Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարտունի և Վարդենիս համայնքներից բանակ ճանապարհվեցին զորակոչիկների հերթական խմբերը 22.07.2025
2025 թվականի ամառային զորակոչի շրջանակներում հուլիսի 21-ին Գեղարքունիքի մարզի Մարտունի և Վարդենիս համայնքներից զորակոչիկների հերթական խմբերը մեկնել են զինվորական ծառայության։ Օրվա առթիվ նշված համայնքներում կազմակերպվել են հանդիսավոր արարողություններ, հնչեցրել շնորհավորանքի ու բարեմաղթանքի խոսքեր։ Արարողություններին մասնակցել են ՀՀ ՊՆ ՀԶԿ Գեղարքունիքի մարզի զինվորական կոմիսարիատի, համայնքապետարանների ներկայացուցիչներ, զորակոչիկների ծնողներ և հարազատներ։ Ամառայի զորակոչը կավարտվի 2025 թվականի օգոստոսի 15-ին։ Բարի երթ և խաղաղ ծառայություն բոլոր զինծառայողներին։
Ռենջերները կրկին ուժերը չափեցին՝ այս անգամ «Սևան Ստարտափ Սամմիթում» 22.07.2025
«Ռենջեր 2025» մրցույթը՝ նվիրված կենսաբազմազանության պահպանմանը, կայացավ երրորդ անգամ՝ այս անգամ «Սևան Ստարտափ Սամմիթ 2025»-ի շրջանակում։ Մրցույթին մասնակցեցին Շրջակա միջավայրի նախարարության համակարգման տակ գործող բնության հատուկ պահպանվող տարածքների և էկոպարեկային ծառայության 15 աշխատակիցներ՝ իրական ռենջերներ, որոնք ամեն օր կանգնած են բնության պահպանության առաջնագծում։ Մասնակիցները փորձեցին իրենց ուժերը ինչպես ֆիզիկական պատրաստվածության, այնպես էլ մասնագիտական գիտելիքների մակարդակով։ Մրցույթը ոչ միայն ճանաչում է նրանց նվիրումն ու աշխատանքը, այլև խրախուսում՝ դրամական մրցանակներով։ Մրցանակային տեղեր՝ 1 առաջին տեղ- Արթուր Քոչարյան 2 երկրորդ տեղ- Վահե Խաչատրյան, Միքայել Պողոսյան 3 երրորդ տեղ- Գևորգ Գասպարյան, Սասուն Շիրինյան և Սասուն Գալստյան Մրցանակային տեղեր զբաղեցրած վեց մասնակցից հինգը Էկոպարեկային ծառայության ներկայացուցիչներն են։ Այս նախաձեռնությունը կարևորում է ռենջերների առանցքային դերը մեր բնության պահպանման գործում և կոչ է անում ավելի մեծ ուշադրություն դարձնել նրանց աշխատանքին։
Սևանում կգործարկվի սկզբնաղբյուրում վերամշակելի թափոնների տեսակավորման համակարգը 21.07.2025
Հուլիսի 26-ից Սևան քաղաքում կգործարկվի սկզբնաղբյուրում վերամշակելի թափոնների տեսակավորման համակարգը, որի պաշտոնական մեկնարկը կտրվի Սևանի Ս. Զաքարյանի անվան մշակույթի պալատի հարակից հրապարակում։
Սևան Ստարտափ Սամիթ 2025՝ Նորարարության և Տեխնոլոգիաների Միջազգային Հարթակ 21.07.2025
Այսօր՝ հուլիսի 21-ին, ՀՀ Շրջակա միջավայրի նախարար Համբարձում Մաթևոսյանը և Գեղարքունիքի մարզպետ Կարեն Սարգսյանը այցելել են Սևանա լճի ափին մեկնարկած «Սևան Ստարտափ Սամմիթ 2025» միջոցառմանը, որը ՀՀ Կառավարության բարձր հովանու ներքո իրականացվում է ՀՀ Բարձր Տեխնոլոգիական Արդյունաբերության Նախարարության աջակցությամբ։ Նրանք շրջել են ստարտափերի տաղավարներով ու ծանոթացել ֆորումի նպատակներին և մանրամասներին։ Այս տարվա Սամիթը աչքի է ընկնում իր աննախադեպ մասշտաբով և լայնածավալ միջոցառումներով, ընդգրկելով հարյուրավոր ստարտափ թիմեր, միջազգային փորձագետներ, ներդրողներ ու հազարավոր մասնակիցներ ամբողջ աշխարհից։ Ինչպես նաև այս տարի՝ «Սևան Ստարտափ Սամիթ 2025»-ը այն եզակի հարթակներից է, որտեղ տեղական ստարտափները կարող են փոխառել միջազգային փորձն ու մշակույթը, նպաստելով երկրի ստարտափ էկոհամակարգի զարգացմանը։ Միջոցառումն ամեն տարի ներառում է նորարարական գաղափարներ, որ հնչում են աշխարհի տարբեր երկրներից՝ ստեղծելով բացահայտման, համագործակցության և ներդրումների նոր հնարավորություններ։
Հուլիսի 18-ին Գեղարքունիքի մարզպետ Կարեն Սարգսյանն ընդունեց «Կրթամշակութային սրճարան-գրադարան Մարտունիում» նախաձեռնության հեղինակներին՝ Արմենուհի Մկրտչյանին, Մերի Գորգիյանին և Մարինե Դարբինյանին։ Հանդիպմանը ներկա էր նաև Գեղարքունիքի մարզպետի աշխատակազմի ԿՄՍ վարչության պետ Կարեն Զազյանը։ Նախաձեռնության հեղինակները նախատեսում են Մարտունի քաղաքում ստեղծել բազմաֆունկցիոնալ սրճարան-գրադարան, որը լինելու է ոչ միայն նոր գրականությամբ հագեցած հանրային գրադարան, այլ նաև հանգստի և ժամանցի հարթակ։ Այն կծառայի նաև որպես կրթամշակութային միջոցառումների, դասախոսությունների, քննարկումների ու ներկայացումների համար նախատեսված էլեկտրոնային լսարան։ Մարզպետ Կարեն Սարգսյանը, զրույցի ընթացքում ստանալով իրեն հետաքրքրող հարցերի պատասխանները, հայտնեց իր պատրաստակամությունը՝ համապատասխան աջակցություն ցուցաբերելու համար։
Կարեն Զախարյանն արծաթե մեդալ է նվաճել Սերբիայում կայացած բռնցքամարտի Եվրոպայի առաջնությունում 18.07.2025
Գեղարքունիքի մարզի Մարտունի համայնքի մարզադպրոցի սան, բռնցքամարտիկ Կարեն Զախարյանը Սերբիայում կայացած բռնցքամարտի Եվրոպայի ավագ տարիքի պատանիների առաջնությունում զբաղեցրել է երկրորդ տեղը և պարգևատրվել արծաթե մեդալով: Պատանի բռնցքամարտիկին հայրենի Մարտունիում դիմավորել են հանդիսավոր կերպով և տոնական արարողությամբ։ Կարեն Զախարյանը գերազանց է հանդես եկել մրցաշարում՝ մինչ եզրափակիչ հասնելը հաղթելով Մակեդոնիան, Ադրբեջանը և Ռուսաստանը ներկայացնող մարզիկներին: Սակայն հայ մարզիկը, ոտքի վնասվածքի պատճառով, չի կարողացել մասնակցել եզրափակիչ մենամարտին։
