Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մամուլի ասուլիս 05.02.2026
Գեղարքունիքի մարզպետ Կարեն Սարգսյանը հրավիրում է լրատվամիջոցների ներկայացուցիչներին մամուլի ասուլիսի, որի ընթացքում կներկայացվի 2025 թվականի ընթացքում մարզում իրականացված աշխատանքների, ծրագրերի և հիմնական արդյունքների ամփոփ պատկերը, ինչպես նաև մարզպետը կպատասխանի լրագրողների հարցերին։ Ասուլիսի օրը՝ փետրվարի 11 Ժամը՝ 14:00 Մամուլի ասուլիսին մասնակցելու համար անհրաժեշտ է նախապես հայտագրվել։ Հայտագրման վերջնաժամկետը՝ փետրվարի 9 Լրատվամիջոցների ներկայացուցիչների համար կապահովվի փոխադրամիջոց։ Կոնտակտային հեռախոսահամար՝ +374 99 96 28 13
Փետրվարի 6-ից, ձկնորսները կարող են դիմել «Սևան» ազգային պարկ, կնքել կենդանական պաշարների օգտագործման պայմանագրեր և սահմանված կարգով իրականացնել արդյունագործական ձկնորսություն Որոշումը նպատակ ունի ապահովել Սևանա լճի կենսապաշարների կայուն օգտագործումը, պահպանել էկոհամակարգային հավասարակշռությունը և ձկնորսության գործընթացը կազմակերպել գիտականորեն հիմնավորված ու վերահսկելի պայմաններում։
Գեղարքունիքի մարզպետ Կարեն Սարգսյանն անցկացրեց քաղաքացիների հերթական ընդունելությունը 04.02.2026
Փետրվարի 4-ին Գեղարքունիքի մարզպետ Կարեն Սարգսյանը Գեղարքունիքի մարզպետի աշխատակազմի վարչական շեքում անցկացրեց քաղաքացիների հերթական ընդունելությունը։ Ընդունելությանը մասնակցում էին նաև Գեղարքունիքի մարզպետի աշխատակազմի պատասխանատու ներկայացուցիչներ։ Քաղաքացիները դիմում ներկայացրին վառելիքի ձեռքբերման, շինության օրինականացման, առողջարանային ուղեգրի ձեռքբերման, բուժման, աշխատանքի տեղավորման, բազմաբնակարան բնակելի շենքի կոյուղու, սոցիալական բնույթի այլ խնդիրների կարգավորման, ինչպես նաև ֆինանսական աջակցություն ստանալու նպատակով։ Ներկայացված դիմումներին Գեղարքունիքի մարզպետի աշխատակազմի կողմից պատասխան կտրվի օրենքով սահմանված կարգով և ժամկետներում։ Քաղաքացիների մտահոգությունները մշտապես գտնվում են մեր ուշադրության կենտրոնում: Մարզպետի աշխատակազմը հետևողական է, որպեսզի յուրաքանչյուր դիմում ստանա օրենքով նախատեսված պատշաճ ընթացքը և հնարավոր աջակցությունը։ Մենք ուզում ենք, որ քաղաքացիները վստահ լինեն՝ իրենց խնդիրների հետ մենակ չեն։
Գեղարքունիքի մարզում 2026 թվականի հունվար ամսին ծնվել է 105 երեխա 02.02.2026
2026 թվականի հունվար ամսին Գեղարքունիքի մարզի ծննդօգնություն իրականացնող առողջապահական հիմնարկներում ծնվել է 105 երեխա, որից 63-ը՝ տղա, 42-ը՝ աղջիկ: 105 երեխաներից 14-ը ծնվել են Գավառի բժշկական կենտրոնում, 56-ը՝ Մարտունու ծննդատանը, 24-ը՝ Սևանի բժշկական կենտրոնում, 11-ը՝ Վարդենիսի բժշկական կենտրոնում։ Ճամբարակի առողջության կենտրոնում հունվար ամսին ծնունդ չի գրանցվել։
Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը 02.02.2026
Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը մարզպետի աշխատակազմի ստորաբաժանումների ղեկավարների մասնակցությամբ։ Խորհրդակցության ընթացքում քննարկվեցին մարզի սոցիալ-տնտեսական զարգացմանը, ենթակառուցվածքների բարելավմանը, համայնքային ֆինանսական կայունությանը, ինչպես նաև հանրային ծառայությունների արդյունավետության բարձրացմանն ուղղված մի շարք հարցեր։ Անդրադարձ կատարվեց ընթացիկ ծրագրերի իրականացման ընթացքին և առաջիկա քայլերին։ Մարզպետը կարևորեց ոլորտային աշխատանքների համակարգված կազմակերպումը, ծրագրերի ժամանակին և որակյալ իրականացումը՝ մարզի համաչափ զարգացումն ապահովելու և բնակիչների կյանքի որակի բարելավման նպատակով։ Խորհրդակցության ավարտին տրվեցին համապատասխան հանձնարարականներ՝ աշխատանքների արդյունավետությունն ու վերահսկողությունը բարձրացնելու ուղղությամբ։
Վարդենիսում ծնվել է ընտանիքի 10-րդ երեխան 30.01.2026
Հունվարի 29-ին ՀՀ ԱՆ Վարդենիսի բժշկական կենտրոնում լույս աշխարհ է եկել Վարդենիս համայնքի Շատվան բնակավայրի բնակիչներ Գայանե Հովհաննիսյանի և Ավետիս Ավետիսյանի ընտանիքի 10-րդ երեխան, 3530 գրամ քաշով և 51 սմ հասակով։ Նորածինն աղջիկ է, ունի 4 եղբայր և 5 քույր։
