Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Փետրվարի 1-ին Գեղարքունիքի մարզպետարանում մարզպետ Գնել Սանոսյանը հանդիպում ունեցավ Գեղարքունիքի մարզի զորակոչային բժշկական հանձնաժողովների անդամների հետ: Մարզպետը նրանց առաջարկեց ներկայացնել այն խնդիրները, որոնք խոչընդոտում են բուժզննության հետ կապված աշխատանքների արդյունավետ կազմակերպմանը : Բարձրացվեցին և քննության առնվեցին աշխատանքային բնույթի մի շարք հարցեր: Հանձնաժողովի անդամները մասնավորապես նշեցին, որ զինկոմիսարիատի կողմից կանոնակարգված չի զորակոչային տարիքի երիտասարդների բուժզննության համար նախատեսված ժամանակացույցը, որի պատճառով խնդիրներ են առաջանում և՛ հիվանդանոցներում, և՛ բուժզննության ընթացքում: Մարզպետ Գնել Սանոսյանը նշեց, որ զինկոմիսարիատից և զորակոչիկների ծնողների կողմից ներկայացվել են որոշակի դժգոհություններ՝ կապված հանձնաժողովների որոշ անդամների բացակայությունների, ուշացումների, ինչպես նաև զննումները հավուր պատշաճի չկատարելու հետ: Զորակոչային բժշկական հանձնաժողովի անդամները նշեցին, որ բացակայությունների հիմնական պատճառը պայմանավորված է եղել առողջական վիճակով, իսկ ուշացումները հիմնականում կապված են զինկոմիսարիատի կողմից ժամանակացույցի հստակ կանոնակարգման հետ:
Մարզպետ Գնել Սանոսյանն այցելեց կենսաթոշակառու, 91-ամյա Հրանտ Գեւորգյանին 01.02.2020
Հունվարի 31-ին Գեղարքունիքի մարզպետ Գնել Սանոսյանը Զովաբեր համայնքում այցելեց աշխատանքի վետերան, կենսաթոշակառու, իննսունմեկամյա Հրանտ Գեւորգյանին, ով վերջերս նամակով դիմել էր մարզպետարան եւ «Գեղամա աշխարհ» թերթի խմբագրություն՝ իր շնորհակալությունն ու գոհունակությունը հայտնելով թե՛ մարզպետ Գնել Սանոսյանի աշխատանքից, թե՛ թերթում հրատարակված նյութերի բովանդակությունից: Ծավալված զրույցի ընթացքում Հրանտ Գեւորգյանը նշեց, որ մարզի ու մարզպետարանի մասին տեղեկատվությունը հիմնականում ստանում է «Գեղամա աշխարհ» թերթից, որի մշտական ընթերցողն է ու հետեւողը: «Իմ տարիքում դժվար է տիրապետել տեղեկատվական տեխնոլոգիաներին, ուստի շարունակում եմ ընթերցել գրքեր ու թերթեր, որոնց շարքում առանձնակի գնահատում եմ մեր մարզային թերթը: Հրապարակված նյութերի միջոցով պատկերացնում եմ, թե նախորդ տարում ինչպիսի աշխատանքներ են կատարվել մարզում, ինչի համար հայտնում եմ իմ շնորհակալությունն ու երախտագիտությունը մարզպետ Գնել Սանոսյանից: Շատ առավել ուրախ եմ ու զգացված, որ ինձ իր այցով պատվում է մարզի ղեկավարը: «Մանկուց որբ եմ մեծացել, ծանր աշխատանքով տունուտեղ ստեղծել,
Հունվարի 31-ին Ծաղկունք համայնքի համանուն հյուրատանը Գեղարքունիքի մարզպետ Գնել Սանոսյանը, «Դար» հիմնադրամի հոգաբարձուների խորհրդի նախագահ Արսեն Աղաջանյանը եւ «ԷվենտՏուրա» ընկերության համահիմնադիր Նունե Մանուկյանը համատեղ քննարկեցին 2020 թվականի օգոստոսին Ծաղկունքում անցկացվելիք «Լավաշի միջազգային օր» միջոցառման կազմակերպչական աշխատանքերի հետ կապված հարցեր: Նախաձեռնող կողմի ներկայացմամբ՝ միջոցառման ծրագիրը գրեթե ավարտական փուլում է: Միջոցառմանը մասնակցելու հայտ կներկայացնեն արտասահմանյան ու տեղական կազմակերպություններ, մշակութային գործիչներ, զբոսաշրջիկներ, հյուրեր: Մինչ միջոցառման մեկնարկը անհրաժեշտ է համատեղ իրականացնել որոշակի նախապատրաստական աշխատանքներ: «Բավականին հետաքրքիր ու բազմաբովանդակ ծրագիր է կազմվել, որտեղ իրենց մասնակցությունը կունենան տարբեր երկրների հացթուխները՝ ներկայացնելով իրենց երկրների հացաթխման մշակույթը: Միջոցառումը կանցնի երաժշտական ու պարային հայտնի խմբերի համերգներով, կինոդիտումներով, թատերական խմբերի ներկայացումներով, ցուցահանդեսներով, այլ ձեռնարկներով:
Հունվարի 30-ին Գեղարքունիքի մարզպետ Գնել Սանոսյանի մոտ հրավիրված հանդիպմանը քննության առնվեցին մարզում սպանդանոցների կառուցման եւ շահագործման գործընթացների եւ չափորոշիչների հետ կապված խնդիրներ: Քննարկմանը մասնակցում էին Գեղարքունիքի մարզպետի տեղակալ Նարեկ Գրիգորյանը, ՀՀ սննդամթերքի անվտանգության պետական մարմնի Գեղարքունիքի մարզային կառույցի ղեկավար Արշակ Էլիզբարյանը, Գեղարքունիքի մարզպետարանի գյուղատնտեսության եւ բնապահպանության վարչության ներկայացուցիչներ: Ինչպես հանդիպման սկզբում ներկայացվեց, մարզում սպանդանոցների կառուցման եւ շահագործման չափորոշիչներին ծանոթանալու նպատակով մարզպետարան ու տեսչական մարմին են դիմել երեսուն ֆիզիկական անձինք, որոնց օնլայն կամ փաստաթղթային կարգով տրամադրվել է համապատասխան տեղեկատվություն: Բացի այդ, սննդի անվտանգության տեսչական մարմնի եւ մարզպետարանի գյուղատնտեսության եւ բնապահպանության վարչության կողմից կատարվել է որոշակի ուսումնասիրություն՝ դիմող անձանց ունեցած համապատասխան միջոցների, հնարավորությունների, հավանական ներդրումների եւ այլ հարցերի շուրջ: Մարզպետ Գնել Սանոսյանը նշեց, որ այս հրատապ հարցի կարգավորումը պահանջում է կշռադատված մոտեցում, մանրակրկիտ եւ բազմակողմանի վերլուծություն
Գեղարքունիքի մարզպետարանը եւ Վ.Սարգսյանի անվան ռազմական համալսարանը կընդլայնեն համագործակցությունը 31.01.2020
Հունվարի 30-ին Գեղարքունիքի մարզպետ Գնել Սանոսյանն ընդունեց ՀՀ ՊՆ Վազգեն Սարգսյանի անվան ռազմական համալսարանի պետ, գնդապետ Խաչատուր Խաչատրյանին: Կողմերը քննարկեցին համագործակցության ընդլայնման հետ կապված հարցեր՝ ռազմահայրենասիրական դաստիարակությունը մարզի ուսումնական հաստատություններում ավելի խորացնելու նպատակով: «Մեր բանակին շատ են անհրաժեշտ բանիմաց, հարուստ գիտելիքներով զինված սպաներ: Մենք այսօր ունենք լավագույն պայմանները եւ դասախոսական կազմը՝ մեր ապագա սպաներին ու հրամանատարներին կրթելու մասնագիտորեն և ռազմահայրենասիրական ոգով: Մեր պետությունը զինվորականի մասնագիտությունն ընտրած հայրենիքի ապագա պաշտպաններին ապահովում է աշխատանքով, բնակարանով, տրամադրում արտոնյալ պայմաններ: Մենք համատեղ պետք է բացատրական աշխատանք տանենք աշակերտների, ուսուցիչների եւ ծնողների շրջանում, որպեսզի մեր վաղվա սպաները սիրով ու հաստատակամորեն ընտրեն իրենց մասնագիտությունը: Մենք պատրաստ ենք ռազմական համալսարանում ընդունել աշակերտների, որպեսզի նրանք տեղում ծանոթանան պայմաններին, ճիշտ որոշում կայացնեն մասնագիտություն ընտրելու հարցում: Մեզ մոտ սովորում ու մասնագիտանում են նաեւ աղջիկներ, որոնց ուսման համար եւս ապահովված են բոլոր պայմանները»
Կայացավ զորակոչային հանձնաժողովի հերթական նիստը 30.01.2020
Հունվարի 29-ին Գեղարքունիքի մարզպետարանում տեղի ունեցավ Գեղարքունիքի մարզի զորակոչային հանձնաժողովի հերթական նիստը, որը վարեց Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Գնել Սանոսյանը: Նիստին մասնակցում էին Գեղարքունիքի մարզի զորակոչային հանձնաժողովի անդամները և մարզպետի հրավերով՝ Գեղարքունիքի մարզպետարանի առողջապահության և սոցիալական ապահովության հարցերի վարչության պետը: Զորակոչային հանձնաժողովի նիստի օրակարգում ընդգրկված էին զորակոչի ավարտական փուլին, զորակոչային տարիքի երիտասարդներին կրթության հիմքով տարկետման թույլտվություն տրամադրելու, բժշկական հանձնաժողովների գործունեությանը վերաբերող հարցեր: Օրակարգի առաջին հարցի շուրջ զեկուցվեց, որ ձմեռային զորակոչը մարզում ընթանում է սահմանված կանոնակարգին ու ժամանակացույցին համապատասխան, գտնվում է ավարտական փուլում և արդյունքների մասին կզեկուցվի ամփոփումից հետո: Օրակարգի երկրորդ հարցը վերաբերում էր կրթության հիմքով տարկետման թույլտվություն տրամադրելուն: Զորակոչային հանձնաժովի քարտուղարի ներկայացմամբ՝ տարկետման իրավունք ստանալու համար Գեղարքունիքի մարզի զինկոմիսարիատից ստացվել են մի շարք զորակոչի ենթակա քաղաքացիների փաստաթղթեր, որոնց զգալի մասի խնդիրները կապված են հանրակրթական դպրոցներն
