Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 14.10.2024
Հոկտեմբերի 14-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց հերթական աշխատանքային խորհրդակցությունը։ Խորհրդակցության ընթացքում քննարկվեցին մարզի հանրակրթական դպրոցներում Լեռնային Ղարաբաղից բռնի տեղահանված մանկավարժների, դաստիարակների, նախադպրոցական ու դպրոցական տարիքի երեխաների տեղավորման, ուսումնառության և ընթացիկ շարժի վերաբերյալ տեղեկատվության ներկայացման, ինչպես նաև դպրոցների մարզադահլիճների վերանորոգման ծրագրերը ՀՀ կառավարության որոշման մեջ ներառելու հետ կապված հարցեր։ Օրակարգային հարցերից էին նաև համայնքներում 2022 և 2023 թվականներից տեղափոխված և ընթացքի մեջ գտնվող սուբվենցիոն ծրագրերի շինարարական աշխատանքների կատարման պայմանագրային ժամկետների պահպանումը, ըներքօգտագործման ոլորտում օրինականության պահպանումը, Վերին Գետաշենի թիվ 2 միջնակարգ դպրոցի ցանկապատման գործընթացը։ Խոսվեց նաև Գերմանական միջազգային համագործակցության ընկերության հետ համագործակցությամբ․․․
Նախազորակոչային և զորակոչային տարիքի երիտասարդության կենցաղում առողջ ապրելակերպի արմատավորման, ինչպես նաև դպրոցականների և երիտասարդության շրջանում իրականացվող ռազմահայրենասիրական դաստիարակության հետագա բարելավման նպատակով Հայաստանի Հանրապետությունում անցկացվում են ռազմամարզական խաղեր։ Դրանք անցկացվում է 4 փուլով՝ ներդպրոցական, համայնքային, մարզային և հանրապետական։ Ռազմամարզական խաղերին մասնակցում են հանրակրթական դպրոցների 9-12-րդ դասարանցիներից ձևավորված թիմերը։ Թիմերի կազմերում հանդես են գալիս 9-ական տղա մարզիկ...
ՈՒՇԱԴՐՈՒԹՅՈՒՆ 11.10.2024
ՀՀ ՆԳՆ ՓԾ Գեղարքունիքի մարզային փրկարարական վարչությունը տեղեկացնում է, որ ս/թ հոկտոմբերի 18-ին, ՀՀ Գեղարքունիքի մարզի Թթուջուր բնակավյրում նախատեսվում է անցկացնել «Տարածաշրջանին բնորոշ արտակարգ իրավիճակները, կանխարգելումը և քաղաքացիական պաշտպանության հիմնահարցերը» թեմայով զրույց-քննարկում, «Ազդարարում, տարհանում, պատսպարում» թեմայով գործնական վարժանք։
Հոկտեմբերի 4-5-ին Գեղարքունիքի մարզի բոլոր համայնքներից 15-17 տարեկան 34 պատանիներ և աղջիկներ այցելել են Վազգեն Սարգսյանի անվան ռազմական ակադեմիային կից «Զառ» ուսումնական կենտրոն, որտեղ անցկացվել է ռազմամարզական ճամբար։ Ռազմական ակադեմիայի ղեկավար կազմի կողմից համակարգվող երկօրյա ճամբարի շրջանակում աշակերտները ծանոթացել են քարտեզագիտությանը, զենքի գործածման անվտանգության կանոններին, զինված ուժերում կիրառվող անօդաչու թռչող սարքերի առանձին նմուշներին, ռադիացիոն, քիմիական, կենսաբանական պաշտպանության միջոցներին և դրանց կիրառման կարգին։ Ճամբարականների համար նաև կազմակերպվել են մրցումներ՝ ռազմամարզական էստաֆետա մրցաձևից։ Ճամբարում դպրոցականները շփվել են Մ․ Մելքոնյանի անվան ռազմամարզական վարժարանի սաների և Վ․ Սարգսյանի անվան ռազմական ակադեմիայի կուրսանտների հետ, օգտվել զինվորական ճաշարանից, իսկ երեկոյան, խարույկի շուրջ հանդիպում են ունեցել ՀՀ պաշտպանության նախարար Սուրեն Պապիկյանի հետ։․․․
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 07.10.2024
Հոկտեմբերի 7-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց հերթական աշխատանքային խորհրդակցությունը, որի ընթացքում զեկուցվեցին նախորդ խորհրդակցությանը տրված հանձնարարականների կատարման արդյունքները։ Քննարկվեցին համայնքների բյուջեների սեփական եկամուտների հավաքագրման և ապառքների գանձման արդյունքների, մարզային ենթակայությամբ գործող հիմնարկներում անցկացված աուդիտի արձանագրությունների ուսումնասիրման, Վարդենիս քաղաքի նորակառույց մանկապարտեզի երկրորդ մուտքի բարեկարգման, Սևան համայնքի «Ախթամար» հուշարձանի բարեկարգման նախագծի ձեռքբերման հետ կապված հարցեր։ Խոսվեց նաև Մարտունի համայնքի Աստղաձոր և Զոլաքար բնակավայրով անցնող մարզային նշանակության ճանապարհի փլված հենապատերի վերականգնման, Ճամբարակի թիվ 1 միջնակարգ դպրոցի նորակառույց շենքի շինարարության ընթացքի, Մարտունի համայնքի Ծովասար, Երանոս և Վարդենիկ բնակավայրերի մանկապարտեզների տարածքների բարեկարգման հետ կապված հարցերի մասին։ Կարեն Սարգսյանը հանձնարարեց՝ պատկան մարմինների մասնակցությամբ հրավիրված խորհրդակցության ընթացում հատուկ քննարկման նյութ դարձնել Լեռնային Ղարաբաղից բռնի տեղահանված քաղաքացիների կողմից բարձրացված հարցերը։ Գեղարքունիքի մարզպետի աշխատակազմի ստորաբաժանումների ղեկավարները ստացան նոր հանձնարարականներ։
ՀՀ Գեղարքունիքի մարզպետ Կարեն Սարգսյանի շնորհավորանքի խոսքը Ուսուցչի օրվա առթիվ 05.10.2024
Սիրելի մանկավարժներ, ջերմորեն շնորհավորում եմ ձեզ մասնագիտական տոնի առթիվ, մաղթում քաջառողջություն, անձնական ու ընտանեկան երջանկություն, անսպառ եռանդ ու հաջողություններ մանկավարժի դժվարին ու պատասխանատու աշխատանքում։ Մենք մեր երախտագիտությունը հայտնում ու ձեզ մեծարում ենք թե այսօր, թե տարվա բոլոր օրերին, քանզի դուք եք հայոց դպրության ջահը վառ պահողները, սերունդներին ազգային ու համամարդկային արժեքներով դաստիարակողները։ Ձեզ հետ են կապված դպրոցական տարիների մեր թանկագին ու անմոռաց հուշերը, մեր մանկության ու պատանեկության ժամանակների լավագույն ակնթարթները։ Կառավարությունն այսօր անում է հնարավորը` շարունակվող բարեփոխումների միջոցով բարելավելու թե ձեր աշխատանքային, թե սոցիալական պայմանները, ապահովելու բարօր կյանք, ստեղծելու կրթական ամենաառողջ միջավայրը։ Հավատացած եմ, որ դուք միշտ կշարունակեք պատվով կրել ուսուցչի վեհ անունը, որ ամենայն սիրով ու նվիրումով կնախապատրաստեք այն սերնդին, որն իր գիտելիքներով ու արժեհամակարգով, ստեղծարար ուժով ու ունակություններով կհասնի նոր ու հզոր, ավելի ապահով ու զարգացած Հայաստանի կերտմանը։ Կրկին շնորհավորում եմ ձեզ մասնագիտական տոնի առթիվ, ցանկանում, որ ապրեք ու ստեղծագործեք խաղաղ երկնքի ներքո, սիրառատ միջավայրում։ Լավագույն ցանկություններով` ՀՀ Գեղարքունիքի մարզպետ Կարեն Սարգսյան
