Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզի Գավառ քաղաքում կանցկացվի Արհեստների միջազգային 4-րդ փառատոնը 18.06.2025
2025 թվականի հունիսի 21-22-ին Գեղարքունիքի մարզի Գավառ քաղաքում կանցկացվի Արհեստների միջազգային 4-րդ փառատոնը՝ «Երիտասարդները ստեղծում են համը. խոհարարություն և արհեստներ» խորագրով։ Ստորև ներկայացվում է փառատոնի ծրագիրը․ 21. 06. 2025 12:00-20:00 Հայ և արտերկրի վարպետների աշխատանքների ցուցահանդես-վաճառք 12:00-20:00 Թանգարանային ցուցադրություն (Հովհ․ Շարամբեյանի անվան ժողովրդական արվեստների թանգարան, Գեղարքունիքի երկրագիտական թանգարան, Սարդարապատի հերոսամարտի հուշահամալիր, հայոց ազգագրության և ազատագրական պայքարի պատմության ազգային թանգարան) 12:00-20:00 «Արի՛ նկարվենք» ֆոտոանկյուն 12:00-20:00 Հայկական ավանդական ուտեստների ներկայացում և համտես 12:30 «Խնոցի-Հարոցի» խոհարարական խմբային մրցույթի մեկնարկ 13:00 Միջոցառման պաշտոնական բացում. բացման ելույթներ, շրջայց տաղավարներով...
ՀՀ կրթության, գիտության, մշակույթի և սպորտի նախարարությունը տեղեկացնում է 17.06.2025
ՀՀ ԿԳՄՍ նախարարության աջակցությամբ հունիսի 21-22-ին Գավառ քաղաքում կանցկացվի Արհեստների միջազգային փառատոնը, որը կազմակերպում է Հովհաննես Շարամբեյանի անվան ժողովրդական արվեստների թանգարանը՝ Գավառի համայնքապետարանի հետ համագործակցությամբ։ «Երիտասարդները ստեղծում են համը․ խոհարարություն և արհեստներ» խորագրով փառատոնը մեկ վայրում կհամախմբի Հայաստանի և արտերկրի լավագույն վարպետներին։ Տեղեկացվում է, որ փառատոնի օրերին՝ հունիսի 21-ին և 22-ին, Երևանի Հանրապետության հրապարակից դեպի Գավառի կենտրոնական հրապարակ և հակառակ ուղղությամբ կգործի անվճար տրանսպորտ։ Մեկնումը՝ ժամը 10:00-ին, վերադարձը՝ ժամը 20:30-ին։ Տեղերը սահմանափակ են, ուստի անհրաժեշտ է նախապես գրանցվել՝ զանգահարելով +374 (55) 90 71 80 հեռախոսահամարով։ ՀՀ կրթության, գիտության, մշակույթի և սպորտի նախարարություն
Գեղարքունիքի մարզի Մարտունի քաղաքում 2024 թվականի հուլիսին կայացել է գեղանկարչական սիմպոզիում, որին մասնակցել են Հայաստանի Հանրապետության ժողովրդական տասը գեղանկարիչներ: Նրանց ստեղծած գեղանկարները այժմ ցուցադրվում են Գեղարքունիքի մարզպետի աշխատակազմի վարչական շենքում։
Գեղարքունիքի մարզպետ Կարեն Սարգսյանը Մարտունի համայնքի ղեկավար Հովհաննես Հովեյանի հետ հանդիպել է համայնքի մսավաճառներին և սպանդանոցների տերերին։ Հանդիպման ընթացքում քննարկվել են անասնամթերքի արտադրության և իրացման գործընթացում կիրառվող պահանջները, կենդանիների մորթի վերահսկման մեխանիզմները, ինչպես նաև առկա խնդիրներն ու առաջարկվող լուծումները։ Մարզպետը նշել է, որ կենդանիների մորթը պետք է կատարվի բացառապես սպանդանոցներում՝ համաձայն Հայաստանի Հանրապետությունում գործող սանիտարահիգիենիկ և օրենսդրական կարգավորումների։ Նա ընդգծել է, որ խստորեն պետք է բացառել անկանոն մորթը և անօրինական իրացումը, ինչը վտանգ է ներկայացնում սպառողների առողջության համար։ Կարեն Սարգսյանը հորդորել է ոլորտի ներկայացուցիչներին ցուցաբերել պատասխանատվություն, հետևել օրենքի պահանջներին և խուսափել խախտումներից՝ միևնույն ժամանակ վստահեցնելով, որ պետական կառույցները պատրաստ են երկխոսության և աջակցելու օրինական գործունեության ապահովմանը։
Գեղարքունիքի մարզպետ Կարեն Սարգսյանը հանդիպել է Մարտունի համայնքի բնակիչների հետ 13.06.2025
Գեղարքունիքի մարզպետ Կարեն Սարգսյանը Մարտունի համայնքի ղեկավար Հովհաննես Հովեյանի ուղեկցությամբ Մարտունի քաղաքի մշակույթի տանը հանդիպել է համայնքի բնակիչների հետ։ Հանդիպման ընթացքում մարզպետը մանրամասն ներկայացրել է 2021 թվականից ի վեր Մարտունիում իրականացված և առաջիկայում նախատեսվող ծրագրերը։ Դրանք ընդգրկում են մի շարք կարևոր ոլորտներ՝ դպրոցների և մանկապարտեզների կառուցում ու վերանորոգում, ճանապարհաշինություն, խմելու և ոռոգման ջրամատակարարման համակարգերի բարելավում, արտաքին լուսավորության ցանցերի անցկացում, ինչպես նաև համայնքային ենթակառուցվածքների զարգացման այլ նախաձեռնություններ։ Քննարկումը ծավալվել է անմիջական և բաց մթնոլորտում։ Քաղաքացիները բարձրաձայնել են իրենց հուզող հարցերը, որոնց մարզպետը տվել է հիմնավորված ու սպառիչ պատասխաններ՝ նշելով նաև առկա խնդիրների լուծման հնարավոր ուղիները։
Իրազեկում 12.06.2025
Գեղարքունիքի մարզի Ճամբարակ քաղաքում երեկ տեղի ունեցած դեպքի հետևանքով երևանյան բուժհաստատություն տեղափոխված 3 տուժածներից մեկի առողջական վիճակը գնահատվում է ծայրահեղ ծանր, մյուս երկուսինը` միջին ծանրության: Ճամբարակի ԲԿ-ում բուժօգնություն ստացող 7 տուժածից 3-ն այսօր դուրս է գրվել, մնացածը կշարունեկեն մնալ բժիշկների հսկողության տակ, նրանց առողջական վիճակը գնահատվում է բավարար: ՀՀ առողջապահության նախարարություն
