Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարտունու հանրային լողափում կայացավ ծանրամարտի հանրապետական առաջնություն 01.07.2019
Գեղարքունիքի մարզի Մարտունի քաղաքի հանրային լողափի տարածքում հունիսի 29-ին տեղի ունեցավ ծանրամարտի հանրապետական բացօթյա մրցաշար, որին մասնակցեցին Երեւանի, Մարտունու, Արցախի, Էջմիածնի, Արթիկի, Վանաձորի, Ղափանի, Եղեգնաձորի, Սիսիանի, Արտաշատի, Սեւանի, Գավառի, Գորիսի, Արարատի, Վեդիի մարզադպրոցները ներկայացնող շուրջ 100 ծանրորդներ: Ինչպես տեղեկացրեց Մարտունու մարզադպրոցի փոխտնօրեն Գեւորգ Սարգսյանը, մրցումներն անցկացվեցին հունիսի վերջին երկու օրերին, 12 քաշային կարգերում, տղաների եւ աղջիկների խմբերում: Մրցաշարը կազմակերպել էին Գեղարքունիքի մարզպետարանը եւ Մարտունու մարզադպրոցը: Մրցաշարի բացմանը մասնակցեցին եւ ծանրորդներին ողջունեցին Գեղարքունիքի մարզպետ Գնել Սանոսյանը եւ Մարտունու քաղաքապետ Արմեն Ավետիսյանը: Մրցաշարի ընթացքում Եվրոպայի երիտասարդական տարիքի ռեկորդ սահմանեց Մարտունու մարզադպրոցի սան Մոնթե Մխիթարյանը՝ 61 կիլոգրամ ...
Հայաստանի ֆուտբոլի ֆեդերացիայի կողմից տրամադրված միջոցներով Գեղարքունիքի մարզի 5 համայնքներում հուլիսի 1-ի դրությամբ մեկնարկել են ֆուտբոլային փոքր խաղադաշտերի կառուցման աշխատանքները: Ինչպես տեղեկացրեց Գեղարքունիքի մարզպետարանի հողաշինարարության եւ հողօգտագործման բաժնի վարիչ Մարատ Ղուրշուդյանը, ֆուտբոլի փոքր խաղադաշտերի կառուցումն այս պահին ընթանում է Գեղհովիտ, Երանոս, Կարմիրգյուղ, Ծովակ եւ Գեղարքունիք համայնքներում: Հայաստանի ֆուտբոլի ֆեդերացիայի նախագահի մամուլի քարտուղար Զոհրապ Եգանյանի հավաստմամբ՝ մոտակա օրերին ֆուտբոլի փոքր խաղադաշտերի կառուցման մեկնարկը կտրվի նաեւ Լճաշեն, Հայրավանք, Նորատուս համայնքներում: Իսկ առաջիկա մեկ ամսվա ընթացքում շինարարությունը կսկսվի նաեւ Ճամբարակ քաղաքում, Ծովագյուղ Աստղաձոր, Լիճք, Արծվանիստ, Մեծ Մասրիկ, Ակունք, գյուղերում: Կառուցվող խաղադաշտերն ունենալու են 42 մետր երկարություն եւ 22 մետր լայնություն: Նույն աղբյուրների հավաստմամբ՝ թվարկված բոլոր համայնքների ֆուտբոլի փոքր խաղադաշտերը շահագործման կհանձնվեն առաջիկա երկու ամիսների ընթացքում:
Վարդենիկ համայնքում անցկացվեց «Ավելուկի» փառատոն 29.06.2019
Գեղարքունիքի մարզում գործող « Սարերի բարիք» սոցիալական ձեռնարկության նախաձեռնությամբ հունիսի 29-ին Վարդենիկ համայնքում անցկացվեց « Ավելուկի» փառատոն,որին ներկա գտնվեցին ՀՀ Վարչապետի տիկին Աննա Հակոբյանը՝ երեք դուստրերի հետ, Գեղարքունիքի մարզպետ Գնել Սանոսյանը, Հայաստանում միջազգային կազմակերպությունների ներկայացուցիչներ այլ պաշտոնյաներ, հյուրեր,վարդենիկցիներ, Գեղարքունիքի և Հանրապետության այլ մարզերի բնակիչներ, զբոսաշրջիկներ՝ Հայաստանից և արտերկրից:Փառատոնի գլխավոր նպատակն էր մասնակիցների ուժերով հյուսել ամենաերկար ավելուկը, իսկ միջոցառման ավարտին, որպես խորհրդանիշ, դրանից տուն տանել: «Ավելուկի» փառատոնն ուղեկցվեց ճանաչված երգիչ, երգչուհիների, երգի ու պարի խմբերի կատարումներով: Օրն առավել տոնական դարձրեցին Գեղարքունիքի և հանրապետության տարբեր մարզերից ներկայացված տաղավարները, որոնցում բացի ավելուկից և նրանից պատրաստված կերակրատեսակներից, համտեսի ներկայացվեցին նաև խմիչքներ, ուտեստներ, բլիթներ, ...
Հունիսի 28-ին Գավառ քաղաքի հանդիսությունների սրահում տեղի ունեցավ ինժեներական լաբորատորիաների կրթական ցանցի եւ ծրագրավորման Գեղարքունիքի մարզային ցուցահանդեսը, որտեղ ներկայացվեցին Գեղարքունիքի մարզում գործող «Արմաթ» ինժեներական 38 լաբորատորիաների եւ ռոբոտաշինության 2 խմբակների աշխատանքները: Միջոցառումը կազմակերպվել էր «Վորլդ Վիժն Հայաստան» կազմակերպության Գեղարքունիքի մարզային զարգացման ծրագրերի շրջանակներում եւ Գեղարքունիքի մարզպետարանի հետ համատեղ՝«Առաջատար տեխնոլոգիաների ձեռնարկությունների միության» կողմից իրականացվող ինժեներական լաբորատորիաների մասնակցությամբ: Ցուցահանդեսին ներկա էին Գեղարքունիքի մարզպետ Գնել Սանոսյանը, Գավառի քաղաքապետ Գուրգեն Մարտիրոսյանը, «Վորլդ Վիժն Հայաստան» կազմակերպության ղեկավար Ժիրայր Էդիլյանը,նույն կազմակերպության Գեղարքունիքի մարզի ծրագրերի համակարգող Վարազդատ Սարգսյանը, ...
Խորհրդակցություն՝ ոստիկանություն- համայնք կապի ամրապնդման ուղղությամբ 28.06.2019
ՀՀ Ոստիկանության Գեղարքունիքի մարզային ստորաբաժանման նախաձեռնությամբ հունիսի 28-ին Գեղարքունիքի մարզպետարանում տեղի ունեցավ հանդիպում՝ ՀՀ Ոստիկանության Գեղարքունիքի մարզային վարչության տարածքային բաժանմունքների պետերի և Գեղարքունիքի մարզի համայնքների ղեկավարների մասնակցությամբ: Բացելով հանդիպումը՝ Գեղարքունիքի մարզպետ Գնել Սանոսյանը նշեց , որ նման ձևաչափի հանդիպում մարզում կազմակերպվում է առաջին անգամ, ինչը և՛ ողջունելի է, և՛ արդյունավետ մի շարք առումներով: «Ես շատ կարևորում եմ մարզում տարբեր կազմակերպությունների միջև ստեղծվող համագործակցությունը: Այն նպաստում է ոլորտներում առկա բազմաթիվ խնդիրների բացահայտմանը և դրանց լուծմանը: Այդ առոմով ես կարևորում եմ նաև ոստիկանության մարզային ստորաբաժանումների ու տեղական ինքնակառավարման սերտ կապն ու համագործակցությունը,ինչը կնպաստի համայնքային նշանակության շատ հիմնախնդիրների կարգավորմանը»,- նշեց մարզպետ Գնել Սանոսյանը: ...
Մարզում ֆրանսերեն լեզվի ուսուցման դասընթացները կմեկնարկեն հուլիսի 1-ից 28.06.2019
Հունիսի 28-ին Գեղարքունիքի մարզպետ Գնել Սանոսյանն ընդունեց «Հայաստան.փոխանակում եւ աջակցություն» ֆրանսիական կազմակերպության ծրագրերի պատասխանատու Կատրին Փունարջյանին, նույն կազմակերպության աշխատակից Ժոզիան Գոնարին եւ «Ֆրանսֆորմասիոն» ինտերնասիոնալ կազմակերպության Հայաստանյան գրասենյակի պատասխանատու Լիլիա Շալունցին: Հանդիպման ընթացքում կողմերը քննարկեցին առաջիկա օրերին մարզում մեկնարկող ֆրանսախոսության դասընթացների կազմակերպման հետ կապված հարցերը: Ինչպես հանդիպման սկզբում ներկայացրեց Կատրին Փունարջյանը, իրենց կազմակերպությունը Գեղարքունիքի մարզում գործունեություն է ծավալում արդեն 10 տարի, որն ընթանում է երկու ուղղություններով: Դրանցից առաջինը վերաբերում է Գավառում ու Սեւանում կազմակերպվող ֆրանսախոսության դասընթացներին, իսկ երկրորդը՝ Հայաստանի պատմությանն ու մշակույթին նվիրված միջազգային կոնֆերանսներին: «Ֆրանսֆորմասիոն»կազմակերպության Հայաստանյան գրասենյակի ...
