Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տարեցների հանրապետական խաղերում Գեղարքունիքի մարզի թիմը զբաղեցրեց մրցանակային երրորդ տեղը 02.10.2019
2019 թվականի սեպտեմբերի 28-ից մինչև հոկտեմբերի 1-ը Ծաղկաձորի գլխավոր մարզահամալիրում անցկացվեցին «Տարեցների հանրապետական խաղեր» մրցույթի եզրափակիչ փուլի մրցումները: Ինչպես տեղեկացրեցին Գեղարքունիքի մարզպետարանի ԿՄՍ վարչությունից, մարզերի թիմերը հանդես եկան հինգ մարզաձեւերում՝ շախմատ, շաշկի, նարդի, դարթս եւ բասկետբոլի գնդակի նետում: Յուրաքանչյուր մասնակից իրավունք ուներ մասնակցելու միայն մեկ մարզաձեւում: Թիմերի կազմում ընդգրկված էին 63 եւ ավելի տարիք ունեցող տարեցները: Յուրաքանչյուր թիմի կազմում ընդգրկված էին 5 տղամարդ եւ 5 կին: «Գեղարքունիքի մարզի թիմը ձեւավորելու նպատակով անցկացվել էր մարզային փուլի մրցումներ, որի արդյունքում թիմի կազմում ընդգրկվել էին՝ դարթս մարզաձեւի կանանց պայքարում՝ Գոհար Ավետիսյանը (Սեւան), իսկ տղամարդկանց պայքարում՝ Տիգրան Նիկողոսյանը (Նորատուս), շախմատի տղամարդկաց պայքարում՝ Վազգեն Օհանյանը (Ծովազարդ), կանանաց պայքարում՝ Նինա Սաֆարյանը (Գավառ), նարդու կանանց պայքարում՝ Մելանյա Հարությունյանը (Թթուջուր), տղամարդկանց պայքարում՝ ...
ՀՀ Գեղարքունիքի մարզպետ Գնել Սանոսյանի շնորհավորանքի խոսքը Տարեցների միջազգային օրվա առթիվ 01.10.2019
Հարգելի հայրենակիցներ: Մեր խոնարհումն ու երախտագիտությունն ենք հայտնում Հայոց հայրենիքին մարմին ու ոգի տված մեր տատ ու պապերին, հայրերին ու մայրերին, որոնցից յուրաքանչյուրի անցած ուղին ՝լի է մաքառումներով, աշխատասիրությամբ ու արարչագործությամբ: Այդ նրանք են զարկ տվել մեր տնտեսությանը, գիտությանը, մշակույթին ու այլ ոլորտներին: Այժմ էլ նրանք մեր կողքին են իրենց խորհուրդներով, կենսափորձով ու ծնողական օրհնանքով: Եվ առավել քան երջանիկ է այն ընտանիքը, որը վայելում է իր տարեց անդամի հաճելի ներկայությունը, որդիական պարտքի գիտակցումը: Մեր զորակցությունն ենք հայտնում նաեւ այն տարեցներին, ովքեր ճակատագրի կամոք միայնակ են կամ հայտնվել են խնամքի հաստատություններում: Տարեցների միջազգային օրվա առթիվ ջերմորեն շնորհավորում եմ բոլորիս ընտանիքներին, մաղթում ամենայն սեր ու բարիք, մեր տարեցներին՝ երկար տարիների անհոգ կյանք, երջանիկ ծերություն: Լավագույն ցանկություններով՝ Գեղարքունիքի մարզպետ Գնել Սանոսյան
Գեղարքունիքի մարզպետ Գնել Սանոսյանն այցելեց և շնորհավորեց մարզի տարեցներին 01.10.2019
Տարեցների միջազգային օրվա առթիվ Գեղարքունիքի մարզպետ Գնել Սանոսյանն այցելեց Գեղարքունիքի մարզում բնակվող 100 և103 տարեկան 9 անձանց՝ անձամբ շնորհավորելու և իր բարեմաղթանքի խոսքերը հղելու նրանց: Մեծահասակներն իրենց երախտագիտությունը հայտնեցին Գնել Սանոսյանին՝ իրենց հանդեպ ցուցաբերած ուշադրության և հոգատարության համար: Գեղարքունիքի մարզպետ Գնել Սանոսյանի որոշմամբ օրվա առթիվ դրամական միջոցներ տրամադրվեցին Կարմիրգյուղ համայնքից Ռոզիկ Թադևոսյանին, Լանջաղբյուր համայնքից՝ Սիրանուշ Նավոյանին, Գավառ քաղաքի Հացառատ թաղամասից՝ Թագուշ Իսպիրյանին, Լճաշեն համայնքից՝ Փայլակ Գալստյանին, Ծովագյուղ համայնքից՝ Հայկանուշ Պողոսյանին, Զովաբեր համայնքից՝ Հեղուշ Հակոբյանին և Շողիկ Հակոբյանին, Ավազան համայնքից՝ Պայծառ Դավիդովային և Ծովինար համայնքից՝ Սահակ Թադևոսյանին: Տարեցների միջազգային օրվա առթիվ ՀՀ Գեղարքունիքի մարզպետ Գնել Սանոսյանը հղել է նաև իր շնորհավորական ուղերձը:
Խրախուսվեցին ռազմավարական զորավարժությունների մասնակից պահեստազորայիններ 30.09.2019
2019 թվականի սեպտեմբերի 24-ից հոկտեմբերի 5-ը հանրապետությունում ընթացող ռազմավարական զորավարժությունների ընթացքը դիտարկելու նպատակով սեպտեմբերի 30-ին Գեղարքունիքի մարզպետ Գնել Սանոսյանը և ՀՀ ԶՈւ 2-րդ բանակային զորամիավորման հրամանատար, գնդապետ Դավիթ Մանուկյանն այցելեցին Գեղարքունիքի մարզի զորամասերից մեկը, որտեղ տեղակայված էր մարզի պահեստազորը: Մարզպետը և կորպուսի հրամանատարը զրուցեցին պահեստազորայինների հետ, ծանոթացան անցած օրերի ընթացքում նրանց կողմից իրականացված ծառայությունների որակին: Զրույցի ընթացքում պահեստազորայինները նշեցին, որ ցանկացած պահի պատրաստ են դառնալ հայրենիքի զինվորը: Դիմելով պահեստազորայիններին, Գեղարքունիքի մարզպետ Գնել Սանոսյանը շնորհակալություն հայտնեց նրանց այս աննախադեպ մաշտաբի զորավարժություններին բարձր պատրաստակամությամբ և պատասխանատվությամբ մասնակցելու համար: «Մենք մեկ անգամ ևս ապացուցեցիք, որ անկախ մեր մասնագիտությունից, անկախ մեր աշխատելու վայրից և պաշտոնից, երբ կարիքը կա զինվորագրվելու հայրենիքի պաշտպանությանը, մենք բոլորս պատրաստ ենք այդ գործին
Բացվեց եւ վերաօծվեց Նորատուսի Սուրբ Աստվածածին վերականգնված եկեղեցին 28.09.2019
Գեղարքունիքի մարզի Նորատուս համայնքում դարերի լռությունից հետո առաջին անգամ հավատավորների առջեւ դռները բացեց իր վեհաշուք տեսքի մեջ վերականգնված Սուրբ Աստվածածին եկեղեցին: Եկեղեցու բացման եւ վերաօծման արարողությանը մասնակցում էին ՀՀ ԱԺ փոխնախագահ Ալեն Սիմոնյանը, Գեղարքունիքի մարզպետ Գնել Սանոսյանը, Նորատուս համայնքի ղեկավար Մուրադ Հարությունյանը, պետական կառավարման եւ տեղական ինքնակառավարման մարմինների ներկայացուցիչներ, արտերկրից ժամանած հյուրեր, եկեղեցու վերականգնման գործում նշանակալի ավանդ ունեցած բարերարներ, Սփյուռքից ու Հայաստանի տարբեր վայրերից ժամանած բազմաթիվ հավատավորներ: Հայաստանի պատմաճարտարապատեկան հրաշալիքներից մեկը հանդիսացող Նորատուսի Սուրբ Աստվածածին եկեղեցին վերաօծվեց ձեռամբ Հայ Առաքելական եկեղեցու Ուկրաինայի թեմի առաջնորդ Մարկոս եպիսկոպոս Հովհաննիսյանի, Մայր Աթոռ Սուրբ Էջմիածնի դիվանապետ Արշակ եպիսկոպոս Խաչատրյանի եւ Մայր Աթոռի լուսարարապետ Հովնան եպիսկոպոս Հակոբյանի՝ Գեղարքունյաց թեմի հոգեւոր դասի մասնակցությամբ:
Նորակերտում վարձակալական հողերի վերաբերյալ կհայտարարվի նոր մրցույթ 27.09.2019
Նորակերտ համայնքի բնակիչները սեպտեմբերի 27-ի առավոտյան փակել են Նորակերտ համայնքով անցնող երկաթգծի գծանցը՝ համայնքի ղեկավարից պահանջելով վերանայել համայնքի վարչական տարածքում գտնվող շուրջ 220 հեկտար պետական ֆոնդի վարելահողերի ժամկետանց պայմանագրերը և նոր մրցույթ հայտարարել: Գեղարքունիքի մարզպետի տեղակալ Նարեկ Գրիգորյանը և մարզպետարանի մի քանի ստորաբաժանումների ղեկավարներ այցելել են Նորակերտ համայնք, որտեղ հանդիպում են ունեցել համայնքի բնակիչների , ավագանու անդամների և համայնքի ղեկավարի հետ: «Նորակերտ համայնքում կայացած քննարկման ընթացքում հրավիրվեց համայնքի ավագանու արտահերթ նիստ: Ավագանին միաձայն որոշեց սեղմ ժամկետում վերոնշյալ հողատարածքներում կատարել հստակ չափագրումներ, հողատարածքները բաժանել հավասար լոտերի և դրանց վերաբերյալ մրցույթ հայտարարել, որպեսզի համայնքի բնակիչները հնարավորություն ունենան ձեռք բերել և մշակել այդ հողակտորները»,- տեղեկացրեց Գեղարքունիքի մարզպետի տեղակալը: Նույն աղբյուրի հավաստմամբ, սեպտեմբերի 27-ի ժամը 13:00-ին երկաթգծի հատվածն արդեն բաց է եղել:
