Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ապրիլի 25-ին Գեղարքունիքի մարզպետ Կարեն Սարգսյանի մոտ քննարկվեց Գեղարքունիքի մարզի երթուղային ցանցի կազմակերպման հարցը։ Քննարկմանը մասնակցեցին Մարտունի համայնքի ղեկավար Հովհաննես Հովեյանը, Գավառ համայնքի ղեկավարի առաջին տեղակալ Գրիգոր Դաշտոյանը, Սևանի, Վարդենիսի, Ճամբարակի համայնքապետարանների ներկայացուցիչներ, տարածաշրջանային տրանսպորտային երթուղիները սպասարկող կազմակերպությունների ղեկավարներ։ Կարեն Սարգսյանը լսեց համայնքապետարանների ներկայացուցիչների և տարածաշրջանային տրանսպորտային երթուղիները սպասարկող կազմակերպությունների ղեկավարների կարծիքները և առաջարկությունները՝ միաժամանակ հանդես գալով համապատասխան դիտողություններով ու առաջարկություններով։ Քննարկման արդյունքում որոշվեց՝ առաջարկել համայնքների ղեկավարներին՝ ևս մեկ անգամ ուսումնասիրել նախկինում հաստատված տրանսպորտային երթուղային ցանցը և չվացուցակները ու մեկշաբաթյա ժամկետում Գեղարքունիքի մարզպետի աշխատակազմ ներկայացնել համայնքների նոր երթուղային ցանցը և հաստատված չվացուցակները՝ հարցի վերջնական կարգավորման նպատակով համարժեք որոշում կայացնելու նպատակով։ Հանդիպման ընթացքում քննարկվեցին նաև Գեղարքունիքի մարզի երթուղային ցանցի կազմակերպման հետ կապված այլ հարցեր։
Գեղարքունիքի մարզում հարգանքի տուրք մատուցվեց ցեղասպանության սրբադասված նահատակների հիշատակին 24.04.2025
Այսօր՝ ապրիլի 24-ին, Հայոց ցեղասպանության զոհերի հիշատակը խնկարկելու օրը, Գեղարքունիքի մարզպետի գլխավորությամբ մարզային և համայնքային իշխանությունների, նրանց ենթակայությամբ գործող կրթամշակութային և առողջապահական հիմնարկների, Գեղարքունյաց թեմի հոգևոր դասի մասնակցությամբ Գավառ քաղաքում ծաղիկներ խոնարհվեցին սրբադասված նահատակների հիշատակը հավերժացնող հուշարձանին։ Այնուհետև ի հիշատակ Հայոց ցեղասպանության սրբադասված նահատակների՝ Գավառի Սուրբ Աստվածածին եկեղեցում մատուցվեց պատարագ և Սրբերի բարեխոսության կարգ, կատարվեց մոմավառություն: ՀՀ Գեղարքունիքի մարզպետ Կարեն Սարգսյանի ուղերձը Հայոց ցեղասպանության զոհերի հիշատակի օրվա կապակցությամբ․ <<Սիրելի՛ հայրենակիցներ, Այսօր, հարգանքի տուրք մատուցելով ցեղասպանության անմեղ նահատակներին, մենք գիտակցում ենք, որ պետք է շարժվենք առաջ, պետք է կարողանանք համախմբվել ազգային իղձերի ու նպատակների շուրջ, կառուցենք ուժեղ ու ժողովրդավարական պետություն, խաղաղ ու ժամանակակից երկիր, համայն հայության հզոր հայրենիք-պետություն, ․․․
Գավառ քաղաքի տարածքում նոր վիշապակոթող է հայտնաբերվել 23.04.2025
Գավառ քաղաքի Արծվաքար թաղամասի հանդամասում հայտնաբերված նորահայտ վիշապաքարը դասվում է հնագույն Հայատանի պատմամշակութային կարևոր հուշարձանների շարքում ու իր կերտվածքով լիովին նման է մշակութային նույն միջավայրում՝ Գեղարքունիքի մարզում տարածված ցլակերպ վիշապակոթողներին։ Այն ստեղծվել է միջին կամ ուշ բրոնզի դարաշրջանում, մեզանից մոտ 3,5-4 հազարամյակ առաջ։ Մինչ այժմ Գեղարքունիքի մարզում գտնված ցլակերպ կամ ձկնակերպ վիշապաքարերը տեղադրվել են ջրի ակունքներին մոտ, խիտ բնակեցված տարածքներում կամ դրանցից անդին ու վերահսկել են սրբազան կետերը։ Նման վիշապաքարեր տարբեր տարիների ընթացքում ու տարբեր հնագետների կողմից գտնվել են Վարդենիսի, Գեղամա, Սևանի, Արեգունու լեռնաշթաների ստորոտներում կամ բարձրադիր գոտիներում։ Վիշապաքարը տեղադրված է եղել Գեղամա լեռնաշթայի սարահարթերից մեկում, Սևանա լճից շուրջ 1,5 կիլոմետր հեռավորությամբ, հնագույն բնակատեղիի տարածքում, որի շրջակայքում առկա են մի քանի ամրոցներ, դամբարանադաշտեր, բնակավայրեր, մատուռներ ու վանքեր, մի քանի տասնյակ խաչքարեր։
ՈՒՇԱԴՐՈՒԹՅՈՒՆ 22.04.2025
Շվեյցարիայի զարգացման և համագործակցության գործակալության կողմից ֆինանսավորվող «Կայուն և ներառական աճ Հայաստանի լեռնային բնակավայրերում» (SIGMA) ծրագիրը թիրախային բոլոր մարզերում՝ այդ թվում Գեղարքունիքում, պատրաստվում է մեկնարկել մասնավոր ընկերություններից գործընկերների հետ համատեղ ներդրումային ծրագրեր, որոնց շրջանակում հիմնվելու են արագ (շոկային) սառեցման սառնարանային տնտեսություններ: Այս նախաձեռնությունները կյանքի կոչելու նպատակով ծրագիրը փնտրում է գործընկերների՝ համապատասխան փորձով և գործունեությամբ գործող տնտեսվարողների: Ենթածրագրային առաջարկները ներկայացնել ըստ այս ձևաչափի՝ https://shorturl.at/RdnK2
ՀՀ Գեղարքունիքի մարզպետ Կարեն Սարգսյանի նախաձեռնությամբ և կրթության, գիտության, մշակույթի և սպորտի նախարարության աջակցությամբ Գեղարքունիքի մարզում հայտարարված թատերական եկամսյակի շրջանակներում կայացավ հերթական՝ 9-րդ հանդիպումը։ Գեղարքունիքի Լևոն Քալանթարի անվան պետական դրամատիկական թատրոնը հյուրընկալեց Վանաձորի Հովհաննես Աբելյանի անվան պետական դրամատիկական թատրոնի դերասաններին, որոնց կատարմամբ ներկայացվեց «Ես միայն զանգահարելու եմ եկել» դրաման, ռեժիսոր Մարիամ Մնացականյան։ Բեմադրությունը դիտելու էին հրավիրվել Գեղարքունիքի մարզի տարբեր համայնքներից մարզային ենթակայության հանրակրթական հաստատությունների մանկավարժներ, աշխատակիցներ, կրթա-մշակութային հաստատությունների կոլեկտիվներ, մարզում գործող բարձրագույն և միջնակարգ մասնագիտական ուսումնական հաստատությունների պրոֆեսորա-դասախոսական անձնակազմեր, ավագ տարիքի դպրոցականներ, քաղաքացիներ։ Նախաձեռնության շրջանակներում հաջորդ և վերջին հանդիպումը մարզի թատրոնում կկայանա ապրիլի 28-ին։
Այսօր Գեղարքունիքի մարզպետ Կարեն Սարգսյանը ՀՀ ՏԿԵ նախարար Դավիթ Խուդաթյանի հետ այցելել է Հրազդանում կառուցված առաջին սանիտարական աղբավայրի տարածք, որտեղ ՏԿԵ փոխնախարար Վարդան Կոստանյանի, Կոտայքի մարզպետ Ահարոն Սահակյանի, Հրազդան համայնքի ղեկավար Սևակ Միքայելյանի և ծրագրի պատասխանատուների հետ տեղում քննարկել են առաջիկայում աղբավայրի շահագործման հետ կապված վերջին աշխատանքները։ Աղբավայրի տարածքում շինարարական աշխատանքներն ավարտված են, անհրաժեշտ տեխնիկան և աղբամաններն արդեն ներկրված են և տեղում են, շուտով աղբավայրը կսկսի գործել։ Ծրագրի ընդհանուր բյուջեն 11 մլն եվրո է, որի կեսը հանդիսանում է վարկային միջոց, մյուս կեսը՝ դրամաշնորհ։
