Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Թունելային ջրատարով Սեւանա լիճ է տեղափոխվել 29 միլիոն 637 հազար խորանարդ մետր ջուր 25.03.2020
2020 թվականի հունվարի 9-ից մինչեւ մարտի 24-ն ընկած ժամանակահատվածում Արփա-Սեւան թունելային ջրատարով Սեւանա լիճ է տեղափոխվել 29 միլիոն 637 հազար խորանարդ մետր ջուր: Ինչպես տեղեկացրեցին ՀՀ ԱԻՆ «Հայհիդրոմետ» ծառայությունից, 2020 թվականի մարտի 24-ի դրությամբ Սեւանա լիճը ծովի մակարդակից գտնվել է 1900 մետր 45 սանտիմետր բարձրության վրա, ինչը 1 սանտիմետրով բարձր է նախորդ տարվա նույն օրվա նիշից: Սեւան թափվող գետերում առաջիկա օրերին ջրի ելքերի էական ավելացում չի սպասվում:
Երկրի մակարդակով կորոնավիրուսային վարակի բերովի դեպքով (COVID -19) պայմանավորված, դեռևս մարտի 12-ին, ՀՀ Գեղարքունիքի մարզպետ Գնել Սանոսյանի համապատասխան որոշմամբ, ստեղծվեց աշխատանքային թիմ, որն իրականացնում է մարզում վիրուսի կանխարգելմանն ուղղված տարաբնույթ միջոցառումներ: Սակայն, հաշվի առնելով աշխատանքային ծանրաբեռնվածությունը, մարզում արտակարգ իրավիճակների արձագանքման նպատակով ՀՀ Գեղարքունիքի մարզպետի՝ մարտի 23-ի համապատասխան որոշմամբ մարզպետարանում ձևավորվեց մարզային աշխատանքային թիմին աջակցող մասնագիտական յոթ թիմ: Թիմերի կազմավորման և նրանց գործունեության վերաբերյալ Գեղարքունիքի մարզպետը քննարկում անցկացրեց մարտի 23-ի երեկոյան հրավիրված հերթական նիստի ընթացքում: Նիստին մասնակցում էր նաև Գեղարքունիքի մարզպետի տեղակալ Նարեկ Գիրգորյանը: Հանդիպման մասնակից մասնագիտական թիմերի ղեկավարները մարզպետին զեկուցեցին շուկայի գների մշտադիտարկման, առաջին անհրաժեշտության պարենային և ոչ պարենային ապրանքների ձեռքբերման, գյուղատնտեսական մշակաբույսերի և կենդանիների պաշտպանության, ուղևորափոխադրումներ
Գեղարքունիքի մարզում մարտի 20-ին ծնվել են երկու ընտանիքների 9-րդ և 10-րդ երեխաները 24.03.2020
Շրջանցելով կորոնավիրուսի դեմ պայքարի միջոցառումների վերաբերյալ զանազան տեղեկությունները, Գեղարքունիքի մարզի բուժհիմնարկները տրամադրել են ուրախալի երկու լուր: Գեղարքունիքի մարզի Մարտունու և Վարդենիսի ծննդատներում այս օրերին լույս աշխարհ են եկել երկու ընտանիքների 9-րդ և 10-րդ երեխաները: Մարտի 20-ին Մարտունու ծննդատանը լույս աշխարհ է եկել Մարտունի քաղաքի բնակիչ, 1979 թվականին ծնված Աիդա Հարությունյանի 9-րդ երեխան, նա տղա է: Իսկ նույն օրը Վարդենիսի հիվանդանոցի ծննդաբերական բաժանմունքում, Նորակերտ համայնքի բնակիչ Գայանե Գրիգորյանը ունեցել է իր 10-րդ երեխային, ով ընտանիքի 8-րդ աղջիկն է: Բժիշկները երկու նորածինների վիճակն էլ գնահատում են լավ, նրանք առողջ են և ունեն նորմալ քաշ:
Տեղեկացում 24.03.2020
Գեղարքունիքի մարզի հարգելի՛ բնակիչներ, Հաշվի առնելով Հայաստանի Հանրապետությունում Կորոնավիրուս (COVID-19) հիվանդության տարածման դեմ հայտարարված արտակարգ դրությունը՝ տեղեկացնում ենք, որ ՀՀ Գեղարքունիքի մարզպետի 2020 թվականի մարտի 23-ի N 128-Ա որոշմամբ ստեղծվել է մարզի սոցիալապես անապահով խմբերին մարդասիրական օգնությունների ընդունման և բաշխման թիմ: Նվիրատվությունների կատարման համար ֆիզիկական և իրավաբանական անձինք կարող են դիմել Գեղարքունիքի մարզպետարան՝ Ալբերտ Աղեկյանին, հեռախոս՝ 077 355 441 Սևակ Դվոյանին, հեռախոս՝ 093 234 959
Տեղեկացում 23.03.2020
Գեղարքունիքի մարզի հարգելի՛ բնակիչներ: Հաշվի առնելով Հայաստանի Հանրապետությունում Կորոնավիրուս (COVID-19) հիվանդության տարածման դեմ հայտարարված արտակարգ դրությունը՝ տեղեկացնում ենք, որ ՀՀ Գեղարքունիքի մարզպետարանում սահմանված է շուրջօրյա ( 24/7) հերթապահություն և գործում է ԹԵԺ գիծ: Անհրաժեշտության դեպքում կարող եք զանգահարել՝ 060 65 06 43, օրվա հերթապահ, 060 65 06 23, 060 65 06 12 , 093 28 45 24 հեռախոսահամարներով: ՀՀ Գեղարքունիքի մարզպետարան
Գեղարքունիքի մարզում իրականացվեց մանկալքության կանխարգելման ծրագիրը 23.03.2020
«Բարի մամա» բարեգործական հասարակական կազմակերպությունը ՀՀ աշխատանքի և սոցիալական հարցերի նախարարության պատվիրատվությամբ Հայաստանի Հանրապետությունում իրականացնում է «Մանկալքության կանխարգելում» ծրագիրը, որի նպատակն է՝ սոցիալապես անապահով ընտանիքներին ցուցաբերել աջակցություն սննդի տեսքով: Ծրագրից անմասն չմնաց նաև Գեղարքունիքի մարզը: Գեղարքունիքի մարզպետարանի ընտանիքի, կանանց և երեխաների իրավունքների պաշտպանության բաժնի միջոցով մարզի տարբեր համայնքներից նախապես ցուցակագրված բազմազավակ և սոցիալապես խիստ կարիքավոր ընտանիքների մարտի 21-ին բարեգործական կազմակերպության կամավորները բաժանեցին սնունդ: Շահառու ընտանիքների թիվը 35-ն էր, դրանցում բնակվող երեխաների թիվը՝ 127-ը: Ընտանիքներին բաժանված սնունդը հավաքագրվել էր բազմաթիվ անհատների, ընտանիքների և կազմակերպությունների կողմից կատարված բարեգործությունների շնորհիվ: Ւնչպես հավաստում է մարզպետարանի ընտանիքի, կանանց և երեխաների իրավունքների պաշտպանության բաժնի պետ Մամիկոն Գալոյանը, «Մանկալքության կանխարգելում» ծրագիրը Գեղարքունիքի մարզում կկրի շարունակական բնույթ:
