Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիք-Իզեր ապակենտրոնացված համագործակցության պտուղները առողջապահության ոլորտում 14.11.2025
Հայաստանի Հանրապետության Գեղարքունիքի մարզի և Ֆրանսիայի Հանրապետության Իզերի դեպարտամենտի միջև գործող ապակենտրոնացված համագործակցությունը երկար տարիների պատմություն ունի։ Ի թիվս մի շարք ոլորտների, կողմերը դրական համագործակցություն են ծավալում նաև առողջապահության ոլորտում։ Գեղարքունիքի մարզպետի աշխատակազմի աջակցությամբ այս շաբաթ ֆրանսիական AMD «Բժշկական օգնություն և զարգացում» կազմակերպության կողմից անցկացվեցին վերապատրաստման դասընթացներ, որոնց մասնակցեցին Գեղարքունիքի մարզի առողջապահական հիմնարկների ղեկավարներ, բուժաշխատողներ։ Վերապատրաստումն իրականացվեց «Մոր և մանկան առողջություն, ծննդաբերություն, ծնունդ, հետծննդյան շրջան» թեմաների շրջանակներում, որոնց ընթացքում ֆրանսիացի մասնագետները մարզի բուժաշխատողներին փոխանցեցին տեսական և գործնական գիտելիքներ։ Դասընթացներն իրականացրին մանկաբարձուհի Մուրիել Ֆարնոն և մանկաբույժ Մորգան Դոմենը։․․․
Անցկացվեց հրդեհների կանխարգելմանն ու կամավորական շարժման խթանմանը նվիրված ուսուցողական դասընթաց 14.11.2025
Նոյեմբերի 14-ին ՀՀ ՆԳՆ Փրկարար ծառայության նախաձեռնությամբ Գեղարքունիքի մարզպետի աշխատակազմի դահլիճում անցկացվեց հրդեհների կանխարգելմանն ու կամավորական շարժման խթանմանը նվիրված ուսուցողական դասընթաց։ Դասընթացի նպատակն էր բարձրացնել հրդեհների կանխարգելման արդյունավետությունը, կատարել ռիսկերի գնահատում, ուժեղացնել արագ արձագանքման կարողությունները։ Միջոցառմանը մասնակցեցին Գեղարքունիքի մարզպետի աշխատակազմի աշխատակիցներ, համայնքների վարչական ղեկավարներ, ինչպես նաև ներկայացուցիչներ ՀՀ շրջակա միջավայրի նախարարության էկոպարեկային ծառայությունից, «Հայանտառ» ՊՈԱԿ-ից և Բնապահպանության ու ընդերքի տեսչական մարմնից։ Դասընթացի ընթացքում ընդգծվեց համայնքների մասնակցության կարևորությունը հրդեհների կանխարգելման և մարող գործողությունների մեջ։
Գավառում՝ մեդիագրագիտությանը նվիրված կլոր սեղան-քննարկում 12.11.2025
Գեղարքունիքի մարզպետ Կարեն Սարգսյանը Գավառում մասնակցեց «Մեդիագրագիտությունը՝ սոցիալական փոփոխության գործիք» խորագրով կլոր սեղան-քննարկմանը, որը կազմակերպվել էր Հայաստանում Եվրոպական միության պատվիրակության և Հանրային լրագրության ակումբի կողմից՝ Մեդիագրագիտության շաբաթվա շրջանակում։ Միջոցառմանը ներկա էր նաև Հայաստանում ԵՄ պատվիրակության ղեկավար, դեսպան Ն.Գ. Վասիլիս Մարագոսը, ինչպես նաև լրագրողներ, մեդիա աշխատողներ, քաղաքացիական հասարակության ներկայացուցիչներ և երիտասարդներ։ Քննարկման ընթացքում անդրադարձ եղավ մեդիագրագիտության կարևորությանը՝ որպես սոցիալական փոփոխության և համայնքային զարգացման հզոր գործիք։ Բանախոսները ներկայացրին մեդիա պատմությունների ստեղծման ժամանակակից մեթոդներ, թվային հարթակների արդյունավետ կիրառման փորձ և մեդիա բովանդակության մեջ բազմազանության ապահովման կարևորությունը։ Մարզպետը իր ողջույնի խոսքում նշեց․ «Այսօր, երբ տեղեկատվական հոսքերը աննախադեպ արագությամբ են փոխվում, մեդիագրագիտությունը դառնում է ոչ միայն մասնագիտական, այլև քաղաքացիական պարտադիր հմտություն։․․․
Մարզի բուժաշխատողները վերապատրաստվում են ֆրանսիացի մասնագետների կողմից 11.11.2025
ՀՀ Գեղարքունիքի մարզի և Ֆրանսիայի Հանրապետության Իզերի դեպարտամենտի միջև գործող ապակենտրոնացված համագործակցության շրջանակներում ֆրանսիական AMD «Բժշկական օգնություն և զարգացում» կազմակերպության կողմից 2025 թվականի նոյեմբերի 10-13 անցկացվում է վերապատրաստման դասընթացներ, որոնց մասնակցում են Գեղարքունիքի մարզի առողջապահական հիմնարկների ղեկավարներ, մասնագետներ։ Բուժաշխատողները վերապատրաստվում են «Մոր և մանկան առողջություն, ծննդաբերություն, ծնունդ, հետծննդյան շրջան» թեմայի շրջանակներում, յուրացնելով տեսական և գործնական գիտելիքների ֆրանսիական փորձը։ Դասընթացներն անցկացվում են երկու խմբով, յուրաքանչյուր խմբին հատկացնելով երկու օր։ Դրանք իրականացնում են մանկաբարձուհի Մուրիել Ֆարնոն և մանկաբույժ Մորգան Դոմենը։ Դասընթացի ավարտին AMD կազմակերպության կողմից մասնակիցներին կհանձնվեն վկայականներ։
2025 թվականին Հայաստանի Հանրապետության Վարչապետի հովանու ներքո առաջին անգամ անցկացվում է «Դպրոցականների վոլեյբոլի լիգա» մարզական խաղերը։ Այն նպատակ ունի դպրոցականների շրջանում վոլեյբոլ մարզաձևի մասսայականացմանը, դպրոցահասակ երեխաների առողջության ամրապնդմանը, առողջ ապրելակերպի ձևավորման գործում ֆիզիկական կուլտուրայի և սպորտի դերի բարձրացմանը, ֆիզիկապես առողջ և բարոյապես կայուն սերնդի ձևավորմանը ինչպես նաև տաղանդավոր, հեռանկար ունեցող մարզիկների հայտնաբերմանը։ Վոլեյբոլի լիգան անցկացվում է 2 տարիքային խմբերի դպրոցականների միջև՝ 6-7-րդ և 8-9-րդ դասարանների աշակերտների միջև։ Գեղարքունիքի մարզում առաջինը մրցապայքարի մեջ են մտել Սևանի համայնքային փուլի 1-ին տարիքային խմբում հայտ ներկայացրած դպրոցները։ Այն անցկացվել է նոյեմբերի 7-ին՝ Սևանի ավագ դպրոցի մարզադահլիճում։ ․․․
Գեղարքունիքի մարզպետ Կարեն Սարգսյանի շնորհավորական ուղերձը տեղական ինքնակառավարման օրվա առթիվ 10.11.2025
Սիրելի՛ համայնքների ղեկավարներ, տեղական ինքնակառավարման համակարգի աշխատակիցներ, ավագանու անդամներ, Սրտանց շնորհավորում եմ ձեզ Տեղական ինքնակառավարման օրվա առթիվ։ Այս օրը կոչված է ընդգծելու մեր համայնքների ինքնուրույնության, ժողովրդավարական կառավարման և բնակիչների մասնակցությամբ կառավարման կարևորությունը։ Տեղական ինքնակառավարումը մեր երկրի պետական համակարգի հիմնասյուներից է, որտեղ յուրաքանչյուր որոշում ուղղակիորեն անդրադառնում է մարդկանց կյանքի որակի վրա։ Գեղարքունիքի մարզում մենք մշտապես կարևորել ենք համայնքների համաչափ զարգացումը, ենթակառուցվածքների բարելավումը, սոցիալ–տնտեսական առաջընթացը և բնակիչների բարեկեցությունը։ Այս ուղղությամբ ձեր՝ համայնքապետերի, ավագանիների և տեղական ինքնակառավարման մարմինների աշխատակիցների հետևողական աշխատանքը մեծապես նպաստում է մեր մարզի կայուն զարգացմանը։․․․
