Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարության 2026 թվականի մարտի 26-ի հերթական նիստում որոշում է կայացվել 277 միլիոն 492,7 հազար դրամ հատկացնել երկու սուբվենցիոն և մեկ հրատապ ծրագրերի համար։ Այդ թվում․ 85 միլիոն 170.3 հազար դրամ հատկացվել է Գավառ քաղաքի Արամայիս Ոսկանյան 6, Արամայիս Ոսկանյան 11, Ազատության 1 նրբ. 1 փակուղի թիվ 2, Ազատության փ. թիվ 14 և Մովսիսյան փ. թիվ 1 բազմաբնակարան բնակելի շենքերի մուտքերի և տանիքների հիմնանորոգման և արտաքին լուսավորության անցկացման համար։ 162 միլիոն 352.4 հազար դրամ՝ Մարտունի համայնքի Արծվանիստ բնակավայրի մանկապարտեզի շենքի հիմնանորոգման ինչպես նաև անհրաժեշտ գույքի ձեռքբերման համար։ 29 միլիոն 970 հազար դրամ՝ Մարտունի համայնքի Գեղհովիտ բնակավայրում ապակենտրոնացված մաքրման կայանի կառուցման համար։
ՏԵՂԵԿԱՑՈՒՄ 24.03.2026
ՀՀ Գեղարքունիքի մարզպետ Կարեն Սարգսյանի կողմից 2026 թվականի մարտի 25-ին Ճամբարակ համայնքում քաղաքացիների ընդունելությունը տեղի կունենա 2026 թվականի մարտի 27-ին՝ ժամը 11:00-ին: ՀՀ ԳԵՂԱՐՔՈՒՆԻՔԻ ՄԱՐԶՊԵՏԻ ԱՇԽԱՏԱԿԱԶՄ
ՀՀ Էկոնոմիկայի նախարարության և ՀՀ Գեղարքունիքի մարզպետի աշխատակազմի համատեղ ուժերով մարզում շարունակվում է 2026թ գյուղատնտեսության ոլորտի պետական աջակցության ծրագրի իրազեկման գործընթացը։ Էկոնոմիկայի նախարարության և Գեղարքունիքի մարզպետի աշխատակազմի գյուղոլորտի մասնագետները հերթական հանդիպումներն անցկացրել են մարտի 23-ին՝ Գավառ և Սևան համայնքներում։ Հանդիպումներին մասնակցել են համայնքապետարանների գյուղատնտեսության ոլորտի մասնագետներ, պատասխանատու աշխատակիցներ, բնակավայրերի վարչական ղեկավարներ, ֆերմերներ, գյուղացիական տնտեսությունների ներկայացուցիչներ, գյուղատնտեսության առանձին ճյուղերի զարգացմամբ հետաքրքրված և զբաղվող անձինք։ Բանախոսները հանգամանալից ներկայացրել են ՀՀ կառավարության կողմից իրականացվող գյուղատնտեսության ոլորտի աջակցության ծրագրերի բովանդակությունը, առանձնահատկությունները, գյուղաջակցության ծրագրերից օգտվելու դեպքում պետության և մասնավոր տնտեսությունների դերը, ներդրումների պայմանները, խոսել գյուղատնտեսության ապահովագրության,․․․
Հիմք ընդունելով «Հայաստանի Հանրապետության 2027 թվականի բյուջետային գործընթացը սկսելու մասին» Հայաստանի Հանրապետության Վարչապետի 2026 թվականի հունվարի 8-ի N 8-Ա որոշումից բխող հանձնարարականը, 2026 թվականի մարտի 18-ին Գեղարքունիքի մարզպետի աշխատակազմի վարչական շենքում անցկացվեց քննարկում՝ Գեղարքունիքի մարզպետի աշխատակազմի ապարատի պահպանման 2027 թվականի բյուջետային հայտի և 2027-2029թթ միջնաժամկետ ծախսային ծրագրերի /ՄԺԾԾ/ նախագծի վերաբերյալ, ներառյալ 2026 թվականին հաստատված ՀՀ պետական բյուջեի նկատմամբ համամասնությունը, ինչպես նաև հայտերի հիմքում դրված ծախսային հաշվարկ-հիմնավորումները: Քննարկումն անցկացրեց Գեղարքունիքի մարզպետ Կարեն Սարգսյանը։ Քննարկմանը մասնակցեցին Գեղարքունիքի մարզպետի աշխատակազմի ղեկավար կազմը, մարզպետի աշխատակազմի ստորաբաժանումների ղեկավարներ, ոլորտի հետ առընչվող մասնագետներ։ Գեղարքունիքի մարզպետի աշխատակազմի ֆինանսական վարչության պետ Յուրա Մուշեղյանը ներկայացրեց միջնաժամկետ ծախսային ծրագրում ներառված ոլորտներն ըստ տնտեսագիտական դասակարգման հոդվածների․․․
«Հայաստանի Հանրապետության Վարչապետի գավաթ» սիրողական սեղանի թենիսի մրցաշարը նպատակ ունի դպրոցականների շրջանում մասսայականացնելու սեղանի թենիս մարզաձևը, նպաստել դպրոցահասակ երեխաների առողջության ամրապնդմանը, առողջ ապրելակերպի ձևավորման գործում ֆիզիկական կուլտուրայի և սպորտի դերի բարձրացմանը, դպրոցականների զանգվածային մարզական միջոցառումներին հետագա մասնակցության ապահովմանը։ Սիրողական սեղանի թենիսի մրցաշարն անցկացվում է համայնքային, մարզային և եզրափակիչ փուլերով և 2 տարիքային խմբով, որտեղ 1-ին տարիքային խմբում ընդգրկված են 5-9-րդ, իսկ 2-րդ տարիքային խմբում՝ 10-12-րդ դասարանների աշակերտները։ Յուրաքանչյուր տարիքային խմբում թիմի կազմում ընդգրկված են 2 տղա և 2 աղջիկ։ Գեղարքունիքի մարզում մարզական խաղերի համայնքային փուլին հայտագրվել են 60 հանրակրթական դպրոցների 88 թիմեր։ Մարտի 11-ին Մարտունու Մ. Մելիք-Շահումյանցի անվան Հ․ 1 հիմնական դպրոցի մարզադահլիճում․․․
Կազմակերպված աշխատանք՝ հստակ հանձնարարականներ 17.03.2026
Մարտի 16-ին Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը՝ մարզպետի աշխատակազմի ստորաբաժանումների ղեկավարների մասնակցությամբ։ Խորհրդակցության ընթացքում անդրադարձ կատարվեց մարզում իրականացվող զարգացման ծրագրերին՝ ենթակառուցվածքների բարելավման, կրթական հաստատություններում իրականացվող շինարարական աշխատանքների, ինչպես նաև տրանսպորտային և գյուղատնտեսական ոլորտներում կատարվող աշխատանքների ընթացքին։ Քննարկվեցին մի շարք ծրագրերի իրականացման ժամկետներն ու առաջնահերթությունները՝ ապահովելու դրանց արդյունավետ և համակարգված իրականացումը։ Մարզպետը հանձնարարեց խստացնել վերահսկողությունը նախակրթական հաստատություններում սննդի մատակարարման և պահպանության պայմանների նկատմամբ։ Հետևողական ու համակարգված աշխատանքով շարունակվում է ապահովել մարզում իրականացվող ծրագրերի արդյունավետ ընթացքը և համայնքների կայուն զարգացումը։
