Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետը պարգեւատրեց Գավառի թատրոնի դերասաններին 28.03.2019
Մարտի 27-ին Գեղարքունիքի մարզպետ Գնել Սանոսյանը Թատրոնի միջազգային օրվա առթիվ Գեղարքունիքի մարզպետի շնորհակալագրով պարգեւատրեց Գավառի Լ. Քալանթարի անվան պետթատրոնի դերասաններ Լաուրա Ստեփանյանին, Խաչիկ Ավետիսյանին, Սաթենիկ Թովմասյանին, Հովհաննես Օհանյանին եւ Նորայր Հերգնյանին: Գնել Սանոսյանը շնորհակալագրերը հանձնեց թատրոնի շենքում, որտեղ ներկա գտնվեց դերասանների ուժերով բեմականացված Մարկ Կամուլետտիի «Սիրային իրարանցում» թատերական ներկայացմանը: «Սիրելի դերասաններ եւ թատերասերներ, շնորհավորում եմ բոլորիս Թատրոնի միջազգային օրվա կապակցությամբ, մաղթում հետագա հաջողություններ: Անգնահատելի ձեռքբերում է այն, որ մենք Թատրոնի միջազգային օրը համատեղ դիմավորում ենք այս շքեղ կառույցում, որը դարձել է մարզի մշակութային կյանքի հիմնական առանցքներից մեկը: Ես համոզված եմ, որ ամեն տարվա այս օրը թատրոնը կնշի նոր բեմականացումներով ու թատերասերներով լի դահլիճում: Պահպանեք ու զարգացնենք թատերական արվեստի նվաճումները: Տպավորված եմ այսօրվա ...
Մարտի 28-ին Գեղարքունիքի մարզպետ Գնել Սանոսյանն անցկացրեց աշխատանքային խորհրդակցություն, որին մասնակցեցին ՀՀ բնապահպանության փոխնախարար Այսեր Ղազարյանը, ՀՀ բնապահպանության նախարարի իրավախորհրդատու Կարեն Ճենտերեճյանը, «Սեւան Ազգային պարկ» -ի տնօրեն Վահե Գուլանյանը, մարզպետարանի աշխատակազմի գյուղատնտեսության եւ բնապահպանության վարչության պետ Համբարձում Համբարձումյանը, մարզի տարբեր տարածաշրջաններից Սևանա լճում ձկնորսությամբ զբաղվող անձինք: Խորհրդակցության նպատակն էր՝ համատեղ ուժերով քննարկել ՀՀ բնապահպանության նախարարության կողմից մշակման փուլում գտնվող պիլոտային ծրագիրը, որն առնչվում է Սևանա լճում արդյունագործական ձկնոսությունը իրավական դաշտ տեղափոխելուն: «Հաշվի առնելով, որ դուք զբաղվում եք ձկնորսությամբ, մենք կազմակերպել ենք այս քննարկումը, որպեսզի «Սևանի մասին» ՀՀ օրենքի ...
Հաստատվեց Թթուջուր գյուղի մանկապարտեզի շենքի մասնակի վերանորոգման ծրագիրը 27.03.2019
Մարտի 27-ին Գեղարքունիքի մարզպետի տեղակալ, զբաղվածության աջակցության Գեղարքունիքի մարզային հանձնաժողովի նախագահ Նարեկ Գրիգորյանի մոտ հրավիրված խորհրդակցության ընթացքում հանձնաժողովի կողմից հաստատվեց Ճամբարակ համայնքի Թթուջուր բնակավայրի մանկապարտեզի շենքի մասնակի հիմնանորոգման ծրագիրը: Ինչպես ներկայացրեց զբաղվածության աջակցության Գեղարքունիքի մարզային հանձնաժողովի անդամ, Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի վարիչ Վարդուհի Մնացականյանը, ծրագրի իրականացման համար պետության կողմից հատկացվելու է 1,5 միլիոն դրամ: Պահանջվող մնացած ներդրումը կկատարի Ճամբարակի համայնքապետարանը: Շինարարական աշխատանքները կմեկնարկեն 2019 թվականի ապրիլի 1-ից եւ կավարտվեն 2019 թվականի մայիսի 15-ին: Ծրագրի իրականացման արդյունքում կբացվի ժամանակավոր 8 աշխատատեղ:
Գեղարքունիքի մարզպետ Գնել Սանոսյանի ուղերձը Թատրոնի միջազգային օրվա կապակցությամբ 27.03.2019
Ամեն տարի այս օրը՝ մարտի 27-ին, աշխարհի տարբեր ծայրերում նշվում է Թատրոնի միջազգային օրը՝ որպես թատրոնի մշակների ու գործիչների մասնագիտական տոն: Թատրոնը մեր կյանքում առանցքային տեղ է գրավում, որովհետև հայ մարդն իրեն հուզող բազմապիսի հարցերի ու խնդիրների լուծման բանալին փնտրել է նաև թատրոնում։ Այս զարմանալի արվեստն առանձնանում է ունեցածի արժևորման ու նորի գիտակցման ներդաշնակությամբ: Աշխույժ թատերական կյանքով ավելի քան մեկ դար է, ինչ ապրում է նաեւ մեր մարզկենտրոն Գավառ քաղաքը, որի բեմում հանդես են եկել Հայաստանի գրեթե բոլոր ականավոր թատերական գործիչները: Իսկ առավել մեծ ձեռքբերումը Անկախ Հայաստանի պատմության մեջ եղավ Գավառի նորակառույց թատրոնի շենքի շահագործումը, որն այսօր մարզի մշակութային կյանքում ձեռք է բերել կարեւորագույն դերակատարություն՝ նոր էջ բացելով մեր երկրի թատերական արվեստի պատմության կերտման մեջ: Հարգելի գործընկերներ, Թատրոնի միջազգային օրվա առթիվ ջերմորեն շնորհավորում եմ թատերական բոլոր գործիչներին և թատրոնի նվիրյալներին, մաղթում ստեղծագործական ձեռքբերումներ ու լեփ-լեցուն դահլիճներ։ Լավագույն ցանկություններով՝ ՀՀ Գեղարքունիքի մարզպետ Գնել Սանոսյան
Մարզպետ Գնել Սանոսյանն անցկացրեց աշխատանքային հերթական խորհրդակցությունը 25.03.2019
Մարտի 25-ին Գեղարքունիքի մարզպետ Գնել Սանոսյանը մարզպետարանի կառուցվածքային ստորաբաժանումների ղեկավարների մասնակցությամբ անցկացրեց աշխատանքային հերթական խորհրդակցությունը, որի ընթացքում առանձին-առանձին քննարկվեցին նախորդ խորհրդակցության ընթացքում մարզպետի կողմից տրված հանձնարարականների շուրջ իրականացված աշխատանքները, կրկին արձանագրվեցին այն հանձնարարականները, որոնք լրացուցիչ ուսումնասիրությունների կարիք ունեն: Այնուհետև Գնել Սանոսյանն անդրադարձավ Գեղարքունիքի մարզի համայնքներից սուբվենցիոն նպատակով ներկայացրած ծրագրերին, նշելով, որ դրանց քանակական առումով մարզը հանրապետությունում առաջատարն է, ու պետք է անենք հնարավորը, որպեսզի ներկայացրած բոլոր ծրագրերը ֆինանսավորվեն և կյանքի կոչվեն: «Մարզի 46 համայնքներից ներկայացրել ենք 108 սուբվենցիոն ծրագիր, դեռևս 2-ն էլ քննարկման փուլում են: Քանի որ ծրագրային և ֆինասական ներդրումների առումով առաջինն ենք հանրապետությունում, ցանկանում եմ շնորհավորել բոլորիս և շնորհակալություն հայտնել համայնքների ղեկավարներին, մարզպետարանի զարգացման....
Լեռնահովիտ բնակավայրում կկառուցվի դպրոցական նոր շենք 25.03.2019
Գեղհովիտ համայնքի Լեռնահովիտ բնակավայրի հիմնական դպրոցը գործում է շենքային խիստ անբավարար պայմաններում: 40 աշակերտ ունեցող դպրոցը գործում է երկհերթ՝ առանց մարզադահլիճի, սանհանգույցների, կենտրոնացված ջեռուցման, անհրաժեշտ այլ պայմանների: Լեռնահովիտում նոր դպրոց կառուցելու խնդիրն այսօր փորձում են հոգալ ոչ միայն Գեղարքունիքի մարզպետարանը, այլ նաև ֆրանսիական « Bonheure Rertrouve» բարեգործական ասոցիացիան, որի Հայաստանյան ներկայացուցիչ Ռուզաննա Ստեփանյանին մարտի 25-ին ընդունեց Գեղարքունիքի մարզպետ Գնել Սանոսյանը: Ինչպես հանդիպման սկզբում ներկայացրեց Ռուզաննա Ստեփանյանը, ֆրանսիական «Bonheure Rertrouve» բարեգործական ասոցիացիան ծրագրել է բարեգործական համերգներից ու այլ հանգանակություններից հավաքագրված միջոցների հաշվին իր նպաստը բերել Լեռնահովիտ բնակավայրի նոր դպրոցի կառուցմանը: « Մեր կազմակերպությունը ուզում է բավարար միջոցներ գտնել՝ Լեռնահովիտում դպրոցական 40 տեղանոց նոր շենք կառուցելու համար: Այդ նպատակով ...
