Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետի մոտ քննարկվեցին բնապահպանական մի շարք հարցեր 26.02.2021
Փետրվարի 25-ին Գեղարքունիքի մարզպետ Գնել Սանոսյանն ընդունեց «Սևան» ազգային պարկի տնօրենին, բնապահպանության և ընդերքի տեսչական մարմնի ներկայացուցիչներին: Հանդիպման ընթացքում մասնակիցները քննարկեցին Գեղարքունիքի մարզում առկա մի շարք բնապահպանական խնդիրներ, որոնք հնարավոր է կարգավորել բնապահպանության և ընդերքի տեսչական մարմնի և Գեղարքունիքի մարզպետարանի համատեղ ուժերով: Խոսվեց Գեղարքունիքի մարզի համայնքներով անցնող և Սևանա լիճ թափվող գետերի աղտոտվածության ներկայիս վիճակի մասին և պայմանավորվածություն ձեռք բերվեց՝ համատեղ ուժերով բնակչության շրջանում իրականացնել բացատրական աշխատանքներ՝ գետերը աղտոտվածությունից հնարավորինս զերծ պահելու համար: Քննարկման ընթացքում խոսք գնաց համայնքների վարչական տարածքներից հողի բերրի շերտի դուրսբերման և այլ օգտակար հանածոների անօրինական շահագործման մասին: Նպատակահարմար համարվեց՝...
Ներքին Գետաշենի N 2 միջնակարգ դպրոցում 40 տարի գործում է նկարչական բաժին, այն ղեկավարում է գեղանկարչուհի Նեկտար Սահակյանը:Նկարչական բաժնի սաները միշտ ակտիվ մասնակցություն են ցուցաբերել հանրապետական և միջազգային նկարչական մրցույթներին և փառատոներին: 2020 թվականի հուլիս-օգոստոս ամիսներին Մինսկ քաղաքում անցկացվել է «Մոլորակի երեխաները բարեկամներ են» խորագրով մանկական նկարի 7-րդ միջազգային մրցույթը, որը կազմակերպել է Բելառուսի Հանրապետության կրթության նախարարությունը ու Երեխաների և երիտասարդների գեղարվեստական ստեղծագործությունների ազգային կենտրոնը: Նկարչական մրցույթին մասնակցել են 4500–ից ավել երեխաներ՝ 27 երկրներից: Մասնագիտացված ժյուրիի կողմից 85 աշխատանքներ հաղթող են ճանաչվել «Գեղանկարչություն», «Գրաֆիկա» և «Խառը տեխնիկա» ...
Հերթական զորակոչը Գեղարքունիքի մարզում 25.02.2021
2021 թվականի ձմեռային զորակոչի հերթական փուլն այսօր անցկացվեց Ճամբարակ և Գավառ քաղաքներում: Նորակոչիկների առաջին խումբը Հայոց բանակ ճանապարհվեց Ճամբարակի տարածաշրջանի համայնքներից և բնակավայրերից: Հայոց բանակում ծառայության անցնելու նպատակով ճամբարակցի նորակոչիկներին, նրանց ծնողներին և հարազատներին շնորհավորեց Գեղարքունիքի մարզպետի տեղակալ Հենրիկ Մուրադյանը, խաղաղ ծառայություն և բարի վերադարձ մաղթելով մեր երկրի վաղվա օրվա զինվորիներին: Ձմեռային զորակոչի հերթական փուլն անցավ առանց խոչընդոտների: Նորակոչիկների տրմադրությունը բարձր էր, ոգին՝ մարտական:
Գեղարքունիքի մարզպետն այցելեց Լճաշենի «Էթիունի» հյուրատուն-սոցիալական ձեռնարկություն 23.02.2021
Փետրվարի 22-ին Գեղարքունիքի մարզպետ Գնել Սանոսյանն աշխատանքային այց կատարեց Լճաշեն համայնքի նորաստեղծ «Էթիունի» հյուրատուն-սոցիալական ձեռնարկություն։ Նրան ուղեկցում էր Լճաշեն համայնքի ղեկավար Կորյուն Մարգարյանը։ Ինչպես տեղում մարզպետին ներկայացրեց հյուրատուն-ձեռնարկության հիմնադիր Սաթիկ Բադեյանը, հյուրատունը ստեղծվել է մի քանի դրամաշնորհային ծրագրերի միավորմամբ եւ հանդիսանում է Լճաշեն համայնքի զբոսաշրջության զարգացման ծրագրերի մի բաղադրիչը։ «Դրամաշնորհային աջակցությունների շնորհիվ հիմնանորոգվել է շենքը, ձեռք է բերվել կահույք, կառուցվել ու հագեցվել է խոհանոցը, կատարվել է դրսի տարածքի սալիկապատում եւ այլ կարգի աշխատանքներ։ ՀՀ ԿԳՄՍ նախարարության դրամաշնորհի շրջանակներում Լճաշենի երիտասարդ մասնագետներից վերապատրաստվել են արշավային եւ հնագիտական տուրիզմի գիդեր, քարտեզագրվել են տուրիստական մի շարք երթուղիներ, ձեռք է բերվել ցուցադրության վիրտուալ սարքեր՝ հոլոգրաֆիկ բուրգ, որի միջոցով ցուցադրվում են Լճաշենի հնագիտական նշանակության գտածոները եւ հեռադիտակ,...
Նոր նշանակում 23.02.2021
Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 9-րդ մասով՝ Հայաստանի Հանրապետության վարչապետի 23 փետրվարի 2021, 158 – Ա որոշմամբ Նարեկ Մանուկյանը նշանակվել է Հայաստանի Հանրապետության Գեղարքունիքի մարզպետի տեղակալ:
Ռմբակոծությունից հետո հիմնանորոգվում է Կութի միջնակարգ դպրոցը 22.02.2021
2020 հոկտեմբերի 13-ին տեղի ունեցած մարտական գործողությունների ընթացքում մասնակիորեն վնասվեց նաև Գեղարքունիքի մարզի Կութ բնակավայրի միջնակարգ դպրոցը: Ռմբակոծության հետևանքները վերացնելու նպատակով դպրոցում այս տարվա փետրվարի 10-ից մեկնարկել են մի շարք վերանորոգման աշխատանքներ: Դրանք կրում են բարեգործական բնույթ: Նախաձեռնությունը հեղինակը՝ VIWA բարեգործական ընկերության նախագահ Գևորգ Ղարաբեկյանն է, աշխատանքներն իրականացնում է « Զավեն-Աշոտ» ՍՊԸ-ն: Կողմերի միջև կնքված պայմանագրի շրջանակներում դպրոցում այս օրերին կատարվում է 6 դասասենյակի, գրադարանի, ուսուցչանոցի և 1 առանձնասենյակի վնասված և քայքայված փայտե պատուհանների ամբողջովին փոխումը նոր մետաղապլաստե պատուհաններով, նոր պատուհանագոգերի տեղադրում: Շինարարական աշխատանքների արդյունքում փոխվել են 2 դասասենյակի դռներ, կատարվում են նաև ներքին հարդարման աշխատանքներ: Դպրոցում շինարարական աշխատանքները նախատեսված է ավարտին հասցնել մինչև մարտի 6-ը:
