Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետը կատարեց քաղաքացիների ընդունելություն 05.02.2020
ՀՀ Գեղարքունիքի մարզպետի կողմից քաղաքացիների ընդունելության 2020 թվականի ժամանակացույցի համաձայն փետրվարի 5-ին Գեղարքունիքի մարզպետ Գնել Սանոսյանը մարզպետարանում կատարեց քաղաքացիների ընդունելություն: Մարզպետի ցուցումով քաղաքացիների ընդունելությանը մասնակցում էին մարզպետի տեղակալ Նարեկ Գրիգորյանը, գլխավոր քարտուղար Սևակ Խլղաթյանը և մարզպետարանի ստորաբաժանումների ղեկավարներ: Ընդունելությանը ներկայացել էին մարզի տարբեր համայնքների 39 քաղաքացիներ: Քաղաքացիները բարձրացրեցին տարբեր բնույթի հարցեր՝ դրամական օգնություն ստանալու, նպաստի, աշխատանքի տեղավորման, բնակարան ձեռք բերելու կամ վերանորոգելու, առողջական խնդիրների և այլն: Նրանց բարձրացրած հարցերի մի մասին տրվեց բավարար պատասխան, իսկ լրացուցիչ ուսումնասիրություն պահանջող հարցերի համար հանձնարարականներ տրվեց մարզպետարանի համապատասխան ստորաբաժանումների ղեկավարներին՝ ուսումնասիրելու և խնդիրներին լուծումներ տալու համար:
Հաշվի առնելով Չինաստանում նոր կորոնավիրուսով պայմանավորված լարված համաճարակային իրավիճակը՝ ՀՀ բժշկական օգնություն և սպասարկում իրականացնող կազմակերպություններում համապատասխան պատրաստվածություն ապահովելու նպատակով, իրականացվում են նախապատրաստական աշխատանքներ: ՀՀ Գեղարքունիքի մարզի բժշկական օգնություն և սպասարկում իրականացնող կազմակերպություններում ևս իրականացվում են նախապատրաստական աշխատանքներ համապատասխան պատրաստվածություն ապահովելու նպատակով, ինչպես նաև ոչ աշխատանքային օրերին սահմանվել է հերթապահություն մարզի արտահիվանդանոցային բժշկական օգնություն և սպասարկում իրականացնող հիմնարկներում: Նոր կորոնավիրուսային վարակով (2019-nCoV) պայմանավորված դեպքերը, որպես նոր վարակիչ հիվանդություն առաջին անգամ արձանագրվել է 2019 թվականի դեկտեմբերին և դեռևս շարունակվում են, ստեղծելով լարված համաճարակային իրավիճակ: Հիվանդության տարածման վտանգը մեծանում է երկրների միջև լայն տրանսպորտային հաղորդակցության պատճառով:
Վարդենիսի համայնքապետարանի շենքում բացվեց «Քաղաքացիների սպասարկման գրասենյակ» 04.02.2020
Վարդենիսի համայնքապետարանի շենքում փետրվարի 4-ին տեղի ունեցավ «Քաղաքացիների սպասարկման գրասենյակ»-ի բացման հանդիսավոր արարողությունը: Գրասենյակը հիմնվել է Գերմանիայի միջազգային համագործակցության ընկերության (ԳՄՀԸ/GIZ) կողմից իրականացվող «Լավ տեղական ինքնակառավարում Հարավային Կովկասում» ծրագրի շրջանակներում Գերմանիայի տնտեսական համագործակցության և զարգացման դաշնային նախարարության աջակցությամբ և Հայաստանում՝ Շվեյցարիայի զարգացման և համագործակցության գործակալության համաֆինանսավորմամբ: Ծրագիրն իրականացվում է ՀՀ տարածքային կառավարման և ենթակառուցվածքների նախարարության հետ համատեղ։ Միջոցառմանը մասնակցեցին ՀՀ ՏԿԵ նախարարի տեղակալ Վաչե Տերտերյանը, ԱԺ պատգամավոր, Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ Վարազդատ Կարապետյանը, ՀՀ Գեղարքունիքի մարզպետի տեղակալ Նարեկ Գրիգորյանը, ՀՀ-ում Շվեյցարիայի Համադաշնության արտակարգ և լիազոր դեսպան Ն.Գ. Ստեֆանո Լազզարոտտոն, «Լավ տեղական ինքնակառավարում Հարավային Կովկասում» ծրագրի հայաստանյան թիմի ղեկավար Քաթրին Շեֆերը, Վարդենիս համայնքի ղեկավար Արամ Մելքոնյանը,
Գեղարքունիքի մարզում փակ եւ դժվարանցանելի ճանապարհներ կան 04.02.2020
Փետրվարի 4-ին՝ ժամը 17:30-ի դրությամբ, ինչպես տեղեկացվում է Գեղարքունիքի մարզպետարանի քաղաքաշինության վարչությունից, տեղացած ձյան, ձեւավորված մերկասառույցի եւ ուժեղ քամիների պատճառով դժվարանցանելի վիճակ է ստեղծվել Գեղարքունիքի մարզի ավտոճանապարհներին: Սեւանի թերակղզուց մինչեւ Դիլիջանի թունել սաստիկ բքի եւ անբավարար տեսանելիության պատճառով ճանապարհը փակ է։ Սաստիկ բքի պատճառով Վարդենյաց լեռնանցքը փակ է բոլոր տեսակի տրանսպորտային միջոցների համար։ Բուք և ցածր տեսանելիություն է նաև Սոթք-Քարվաճառ, Երևան-Սևան ճանապարհի 57-րդ կմ-ին և դեպի Ծովագյուղ տանող ճանապարհահատվածին: Դժվարանցանելի են Գեղարքունիքի մարզի Ծովակ-Մաքենիս-Ախպրաձոր , Վերին և Ներքին Շորժա, Այրք գյուղեր տանող ճանապարհները: Ուժեղ բքի և անբավարար տեսանելիության պատճառով Բերդ-Ճամբարակ ճանապարհահատվածը դժվարանցանելի է։ Ճանապարհահատվածներում տեղ-տեղ մերկասառույց է։ Թեեւ մարզի ողջ տարածքում ճանապարհաշինարարները ձեռնարկում են մաքրման ու մշակման աշխատանքներ, սակայն չդադարող բուքն ու քամիները խոչընդոտում են ճանապարհների լիակատար անցանելիության ապահովմանը: «Ճանապարհների մաքրման եւ մշակման աշխատանքներն ընթացքի մեջ են, սակայն շատ տեղերում ճանապարհաշինարարները սպասում են բքի դադարին, որպեսզի կարողանան ամբողջ ծավալով ապահովել ճանապարհների
Գեղարքունիքի մարզպետարանում մարզի համայնքների ղեկավարների, ֆերմերային տնտեսությունների, անանսաբույժների, մսի առքուվաճառքով զբաղվողների, սպանդանոցների կառուցմամբ ու շահագործմամբ հետաքրքրված ֆիզիկական անձանց մասնակցությամբ տեղի ունեցավ հերթական հանդիպում-քննարկումը, որը վարեցին Գեղարքունիքի մարզպետ Գնել Սանոսյանը եւ ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը: Քննարկումը նվիրված էր հանրապետությունում 2020 թվականի հուլիսի 1-ից սպանդանոցային մորթի անցնելու հետ կապված ընթացակարգային հարցերի պարզաբանմանը: Բացելով հանդիպումը՝ Գեղարքունիքի մարզպետ Գնել Սանոսյանը նշեց, որ սպանդանոցային մորթի անցնելու որոշման կատարումն այլընտրանք չունի, եւ շատ հստակ է, որ այս տարվա հուլիսի 2-ից պետք է իրականացվի կառավարության որոշումը: «Մինչեւ հուլիսի 1-ը մենք համատեղ պետք է այնպիսի լուծումներ գտնենք, որ բոլոր կողմերին այն բավարարի՝ սկսած անասնապահներից, անասունների առքուվաճառքով զբաղվողներից, բիզնես շահերով հետաքրքրվողներից եւ վերջացրած մսամթերք սպառող քաղաքացիներով: Մենք բազմաթիվ դեպքեր ենք ունեցել մեր մարզում, երբ սպանդի են ենթարկվել ու վաճառվել տարբեր անասնահամաճարակներով հիվանդ անասուններ՝
Փետրվարի 1-ին Գեղարքունիքի մարզպետարանում մարզպետ Գնել Սանոսյանը հանդիպում ունեցավ Գեղարքունիքի մարզի զորակոչային բժշկական հանձնաժողովների անդամների հետ: Մարզպետը նրանց առաջարկեց ներկայացնել այն խնդիրները, որոնք խոչընդոտում են բուժզննության հետ կապված աշխատանքների արդյունավետ կազմակերպմանը : Բարձրացվեցին և քննության առնվեցին աշխատանքային բնույթի մի շարք հարցեր: Հանձնաժողովի անդամները մասնավորապես նշեցին, որ զինկոմիսարիատի կողմից կանոնակարգված չի զորակոչային տարիքի երիտասարդների բուժզննության համար նախատեսված ժամանակացույցը, որի պատճառով խնդիրներ են առաջանում և՛ հիվանդանոցներում, և՛ բուժզննության ընթացքում: Մարզպետ Գնել Սանոսյանը նշեց, որ զինկոմիսարիատից և զորակոչիկների ծնողների կողմից ներկայացվել են որոշակի դժգոհություններ՝ կապված հանձնաժողովների որոշ անդամների բացակայությունների, ուշացումների, ինչպես նաև զննումները հավուր պատշաճի չկատարելու հետ: Զորակոչային բժշկական հանձնաժողովի անդամները նշեցին, որ բացակայությունների հիմնական պատճառը պայմանավորված է եղել առողջական վիճակով, իսկ ուշացումները հիմնականում կապված են զինկոմիսարիատի կողմից ժամանակացույցի հստակ կանոնակարգման հետ:
