Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հարգելի հայրենակիցներ: Մենք պատմության գիրկն ենք ճանապարհում հերթական տարին, որի ընթացքում մեր երկիրը, չնայած աշխարհաքաղաքական բարդ իրավիճակին, ապրեց խաղաղության ու ստեղծագործ աշխատանքի պայմաններում՝ հնարավորություններ ձեռք բերելով հետագա զարգացման և հզորացման համար: Արարչագործության ու խաղաղության տարի ապրեց նաև մեր մարզը՝ արձանագրելով մի շարք ձեռքբերումներ կենսագործունեության ամենատարբեր ոլորտներում:Ամենանշանակալի ձեռքբերումը, թերեւս, Վարդենիս-Մարտակերտ ռազմավարական նշանակության ճանապարհի շահագործումն էր, որով Գեղարքունիքի մարզը ճանապարհատրանսպորտային հաղորդակցության մեծ նշանակություն ձեռք բերեց Հայաստանի և Արցախի միջև, ինչպես նաև՝ տնտեսական կապերի ամրապնդման ու աշխուժացման մեծ հնարավորություններ: Լուրջ ձեռքբերում է համարվում նաև մարզում միջհամայնքային և միջպետական ճանապարհների հիմանորոգումը...
Գեղարքունիքի մարզպետ Կարեն Բոթոյանն Ամանորին ընդառաջ այցելեց բազմազավակ ընտանիքին 30.12.2017
Ամամանորի եւ Սուրբ Ծննդյան տոներին ընդառաջ Գեղարքունիքի մարզպետ Կարեն Բոթոյանը Գեղհովիտ գյուղում այցելեց Բոզոյանների բազմազավակ ընտանիքին՝ հանձնելով տոնական նվերներ եւ դրամական օժանդակություն: Կարեն Բոթոյանը շնորհավորեց ինը երեխա ծնած, սնած եւ դաստիարակած ծնողներին՝Խաչիկ Բոզոյանին եւ Հասմիկ Սահակյանին ու նրանց զավակներին՝ մաղթելով հաջող, խաղաղ ու առատ 2018 թվական:ՙԱյսքան երեխաներ ունենալը մեր ազգի ընդհանուր հարստությունն է: Նրանք են մեր վաղվա մայրերն ու զինվորները, որոնց այսօրվա ու վաղվա խնամքը, դաստիարակությունը բոլորիս է պարտավորեցնում: Այսօր ես հյուր եմ եկել ամանորյա նվերներով, որ Նոր տարին դիմավորեք ավելի ուրախ տրամադրությամբ, բայց ձեր դժվարությունները հաղթահարելու համար կփորձենք ցուցաբերել աջակցություն մեր հնարավորության սահմաններում: Շնորհավորում եմ բոլորիդ Նոր տարին, ցանկանում խաղաղ երկինք, ուրախ տրամադրություն, անհոգ կյանք՚,-ասաց մարզպետ Կարեն Բոթոյանը: ՙԲոլորովին անակնկալ այց էր մեզ համար, որը վերածվեց տոնի թե՜ մեր, թե՜ երեխաների համար...
Տեղի ունեցավ Գեղարքունիքի մարզպետ Կարեն Բոթոյանի տարեվերջյան մամուլի ասուլիսը 29.12.2017
Դեկտեմբերի 29-ին Գեղարքունիքի մարզպետարանում մարզպետ Կարեն Բոթոյանը մարզի տարածքում գործող հեռուստաընկերությունների և տպագիր մամուլի ներկայացուցիչների մասնակցությամբ հանդես եկավ տարեվերջյան մամուլի ասուլիսով: Մարզպետը ներկայացրեց մարզի տարբեր ոլորտներում հաշվետու ժամանակահատվածում իրականացված աշխատանքների ամփոփ պատկերը: Անդրադառնալով մարզում աղբահանության խնդիրների կարգավորման ուղղությամբ կատարված աշխատանքներին՝ Կարեն Բոթոյանը նշեց, որ մարզում 2017 թվականի սկզբից կար 138 աղբավայր, որից 29-ն էր միայն ամրագրված քաղաքաշինական ծրագրային փաստաթղթերով: ,,Անցնող տարվա ընթացքում իրականացված աշխատանքների արդյունքում փակվել է 100 աղբավայր: Այս պահի դրությամբ մնում է փակելու 9 աղբավայր, որի ուղղությամբ գալիք տարվա ընթացքում կձեռնարկվեն համապատասխան միջոցառումներ: Մինչև 2017 թվականի սեպտեմբեր ամիսը իրավաբանական անձանց հետ կնքված է եղել թվով 858 պայմանագիր: Աղբահանության ուղղությամբ իրականացված միջոցառումների շրջանակներում արդեն ունենք կնքված 1725 պայմանագիր...
Դեկտեմբերի 27-ին Գեղարքունիքի մարզպետարանում անցկացվեց մարզպետ Կարեն Բոթոյանի կարգադրությամբ ստեղծված «Լավագույն զարդարված քաղաք» և «Լավագույն զարդարված գյուղ» ամանորյա մրցույթի ամփոփման հանձնաժողովի նիստը։ Հանձնաժողովի կազմը, որում ընդգրկված էին 11 հոգի, ներկայացնում էին մարզպետարանի աշխատակազմը, մարզի մշակույթի և արվեստի ոլորտները։ Համաձայն նախապես հայտարարված կարգի, մինչև դեկտեմբերի 26-ը համայնքները մարզպետարան էին ներկայացրել զարդարանքի 20-30 լուսանկարներ և մինչև 2 րոպեանոց տեսանյութեր, որոնց հիման վրա էլ հանձնաժողովը քննարկեց հայտերը, ապա անցկացվեց փակ գաղտնի քվերակություն: Արդյունքում «Լավագույն զարդարված քաղաք» անվանակարգում հաղթող ճանաչվեց Վարդենիս քաղաքը, իսկ «Լավագույն զարդարված գյուղ» անվանակարգում՝ Լճաշեն համայնքը։ «Լավագույն զարդարված գյուղ» անվանակարգում երկրորդ և երրորդ տեղերը համապատասխանաբար զբաղեցրին Ծովագյուղ և Չկալովկա համայնքները։
Կայացավ Գեղարքունիքի մարզի խորհրդի տարեվերջյան նիստը 26.12.2017
Գեղարքունիքի մարզի խորհրդի տարեվերջյան նիստն անդրադարձավ համայնքների բյուջեների սեփական եկամուտների հավաքագրման եւ մարզի 2017 թվականի կենսագործունեության արդյունքներին: Նիստը վարեց Գեղարքունիքի մարզպետ, մարզի խորհրդի նախագահ Կարեն Բոթոյանը:Մարզի համայնքների բյուջեների սեփական եկամուտների հավաքարման արդյունքների մասին զեկուցեց Գեղարքունիքի մարզպետարանի աշխատակազմի ֆինանսական եւ սոցիալ-տնտեսական զարգացման վարչության պետ Յուրա Մուշեղյանը: Նա տեղեկացրեց, որ 2017 թվականի դեկտեմբերի 25-ի դրությամբ մարզի համայնքների բյուջեների սեփական եկամուտները հավաքագրվել են 96,2 տոկոսով կամ պլանավորված 1 միլիարդ 493 միլիոն 81 հազար դրամի դիմաց հավաքագրվել է 1 միլիարդ 436 միլիոն 528 հազար դրամ:ՙԿատարողականը հաջողվել է ապահովել 27 համայնքների ղեկավարների եւ աշխատակազմերի անդամների հետեւողական աշխատանքի շնորհիվ, ուր հավաքագրումը բարձր է եղել միջին կատարողական ցուցանիշից...
ՀՀ ԱԺ նախագահ Արա Բալոյանն այցելեց Գավառի մանկատան սաներին 25.12.2017
Ամանորի եւ Սուրբ Ծննդյան տոներին ընդառաջ Գավառի մանկատան սաներին հյուրընկալվեց ՀՀ ԱԺ նախագահ Արա Բաբլոյանը: Այցի ընթացքում նրան ուղեկցում էին Գեղարքունիքի մարզպետի տեղակալ Կարեն Հակոբյանը եւ մանկատան տնօրեն Նիկոլայ Նալբանդյանը: Արա Բաբլոյանը ողջունեց մանկատան սաներին, դաստիարակներին ու մանկավարժներին, շրջայց կատարեց հաստատության շենքում՝ ծանոթանալով երեխաների կենցաղային պայմաններին եւ առօրյային, ապա ամանորյա նվերներ հանձնեց մանկատան 49 սաներին:ՀՀ ԱԺ նախագահը սեղանի թենիսի խաղատախտակի մոտ խաղի հրավիրեց մանկատան սաներին՝ ստուգելով երեխաների խաղային պատրաստվածությունը եւ ստեղծելով աշխույժ մթնոլորտ խաղասրահում:Ապա դահլիճում մանկատան սաների մասնակցությամբ կազմակերպվեց Ամանորին եւ Սուրբ ծմննդյան տոներին նվիրված հանդես: Հանդես գալով բացման ու ողջույնի խոսքով՝ Գավառի մանկատան տնօրեն Նիկոլայ Նալբանդյանը թվարկեց այն ձեռքբերումները, որոնք ...
