մարզի Լճաշեն բնակավայրում, մոտ 10,5 հեկտար տարածության վրա կառուցվել է ջերմատուն, որտեղ այցելեց և աշխատանքներին ծանոթացավ Գեղարքունիքի մարզպետ Կարեն Սարգսյանը։ Աշխատանքներն իրականացվել է «Գրին Սոլուշնս» ՍՊԸ-ի կողմից։ Լճաշենի ջերմատունը շահագործվել է նախորդ տարվա հունվար ամսից։ Այստեղ արտադրվում է լոլիկ և վարունգ։ ՀՀ կառավարության աջակցությամբ Լճաշենում կառուցված նոր ջերմատան գործարկմամբ տնտեսությունում ստեղծվել է 140 հիմնական և 30 ժամանակավոր աշխատատեղ։
2026 թվականի ապրիլի 6-ին և 8-ին Գագարինի միջնակարգ դպրոցի մարզադահլիճում անցկացվել են «ՀՀ Վարչապետի գավաթ» սեղանի թենիսի սիրողական մրցաշարի Գեղարքունիքի մարզային փուլի մրցումները, որին իրավունք էին ստացել մասնակցելու մրցաշարի համայնքային փուլի մրցումներում 1-ին 2-րդ և 3-րդ տեղեր գրաված դպրոցական թիմերը: Մրցումները անցկացվել են 2 տարիքային խմբերով: Առաջին տարիքային խումբում ընդգրկվել են 5-9-րդ դասարանների, իսկ երկրորդ տարիքային խմբում՝ 10-12-րդ դասարանների աշակերտները: Ապրիլի 6-ին մրցապայքարի մեջ են մտել 1-ին տարիքային խմբի թիմերը, որի արդյունքում առաջին հորիզոնականը զբաղեցրել է Գագարինի միջնակարգ դպրոցի թիմը։ Համապատասխանաբար երկրորդ և երրորդ տեղերը գրավել են Սարուխանի Մ. Խոստեղյանի անվան Հ.2 և Շատջրեքի միջնակարգ դպրոցների թիմերը: 2-րդ տարիքային խմբում հաղթողի համար մրցապայքարի մեջ են մտել Գավառի և Սևանի Խ.Աբովյանի անվան ավագ դպրոցների թիմերը: Արդյունքում Սևանի Խ. Աբովյանի անվան ավագ դպրոցի թիմը զբաղեցրել է առաջին հորիզոնականը: Երկրորդ տեղը բաժին է հասել Գավառի ավագ դպրոցի թիմին, իսկ երրորդ տեղը՝ Թթուջրի միջնակարգ դպրոցի թիմին։
Գեղարքունիքի մարզպետ Կարեն Սարգսյանն անցկացրեց քաղաքացիների հերթական ընդունելությունը 08.04.2026
Գեղարքունիքի մարզպետ Կարեն Սարգսյանն ապրիլի 8-ին քաղաքացիների հերթական ընդունելությունն անցկացրեց Գեղարքունիքի մարզպետի աշխատակազմում։ Մարզպետը ծանոթացավ ընդունելությանը մասնակից բոլոր քաղաքացիների կողմից բարձրացված հարցերին, որոնք առնչվում էին առողջական, սոցիալական, աշխատանքային, բնակարանային, ընտանեկան, ֆինանսական, անձնական բնույթի թեմաներին։ Քաղաքացիների կողմից բարձրացված որոշ հարցերի մարզպետը տեղում ուղղորդումներ կամ պարզաբանումներ տվեց, իսկ լրացուցիչ գործընթաց պահանջող դիմումներին հստակ լուծումներ տալու նպատակով՝ օրենքով սահմանված կարգով, տվեց համապատասխան հանձնարարականներ։ Քաղաքացիների կողմից բարձրացված բոլոր խնդիրները Գեղարքունիքի մարզպետի աշխատակազմի ամենօրյա ուշադրության կենտրոնում են, և մշտապես փորձում է արվում նրանց հետ ապահովել համագործակցության բարձր մակարդակ՝ լավագույն արդյունքի հասնելու և քաղաքացիներին մտահոգող խնդիրներին լուծում տալու համար։
ՀՀ Գեղարքունիքի մարզպետ Կարեն Սարգսյանի շնորհավորական ուղերձը՝ Մայրության և Գեղեցկության տոնի առթիվ 07.04.2026
Հարգելի՛ կանայք, մայրեր, սրտանց շնորհավորում եմ ձեզ Մայրության և Գեղեցկության տոնի առթիվ: Մայրությունը սուրբ կոչում է, որը բացարձակապես փոխարինել չի լինում: Ձեր առատաձեռն սերն ու հոգատարությունը, ազնիվ ջանքերը ընտանիքի և հասարակության առաջընթացի համար մշտապես արժանի են գովեստի ու հարգանքի: Ձեր գեղեցկությունը, ջերմությունն ու ներուժը՝ ինչպես ներքին, այնպես էլ արտաքին, ուժ են տալիս և աշխարհը դարձնում ավելի պայծառ ու լուսավոր: Ցանկանում եմ ձեզ անսահման առողջություն, երջանկություն, խաղաղություն և հոգևոր բավարարվածություն: Թող ձեր կյանքը լցված լինի ուրախությամբ, նվիրումներով և այն բոլոր ջերմ պահերով, որոնք դուք ամուր պահում եք ձեր սրտերում։
