Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հերքում 19.09.2025
Երեկ համացանցում տարածվել է տեսանյութ, որտեղ նշվում է, թե իբր ուսումնական հաստատությունում պատուհանից դուրս են նետվում դասագրքեր։ Պաշտոնապես հայտարարում ենք, որ այս տեղեկատվությունը չի համապատասխանում իրականությանը։ Տեսանյութը սխալ մեկնաբանության արդյունք է։ Իրականում կազմակերպվել է բնապահպանական միջոցառում՝ թղթի թափոնների հավաք, որի շրջանակում հավաքվել են միայն օգտագործված թղթեր, հին տետրեր և ամսագրեր։ Դասագրքեր չեն վնասվել և չեն նետվել։ Միևնույն ժամանակ հարկ ենք համարում նշել, որ քննարկվում է պատասխանատուներին կարգապահական տույժի ենթարկելու հարցը՝ թափոնների տեղափոխման գործընթացը ոչ պատշաճ կերպով կազմակերպելու համար։ Հորդորում ենք զերծ մնալ ապատեղեկատվություն տարածելուց և վստահել միայն ճշգրիտ ու պաշտոնական տեղեկատվությանը։
Գեղարքունիքի մարզում անցկացվել է առողջ ապրելակերպին նվիրված իրազեկման արշավ 19.09.2025
Առողջապահության նախարարության «Հանրային առողջության պահպանման» ծրագրի «Առողջ ապրելակերպի և ծխելու դեմ պայքարի միջոցառումների» շրջանակում սեպտեմբերի 19-ին Գեղարքունիքի մարզի Գավառ քաղաքում անցկացվել է հանրային իրազեկման արշավ, որի նպատակն է զերծ մնալ վնասակար սովորություններից, հանրության շրջանում բարձրացնել իրազեկվածությունը առողջ ապրելակերպի վերաբերյալ, խրախուսել առողջ սննդի պատրաստումը, ֆիզիկական ակտիվությունը, առողջ վարքագծի ձևավորումը։ Գավառում միջոցառումը կազմակերպվել է ՀՀ առողջապահության և կրթության նախարարությունների, Գեղարքունիքի մարզպետի աշխատակազմի միջոցով։ Նախաձեռնությանը միացել են «Հայաստանի Մանուկներ» հիմնադրամը և «ՄԱԿ-ի Պարենի համաշխարհային ծրագիրը»։ Միջոցառմանը մասնակցել են ՀՀ Գեղարքունիքի մարզպետի տեղակալ Վահան Զարոյանը, Գեղարքունիքի մարզպետի խորհրդական Սևակ Խլղաթյանը, Գեղարքունիքի մարզպետի աշխատակազմի առողջապահության և սոցիալական ոլորտի հարցերի վարչության պետ Լուսինե Վարդանյանը, կրթության, մշակույթի և սպորտի վարչության գլխավոր մասնագետ Համբարձում Սաֆարյանը, այլ պաշտոնյաներ։
Սեպտեմբերի 18-19-ը, ՄԱԿ-ի Բնակչության հիմնադրամի նախաձեռնությամբ կազմակերպված լրագրողական շրջայցի շրջանակում Գեղարքունիքի մարզպետ Կարեն Սարգսյանը ընդունել է մի շարք լրատվամիջոցների ներկայացուցիչների և ներկայացրել մարզում իրականացվող ծրագրերն ու նախաձեռնությունները։ Հանդիպմանը մասնակցում էին հետևյալ լրատվամիջոցների լրագրողները՝ Հանրային ռադիո, Արմինֆո, Հետք, Հ2, Առավոտ, Սիվիլնեթ, Ռեգիոնս Թիվի Գյումրի։ Քննարկվել են մարզի սոցիալ-տնտեսական զարգացմանն առնչվող մի շարք ոլորտային և ռազմավարական հարցեր, այդ թվում՝ • դպրոցաշինություն, • ճանապարհաշինություն, • ենթակառուցվածքների զարգացում, • մարզային տրանսպորտի կազմակերպում, • գյուղատնտեսության խթանում, • սահմանային և անվտանգային խնդիրներ, • աշխատատեղերի ստեղծում և միգրացիոն միտումներ։ Մարզպետը պատասխանել է լրագրողների հարցերին՝ ընդգծելով նման այցելությունների և անմիջական շփումների կարևորությունը՝ մարզերում առկա իրադրությանը տեղում ծանոթանալու և իրատեսական պատկերացում կազմելու տեսանկյունից։
ՏԵՂԵԿԱՑՈՒՄ 18.09.2025
ՀՀ կառավարության 2025 թվականի սեպտեմբերի 18-ի հերթական նիստում որոշում է կայացվել 199 միլիոն 559, 4 հազար դրամ հատկացնել Գեղարքունիքի մարզի առաջնահերթ լուծում պահանջող անհետաձգելի ծրագրերի և առաջնահերթ լուծում պահանջող հիմնախնդիրների լուծման նպատակով։ Այդ թվում․ 56 միլիոն 452.8 հազար դրամ հատկացվել է քամու հետևանքով Գավառ համայնքի վնասված տանիքների վերանորոգում (Ազատության 2-րդ փողոց 4-րդ փակուղի թիվ 2 և Կաբելագործների թիվ 6 շենքեր) ծրագրի իրականացման համար։ 98 միլիոն 656.6 հազար դրամ՝ Ճամբարակ քաղաքի գլխավոր մուտքի հարակից փլուզված հենապատի վերանորոգման աշխատանքների իրականացման համար։ 44 միլիոն 450.0 հազար դրամ՝ Գավառ համայնքի Հացառատ թաղամասի կեղտաջրերի կենտրոնական կոլեկտորի կառուցման համար։
ՈՒՇԱԴՐՈՒԹՅՈՒՆ 17.09.2025
SIGMA ծրագիրը փնտրում է գործընկերների Գեղարքունիքի, Շիրակի, Լոռու և Տավուշի մարզերից մրգի, հատապտղի և բանջարեղենի մթերման և չորացման տնտեսությունների հիմնադրման համատեղ ներդրումային ենթածրագրերի իրականացման համար։ Ենթածրագրային առաջարկները ներկայացնել ըստ այս ձևաչափի՝ https://shorturl.at/XxWgh Ենթածրագրային հայտեր ներկայացնելու վերջնաժամկետն է ս.թ. հոկտեմբերի 1-ը։ Լոռու և Շիրակի մարզերում հետաքրքրված տնտեսվարողներին խնդրում ենք իրենց ենթածրագրային հայտերն ուղարկել հետևյալ էլ. հասցեին Henri_Matinyan@dai.com, henri.matinyan@yahoo.com ներկայացված ձևաչափը ներբեռնելուց և լրացնելուց հետո։ Տավուշի և Գեղարքունիքի մարզերում հետաքրքրված տնտեսվարողներին խնդրում ենք իրենց ենթածրագրային հայտերն ուղարկել հետևյալ էլ. հասցեին` Artak_dadoyan@dai.com, Ardadoyan@gmail.com ներկայացված ձևաչափը ներբեռնելուց և լրացնելուց հետո։ Մանրամասները՝ ստորև։ SIGMA ծրագիրը ֆինանսավորվում է
Հիմնանորոգվում է Մարտունի-Ներքին Գետաշեն մարզային նշանակության ավտոճանապարհը 16.09.2025
Գեղարքունիքի մարզպետ Կարեն Սարգսյանը Մարտունի համայնքի ղեկավար Հովհաննես Հովեյանի հետ՝ մարզպետի աշխատակազմի և համայնքապետարանի քաղաքաշինության պատասխանատուների ուղեկցությամբ, այցելել է Մարտունի համայնք, որտեղ դիտարկել է Մարտունի-Ներքին Գետաշեն մարզային նշանակության ավտոճանապարհի հիմնանորոգման աշխատանքների ընթացքը։ Ծրագրով նախատեսվում է հիմնանորոգել Մարտունի-Ներքին Գետաշեն ավտոճանապարհի երթևեկելի մասը՝ 3,4 կիլոմետր երկարությամբ և 35 հազար քառակուսի մետր մակերեսով, երկշերտ ասֆալտբետոնյա ծածկի տեղադրմամբ, նույն ճանապարհն իրար կապող Արգիճի գետի կամուրջը, կառուցել 2 կիլոմետր 300 մետր երկարության ու շուրջ 5000 քառակուսի մետր մակերեսով սալիկապատ մայթեր ու ջրահեռացման համակարգ։ Շինաշխատանքները մեկնարկել են 2025 թվականի օգոստոս ամսին։ Ներքին Գետաշեն բնակավայրի հատվածում արդեն տեղադրվել են ջրահեռացման վաքեր և մայթերի բազալտե եզրաքարեր։
