Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մեկնարկել է Իմունականխարգելման եվրոպական շաբաթը 30.04.2025
Սկսած 2005 թվականից՝ եվրոպական տարածաշրջանում ամեն տարի իրականացվում է «Իմունականխարգելման եվրոպական շաբաթ» նախաձեռնությունը` իմունականխարգելման մասին հանրության իրազեկվածությունը բարձրացնելու, պատվաստումների միջոցով բնակչությանը վարակիչ հիվանդություններից զերծ պահելու նպատակով: Այս տարի միջոցառումը մեկնարկել է ապրիլի 27-ին։ Ծրագիրը հնարավորություն է ընձեռնում մեկ անգամ ևս ընդգծել հանրային առողջապահության ոլորտում պատվաստումների դերի կարևորությունը և գերակայությունը, բարձրացնում է պատվաստումների վերաբերյալ հանրային իրազեկվածության մակարդակը, բնակչության շրջանում պատվաստումների պահանջարկը, նպաստում իմունականխարգելման քաղաքական աջակցության ապահովմանը: Նախաձեռնության շրջանակներում ՀՀ Գեղարքունիքի մարզային ենթակայության առողջապահական հիմնարկների բուժաշխատողների կողմից մարզի հանրակրթական դպրոցներում, կրթամշակութային և տարբեր այլ հաստատություններում իրականացվում են հանդիպումներ, ․․․
Քաղաքացիների ընդունելություն Վարդենիս համայնքում 30.04.2025
Ապրիլի 30-ին Գեղարքունիքի մարզպետի տեղակալ Ջանիկ Բազեյանը Վարդենիսի համայնքապետարանում անցկացրեց քաղաքացիների հերթական ընդունելությունը։ Ընդունելությանը մասնակցում ին նաև Վարդենիսի համայնքի ղեկավար Ահարոն Խաչատրյանը, Վարդենիսի բժշկական կենտրոնի տնօրեն Շահեն Շահինյանը, համայնքապետարանի ԿՄՍԵ և սոցիալական աջակցության բաժնի պետ Աննա Վարդանյանը։ Քաղաքացիները դիմեցին աշխատանքի տեղավորման, հաշմանդամության կարգի և դեղորայքի ձեռքբերման, բնակարանի բարեկարգման, առողջական, սոցիալ- տնտեսական տարաբնույթ խնդիրների կարգավորման նպատակով ֆինանսական աջակցություն ստանալու համար։ Դիմումատուների մի մասի խնդրանքը տեղում բավարարվեց, իսկ լրացուցիչ ուսումնասիրության ենթակա դիմումներին պատասխան կտրվի օրենքով սահմանված կարգով և ժամկետում։
ՏԵՂԵԿԱՑՈՒՄ 28.04.2025
Սույն թվականի ապրիլի 28-ից 30-ը ներառյալ Գեղարքունիքի մարզպետ Կարեն Սարգսյանը գտնվելու է գործուղման մեջ` ՀՀ փոխվարչապետ Մհեր Գրիգորյանի գլխավորած պատվիրակության կազմում մասնակցելու Ուզբեկստանի Հանրապետության մայրաքաղաք Տաշկենտում կայանալիք ԱՊՀ տնտեսական խորհրդի 105-րդ նիստի համատեքստում կայանալիք ԱՊՀ մասնակից պետությունների տարածաշրջանների ֆորումին:
ՀՀ Գեղարքունիքի մարզպետ Կարեն Սարգսյանի նախաձեռնությամբ 2025 թվականի ապրիլի 14-ից Գեղարքունիքի մարզային ենթակայության հանրակրթական հաստատությունների 10-12-րդ դասարանների աշակերտներն այցելում են իրենց տարածաշրջանների բժշկական կենտրոններ։ Այցը ունի ճանաչողական բնույթ և մասնագիտական կողմնորոշման նպատակ։ Աշակերտներին ուղեկցում են իրենց դպրոցների քիմիա, կենսաբանություն առարկաները դասավանդող մանկավարժները, իսկ բուժհիմնարկներում ՝ բժշկական կենտրոնների բուժաշխատողները։ Բուժհիմնարկների առանձին բաժիններում աշակերտները հնարավորություն են ունենում համադրել ուսումնական ծրագրերը գործնական քայլերի հետ։ Ըստ մշակված ժամանակացույցի՝ մինչև մայիսի 8-ը Գավառի տարածաշրջանի դպրոցներից Գավառի բժշկական կենտրոն կայցելի 280, մինչև մայիսի 6-ը Սևանի տարածաշրջանի դպրոցներից Սևանի Բժշկական կենտրոն կայցելի 114, մինչև ապրիլի 28-ը ․․․
Գեղարքունիքի մարզում մեծ հանդիսավորությամբ է նշվել Քաղաքացու օրը 27.04.2025
Համաձայն «Տոների և հիշատակի օրերի մասին» ՀՀ օրենքի՝ ապրիլի վերջին շաբաթ օրը նշվում է որպես Քաղաքացու օր: Ապրիլի 26-ին՝ Քաղաքացու օրվա շրջանակում, ինչպես նախորդ տարիներին, այս տարի ևս Գեղարքունիքի մարզի տարբեր համայնքներում և բնակավայրերում անցկացվել են մի շարք մարզա-մշակութային միջոցառումներ, հանրային քննարկում-բանախոսություններ «Շենացրո՛ւ պետությունդ՝ եղի՛ր օրինապահ, նվիրված ու հոգատար» խորագրով։ Քաղաքացու օրվա առթիվ կազմակերպվող մշակութային միջոցառումների նպատակն է ֆլեշմոբերի, բացօթյա ցուցադրությունների, համերգային ծրագրերի, ազգային նվագարանների միջոցով նպաստել քաղաքացիական կրթության, հայրենասիրության, ազգային ինքնության, պետականության և պետական խորհրդանիշների արժևորմանը։ Ըստ ՀՀ կրթության, գիտության, մշակույթի և սպորտի նախարարության կողմից մշակված ժամանակացույցի՝ միջոցառումները մարզում մեկնարկել են ժամը 12։00-ին և ամփոփվել ժամը 15։00-ին։...
Գավառ քաղաքում հանդիսավոր կերպով բացվեց Արծրունի եղբայրների արձանախումբը 26.04.2025
Ապրիլի 26-ին, Քաղաքացու օրվա առթիվ մարզային միջոցառումների շարքը մեկնարկեց մարզկենտրոն Գավառից, որտեղ կենտրոնական հրապարակի տարածքում հանդիսավոր կերպով բացվեց Արծրունի եղբայրների արձանախումբը։ Արձանախմբի օրհնության կարգը կատարեց Հայրավանքի վանահայր, հոգեշնորհ տեր Բաբկեն վարդապետ Սալբիյանը, աղոթասացությամբ Գավառի հոգևոր հովիվներ՝ տեր Շահան քահանա Մովսիսյանի և տեր Նշան քահանա Սարգսյանի։ Տոնակատարությանը մասնակցեցին Գեղարքունիքի մարզպետ Կարեն Սարգսյանը, Գավառի համայնքապետ Գուրգեն Մարտիրոսյանը, Արծրունիների տոհմի ժառանգ Վահան Արծրունին, ուժային կառույցների ներկայացուցիչներ, Գավառի պետական համալսարանի ռեկտոր Ռուզաննա Հակոբյանը, մարզպետի և համայնքապետարանի աշխատակազմերը, կրթամշակութային ու առողջապահական հաստատությունների աշխատակիցներ, ուսանողներ ու դպրոցականներ, բազմաթիվ անհատ քաղաքացիներ:․․․
