Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հիմք ընդունելով «Հայաստանի Հանրապետության 2026 թվականի բյուջետային գործընթացը սկսելու մասին» Հայաստանի Հանրապետության Վարչապետի 2025 թվականի հունվարի 16-ի N 36-Ա որոշումից բխող հանձնարարականը, 2025 թվականի ապրիլի 8-ին Գեղարքունիքի մարզպետի աշխատակազմի վարչական շենքում անցկացվեց հանրային քննարկում՝ Գեղարքունիքի մարզպետի աշխատակազմի ապարատի պահպանման 2026 թվականի բյուջետային հայտի և 2026-2028թթ միջնաժամկետ ծախսային ծրագրերի /ՄԺԾԾ/ նախագծի վերաբերյալ, ներառյալ 2025 թվականին հաստատված ՀՀ պետական բյուջեի նկատմամբ համամասնությունը, ինչպես նաև հայտերի հիմքում դրված ծախսային հաշվարկ-հիմնավորումները: Քննարկումն անցկացրեց Գեղարքունիքի մարզպետին փոխարինող, Գեղարքունիքի մարզպետի տեղակալ Վահան Զարոյանը։ Քննարկմանը մասնակցեցին Գեղարքունիքի մարզպետի տեղակալ Ջանիկ Բազեյանը, մարզպետի աշխատակազմի գլխավոր քարտուղար Սիմոն Մանուկյանը, մարզպետի խորհրդականներ Ալբերտ Աղեկյանը և Սևակ Խլղաթյանը, մարզպետի աշխատակազմի ստորաբաժանումների ղեկավարներ և աշխատակիցներ։․․․
ՏԵՂԵԿԱՑՈՒՄ 07.04.2025
Տեղեկացվում է, որ աշխատանքային անհրաժեշտությունից ելնելով 2025 թվականի ապրիլի 8-ին ժամը 11:00-ին Գեղարքունիքի մարզպետի աշխատակազմի վարչական շենքում նախատեսված ՀՀ Գեղարքունիքի մարզպետի աշխատակազմի կառավարման ապարատի պահպանման 2026 թվականի բյուջետային հայտի և 2026-2028թթ միջնաժամկետ ծախսային ծրագրերի /ՄԺԾԾ/ նախագծի քննարկումը կկայանա նույն օրը ժամը 15։00-ին։ Ցանկացողները կարող են մասնակցել։ Ծրագրի վերաբերյալ մանրամասները՝ http://gegharkunik.mtad.am/sss/ ՀՀ Գեղարքունիքի մարզպետի աշխատակազմ
«Սիրելի՛ կանայք, Ջերմորեն շնորհավորում եմ ձեզ Մայրության և գեղեցկության տոնի կապակցությամբ: Ապրիլի 7-ը մեր ընտանեկան արժեքները մեկ անգամ ևս վերաիմաստավորելու, մայրությունն ու գեղեցկությունը մեծարելու օրն է: Եվս մի գեղեցիկ առիթ է արտահայտելու ձեր նկատմամբ մեր հարգանքը, ակնածանքն ու սերը: Եվս մի առիթ է գնահատանքի և երախտագիտության խոսքեր հնչեցնելու նրանց հասցեին, ովքեր մեր ընտանեկան երջանկության կերտողներն ու պահապաններն են, ովքեր մեր հասարակության առաջընթացի և ազգային վերելքի ամենաեռանդուն ուժերն են: Կրկին շնորհավորելով՝ մաղթում եմ ձեզ ընտանեկան սեր ու ջերմություն, աշխատանքային հաջողություններ, հասարակական եռանդուն, արդյունավետ գործունեություն և հատկապես՝ կանացի հմայք ու գեղեցկություն»:
Գեղարքունիքի մարզում հայտարարված թատերական երկամսյակի շրջանակներում ապրիլի 5-ին Գեղարքունիքի Լևոն Քալանթարի անվան պետական դրամատիկական թատրոնը հյուրընկալեց Սոս Սարգսյանի անվան համազգային թատրոնի դերասաններին, որոնք մարզի մեծահասակ հանդիսատեսի համար ներկայացրին «Իսկ դրսում ձյուն է գալիս» բեմադրությունը, ռեժիսոր Դավիթ Հակոբյան։ Բեմադրությունը դիտելու նպատակով Գեղարքունիքի մարզի տարբեր համայնքներից հրավիրվել էին մանկավարժներ, մշակութային հաստատությունների աշխատակիցներ, մարզում գործող բարձրագույն և միջնակարգ մասնագիտական ուսումնական հաստատությունների պրոֆեսորա-դասախոսական անձնակազմեր, անհատ քաղաքացիներ։ ՀՀ Գեղարքունիքի մարզպետ Կարեն Սարգսյանի նախաձեռնությամբ և կրթության, գիտության, մշակույթի և սպորտի նախարարության աջակցությամբ մարզում հայտարարված թատերական եկամսյակի ընթացքում սա հերթական՝ 6-րդ բեմադրությունն էր ներկայացվում։ Հաջորդ հանդիպումը կկայանա ապրիլի 10-ին՝ սունդուկյանցիների հետ։
Գավառում մեկնարկել են սուբվենցիոն աշխատանքները 04.04.2025
ՀՀ կառավարության կողմից իրականացվող համայնքների տնտեսական և սոցիալական ենթակառուցվածքների զարգացմանն ուղղված 2024 թվականի սուբվենցիոն ծրագրերի շրջանակներում հիմնանորոգվում է Գավառի Ազատության փողոցի 4-րդ նրբանցքը։ Ծրագրի արժեքը կազմում է 35 միլիոն 950 հազար դրամ։ Գումարը համամասնորեն տրամադրվում է պետական և համայնքի միջոցներից։ Կապալառուն՝ «Գավառի ՃՇՇ» ԲԲԸ-ն է։ #Գավառիհամայնքապետարան
ՈՒՇԱԴՐՈՒԹՅՈՒՆ 04.04.2025
ՀՀ ՆԳՆ ՓԾ Գեղարքունիքի մարզային փրկարարական վարչությունը տեղեկացնում է, որ ս/թ ապրիլի 11-ին ժամը 12։00-ին ՀՀ Գեղարքունիքի մարզի Երանոս բնակավայրում նախատեսվում է անցկացնել «Տարածաշրջանին բնորոշ արտակարգ իրավիճակները, կանխարգելումը և քաղաքացիական պաշտպանության հիմնահարցերը» թեմայով զրույց-քննարկում, ինչպես նաև «Ազդարարում, տարհանում, պատսպարում» թեմայով գործնական վարժանք։ Բնակչությանը խորհուրդ է տրվում խուճապի չմատնվել։ ՀՀ ՆԳՆ ՓԾ Գեղարքունիքի մարզային փրկարարական վարչություն
