Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ծովինարում ընթանում է մանկապարտեզի շենքի մասնակի հիմնանորոգումը 18.09.2019
Գեղարքունիքի մարզի Ծովինար գյուղում ՀՀ կառավարության կողմից հաստատված սուբվենցիոն ծրագրի շրջանակներում այս տարվա օգոստոսի սկզբից մեկնարկել եւ ընթանում է մանկապարտեզի շենիքի մասնակի հիմնանորոգումը: Գեղարքունիքի մարզպետարանի քաղաքաշինության վարչության տվյալներով, ծրագրի պայմանագրային արժեքը կազմում է 28 միլիոն 800 հազար դրամ, որի 65 տոկոսը հատկացրել է ՀՀ կառավարությունը, 35 տոկոսը՝ Ծովինարի համայնքապետարանը: Տրամադրված գումարի հաշվին նախատեսված է մանկապարտեզի շենքի տանիքի հիմնանորոգում, նոր դռների եւ պատուհանների տեղադրում: Մնացած աշխատանքները կշարունակվեն հաջորդ տարվա ընթացքում: « Շենքային անբարեկարգ պայմանների եւ մի շարք այլ պատճառներով Ծովինարի մանկապարտեզը չի գործել 2005 թվականից սկսած:Մանկապարտեզը ժամանակին գործել է չորս խմբով ու 100 տեղով: Հիմա սուբվենցիոն ծրագրի շրջանակներում տրամադրված գումարով իրականացվում է մասնակի նորոգում, իսկ մնացած գումարը կստեղծենք եկող տարվա ընթացքում՝ հիմնանորոգումն ավարտին հասցնելու համար », -հավաստեց Ծովինարի համայնքի ղեկավարը:
Ներքին Գետաշենում ասֆալտապատվում է 13 փողոց, կառուցվում գազատար եւ արտաքին լուսավորության ցանց 17.09.2019
Գեղարքունիքի մարզի Ներքին Գետաշեն գյուղում ՀՀ կառավարության կողմից հաստատված սուբվենցիոն ծրագրերի հաշվին ասֆալտապատվում է թվով 13 փողոց, կառուցվում 1 կիլոմետր երկարության գազատար 5 տարբեր թաղամասերում եւ արտաքին լուսավորության ցանց՝ 18 տարբեր թաղամասերում: Ինչպես տեղեկացրեցին Գեղարքունիքի մարզպետարանի քաղաքաշինության վարչությունից, այս տարի կառավարության կողմից Ներքին Գետաշենում հաստատվել է սուբվենցիոն 5 ծրագիր, որոնցից երկուսը՝ ոռոգման եւ խմելու ջրատարների կառուցումն ընթացքում են, իսկ ասֆալտապատման ու գազատարի կառուցման ծրագրերը՝ մեկնարկային փուլում: Ասֆալտապատման ծրագրի շինարարության պայմանագրային արժեքը կազմել է 292 միլիոն 892 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Ներքին Գետաշենի գյուղապետարանը: Ասֆալտապատվելու է 5413 գծամետր երկարության ճանապարհ՝...
«Թատերական Գավառ» փառատոնի մեկնարկը տրվեց «Հաղթանակի գենեզիս» ստեղծագործության բեմականացմամբ 17.09.2019
Գավառ քաղաքի Լեւոն Քալանթարի անվան պետական թատրոնում սեպտեմբերի 16-ի երեկոյան ՀՀ թատերական գործիչների միության նախագահ Հակոբ Ղազանչյանի ողջույնի խոսքով տրվեց «Թատերական Գավառ» փառատոնի մեկնարկը: Փառատոնը սկսվեց Ս. Նալբանդյանի «Հաղթանակի գենեզիս» ստեղծագործության բեմականացմամբ, որը ներկայացվեց Սոս Սարգսյանի անվան համազգային թատրոնի կողմից: Փառատոնի բացմանը ներկա էին պետական եւ տեղական ինքնակառավարման մարմինների, կրթամշակութային հաստատությունների ներկայացուցիչներ, դպրոցականներ, մարզի տարբեր բնակավայրերից ժամանած թատերասերներ: Ինչպես նշեց Գեղարքունիքի մարզպետարանի ԿՄՍ վարչության մշակույթի եւ սպորտի բաժնի վարիչ Գեղամ Չարվադարյանը, փառատոնը նպատակ ունի՝ աշխուժացնել թատերական կյանքը Գեղարքունիքի մարզում, թատերասեր հանրությանը հաղորդակից դարձնել թատերական արվեստի զարգացումներին: «Բոլոր տաս ներկայացումները տեղի կունենան Գավառի Լ.Քալանթարի անվան թատրոնի բեմում ...
Վարդենիկ գյուղում իրականացվում է սուբվենցիոն չորս ծրագիր 17.09.2019
Գեղարքունիքի մարզի Վարդենիկ գյուղում արդեն մեկ շաբաթ է, ինչ ՀՀ կառավարության կողմից հաստատված սուբվենցիոն ծրագրերի շրջանակներում սկսվել են շինարարական լայնածավալ աշխատանքներ ճանապարհաշինության, խմելու եւ ոռոգման ջրի մատակարարարման բարելավման ուղղություններում: Ինչպես տեղեկացրեցին Գեղարքունիքի մարզպետարանի քաղաքաշինության վարչությունից, սուբվենցիոն առաջին ծրագրով , որի պայմանագրային արժեքը կազմում է 252 միլիոն 364 հազար դրամ, նախատեսվում է ասֆալտապատել գյուղի 9 փողոց՝ շուրջ 6 կիլոմետր երկարությամբ եւ 27 հազար 650 քառակուսի մետր մակերեսով:Պայմանագրային արժեքի 60 տոկոսը տրամադրել է ՀՀ կառավարությունը, 40 տոկոսը՝ Վարդենիկի համայնքապետարանը: Շինարարական աշխատանքները կավարտվեն առաջիկա մեկ ամսվա ընթացքում: Սուբվենցիոն երկրորդ ծրագրով հիմնանորագվում է գյուղի խմելու ջրի օրվա կարգավորիչ ջրամբարը եւ 80 դիտահորեր՝ իրենց փականներով ու այլ սարքավորումներով...
Վերին Ճամբարակը հանդիսավորությամբ նշեց իր հիմնադրման 1000-րդ տարեդարձը 16.09.2019
Ճամբարակ քաղաքի Վերին Ճամբարակ թաղամասի բնակիչները սեպտեմբերի 14-ին տոնական տրամադրությամբ նշեցին իրենց գյուղի հիմնադրման 1000–րդ տարեդարձը: Տոնակատարությանն իրենց մասնակցությունն էին բերել Գեղարքունիքի մարզպետ Գնել Սանոսյանը, Ճամբարակ համայնքի ղեկավարՎազգեն Ադամյանը, ՀՀ Աժ պատգամավորներ, պետական եւ տեղական ինքնակառավարման մարմինների ներկայացուցիչներ, ՀՀ ԶՈւ բանակային ստորաբաժանումների ժամկետային եւ պայմանագրային զինծառայողներ, Արցախյան ազատամարտի վետերաններ, Ճամբարակ համայնքի բնակավայրերի վարչական ղեկավարներ: Միջոցառումը սկսելուց առաջ ճամբարակցիները եւ հյուրերը, շրջելով տաղավարներով, համտեսեցին ազգային խոհանոցի ուտեստները: Բացելով տոնական միջոցառումը` համայնքի ղեկավար Վազգեն Ադամյանը նշեց, որ Վերին Ճամբարակը, հիմնվելով կիսավեր եկեղեցում պահպանված խաչքարի արձանագրության վրա, հիմնադրվել է 1019 թվականին՝...
10 հազար եվրո՝ Լեռնահովիտի դպրոցի կարիքների կամար 16.09.2019
Սեպտեմբերի 16-ին Գեղարքունիքի մարզպետ Գնել Սանոսյանն ընդունեց փարիզյան «Վերագտնված երջանկություն» կազմակերպության ղեկավար Հայկ Մելիքյանին և կազմակերպության ներկայացուցիչներին, ովքեր հերթական այցով էին Գեղարքունիքի մարզպետարանում՝ նպատակ ունենալով օգնել Գեղարքունիքի մարզի Գեղհովիտ համայնքի Լեռնահովիտ բնակավայրում դպրոցական նոր շենք կառուցելու հարցում: Ինչպես հանդիպման սկզբում նշեց Հայկ Մելիքյանը, ամիսներ առաջ կազմակերպության ներկայացուցիչները եղել են Լեռնահովիտում, ուսումնասիրել դպրոցական շենքի անբարվոք վիճակը և որոշել են Ֆրանսիայի հինգ քաղաքներում կազմակերպել բարեգործական համերգներ ու դրանցից գոյացած հասույթը ծախսել դպրոցական նոր շենքի կառուցման համար: «Համերգները կայացել են, որի արդյունքում գոյացել է 10 հազար եվրո գումար: Հասկանում ենք, որ 10 հազար եվրոն բավարարի չի Լեռնահովիտում դպրոցական նոր շենք կառուցելու համար, սակայն մենք եկել ենք Ձեզ հետ քննարկելու, որպեսզի որոշենք, թե դպրոցի որ կարիքների համար կարելի է ծախսել այդ գումարը»,- նշեց Հայկ Մելիքյանը:
