Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ուշադրություն աշխատանք փնտրող քաղաքացիներին 05.06.2026
Տեղեկացնում ենք, որ Գեղարքունիքի մարզի Գավառ, Մարտունի, Վարդենիս, Սևան և Ճամբարակ համայնքներում 2026 թվականի հունիսի 5-ի դրությամբ առկա են բանվորի, բետոնագործի, երեսպատողի, որմնադիրի, ներքին հարդարողի, սալիկագործի, վարորդի 70 և տանիքագործի 3 աշխատանքային խմբի թափուր տեղեր՝ շինարարության ոլորտում։ Թափուր աշխատատեղերն ըստ մարզի համայնքների․․․․
Մարզի ութ դպրոցների մարզադահլիճներ համալրվում են նոր ու անհրաժետ մարզագույքով 05.06.2026
Հիմք ընդունելով ՀՀ կառավարության 2026 թվականի մայիսի 21-ի հերթական նիստում դպրոցների մարզագույք հատկացնելու մասին համապատասխան որոշումը, հունիսի 4-ից Գեղարքունիքի մարզպետի աշխատակազմի ենթակայությամբ գործող ութ հանրակրթական դպրոցներում մեկնարկել է մարզագույքի մատակարարման գործընթացը։ Դպրոցներին արդեն իսկ մատակարարվել են մարմնամարզական նստարաններ, բասկետբոլի վահանակներ և գնդակներ, պտտաձողեր, թենիսի ձեռնաթիեր, ցատկապարաններ, վոլեյբոլի ցանցեր և մարմնամարզական ներքնակներ։ Մազագույքի մատակարարման ամբողջական գործընթացը կավարտվի մեկ ամսվա ընթացքում։ Ծրագրի իրականացման համար ՀՀ պետական բյուջեից հատկացվել է 32 միլիոն 487 հազար 400 դրամ։ Մարզագույքով համալրվում են Ճամբարակի Մ․ Քոչարյանի անվան թիվ 2, Վարդենիկի Ռ․ Հովհաննիսյանի անվան թիվ 1, Վարդենիսի թիվ 4 հիմնական,Գանձակի թիվ 1, Գանձակի թիվ 2, Գավառի Մ․ Բունիաթյանի անվան թիվ 8,Սևանի թիվ 6 և Լճափի միջնակարգ դպրոցների՝ նոր վերանորոգված մարզադահլիճները։ Հատկացված մարզագույքի առկայության պայմաններում դպրոցականները հնարավորություն կունենան ֆիզիկական առողջ միջավայրում մարզվելու և առողջ ապրելակերպ վարելու։
Մեկնարկել են Վահանի միջնակարգ դպրոցի վերանորոգման աշխատանքները 04.06.2026
ՀՀ կառավարության «300 դպրոց, 500 մանկապարտեզ» ծրագրի շրջանակներում մեկնարկել են Գեղարքունիքի մարզի Ճամբարակ համայնքի Վահան բնակավայրի միջնակարգ դպրոց վերանորոգման աշխատանքները։ Ծրագիրն իրականացվում է Հայաստանի տարածքային զարգացման հիմնադրամի (ՀՏԶՀ) պատվիրատվությամբ՝ 320 միլիոն դրամ պայմանագրային արժեքի շրջանակներում, որն ամբողջությամբ հատկացվում է պետական բյուջեի միջոցներից։ Ծրագրով նախատեսված է դպրոցի շենքի տանիքի, հատակի, աստիճանների, մարզադահլիճի և նիստերի դահլիճի վերանորոգում՝ ջեռուցման համակարգի անցկացմամբ, նոր պատուհանների և դռների տեղադրում, պատերի ներքին ու արտաքին հարդարում, դպրոցի բակային տարածքի ասֆալտապատում, նոր ֆուտբոլի դաշտի կառուցում ու ցանկապատում, սանհանգույցների, էներգամատակարարման համակարգի նորացում, այլ աշխատանքներ։ Շինարարական աշխատանքները նախատեսվում է ավարտել 2026 թվականի ընթացքում։ ՀՏԶՀ
ՀՀ կառավարությունը միջոցներ է տրամադրել սողանքային ճանապարհների հիմնանորոգման համար 04.06.2026
ՀՀ կառավարության 2026 թվականի հունիսի 4-ի հերթական նիստում որոշում է կայացվել Հ-30, /Մ-4/ - Ճամբարակ- /Հ-7/ հանրապետական նշանակության ավտոճանապարհի 19-րդ և 51-րդ կմ-երում գտնվող սողանքային տեղամասերում ճանապարհամերձ հողաշերտի բեռնաթափման, ճանապարհի անցանելիության ապահովման միջոցառումների համար հատկացնել 149 միլիոն դրամ։ Այստեղ աշխատանքները մեկնարկել են 2025 թվականին և նախատեսված է ավարտին հասցնել 2026 թվականի ընթացքում։
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի մարզում 03.06.2026
ՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ հունիսի 4-ին ծառայություններ կմատուցվեն․ ժամը 10։30-16:00, Գեղարքունիքի մարզի Ճամբարակ համայնքում՝ համայնքապետարանի հարևանությամբ, ժամը 11:30-16:00, Գեղարքունիքի մարզի Վարդենիս համայնքում՝ համայնքապետարանի հարևանությամբ։ Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ։ Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում քաղաքացիները մոտենալով շրջիկ գրասենյակ` կարող են նորը ստանալ, օգտվել նաև հաշվառման-քննական բաժինների կողմից մատուցվող այլ ծառայություններից։ Հունիսի 4-ին շրջիկ սպասարկման գրասենյակները կլինեն նաև Կոտայքի մարզի Բյուրեղավան և Չարենցավան համայնքներում՝ մայիսի 29-ին ընդունված դիմումների շրջանակներում փաստաթղթերը հանձնելու նպատակով։
Վթարային ջրանջատում Գեղարքունիքի մարզում հունիսի 3/4-ին 02.06.2026
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. հունիսի 3-ին ժամը 07.00-ից մինչև հունիսի 4-ը ժամը 07.00-ն կդադարեցվի Գեղարքունիքի մարզի՝ Ծովազարդ, Բերդկունք, Հայրավանք, Լճափ, Չկալովկա, Նորաշեն և Լճաշեն գյուղերի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: 2.06.2026թ. «Վեոլիա Ջուր» ՓԲԸ
