Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կայացավ ֆուտզալի մարզային առաջնության եզրափակիչ փուլը 24.08.2019
Այս տարվա ապրիլ ամսից մեկնարկեցին ֆուտզալի Գեղարքունիքի մարզի 2019 թվականի առաջնության խաղերը, որին մասնակցեցին 12 ֆուտբոլային թիմեր: Վիճակահանությամբ թիմերը բաժանվել էին 3 ենթախմբի , որում 1-ին և 2-րդ տեղ գրաված 6 թիմերը վիճակահանությամբ բաժանվել էին 2 ենթախմբի: Այդ ենթախմբերում 1-ին տեղ գրաված թիմերը օգոստոսի 23-ին կայացած ֆուտբոլային հանդիպման ժամանակ պայքարեցին 1-ին և 2-րդ տեղերի համար, իսկ ենթախմբերում 2-րդ տեղ գրաված թիմերը պայքարեցին 3-րդ տեղի համար: 1-ին և 2-րդ տեղերի համար մրցապայքարի դուրս եկան Վարդենիսի քաղաքապետարանի և 2-րդ բանակային կորպուսի թիմերը, որի արդյունքում 1-ին տեղը գրավեցՎարդենիսի քաղաքապետարանի թիմը, 2-րդ մրցանակին արժանացավ 2-րդ բանակային կորպուսի թիմը : 3-րդ տեղի համար պայքարում հանդիպեցին Գեղարքունիքի մարզպետարանի և մարզի լրատվության ոլորտի հավաքական թիմերը: Մրցապայքարի արդյունքում 3-րդ տեղը գրավեց Գեղարքունիքի մարզպետարանի թիմը:
Շնորհակալագիր՝ լողորդին 23.08.2019
Օգոստոսի 23-ին Գեղարքունիքի մարզպետ Գնել Սանոսյանը ՀՀ Գեղարքունիքի մարզպետի շնորհակալագրով խրախուսեց Գավառ քաղաքի բնակիչ, լողորդ Գագիկ Գոզեյանին, ով օգոստոսի 20-ին 8 ժամ լողալով անցել էր Սևանա լճի մի ափից մյուսը՝ հաղթահարելով 7 կիլոմետր տարածություն: Գեղարքունիքի մարզպետ Գնել Սանոսյանի անմիջական աջակցությամբ կազմակերպված այս միջոցառումը Գագիկ Գոզեյանը նվիրել էր 2016 թվականի Ապրիլյան հերոսամարտերում հայրենիքի համար իրենց կյանքը զոհաբերած քաջորդիների հիշատակին: Գեղարքունիքի մարզպետարանի կողմից Գագիկ Գոզեյանին հանձնվեց նաև դրամական պարգև և Ջերմուկի առողջարանային ուղեգիր: Վերջինիս ձեռքբերմանը օժանդակել է նորատուսցի գործարար Խաչիկ Կարապետյանը, աջակցել Գեղարքունիքի մարզպետարանը:
Ճամբարակում սուբվենցիոն ծրագրերի հաշվին հիմնանորորգվում է մի քանի փողոց 23.08.2019
Գեղարքունիքի մարզի Ճամբարակ համայնքում սուբվենցիոն ծրագրի շրջանակներում արդեն ասֆալտապատվել է 1 փողոց եւ հրապարակ, իսկ ընթացքի մեջ են գտնվում ճանապարհների եւ մայթերի ասֆալտապատման աշխատանքները Պարույր Սեւակ, Գարեգին Նժդեհ եւ Գրիգոր Նարեկացի փողոցներում: Ինչպես տեղեկացրեցին Գեղարքունիքի մարզպետարանի քաղաքաշինության վարչությունից, սուբվենցիոն առաջին ծրագրով հիմնանորոգման աշխատանքներն ավարտվել են Նադարյան փողոցում եւ նրան հարակից հրապարակում: Ծրագրի ընդհանուր արժեքը կազմել է 11 միլիոն 799 հազար դրամ, որի 60 տոկոսը տրամադրել է ՀՀ կառավարությունը, 40 տոկոսը՝ Ճամբարակի համայնքապետարանը: Ծրագիրը մեկնարկել է այս տարվա հուլիսի վերջերին եւ ավարտվել օգոստոսի 15-ի դրությամբ...
Ծովազարդում ասֆալտապատվում է կենտրոնական ճանապարհը 1126 գծամետր երկարությամբ 22.08.2019
Գեղարքունիքի մարզի Ծովազարդ համայնքում ՀՀ կառավարության կողմից հաստատված սուբվենցիոն ծրագրի շրջանակներում մեկնարկել են կենտրոնական ճանապարհի ասֆալտապատման աշխատանքները: Կենտրոնական ճանապարհն ասֆալտապատվում է 1126 մետր երկարությամբ եւ շուրջ 7 հազար քառակուսի մետր մակերեսով: Ծրագրի ընդհանուր արժեքը կազմում է 62 միլիոն 995 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Ծովազարդի համայնքապետարանը: Շինարարական աշխատանքները կավարտվեն այս տարվա սեպտեմբերի վերջերին: «Այս ծրագրի ավարտից հետո մենք գյուղի կենտրոնական փողոցում հիմնանորոգման աշխատանքների կատարման կարիք կունենանք եւս 3550 գծամետր ճանապարհի վրա: Եթե մեզ չհաջողվի դա անել պետական միջոցներով, ուրեմն պետք է փորձենք տարեցտարի տեղական միջոցներով կամ սուբվենցիոն նոր ծրագրերով կարգավորել խնդիրը»,-ներկայացրեց Ծովազարդ համայնքի ղեկավար Արամայիս Ենգոյանը:
Ավարտվեցին ֆրանսերեն լեզվի ուսուցման հերթական դասընթացները 22.08.2019
Գեղարքունիքի մարզի և Ֆրանսիայի հանրապետության Իզերի դեպարտամենտալ խորհրդի միջև ստորագրված ապակենտրոնացված համագործակցության շրջանակներում, արդեն 13 տարի է, Ֆրանսիայի հանրապետության Իզերի դեպարտամենտալ խորհրդի և Գեղարքունիքի մարզպետարանի աջակցությամբ «Ֆրանս ֆորմասիոն Ինտերնասիոնալ» կազմակերպությունը Գավառ քաղաքում անցկացնում է ֆրանսերեն լեզվի ուսուցման արագացված դասընթացներ: Ընդհանուր ֆրանսերենի դասավանդումն իրակակացվում է դպրոցականների և մեծահասակների շրջանում, որը նպատակ ունի վերջիններիս մոտ ցանկություն առաջացնել ընտրել ֆրանսերենը համալսարանական կրթության ընթացքում և վերջիններիս ծանոթացնել ֆրանսիական մշակույթի և քաղաքակրթության հետ: Այս տարվա հուլիս-օգոստոս ամիսների ընթացքում դասընթացները անցկացվել են Գավառի թիվ 1 միջնակարգ դպրոցում, որին մասնակցել են դպրոցականներ, չափահասներ Գավառից և շրջակա համայնքներից: Ուսանողների թիվը եղել է 140՝ տեղաբաշխված տարբեր մակարդակների մի քանի խմբերում, 160 ժամ ընդհանուր ժամաքանակով: Դասընթացներն անցկացվել են շաբաթական 5 օր, օրական...
Գեղարքունիքի մարզպետն աշխատանքային այց կատարեց Ակունք համայնք 21.08.2019
Օգոստոսի 21-ին Գեղարքունիքի մարզպետ Գնել Սանոսյանն աշխատանքային այցով եղավ Ակունք համայնքում: Մարզպետը դիտարկեց ՀՀ կառավարության կողմից սուբվենցիոն ծրագրերի շրջանակներում գյուղի կենտրոնական փողոցից դեպի մանկապարտեզ տանող ճանապարհի հիմնանորոգման աշխատանքները՝ 367 գծամետր երկարությամբ եւ մոտ 1700 քառակուսի մետր մակերեսով: Շինարարական աշխատանքները ավարտին կհասցվեն օգոստոս ամսվա վերջերին: Ծրագրի ընդհանուր արժեքը կազմել է 22 միլիոն դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Ակունքի համայնքապետարանը: Ակունք համայնքում Գնել Սանոսյանը դիտարկեց համայնքի խմելու ջրատարի մեկ կլիոմետր երկարությամբ ներքին ցանցի կառուցման աշխատանքները: Ծրագրի ընդհանուր արժեքը կազմել է շուրջ 18 միլիոն դրամ, որի 70 տոկոսը հատկացրել է ՀՀ կառավարությունը, 30 տոկոսը՝ Ակունքի համայնքապետարանը: Նույն ծրագրի շրջանակներում կառուցվում է նաեւ երկաթյա կիսախողովակներով ջրահեռացման համակարգ եւ ոռոգման ցանց մի քանի թաղամասերում: Գնել Սանոսյանն այցելեց նաև Ակունքի 90 սան ունեցող մանկապարտեզ...
