Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շախմատի հերթական հուշամրցաշար Մարտունու տարածաշրջանում 14.01.2019
Հունվարի 10-11-ին Մարտունի համայնքի մշակույթի տանը կայացավ շախմատի հուշամրցաշար, որը նվիրված էր Ծակքար համայնքի բնակիչներ, շախմատային կյանքում ճանաչում և հաջողություններ ունեցած Հակոբ Հակոբյանի, Շալիկո Հակոբյանի և Գագիկ Համբարձումյանի հիշատակին: Հուշամրցաշարի նախաձեռնության և իրականացման հեղինակը արտերում բնակվող, ծնունդով ծակքարեցի, բարերար Արծրուն Հակոբյանն էր, ով արդեն շախմատի 27-րդ մրցաշարն է կազմակերպում իր հարազատների հիշատակին: Ամեն տարի այս մրցաշարին մասնակցում են Մարտունու տարածաշրջանի տարբեր համայնքներից: Այս տարի մասնակիցների թիվը գերազանցում էր 20-ը: Այս տարի մրցաշարը կայացավ երկու տարիքային խմբերի միջև. կրտսեր տարիքային խմբում ընդգրկված էին մինչև 15, իսկ 15-ից բարձրը՝ ավագ խմբում: Մրցանակային առաջին, երկրորդ և երրորդ տեղեր զբաղեցրած շախմատիստները խրարուսվեցին հովանավոր Արծրուն Հակոբյանի կողմից սահմանված դիպլոմներով և հուշանվերներով: Մրցաշարին, ի թիվս այլ հյուրերի, մասնակցում էր նաև Գեղարքունիքի մարզպետ Գնել Սանոսյանը...
Բանակ մեկնեցին նաև Սևանի տարածաշրջանի նորակոչիկները 14.01.2019
Հունվարի 14-ին Գեղարքունիքի մարզային զինվորական կոմիսարիատի Սևանի տարածքային բաժանմունքից նորակոչիկների առաջին խումբը մեկնեց Հայոց բանակ: Նույն օրը նորակոչիկների երկրորդ խումբը բանակ ճանապարհվեց Գեղարքունիքի մարզային զինվորական կոմիսարիատի Գավառի տարածքային բաժանմունքից: Սևանի տարածքային բաժանմունքում բանակ ճանապարհելու արարողությանը ներկա էր Գեղարքունիքի մարզպետի տեղակալ Անուշավան Ղազարյանը, տարածաշրջանի ուժային կառույցների ղեկավարներ, նորակոչիկների ծնողներն ու հարազատները: Արարողության ընթացքում Գեղարքունիքի մարզպետի տեղակալը շնորհավորեց նորակոչիկներին ու բարի ճանապարհ մաղթեց նրանց, վստահեցնելով, որ նույն տոնական տրամադրությամբ էլ պատրաստ են դիմավորելու նրանց: Անուշավան Ղազարյանը շնորհավորեց նաև նորակոչիկների ծնողներին ու հարազատներին, նշելով, որ զավակին բանակ ճանապարհելը դա հպարտություն է, քանի որ նրանց է վստահվում հայրենիքի պաշտպանության սուրբ գործը: Իր խոսքում մարզպետի տեղակալը նաև նշեց, որ ձմեռային զորակոչի իրականացման աշխատանքները գտնվում են մարզային...
Մարզի բենզագազալցակայանների սանհանգույցները պետք է լինեն սանիտարական նորմերին համապատասխան 14.01.2019
Հունվարի 14-ին Գեղարքունիքի մարզպետարանում ամփոփվեցին մարզի ավտոմոբիլային ճանապարհներին հարող տարածքներում տեղակայված հեղուկ վառելիքի, սեղմված բնական կամ հեղուկացված նավթային գազերի մանրածախ առևտրի կետերում առկա հասարակական զուգարանների նկատմամբ հաստատված սանիտարական կանոններով և ներկայացված պահանջների կատարման ընթացքի վերաբերյալ իրականացված ուսումնասիրությունների արդյունքները: Հանդիպմանը հրավիրված էին մարզում նշված ծառայություններն իրականացնող տնտեսվարող սուբյեկտների ղեկավարներ և պատասխանատուներ: Քննարկումն անցկացնում էր Գեղարքունիքի մարզպետի տեղակալ Արամ Թարվերդյանը: Ըստ մարզպետի տեղակալի՝ ՀՀ տարածքային կառավարման և զարգացման նախարարի համապատասխան հանձնարարականով ստեղծված մարզային հանձնաժողովը 2018 թվականի հոկտեմբեր ամսին ուսումնասիրության ...
Որսացանցերում մնացած սիգի քանակությունն ուղարկվեց Հայոց բանակի զորամասեր 13.01.2019
Սեւանա լճում ձկնորսությամբ զբաղվող անձինք, արձագանքելով Գեղարքունիքի մարզպետ Գնել Սանոսյանի, ՀՀ Ոստիկանության պետի տեղակալներ Աղասի Կիրակոսյանի , Վարդան Մովսիսյանի և բնապահպանության նախարարի տեղակալ Այսեր Ղազարյանի հորդորներին, Սեւանա լճից արդեն հունվարի 12-ի կեսօրվա դրությամբ դուրս են բերել մնացած որսացանցերը,իսկ դրանցում առկա ձկան ողջ քանակությունը հանձնել են «Սեւան ազգային պարկ» ՊՈԱԿ-ին: Գեղարքունիքի մարզպետ Գնել Սանոսյանի անմիջական նախաձեռնությամբ և բացատրական աշխատանքների շնորհիվ հանձնված ձուկը «Սեւան ազգային պարկ»-ի ներկայացուցիչների կողմից տեղափոխվել է տարբեր զորամասեր: Հունվարի 12-ին մարզպետ Գնել Սանոսյանն անձամբ եղավ նախատեսված վայրում, որտեղ հավաքվում է ձուկը, զրուցեց ձկնորսների հետ եւ հրահանգեց՝ մինչեւ հունվարի 20-ը խստիվ պահպանել արգելանքի ռեժիմը: « Դեկտեմբերի 20-ից մինչեւ հունվարի 20-ը, ինչպես գիտեք, ՀՀ բնապահպանության նախարարության, ՀՀ ոստիկանության, ՀՀ ընդերքի եւ բնապահպանական տեսչության եւ Գեղարքունիքի մարզպետարանի կողմից ստ որագրվել և գործողության մեջ ...
Նորակոչիկների հերթական խումբը Հայոց բանակ մեկնեց Գավառից և Վարդենիսից 11.01.2019
Հունվարի 11-ին Գեղարքունիքի մարզային զինկոմիսարիատի Գավառի և Վարդենիսի տարածքային բաժանմունքներից Հայոց բանակ մեկնեցին Գավառի և Վարդենիսի տարածաշրջանների նորակոչիկները: Գեղարքունիքի մարզի զինվորական կոմիսար Գևորգ Մխեյանը հավաստմամբ՝ զորակոչի նախապատրաստական աշխատանքները մարզում ընթանում են ըստ սահմանված ժամանակացույցի և աշխատակարգի: Նորակոչիկներին Հայոց բանակ ճանապարհելու արարողությանը մասնակցում էին Գեղարքունիքի մարզպետի տեղակալներ Նարեկ Գրիգորյանը և Անուշավան Ղազարյանը, Գեղարքունիքի մարզի զինկոմ Գևորգ Մխեյանը, ՀՀ ոստիկանության Գեղարքունիքի մարզային ստորաբաժանումների ներկայացուցիչներ, պաշտոնական այլ անձինք, նորակոչիկների ծնողները և հարազատները: Գեղարքունիքի մարզպետի տեղակալները, շնորհավորելով նորակոչիկներին ու բարի ճանապարհ մաղթելով նրանց, միաժամանակ նշեցին, որ ձմեռային զորակոչի իրականացման աշխատանքները գտնվում են մարզային իշխանությունների ուշադրության կենտրոնում և մարզային զինվորական կոմիսարիատի...
Տեղեկացում 11.01.2019
2019 թվականի հունվարի 18-ին, ժամը 11:30-ին Սևանի քաղաքապետարանում տեղի կունենա Սևան համայնքի ավագանու թիվ 1 նիստը հետևյալ օրակարգով...
