Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետը շնորհակալագրեր հանձնեց մարզի շինարարներին 13.08.2019
Հայաստանի Հանրապետության շինարարի օրվա առթիվ և շինարարության ոլորտում ունեցած ավանդի համար Գեղարքունիքի մարզպետ Գնել Սանոսյանը Հայաստանի Հանրապետության Գեղարքունիքի մարզպետի շնորհակալագրով խրախուսեց Գեղարքունիքի մարզպետարանի քաղաքաշինության վարչության պետ Արմեն Զոհրաբյանին, քաղաքաշինության վարչության տրանսպորտի և ճանապարհաշինության բաժնի վարիչ Գևորգ Խաչատրյանին, քաղաքաշինության վարչության ճարտարապետաշինարարական բաժնի գլխավոր մասնագետ Գուրգեն Մելքոնյանին, «Թիվ 28 ՇՄՇ» բաց բաժնետիրական ընկերությանը, «Շանթ-Սեյրան», «ԱԼ - ՄԱՍՔԱ», «Կապավոր», «Օկար», «Սամ Կար Շին», «Ծովագյուղի ՃՇՇ» սահմանափակ պատասխանատվությամբ ընկերություններին, «Էդիտա» և «Բագրատունի» արտադրական կոոպերատիվներին: « Ողջունում և շնորհավորում եմ բոլորիդ Շինարարի օրվա առթիվ: Շատ կարևոր ոլորտում եք աշխատում, և ձեր կատարած յուրաքանչյուր աշխատանք նպատակ է հետապնդում՝ կարգի բերել շատ ու շատ ոլորտներ, դրանք մեր ենթակառուցվածքներն են ...
Օգոստոսի 13-ին Գեղարքունիքի մարզպետ Գնել Սանոսյանն ընդունեց «Նոր Սեմյոնովկա» հասարակական կազմակերպության ներկայացուցիչներին: Հանդիպման նպատակն էր ծանոթացնել մարզի ղեկավարին կազմակերպության գործունեությանը, ծրագրերին և առաջիկա անելիքներին: «Նոր Սեմյոնովկա» հասարակական կազմակերպության ներկայացուցիչների տեղեկացմամբ կազմակերպությունը հիմնվել է 22 տարբեր մասնագիտություն ունեցող անձանց միավորումից: Վերջիններս պատահականության սկզբունքով ընտրել են իր աշխարհագրական դիրքով կտրված, զարգացվածության ցածր աստիճան ունեցող Սեմյոնովկա համայնքը և հետամուտ են լինելու միահամուռ ուժերով զբազվել այդ համայնքի զարգացմամբ: Կազմակերպությունը շահած փոքր դրամաշնորհի հաշվին Սեմյոնովկա համայնքում գնել է մի օբյեկտ, որը, իրականացվելիք բարեկարգումից հետո կծառայի որպես ժամանցի, զվարճանքի կենտրոն համայնքի բնակիչների և հատկապես երիտասարդների համար...
Քննարկվեցին ներմարզային ուղևորափոխադրումների հետ կապված խնդիրներ 13.08.2019
Օգոստոսի 13-ին Գեղարքունիքի մարզպետ Գնել Սանոսյանի մոտ տեղի ունեցավ հանդիպում, որին մասնակցեցին ՀՀ Տարածքային կառավարման և ենթակառուցվածքների նախարարի տեղակալ Արմեն Սիմոնյանը, նույն նախարարության տրանսպորտի վարչության պետի տեղակալ Արման Կարապետյանը, Գեղարքունիքի մարզի ներմարզային ուղևորափոխադրումներ իրականացնող Գավառի «Գավառտրանս» ՍՊԸ-ի, Վարդենիսի «Շամատրանս» ՍՊԸ-ի և Մարտունու «ԲՈՒԱՏ»ՍՊԸ-ի ղեկավարները: Հանդիպման նպատակն էր քննարկել ներմարզային ուղևորափոխադրումների հետ կապված խնդիրները: Գեղարքունիքի մարզի ներմարզային ուղևորափոխադրումներ իրականացնող ընկերությունների տնօրենների հավաստմամբ ներմարզային երթուղիների սպասարկումը շահութաբեր չէ, որի պատճառով մարզի համայնքների և բնակավայրերի շուրջ 50%-ում ներմարզային տրանսպորտային սպասարկում չի իրականացվում: Խնդիրը լուծելու նպատակով առաջարկվեց մարզում ներդնել միասնական երթուղային ցանց...
Գեղարքունիքցի մարզիկները շարունակում են իրենց պայքարը համահայկական խաղերում 12.08.2019
Համահայկական 7-րդ ամառային խաղերի ընթացքում Գեղարքունիքի մարզը ներկայացնող մարզիկները շարունակում են իրենց պայքարը տարբեր մարզաձևերում: Անցած երեք օրերի ընթացքում մարզիկները գրանցել են և հաղթանակ և պարտություն: Գեղարքունիքի համայնքը ներկայացնող վոլեյբոլի հավաքական թիմն ավարտել է մրցապայքարը՝ խմբում գրավելով 4-րդ տեղը: Գավառ համայնքը ներկայացնող լողափնյա վոլեյբոլի թիմը մրցապայքարն ավարտել է 1 հաղթանակով և 2 պարտությամբ: Գավառի ֆուտզալի թիմը 2 հաղթանակով և 1 պարտությամբ գտնվում է խմբի 2-րդ հորիզոնականում և հնարավորություն ունի դուրս գալ հաջորդ փուլ: Սարուխան համայնքը ներկայացնող հանդբոլի թիմը շաբաթ և կիրակի օրերին կայացած մրցումների ընթացքում գրանցել է 1 հաղթանալ և 1 պարտություն:
ՀՀ Գեղարքունիքի մարզպետ Գնել Սանոսյանի ուղերձը Երիտասարդության միջազգային օրվա առթիվ 12.08.2019
Սիրելի՛ երիտասարդներ: Շնորհավորում եմ բոլորիդ Երիտասարդության միջազգային օրվա առթիվ: Այսօր Հայաստանն հաստատակամորեն ընթանում է աշխարհում ընթացող գործընթացներին ինտեգրվելու և ակտիվ մասնակիցը դառնալու ճանապարհով: Եվ ձեզ է գործուն դերակատարությունը վերապահված հատկապես քաղաքացիական հասարակության կայացման, պետական ու հասարակական կյանքի բոլոր ասպարեզներում ժողովրդավարության սկզբունքների ամրապնդման, ինչպես նաև պետական կառավարման արդյունավետ համակարգի ձևավորման գործում: Եվս մեկ անգամ շնորհավորում եմ բոլորիս Երիտասարդության միջազգային օրվա առթիվ, մաղթում եմ աշխատանքային ու ստեղծագործական եռանդ, կամք և նպատակասլացություն: Ջերմ բարեմաղթանքներով՝ ՀՀ Գեղարքունիքի մարզպետ Գնել Սանոսյան :
ՀՀ Գեղարքունիքի մարզպետ Գնել Սանոսյանի ուղերձը շինարարների օրվա առթիվ 10.08.2019
Հարգարժան շինարարներ: Մեր հայրենիքը բարձրացել ու շենացել է միմիայն կառուցող ու հմուտ ձեռքերի, ջանասիրության ու նվիրումի շնորհիվ: Դուք եք արժանի շարունակողները այն ձեռնարկների, որ մեզ ավանդել են մեր ճարտարապետները, վարպետները, շինարարները՝ իրար միավորելով անցյալի փորձն ու շինարարական նորագույն մտահղացումները: Շինարարի տոնն այժմ առավել է արժեւորվում, երբ մեր մարզի գրեթե յուրաքանչյուր անկյունում, ձեր իսկ անմիջական մասնակցությամբ, շինարարական եռուզեռ է ընթանում ճանապարհների, ջրատարների, կրթական ու մշակութային հաստատությունների կառուցման կամ նորոգման, կենսական նշանակության այլ ծրագրերի իրականացման ուղղություններում: Համոզված եմ, որ ձեր այսօրվա կառուցածն անխափան ծառայելու է դարերի ու սերունդների համար: Ջերմորեն շնորհավորում եմ ձեզ մասնագիտական տոնի առթիվ, մաղթում նորանոր հաջողություններ ու ձեռքբերումներ Նոր Հայաստանի կառուցման պատվաբեր գործում: Լավագույն ցանկություններով՝ ՀՀ Գեղարքունիքի մարզպետ Գնել Սանոսյան:
