Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարտի 23-ը՝ համապետական շաբաթօրյակի օր 18.03.2019
Սիրելի՛ հայրենակից, հիշի՛ր մարտի 23-ը համապետական շաբաթօրյակի օրն է: Դուրս արի տանից և քո բարեկամների, հարևանների, գործընկերների հետ մաքրիր քո բակը, քո փողոցը, քո համայնքը՝ «Մեկնիր ձեռքդ, վերցրու աղբը»: Լուսանկարները՝ Գեղարքունիքի մարզի Ծաղկունք համայնքի, Գեղամասար համայնքի՝ Ազատ և Շատվան բնակավայրերի աղբանոցների:
Սեւանի բժշկական կենտրոնում այսուհետ կիրականացվի համակարգչային շերտագրություն 18.03.2019
Սեւանի բժշկական կենտրոնի շենքում 2019 թվականի մարտի 18-ին բացվեց համակարգչային շերտագրության ծառայություն, որն իր նշանակությամբ առաջինն է Գեղարքունիքի մարզում: Համակարգչային շերտագրության ծառայության կաբինետի բացմանը ներկա էին ՀՀ առողջապահության նախարար Արսեն Թորոսյանը, Գեղարքունիքի մարզպետ Գնել Սանոսյանը, «Վարդանանց» նորարարական բժշկական կենտրոնի տնօրեն Հարություն Մանգոյանը, Գեղարքունիքի մարզի բուժհաստատությունների տնօրեններ, պաշտոնական այլ անձինք: «Վարդանանց» նորարարական բժշկական կենտրոնի տնօրեն Հարություն Մանգոյանը տեղեկացրեց, որ համակարգչային շերտագրության սարքը ձեռք է բերվել եւ տեղադրվել է իրենց կազմակերպության կողմից՝ ՀՀ առողջապահության նախարարության, Գեղարքունիքի մարզպետարանի եւ Սեւանի բժշկական կենտրոնի համագործակցության արդյունքում: Այն ճապոնական արտադրության լավագույն ու ամենաժամանակակից սարքավորումներից մեկն է, որը հնարավորություն է տալիս տեղում ախտորոշել այնպիսի բարդ հիվանդություններ, ինչպիսիք են ինսուլտները, գլխուղեղի ուռուցքները, գանգուղեղային վնասվածքները, թոքերում...
Տեղեկացում 18.03.2019
Հարգելի գործընկերներ, «Իմ քայլը հանուն Գեղարքունիքի» գործարար համաժողովին ներդրումային առաջարկներ, գաղափարներ և ծրագրեր ներկայացնելու նպատակով վերջնաժամկետ է սահմանվել 2019 թվականի ապրիլի 10-ը: Խնդրվում է, մինչև սահմանված ժամկետը, ձեր կողմից մշակված ծրագրերը և դրանց պրիզենտացիաները ներկայացնել Գեղարքունիքի մարզպետարանի զարգացման ծրագրերի, զբոսաշրջության և վերլուծության բաժին: Հեռախոս՝ 060 65 06 27, 094 70 57 21 Էլ. հասցե ` vard.m@mail.ru
Մարտի 14-ին Գեղարքունիքի մարզպետ Գնել Սանոսյանն ընդունեց «Հայկական Կարիտաս» բարեգործական հասարակական կազմակերպության համայնքային զարգացման և աղետների ռիսկեր կառավարման ուղղության պատասխանատու Զառա Աղանյանին: Հանդիպման սկզբում Աղանյանը մարզպետին ներկայացրեց «Հայկական Կարիտաս» բարեգործական հասարակական կազմակերպության գործունեության շրջանակներն ու նպատակները, Գեղարքունիքի, Շիրակի, Լոռու մարզերում ու Երեւանում իրականացվող ծրագրերի բովանդակությունը, առաջիկա անելիքները: «Մեր հիմնական շահառուները սոցիալապես անապահով խմբերն են, միայնակ ծերերը, սահմանամերձ կամ փախստականներով բնակեցված համայնքների բնակիչները: Գեղարքունիքի մարզում էլ մեր կազմակերպությունն ...
2019 թվականին մարտի 15-ի դրությամբ Գեղարքունիքի մարզի 43 համայնքներից ՀՀ կառավարություն սուբվենցիոն նպատակով ներկայացվել է 107 ծրագրային հայտ: Գեղարքունիքի մարզից ներկայացված սուբվենցիոն ծրագրերի ընդհանուր արժեքը, ըստ նախնական հայտերի, կազմում է մոտ 4.664.045.1 ՀՀ դրամ: Ներկայացված բոլոր ծրագրային հայտերն ուղղված են համայնքների ենթակառուցվածքների զարգացմանն ու սոցիալ-տնտեսական նշանակության խնդիրների կարգավորմանը։ Այդ ծրագրային հայտերով նախատեսվում է. 1.Ջրահեռացում, խմելու և ոռոգման ջրի ներքին և արտաքին ցանցերի կառուցում և վերանորոգում, ոռոգման ջրանցքի, մայր ջրատարի հիմնանորոգում, փողոցների ջրամատակարարման համակարգի և ջրամբարի կառուցում, կիսախողովակների տեղադրում - Ծակքար, Կարմիրգյուղ, Զովաբեր, Ավազան, Սոթք, Խաչաղբյուր, Լճավան, Լուսակունք, Ձորագյուղ, Գեղհովիտ, Վարդաձոր, Նորակերտ, Վերին Գետաշեն, Լանջաղբյուր, Վարդենիկ, Մադինա, Սարուխան, Գանձակ, Ճամբարակ, Շատվան, Տրետուք, Կուտական, Ջաղացաձոր, Գեղամաբակ, Ազատ, Շատվան, Կութ, Դրախտիկ, Նորաբակ, Ջիլ, Աղբերք, Աստղաձոր, Ակունք,..
Մարտի 14-ին Գեղարքունիքի մարզպետարանում անցկացված հերթական հանդիպման ընթացքում քննարկվեցին առաջիկայում կայանալիք « Իմ քայլը հանուն Գեղարքունիքի մարզի» գործարար համաժողովի նախապատրաստական և կազմակերպչական աշխատանքների ընթացքին վերաբերող հարցեր: Քննարկմանը մասնակցում էին Գեղարքունիքի մարզից անհատ ձեռներեցներ, գործարարներ, հասարակական կազմակերպությունների և ԶԼՄ-ներկայացուցիչներ, ակտիվիստներ, սոցիալական ձեռնարկատիրության պատասխանատուներ: Քննարկումն անցկացրեց Գեղարքունիքի մարզպետ, «Իմ քայլը հանուն Գեղարքունիքի մարզի» գործարար համաժողովի անցկացման մարզային հանձնաժողովի նախագահ Գնել Սանոսյանը: Հանդիպման մասնակիցները առանձին-առանձին տեղեկատվություն ներկայացրեցին ...
