Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Լողի մրցաշարն արդեն երրորդ անգամ անցկացվում է Գեղարքունիքի մարզի Ճամբարակ համայնքի Շողակաթ (նախկին Շորժա) բնակավայրի Սևանա լճի լողափնյա տարածքում: Լողի սիրողական մրցաշարն անցկացվել է 2 տարիքային խմբերով`1-ին տարիքային խումբ՝ 18-ից 40 տարեկան (1984-2006 թթ. ծնված) կանայք և տղամարդիկ, 2-րդ տարիքային խումբ՝ 41 և բարձր տարիքի (1983 թ. ծնված) կանայք և տղամարդիկ: Կանայք մրցել են 1000 մետր, իսկ տղամարդիկ՝ 1500 մետր լողատարածություններում: Վարչապետը շնորհավորել է ներկաներին, մասնակիցներին ու մրցանակակիրներին մրցաշարի անցկացման առիթով, ընդգծել է, որ մրցաշարի անցկացումն ունի մի քանի նպատակ, որոնցից մեկը սպորտի հանրահռչակումն ու առողջ ապրելակերպի քարոզչությանը նպաստելն է: Նիկոլ Փաշինյանի խոսքով, հաջորդ նպատակը Սևանում լողալը քաջալերելն ու Սևանի արևելյան ափի տնտեսական զարգացմանը նպաստելն է: Վարչապետը մրցաշարերի անցկացումը կարևորել է նաև սոցիալականացման տեսանկյունից, քանի որ դրանք նոր հարթակ են ստեղծում միմյանց հետ շփվելու, նոր ընկերներ ձեռք բերելու համար: Նիկոլ Փաշինյանը մաղթել է, որ մրցաշարն էլ ավելի մասնակիցներ ունենա և մրցակցությունն առավել մեծ լինի: Դրամական մրցանակներ ստացել են երկու տարիքային խմբերի 1-ից 10-րդ տեղեր գրաված մասնակիցները. 1-ին տեղ՝ 1.000.000 դրամ, 2-րդ տեղ՝ 500.000 դրամ, 3-րդ տեղ՝ 300.000 դրամ, 4-րդ տեղ՝ 100.000 դրամ, 5-10-րդ տեղ՝ 50.000 դրամ:
Գեղարքունիքի մարզպետ Կարեն Սարգսյանը մշտադիտարկում անցկացրեց Մարտունի համայնքի Ներքին Գետաշեն գյուղի թիվ 1 միջնակարգ դպրոցի նորակառույց շենքի շինհրապարակում։ Նրան ուղեկցում էին Գեղարքունիքի մարզպետի տեղակալ Ջանիկ Բազեյանը, Մարտունի համայնքի ղեկավար Հովհաննես Հովեյանը, Գեղարքունիքի մարզպետի աշխատակազմի ՔՀ և ԵԿ վարչության պետ Սասուն Սահակյանը, ՀՀ Քաղաքաշինության կոմիտեի ներկայացուցիչներ։ Կարեն Սարգսյանի հանձարարականի համաձայն՝ Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունը ուսումնասիրելու է Ներքին Գետաշենի թիվ 1 միջնակարգ դպրոցի տարրական դասարանների նորակառույց մասնաշենքում դպրոցական պարապմունքները վերսկսելու հնարավորությունները և ներկայացնելու է համապատասխան առաջարկություն, հաշվի առնելով այն հանգամանքը, որ դպրոցի ամբողջական կառուցումը նախատեսված է ավարտել 2025 թվականի հոկտեմբերին, իսկ աշակերտներն այդ ընթացքում դպրոցական պարապմունքներն անցկացնում են թիվ 2 միջնակարգ դպրոցի շենքում...
Օգոստոսի 13-ին Գեղարքունիքի մարզպետ Կարեն Սարգսյանը Մարտունի համայնքի ղեկավար Հովհաննես Հովեյանի հետ աշխատանքային այց կատարեց Երանոս գյուղ՝ տեղում ծանոթանալու 2024 թվականի օգոստոսի 12-ի գիշերվա ընթացքում գրանցված երկրաշարժի հետևանքով տնտեսություններին պատճառված վնասներին։ Կարեն Սարգսյանին ուղեկցում էին Գեղարքունիքի մարզպետի աշխատակազմի ՔՀ և ԵԿ վարչության պետ Սասուն Սահակյանը, ՀՀ ՆԳՆ ՓԾ Գեղարքունիքի մարզային փրկարարական վարչության պետի պարտականությունները ժամանակավոր կատարող Գարիկ Հակոբյանը, Երանոսի վարչական ղեկավար Սաշա Բավեյանը։ Կարեն Սարգսյանն անձամբ այցելեց երկրաշարժից վնասված բնակարաններ, Երանոսի թիվ 1 միջնակարգ դպրոց, աղետի պատճառած վնասների չափերը հստակեցնելու նպատակով լսեց համայնքապետարանի և ՆԳՆ ՓԾ Գեղարքունիքի մարզային փրկարարական վարչության կողմից ստեղծված հանձնաժողովների ներկայացուցիչներին, Երանոսի թիվ 1 միջնակարգ դպրոցի տնօրեն Ադամիկ Փինաչյանին, տվեց համապատասխան ցուցումներ և հանձնարարականներ։․․․
ՀՀ կառավարության կողմից 2023 թվականին Գեղարքունիքի մարզում իրականացված սուբվենցիոն ծրագրերի ամփոփում 14.08.2024
Գեղարքունիքի մարզի Մարտունի համայնքի Ներքին Գետաշեն գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում ասֆալտապատվել է 3 փողոց, մի քանի փողոցներում էլ կառուցվել են ոռոգման առուներ։ Ներքին Գետաշենում սուբվենցիոն երկու ծրագրերի իրականացման նպատակով ներդրվել է 130 միլիոն 690 հազար դրամ, որից 72 միլիոն 945 հազար դրամը ՀՀ կառավարության, 57 միլիոն 745 հազար դրամը Մարտունու համայնքապետարանի ներդրումն է։ Ներքին Գետաշենի ներհամայնքային ճանապարհների հիմնանորոգման ծրագրի պայմանագրային արժեքը կազմում է 92 միլիոն 690 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը` Մարտունու համայնքապետարանը։ Շինարարական աշխատանքները մեկնարկել են 2023 հուլիսից և ավարտվել նույն տարվա սեպտեմբերին։ Ծրագրի իրականացման արդյունքում Ներքին Գետաշենում ասֆալտապատմամբ հիմնանորոգվել են Սուրբ Խաչ թաղամասի 8-րդ, Վերին Դուրան թաղամասի 2-րդ և Վերին Դեմեր թաղամասի 3-րդ փողոցները՝ 1309 գծամետր երկարությամբ և 5600 քառակուսի մետր մակերեսով։
Կայացավ Գեղարքունիքի մարզային զորակոչային հանձնաժողովի հերթական նիստը 13.08.2024
Օգոստոսի 13-ին Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանն անցկացրեց մարզային զորակոչային հանձնաժողովի 2024 թվականի հերթական նիստը, որին մասնակցում էին զորակոչային հանձնաժողովի բոլոր անդամները։ Օրակարգում քննարկվեցին ամառային զորակոչի ավարտական փուլին վերաբերող հարցեր, որից հետո ՀՀ ՊՆ Զ և ԶՀԾ Գեղարքունիքի մարզային ստորաբաժանման կողմից ներկայացվեցին հանրակրթական ուսումնական հաստատությունների ավարտական դասարաններում սովորողների, ինչպես նաև «Պատիվ ունեմ» ծրագրում ընդգրկված պատանիների տարկետմանը վերաբերող հարցեր, որոնց ուղղությամբ հանձնաժողովը տվեց համապատասխան եզրակացություններ։ Հանձնաժողովը քննարկեց նաև զորակոչի աշխատանքներին ներգրավված կազմակերպությունների փոխգործակցությանն ուղղված հարցեր, որոնց վերաբերյալ մարզպետը տվեց համապատասխան հանձնարարականներ։ Նիստի ավարտին ՀՀ ՊՆ Զ և ԶՀԾ Գեղարքունիքի մարզային ստորաբաժանման ղեկավարը զեկուցեց, որ Գեղարքունիքի մարզը 2024 թվականի ամառային զորակոչի առաջադրանքը գերակատարել է։
Օգոստոսի 12-ին Գեղարքունիքի մարզկենտրոն Գավառում «Երիտասարդության միջազգային օր-2024» միջոցառման շրջանակներում տեղի ունեցան սպորտային-ժամանցային մրցույթներ, որի նպատակն էր խրախուսել երիտասարդների շրջանում ֆիզիկական ակտիվությունը և առողջ ապրելակերպը, անցկացվեց «առողջ ապրելակերպ» թեմայով ինտերակտիվ քննարկում պատանիների, երիտասարդների և մասնագետ-խոսնակի մասնակցությամբ։ Կազմակերպվեց նաև հեծանվաերթ-իրազեկում, որի նպատակն էր երիտասարդների շրջանում բնապահպանական և կանաչ հմտությունների ձևավորումը, առողջ ապրելակերպի խթանումը։ Նախապես գրանցված երիտասարդները մասնակցեցին նաև ռիլերի պատրաստման մաստեր կլասի և օգոստոսի 12-ին և 13-ին կպատրաստեն ծրագրի էքսպոյի, ինչպես նաև Երիտասարդության օրվա միջոցառումները լուսաբանող ռիլեր, որոնցից լավագույնները 5 դասակարգերում կստանան մրցանակներ՝ օգոստոսի 13-ին՝ «Քաղաքացիական կրթություն և մասնակցություն» ծրագրի երկրորդ՝ 2024 Երիտասարդական էքսպոյի փակման արարողության ժամանակ։ Միջոցառման շրջանակներում...
