Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզի տարածքում իրականացվում են ամենօրյա մշտադիտարկման աշխատանքներ 12.06.2020
ՀՀ Գեղարքունիքի մարզպետ Գնել Սանոսյանի հանձնարարությամբ մարզպետարանի աշխատակիցներից ձևավորված մշտադիտարկման խմբերը շարունակում են համագործակցությունը ՀՀ ոստիկանության մարզային ստորաբաժանման , ՀՀ կառավարության ենթակա տեսչական մարմինների Գեղարքունիքի մարզային ստորաբաժանումների և համայնքապետարանների հետ: Առաջնորդվելով ՀՀ պարետի 2020 թվականի մայիսի 3-ի համապատասխան որոշմամբ, աշխատանքային խմբերը շարունակաբար ամենօրյա մշտադիտարկումներ են իրականացնում մարզի տարածքում: Մշտադիտարկում իրականացնող մեկ խումբը առևտրի կետերում իրականացնում է լայնածավալ սպառման ապրաքների գների մոնիտորինգ և վերահսկողություն, այդ մասին ամենօրյա տեղեկատվություն ներկայացնելով համապատասխան գերատեսչություն, իսկ մյուս խումբը՝ վերահսկողություն է իրականացնում հանրային գործունեության կառույցների և տնտեսվարող սուբյեկտների հանդեպ, դրանց տարածքները զերծ պահելով հնարավոր կուտակումներից, վերահսկում համավարակից պաշտպանվելու միջոցների կիրառման գործընթացը, միջոցներ ձեռնարկելով հայտնաբերված խախտումները ...
Ծովինարի մանկապարտեզի հիմնանորոգման աշխատանքները կշարունակվեն սուբվենցիոն ծրագրի երկրորդ փուլով 11.06.2020
Գեղարքունիքի մարզի Ծովինար համայնքի մանկապարտեզի հիմնանորոգման աշխատանքները, որոնք սկսվել էին նախորդ տարվանից, կշարունակվեն նաեւ այս տարվա ընթացքում, ՀՀ կառավարության կողմից իրականացվող սուբվենցիոն ծրագրերի շրջանակներում: Ինչպես տեղեկացրեցին Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնից, ծրագրի իրականացման ընդհանուր արժեքը կազմում է 40 միլիոն դրամ, որի 65 տոկոսը կամ 26 միլիոն դրամը հատկացնում է ՀՀ կառավարությունը, 35 տոկոսը կամ 14 միլիոն դրամը՝ Ծովինարի համայնքապետարանը: Ծովինար համայնքի ղեկավար Մհեր Մարտոյանի հավաստմամբ՝ շինարարական մրցույթն արդեն հայտարարված է: Հատկացված գումարի շրջանակներում կիրականացվի շենքի ներքին հարդարում: «Նախորդ տարի սուբվենցիոն ծրագրի շրջանակներում աշխատանքները Ծովինարի մանկապարտեզում իրականացվեցին 30 միլիոն դրամի շրջանակներում: Հիմնովին փոխվեցին շենքի տանիքը, դռներն ու պատուհանները: Այս տարի կկատարվեն ներքին հարդարման աշխատանքներ: Մանկապարտեզը կբացվի եւ կգործի 100 երեխայի համար»,-ներկայացրեց համայնքի ղեկավարը:
Սուբվենցիաներ ստանալու նպատակով ծրագրային հայտերի գնահատման միջգերատեսչական հանձնաժողովի 2020 թվականի մայիսի 22-ին կայացած հերթական նիստի ընթացքում քննարկվել և հավանության են արժանացել Գեղարքունիքի մարզի համայնքներից ներկայացրած ևս 20 ծրագրային հայտ: Այդ ցանկում ներառված են Ծովագյուղ համայնքի «Ասֆալտբետոնե ծածկույթի վերանորոգման աշխատանքներ», Լիճք համայնքի «Ա 6 թաղ թիվ 1 փող., Ա 2 թաղ. թիվ 1 և 9 փողոցների ասֆալտապատում», Արծվանիստ համայնքի «Մանկապարտեզի տանիքի վերանորոգում», Ակունք համայնքի «Բարեկամություն /1480մ/ և Շահումյան /120մ/ փողոցների ասֆալտապատում», Ակունք համայնքի «Մշակույթի տան բակի պուրակի բարեկարգում», Ձորագյուղ համայնքի «11-րդ և 12-րդ փողոցների ասֆալտապատում», Մարտունի համայնքի «Երևանյան փողոցի երթևեկելի հատվածի ասֆալտապատում և մայթերի կառուցում», Զովաբեր համայնքի «Ներհամայնքային 1-ին փողոցի ասֆալտապատում» և «Զովաբեր համայնքի խմելու ջրի խողովակաշարի կապիտալ վերանորոգում», Մադինա համայնքի «Թիվ 1,2,4,6,8,9,10 փողոցների արտաքին լուսավորության ցանցի կառուցման շարունակական աշխատանքներ»,
Կարմիրգյուղի մի շարք փողոցներում կկառուցվեն ջրահեռացման առուներ 11.06.2020
Կարմիրգյուղ համայնքի մի շարք փողոցներում ՀՀ կառավարության կողմից իրականացվող սուբվենցիոն ծրագրերի շրջանակներում կկառուցվեն ջրահեռացման առուներ: Ինչպես տեղեկացրեցին Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնից, ծրագրի ընդհանուր արժեքը կազմում է 23 միլիոն 226 հազար դրամ, որի 70 տոկոսը կամ 16 միլիոն 255 հազար դրամը հատկացնում է ՀՀ կառավարությունը, 6 միլիոն 966 հազար դրամը՝ Կարմիրգյուղի համայնքապետարանը: Կարմիրգյուղ համայնքի ղեկավար Հակոբ Գասպարյանի տեղեկացմամբ՝ ջրահեռացման առուները կկառուցվեն 1181 գծամետր երկարությամբ, Ազատության, Հունան Ավետիսյան, Գարեգին Նժդեհ, Հովհաննես Շիրազ եւ Սերգո Ավետիսյան փողոցներում: Ջրահեռացման համակարգը կառուցվելու է երկաթյա խողովակներով կամ կիսախողովակներով: «Ջրահեռացման առուները միաժամանակ ծառայելու են ոռոգման նպատակներով: Դրանք մի կողմից պաշտպանելու են հիմնանորոգվող ճանապարհները քանդվելու եւ հեղեղումների վտանգից, մյուս կողմից էլ ոռոգման ժամանակ նվազագույնի են հասցնում ջրի կորուստները եւ նպաստում, որ մատակարարվող ջուրը տեղ հասնի ավելի ավելի արագ ու խնայողաբար»,-ներկայացրեց համայնքի ղեկավարը:
Գանձակում մեկնարկում է Սիլվա Կապուտիկյան եւ Խաչատուր Աբովյանի փողոցների ասֆալտապատման երկրորդ փուլը 10.06.2020
Գանձակ համայնքի Սիլվա Կապուտիկյան եւ Խաչատուր Աբովյան փողոցների հիմնանորոգման աշխատանքների առաջին փուլն ավարտվել էր նախորդ տարվա ընթացքում, ՀՀ կառավարության կողմից իրականացվող սուբվենցիոն ծրագրերի շրջանակներում: Իսկ երկրորդ փուլի մեկնարկը տրվելու է առաջիկա օրերի ընթացքում: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով ծրագրի ընդհանուր արժեքը կազմել է 75 միլիոն 348 հազար դրամ, որի 60 տոկոսը կամ 45 միլիոն 208 հազար դրամը հատկացրել է ՀՀ կառավարությունը, 40 տոկոսը կամ 30 միլիոն 139 հազար դրամը՝ Գանձակի համայնքապետարանը եւ «Գանձակ» հիմնադրամը: Գանձակի համայնքապետ Արմեն Պողոսյանի տեղեկացմամբ՝ ծրագրի պայմանագրային արժեքը առաջին փուլում կազմել է 34 միլիոն 320 հազար դրամ, երկրորդ փուլում՝ 36 միլիոն 629 հազար դրամ: Ծրագրի իրականացման համար «Գանձակ» հիմնադրամի կողմից կատարված ներդրումը կազմել է 8 միլիոն 690 հազար դրամ: «Նախորդ տարի սույն ծրագրի առաջին փուլի շրջանակներում հիմնանորոգվել է Սիլվա Կապուտիկյան փողոցն ամբողջությամբ՝ 670 գծամետր երկարությամբ:
Գավառ քաղաքում ասֆալտապատվում է երեք փողոց 10.06.2020
Գավառ քաղաքում ՀՀ կառավարության կողմից իրականացվող սուբվենցիոն ծրագրերի շրջանակներում ասֆալտապատվում են Արծրունի եղբայրներ, Դաշտոյան եւ Թումանյան փողոցները: Աշխատանքներն իրականացնող շինարարական կազմակերպության շինարարի հավաստմամբ՝ ծրագրի պայմանագրային արժեքը կազմում է 138 միլիոն 498 հազար դրամ, որի 60 տոկոսը կամ 83 միլիոն 98 հազար դրամը հատկացրել է ՀՀ կառավարությունը, 40 տոկոսը կամ 55 միլիոն 399 հազար դրամը՝ Գավառի համայնքապետարանը: Ծրագիրը մեկնարկել էր նախորդ տարվա ընթացքում եւ ընդհատվել եղանակային անբարենպաստ պայմանների պատճառով: «Քաղաքի համար շատ կարեւոր ծրագիր է իրականացվում: Նշյալ փողոցները հիմնանորոգման չէին ենթարկվել տասնամյակներ շարունակ, դրանց շահագործումն օր օրի դժվարանում էր, տրանսպորտային երթեւեկությունը մեծ դժվարությամբ էր իրականացվում: Շուտով մենք այս հատվածներում կունենանք միանգամայն բարեկարգ ու ժամանակակից փողոցներ»,- նշեցին Գավառի քաղաքապետարանից: Շինարարական աշխատանքները վերսկսվել են այս տարվա ապրիլի կեսերից: Դրանք իրականացնող «Գավառի ՃՇՇ» ԲԲԸ գլխավոր ինժեներ Բաղդասար Նազեյանի տեղեկացմամբ՝ ասֆալտապատվող ճանապարհների
