Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետը դիտարկեց սուբվենցիոն հերթական ծրագրերի ընթացքը 04.09.2019
Գեղարքունիքի մարզպետ Գնել Սանոսյանը սեպտեմբերի 4-ին աշխատանքային այցով եղավ Ձորագյուղ, Ծակքար և Ծովասար համայնքներում, որտեղ դիտարկեց ՀՀ կառավարության կողմից իրականացվող սուբվենցիոն ծրագրերի ընթացքը: Ձորագյուղ համայնքում միանգամից մեկնարկել էր սուբվենցիոն երկու ծրագիր: Առաջին ծրագրով, որի ընդհանուր արժեքը կազմում է 58 միլիոն 500 հազար դրամ, արդեն ավարտին է հասցվել 14-րդ փողոցի ասֆալտապատման աշխատանքները 700 գծամետր երկարությամբ եւ շուրջ 4500 քառակուսի մետր մակերեսով: Ծրագրի ընդհանուր արժեքի 60 տոկոսը հատկացրել է ՀՀ կառավարությունը, 40 տոկոսը՝ Ձորագյուղի համայնքապետարանը: Հիմնանորոգված փողոցը տանում է դեպի համայնքի ավագ դպրոց: Սուբվենցիոն երկրորդ ծրագրով դեռևս ընթացքի մեջ են խմելու ջրի օրվա կարգավորիչ ջրամբարի կառուցման աշխատանքները:Ծրագրի ընդհանուր արժեքը կազմում է 28 միլիոն 900 հազար դրամ, որի 60 տոկոսը տրամադրել է ՀՀ կառավարությունը, 40 տոկոսը՝ Ձորագյուղի համայնքապետարանը: Շինարարական աշխատանքները կավարտվեն այս տարվա ընթացքում:
Գեղարքունիքի մարզում անցկացվելու է ձկան փառատոն 03.09.2019
Սեպտեմբերի 2-ին «Արմենպրես» -ի մամուլի սրահում հրավիրված մամուլի ասուլիսի ընթացքում Գեղարքունիքի մարզպետ Գնել Սանոսյանը, «Ռեստորանների Հայկական Ասոցիացիայի» գործադիր տնօրեն Վահե Գեւորգյանը եւ ՄԱԶԾ ինտեգրված գյուղական զբոսաշրջության զարգացման ծրագրի համակարգող Արման Վալենսյանը ներկայացրեցին Սևանի թերակղզու տարածքում առաջին անգամ անցկացվող «Էկո Ֆիշ Ֆեսթ» ձկան փառատոնի օրակարգը: «Փառատոնը էկոլոգիական շեշտադրումներ ունի, այդ պատճառով այն անվանել ենք «Էկո Ֆիշ Ֆեսթ»: Այլ փառատոներից այն տարբերվում է նրանով, որ մենք օրը սկսում ենք Սեւանա լճի ամբողջ շրջակայքը մաքրելու գործընթացով: Այսինքն` մենք մեծ շաբաթօրյակով ենք սկսելու, որը տեւելու է առավոտյան ժամը 10-ից մինչեւ ժամը 13-ը: Շաբաթօրյակին կմասնակցեն մարզի բոլոր կառույցները, եւ այս ամենը կանենք «Սեւան» ազգային պարկի հետ համատեղ»,- տեղեկացրեց մարզպետ Գնել Սանոսյանը: Ռեստորանների հայկական ասոցիացիայի գործադիր տնօրեն Վահե Գևորգյանն իր հերթին տեղեկացրեց, որ փառատոնը հավակնում է դառնալ շարունակական:
Մարզի թիմը մրցանակային երրորդ հորիզոնականում է 03.09.2019
2019 թվականի օգոստոսի 27-30-ը Ծաղկաձորի գլխավոր մարզահամալիրում անցկացվեցին «Հաշմանդամություն ունեցող լավագույն մարզիկ» մրցույթի եզրափակիչ փուլի մրցումները: Ծրագիրը նպատակ ուներ ամրապնդելու հաշմանդամություն ունեցող անձանց առողջությունը, առողջ ապրելակերպի ձևավորման գործում ֆիզիկական կուլտուրայի և սպորտի դերի բարձրացումը, հաշմանդամություն ունեցող անձանց ակտիվ հանգստի կազմակերպումը: Մարզերի թիմերը հանդես եկան հինգ մարզաձևերում՝ շախմատ, շաշկի, սեղանի թենիս, դարթս և բազկամարտ: Յուրաքանչյուր մասնակից իրավունք ուներ մասնակցելու միայն մեկ մարզաձևում: Թիմերի կազմում ընդգրկված էին հիմնականում հենաշարժողական և տեսողական խնդիրներ ունեցող անձիք: Յուրաքանչյուր թիմի կազմում ընդգրկված էին 4 տղա և 3 աղջիկ: ՀՀ Գեղարքւնիքի մարզի թիմը ներկայացնում էին՝ դարթս մարզաձի կանանց պայքարում՝ Ռուզաննա Մնացականյանը (Սևանի), իսկ տղամարդկանց պայքարում՝ Նորայր Զախարյանը (Գավառ), շախմատ մարզաձևի տղամարդկաց ...
Երեք ոսկե, չորս արծաթե և մեկ բրոնզե մեդալ՝ Համահայկական 7-րդ ամառային խաղերում 03.09.2019
Սեպտեմբերի 3-ին Գեղարքունիքի մարզպետ Գնել Սանոսյանն ընդունեց այս տարի օգոստոս ամսին Արցախի Հանրապետության մայրաքաղաք Ստեփանակերտում կայացած Համահայկական 7-րդ ամառային խաղերի ընթացքում Գեղարքունիքի մարզը ներկայացնող և բազկամարտ մարզաձևից մրցանակային տեղեր զբաղեցրած 4 մարզիկների և նրանց մարզիչներին: Գնել Սանոսյանը շնորհակալություն հայտնեց նրանց մասնակցության և ցուցաբերած արդյունքների համար, հորդորելով միշտ լինել մարզական վիճակում և պատրաստ հաղթանակների: Գեղարքունիքի մարզպետ Գնել Սանոսյանը ՀՀ Գեղարքունիքի մարզպետի շնորհակալագրով խրախուսեց Համահայկական 7-րդ ամառային խաղերի մասնակից , Գեղարքունիքի մարզի բազկամարտի ֆեդերացիայի նախագահ, Զոլաքար համայնքը ներկայացնող Ջանիբեկ Ղազարյանին, ով ծանր քաշային կարգում ձախ ձեռքի պայքարում արժանացավ արծաթե, իսկ աջ ձեռքի պայքարում՝ ոսկե մեդալի, Վերին Գետաշեն համայնքը ներկայացնող Ազատ Սրապյանին, ով ձախ ձեռքի պայքարում արժանացավ արծաթե, իսկ աջ ձեռքի պայքարում ...
ՀՀ Գեղարքունիքի մարզպետ Գնել Սանոսյանի շնորհավորանքի խոսքը Արցախի Հանրապետության տոնի առթիվ 02.09.2019
Սիրելի հայրենակիցներ: 1991 թվականի սեպտեմբերի 2-ին հռչակվեց Արցախի անկախ հանրապետությունը, որով դրվեց ին հայկական երկրորդ պետության հիմքերը: Այդ կամարտահայտումը, սակայն, հարկ եղավ պաշտպանել ռազմադաշտերում, տասնյակ հազարավոր հայորդիների կյանքի ու արյան գնով: Իսկ դրան հաջորդած տարիները ցույց տվեցին մեր հաղթանակների անշրջելիությունը, համայն հայության անսասան կամքը՝ ազատ, ինքնիշխան Արցախի պաշտպանության ու հզորացման գործում: Շնորհավորում եմ բոլորիս Արցախի անկախության տոնի առթիվ, մաղթում խաղաղ ու հզոր հայրենիք, համազգային նոր հաղթանակներ: Լավագույն ցանկություններով ՝ ՀՀ Գեղարքունիքի մարզպետ Գնել Սանոսյան
Գեղարքունիքի մարզում բացվեց հինգ նոր նախակրթարան 01.09.2019
Նոր ուսումնական տարում Գեղարքունիքի մարզի Նորաշեն, Զոլաքար, Մարտունի և Գավառ համայնքներում բացվեցին հինգ նոր նախակրթարաններ, որոնց ժապավենները կտրեցին ՀՀ ԿԳՄՍ նախարար Արայիկ Հարությունյանը և ՀՀ Գեղարքունիքի մարզպետ Գնել Սանոսյանը: Նախակրթարանները հիմնվել են ՀՀ ԿԳՄՍ նախարարության «Կրթական ծրագրերի կենտրոն» ԾԻԳ ՊՀ-ի միջոցներով և համայնքների մասնակի ներդրումներով, բացառությամբ Նորաշենի նախակրթարանի, որտեղ ներդրումը ամբողջովին կատարվել է պետության կողմից: Նախարարի և մարզպետի համատեղ այցի առաջին կանգառը Նորաշենի հիմնական դպրոցում էր, որտեղ նորաբաց նախակրթարան այս տարի հաճախում են 16 երեխա: Նոր ուսումնական տարին այս դպրոցում դիմավորեցին տոնական միջոցառմամբ, ուրախ երգ ու պարով: ԿԳՄՍ նախարար Արայիկ Հարությունյանը, ողջունելով ներկաներին, նշեց, որ պետությունը կարևորում է նախակրթարանների դերը և ներկա փոփոխությունների շեմին ՀՀ կառավարությունն ակնկալում է ներգաղթ, ինչի հաշվին ակնկալվում է աշակերտների թվի ավելացում:
