Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տեղեկացում 16.03.2026
Տեղեկացվում է, որ 2026 թվականի մարտի 18-ին ժամը 10։00-ին Գեղարքունիքի մարզպետի աշխատակազմի վարչական շենքում կկայանա ՀՀ Գեղարքունիքի մարզպետի աշխատակազմի կառավարման ապարատի պահպանման 2027 թվականի բյուջետային հայտի և 2027-2029թթ միջնաժամկետ ծախսային ծրագրերի /ՄԺԾԾ/ նախագծի քննարկումը։ Ցանկացողները կարող են մասնակցել։ Ծրագրի վերաբերյալ մանրամասները http://gegharkunik.mtad.am/sss/ ՀՀ Գեղարքունիքի մարզպետի աշխատակազմ
Գեղարքունիքի մարզում ավարտվել են «Դպրոցականների բասկետբոլի լիգա» մարզական խաղերի համայնքային փուլի մրցումները, որոնց հայտագրվել են 54 հանրակրթական դպրոցների 77 թիմեր։ «Դպրոցականների բասկետբոլի լիգա» մարզական խաղերն անցկացվում են 2 տարիքային խմբով, 1-ին տարիքային խմբում ընդգրկվել են 5-6-րդ, իսկ 2-րդ տարիքային խմբում՝ 7-9-րդ դասարանների աշակերտները։ Խաղի ընթացքում դաշտում միաժամանակ գտնվել են 3 տղա, 2 աղջիկ կամ 2 տղա, 3 աղջիկ։ Յուրաքանչյուր խաղին թիմի կազմում հայտագրվել են 9 աշակերտ։ Կայացած համայնքային փուլի մրցումների արդյունքում Մարտունուց, 1-ին տարիքային խմբում, մարզային փուլի մասնակցության իրավունք են ստացել Վերին Գետաշենի Հ․ 1 միջնակարգ դպրոցի թիմը, իսկ 2-րդ տարիքային խմբում՝ Մարտունու Ս. Դարբինյանի անվան Հ․ 2 հիմնական դպրոցի թիմը։ Ճամբարակից, 1-ին տարիքային խմբում, մարզային փուլի մասնակցության իրավունք է ստացել Ճամբարակի Հ․ 1 հիմնական դպրոցի թիմը, իսկ 2-րդ տարիքային խմբում՝ Վահանի միջնակարգ դպրոցի թիմը․․․
ՀՀ կառավարության կողմից մշակված գյուղատնտեսության ոլորտի պետական օժանդակության ծրագրերի վերաբերյալ Գեղարքունիքի մարզի բնակչության շրջանում իրազեկման աշխատանքներ իրականացնելու նպատակով ՀՀ Էկոնոմիկայի նախարարի նախաձեռնությամբ և ՀՀ Գեղարքունիքի մարզպետի աջակցությամբ նախարարության և մարզպետի աշխատակազմի համապատասխան մասնագետները հանդիպումներ են ունենում Գեղարքունիքի մարզի համայնքներում։ Առաջին հանդիպումը կայացել է մարտի 11-ին՝ Վարդենիս և Մարտունի համայնքներում, որոնց մասնակցել են համայնքապետարանների գյուղատնտեսության ոլորտի մասնագետներ, պատասխանատու աշխատակիցներ, բնակավայրերի վարչական ղեկավարներ, ֆերմերներ, գյուղացիական տնտեսությունների ներկայացուցիչներ, գյուղատնտեսության առանձին ճյուղերի զարգացմամբ հետաքրքրված անձինք։ Հանդիպումների ընթացքում Էկոնոմիկայի նախարարության և Գեղարքունիքի մարզպետի աշխատակազմի ներկայացուցիչները հանգամանալից ներկայացրել են․․․
Հայտնի են Գեղարքունիքի մարզի պատանիների շախմատի 2026 թվականի մարզային առաջնության հաղթողները 10.03.2026
Դպրոցականների շրջանում շախմատ մարզաձևի մասսայական զարգացման, արտադպրոցական և արտադասարանական աշխատանքների բարելավման, պատանի շախմատիստների մարզական կատարելագործման, ինչպես նաև Հայաստանի պատանիների շախմատի առաջնության կիսաեզրափակիչ մրցումներին մարզի մասնակցությունն ապահովելու նպատակով, ՀՀ Գեղարքունիքի մարզպետի որոշմամբ անցկացվել է Գեղարքունիքի մարզի մինչև 8, 10, 12, 14 և 16 տարեկան պատանիների շախմատի մարզային առաջնություն՝ համայնքային և մարզային փուլերով: Համայնքային փուլի մրցումներն անցկացվել են 2026 թվականի փետրվարի 18-24-ը` Հայաստանի շախմատի ակադեմիայի Գավառի, Սևանի, Ճամբարակի, Մարտունու, Սարուխանի, Վարդենիսի և Վարդենիկի մասնաճյուղերում: Փետրվարի 28-ին և մարտի 7-ին Գավառի Պապին Ղանդիլյանի անվան Հ․ 2 միջնակարգ դպրոցում կայացել է առաջնության մարզային փուլը, որին մասնակցել են համայնքային փուլի արդյունքում ձևավորված թիմերը՝ շուրջ 80 պատանի շախմատիստներ:...
ՀՀ Գեղարքունիքի մարզպետ Կարեն Սարգսյանի նախաձեռնությամբ և ՀՀ կրթության, գիտության մշակույթի և սպորտի նախարար Ժաննա Անդրեասյանի աջակցությամբ արդեն չորրորդ տարին է, ինչ Գեղարքունիքի մարզում մարտ-ապրիլ ամիսները հայտարարվում է "Թատերական երկամսյակ"-ի ժամանակահատված։ Նախաձեռնության նպատակն է՝ նման հանդիպումների միջոցով մարզի բնակչությանը ավելի մոտեցնել թատերական կյանքին, շփումների ու հաղորդակցությունների միջոցով ավելացնել նրանց մշակութային գիտելիքները։ "Թատերական երկամսյակ"-ի շրջանակներում, նախորդ տարիների պես մարզ կայցելեն և ներկայացումներով հանդես կգան մայրաքաղաքի և հանրապետության տարբեր մարզերի լավագույն թատերական խմբեր։ Այս տարի "Թատերական երկամսյակ"-ը մարզում մեկնարկեց մարտի 8-ին՝ Գեղարքունիքի մարզի Լևոն Քալանթարի անվան դրամատիկական թատրոնի դահլիճում, իսկ երկամսյակի բացումն իրականացրեց Երևանի Հակոբ Պարոնյանի անվան երաժշտական կոմիեդիայի պետական թատրոնը։ Գեղարքունիքի մարզպետի աշխատակազմի կողմից ․․․
Գեղարքունիքի մարզպետ Կարեն Սարգսյանի շնորհավորական ուղերձը՝ Կանանց միջազգային օրվա կապակցությամբ 08.03.2026
Սիրելի՛ կանայք և աղջիկներ, սրտանց շնորհավորում եմ ձեզ գարնան ամենագեղեցիկ և խորհրդանշական տոներից մեկի՝ Մարտի 8-ի՝ Կանանց միջազգային օրվա կապակցությամբ։ Այս օրը ևս մեկ առիթ է արժևորելու կնոջ անփոխարինելի դերը մեր կյանքում։ Կինը կյանքի շարունակության խորհրդանիշն է, ընտանիքի ջերմության և հոգատարության աղբյուրը։ Ձեր սիրով, համբերությամբ, իմաստությամբ ու նվիրումով ձևավորվում են ամուր ընտանիքներ, դաստիարակվում են արժանապատիվ սերունդներ և պահպանվում են մեր ազգային լավագույն ավանդույթները։ Հայ կնոջ կերպարը մշտապես եղել է ուժի, արժանապատվության և ստեղծարարության օրինակ։ Այսօր ևս դուք ակտիվորեն ներգրավված եք հասարակական կյանքի տարբեր ոլորտներում՝ կրթության, առողջապահության, մշակույթի, տնտեսության և կառավարման մեջ՝ ձեր աշխատանքով ու նախաձեռնություններով նպաստելով մեր պետության զարգացմանն ու առաջընթացին։ Մաղթում եմ ձեզ ամուր առողջություն, անսահման երջանկություն, ընտանեկան բարօրություն և նոր հաջողություններ․․․
