Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետն ընդունեց ,,ԱՔՍԵՍ,, միջազգային կազմակերպության ներկայացուցիչներին 03.07.2018
Հուլիսի 3-ին Գեղարքունիքի մարզպետ Իշխան Սաղաթելյանն ընդունեց ,,ԱՔՍԵՍ,, միջազգային կազմակերպության ներկայացուցիչ Բասմա Բենթահերին և նրա գլխավորած աշխատանքային խմբին: Հանդիպման օրակարգում ,,ԱՔՍԵՍ,, կազմակերպության կողմից Գեղարքունիքի մարզի Դդմաշեն, Գեղամավան, Ծաղկունք, Սեմյոնովկա և Ծովագյուղ համայնքներում 150 մեգավատ ընդհանուր հզորության հողմակայանի կառուցման նախագծի քննարկումն էր, որն անցավ փոխըմբռնման մթնոլորտում: Բասմա Բենթահերի ներկայացմամբ՝ նախագիծը կյանքի կոչելու համար նախորդ տարիների ընթացքում ՀՀ կառավարության, Գեղարքունիքի մարզպետարանի և տեղական ինքնակառավարման մարմինների հետ համագործակցությամբ կատարվել է որոշակի աշխատանք, սակայն հիմնական անելիքները դեռ մնում են առջևում: ,,Տեղադրվել է չափիչ կայանը, որտեղ արդեն 4 ամիս է չափվում է քամու արագությունը: Նախնական արդյունքները հուսադրող են, սակայն դրանց հստակ պատկերը կունենանք 6 ամսվա չափումների արդյունքներով...
Գեղարքունիքի մարզպետարանում կատարվեց քաղաքացիների ընդունելություն 03.07.2018
Հուլիսի 3-ին Գեղարքունիքի մարզպետարանում մարզպետ Իշխան Սաղաթելյանը, մարզպետի տեղակալները և մարզպետարանի աշխատակազմի ղեկավարը կատարեցին քաղաքացիների ընդունելություն, որին մասնակցեցին 85 քաղաքացիներ: Դիմումատուների խնդիրները հիմնականում սոցիալական և տնտեսական բնույթ էին կրում: Մնացած մասն էլ դիմեց աշխատանքի տեղավորման, պետպատվերի շրջանակներում բուժման մեկնելու, առողջարանային ուղեգիր, սեփականության իրավունքով հողամաս և բնակարան ձեռք բերելու, կոմունալ- կենցաղային ամենատարբեր խնդիրների կարգավորման ակնկալիքով: Քաղաքացիների կողմից բարձրացված որոշ խնդիրների տեղում պատասխան տրվեց, իսկ լրացուցիչ ուսումնասիրության և քննարկման ենթակա դիմումները հաշվառվեցին մարզպետարանի աշխատակազմում, որոնց պատասխանները կտրվեն օրենքով սահմանված ժամկետում:
Մարտունու զինկոմիսարիատից Հայոց բանակ ճանապարհվեց նորակոչիկների առաջին խումբը 02.07.2018
Գեղարքունիքի մարզպետ Իշխան Սաղաթելյանը, Գեղարքունիքի մարզային զինկոմ Գարիկ Առաքելյանը, Մարտունու քաղաքապետ Արմեն Ավետիսյանը, Գեղարքունյաց թեմի հոգեւոր դասի ներկայացուցիչները, ծնողները եւ հարազատները հուլիսի 2-ին հանդիսավոր պայմաններում Մարտունու զինկոմիսարիատից Հայոց բանակ ճանապարհեցին նորակոչիկների առաջին խմբին: Հրաժեշտի արարողությունը կազմակերպվեց Մարտունի քաղաքի Սուրբ Աստվածածին եկեղեցում, որտեղ օրհնության կարգ կատարեց Գեղարքունյաց թեմի Մարտունու տարածքի հոգեւոր հովիվ Տեր -Սիմոն քահանա Մկրտչյանը:,, Մեր հայրենիքը դրախտային է, իսկ դուք այժմ այդ դրախտը պաշտպանող հպարտ զինվորներն եք: Առաջին հերթին բոլորիդ բարի ճանապարհ ու բարի վերադարձ եմ մաղթում, խաղաղ ու անփորձանք ծառայություն,,-նորակոչիկներին դիմեց Տեր-Սիմոն քահանան: ,,Սիրելի նորակոչիկներ, ծառայության ընթացքում ձեր կողքին ոչ միայն ձեր ծնողներն ու հարազատներն են, այլ նաեւ Հայաստանի Հանրապետությունը և ողջ հայ ժողովուրդը: Երկու տարի առաջ ես անձամբ եմ տեսել...
Գեղարքունիքի մարզպետը մարզպետարանի աշխատակազմին ներկայացրեց մարզպետի նորանշանակ տեղակալներին 02.07.2018
Հուլիսի 2-ին Գեղարքունիքի մարզպետ Իշխան Սաղաթելյանը մարզպետարանի աշխատակազմին ներկայացրեց Գեղարքունիքի մարզպետի նորանշանակ տեղակալներ Նարեկ Գրիգորյանին, Վահան Զարոյանին և Անուշավան Ղազարյանին: ,, Նարեկ Գրիգորյանը և Վահան Զարոյանը ներկայացնում են ,,Քաղաքացիական պայմանագիր,, , Անուշավան Ղազարյանը՝ ,,Բարգավաճ Հայաստան,, կուսակցությունները: Մարզպետի նախկին տեղակալ Արտաշես Նիկոյանը մարզպետարանում կշարունակի պաշտոնավարել մարզպետի գլխավոր խորհրդականի պաշտոնում: <<Առաջիկա շաբաթվա ընթացքում մենք կհստակեցնենք այն ոլորտները, որոնք պետք է համակարգեն մարզպետի տեղակալները: Կարևոր չէ, թե ով որ կուսակցությունն է ներկայացնում, քանի որ մենք պետք է աշխատենք մեկ թիմով և միասնական ջանքերով պետք է լուծենք մարզի առջև ծառացած բոլոր հիմնախնդիրները: Մեզ սպասում է դժվարին ու հետևողական աշխատանք,,-շեշտեց մարզպետ Իշխան Սաղաթելյանը...
Սևանի ափին մեկնարկեց հանգստի սեզոնը 01.07.2018
Հուլիսի 1-ին Սևանա լճի ափին տեղի ունեցավ ,,Սևանյան ամառ- 2018,, մարզամշակութային միջոցառումը, որով ազդարարվեց հանգստյան սեզոնի բացումը: Տոնախմբության մասնակցում էր Գեղարքունիքի մարզպետ Իշխան Սաղաթելյանը, ՀՀ բնապահպանության նախարարի տեղակալ Գնել Սանոսյանը, Սևանի քաղաքապետարանի, ,,Սևան ,, Ազգային պարկի ղեկավար այրեր, ինչպես նաև զբոսաշրջիկներ ու Սևանի ափ ժամանած հովեկներ: Միջոցառման բացման առթիվ ներկաներին ողջունեց ևշնորհավորեց Գեղարքունիքի մարզպետ Իշխան Սաղաթելյանը: Մարզի ղեկավարն իր խոսքում նշեց, որ այս տարի հանգստացողների մեծ հոսք է սպասվում, որի համար Գեղարքունիքի մարզպետարանը ՀՀ ԱԻՆ ՓԾ, ՀՀ Ոստիկանության մարզային վարչության, Սևանի քաղաքապետարանի և > ԱՊ-ի հետ համատեղ արել է հնարավորը, որպեսզի հանրային 3 լողափերում հանգստացողների համար ստեղծվեն հանգստի և ժամանցի համար բավարար պայմաններ: ,,Երեք հանրային լողափերում, որոնք գործում են անվճար հիմունքներով, բավականին նորմալ պայմաններ են ստեղծված: Մենք աշխատանքներ ենք տանում, որ լողափերի թիվն ավելացնենք...
Գեղարքունիքի մարզում նախապատրաստվում են հանգստյան սեզոնի բացմանը 28.06.2018
Հունիսի 28-ին Գեղարքունիքի մարզպետ Իշխան Սաղաթելյանը խորհրդակցություն անցկացրեց հանգստյան սեզոնի բացման նախապատրաստական աշխատանքների շուրջ: Խորհրդակցությանը մասնակցում էին ՀՀ Ոստիկանության , ՀՀ ԱԻՆ մարզային և Գեղարքունիքի մարզպետարանի ստորաբաժանումների ղեկավարներ, > ԱՊ տնօրենը, Սևանի քաղաքապետը: Գեղարքունիքի մարզպետը նշեց, որ մի քանի օրից մարզում մեկնարկում է հանգստյան սեզոնը, որի ընթացքում սպասվում է մեծաքանակ զբոսաշրջիկների հոսք, որի դեպքում և ի հայտ են գալիս հասարակական կարգի պահպանման, մարդկանց կյանքի անվտանգության ապահովման, առողջապահական, շրջակա միջավայրի մաքրության պահպանման և այլ խնդիրներ: Դրա համար հարկավոր է բոլոր ուղղություններում ապահովել հանգստյան սեզոնի անվտանգ ու պատշաճ սպասարկում: > ԱՊ տնօրենի ներկայացմամբ՝ հանգստյան սեզոնի մեկնարկը կտրվի հուլիսի 1-ին՝ հանրային չորս լողափերում, որոնք պատրաստ կլինեն ընդունել հանգստացողներին: ՀՀ Ոստիկանության և ՀՀ ԱԻՆ ...
