Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Քաղաքացիների հերթական ընդունելությունը՝ Վարդենիսում
30.04.2026
Ապրիլի 30-ն Գեղարքունիքի մարզպետի տեղակալ Վահան Զարոյանը Վարդենիսի համայնքապետարանում կատարեց քաղաքացիների ընդունելություն։
Ընդունելությանը ներկա էին նաև Վարդենիսի համայնքի ղեկավարի տեղակալ Կարեն Մկրտչյանը, Գեղարքունիքի մարզպետի աշխատակազմի տարածքային կառավարման և տեղական ինքնակառավարման հարցերի վարչության պետ Վանիկ Հարությունյանը, առողջապահության և սոցիալական հարցերի վարչության պետ Լուսինե Վարդանյանը, Վարդենիսի համայնքապետարանի պատասխանատու աշխատակիցներ։
Քաղաքացիները դիմեցին սահմանամերձ բնակավայրերում պետական աջակցությամբ բնակարանային ծրագրերից օգտվելու, հողատարածքի ձեռքբերման, բնակարանի վերանորոգման, կառուցման, աշխատանքի տեղավորման, սոցիալական և կենցաղային խնդիրների կարգավորման, ֆինանսական աջակցություն ստանալու նպատակով, անձնական բնույթի հարցերով։
Դիմումատուների մի մասի խնդրանքը տեղում բավարարվեց։ Մնացած դիմումներին պատասխան կտրվի օրենքով սահմանված կարգով։
