Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզում պատվաստումները շարունակվում են 14.05.2021
Գեղարքունիքի մարզի համայնքներում և բնակավայրերում գործող առողջության առաջնային պահպանման կենտրոններում շարունակվում են իրականացվել Կորոնավիրուսային հիվանդության դեմ բնակչության պատվաստումները: : Գեղարքունիքի մարզպետարանի առողջապահության և սոցիալական ապահովության վարչության տվյալներով 2021 թվականի մայիսի 13-ի դրությամբ մարզում պատվաստվել է 1606 քաղաքացի, որից 1056-ը՝ «Աստրազենեկա» պատվաստանյութով, իսկ 550 քաղաքացի՝ «Սպուտնիկ Վի» պատվաստանյութով: Առ այսօր պատվաստվողները որևէ գանգատով առողջության առաջնային պահպանման կենտրոններ չեն դիմել:
ՀՀ կառավարության նիստում որոշվեց գումար հատկացնել Ջիլ համայնքում կկառուցվող մոդուլային դպրոցի համար 13.05.2021
ՀՀ կառավարությունը շարունակում է ընդլայնել մարզերում փոքրաքանակ երեխաներով համալրված հանրակրթական դպրոցների մոդուլային շենքերի կառուցման ծրագիրը: ՀՀ Կառավարության 2021 թվականի մայիսի 6-ի նիստում որոշվեց 100 -ական միլիոն դրամ հատկացնել Գեղարքունիքի մարզի Լեռնահովիտ և Շատջրեք համայնքներում նմանատիպ դպրոցների կառուցման աշխատանքների շարունակականությունն ապահովելու համար: Իսկ մայիսի 13-ի ՀՀ կառավարության նիստում որոշվեց ևս 100 միլիոն դրամ հատկացնել՝ Գեղարքունիքի մարզի Ջիլ համայնքում կառուցվող փոքրաքանակ երեխաներով համալրված հանրակրթական դպրոցի մոդուլային շենքի համար: Ըստ նախագծի մոդուլային դպրոցներն ունենալու են մարզադահլիճներ, ուսումնական և օժանդակ կառույցներ, ապաստարաններ, կապահովվեն նոր գույքով և տեխնիկայով: ՀՀ կառավարության նիստին ներկա էր նաև ՀՀ Գեղարքունիքի մարզպետ Գնել Սանոսյանը:
Արցախյան 44-օրյա պատերազմի ընթացքում հանուն հայրենիքի իրենց կյանքը նվիրաբերեցին Մարտունի քաղաքի թիվ 1, 2 հիմնական և ավագ դպրոցների սաներ, ժամկետային զինծառայողներ Արտյոմ Եղոյանը, Արեգ Մկրտչյանը, Ռուբեն Գուլեյանը, Շանթ Թովմասյանը, Էդմոն Հովհաննսյանը, Դերենիկ Օհանյանը, Արամ Աբրահամյանը եւ Հայկ Մկրտչյանը: Հերոսացած տղաների հիշատակի առթիվ մայիսի 11-ին Մարտունու թիվ 2 հիմնական դպրոցում բացվեց նրանց հիշատակն հավերժացնող հուշանկյուն: Արարողությանը մասնակցեցին Գեղարքունիքի մարզպետ Գնել Սանոսյանը, Մարտունու քաղաքապետ Արմեն Ավետիսյանը, ուժային կառույցների աշխատակիցներ, քաղաքի կրթամշակութային հաստատությունների ներկայացուցիչներ, զոհված հերոսների ծնողներ եւ հարազատներ, անհատ քաղաքացիներ: Մարտունու թիվ 2 հիմնական դպրոցի տնօրեն Խանում Ղազարյան. «Մենք այսօր հավաքվել ենք՝ մեր խոնարհումը բերելու մեր սիրելի սաների ծնողներին, որ նման հերոս որդիներ են ծնել: Այս հուշապատը լինելու է ...
Հանրային քննարկում՝ Սևանի ջրավազանային կառավարման պլանի նախագծի վերաբերյալ 12.05.2021
Մայիսի 11-ին Գեղարքունիքի մարզպետարանում տեղի է ունեցել 1-ին հանրային քննարկումը՝ Սևանի ջրավազանային կառավարման պլանի նախագծի վերաբերյալ, որը մշակվել է ԵՄ Ջրային նախաձեռնություններ Պլյուս ծրագրի շրջանակներում: Հանրային քննարկումը կազմակերպվել է «Շրջակա միջավայրի վրա ազդեցության գնահատման և փորձաքննության մասին» համապատասխան օրենքի համաձայն, ինչպես նաև ՀՀ կառավարության համապատասխան որոշմամբ սահմանված կարգով: Այն նախաձեռնել է «Ի ՍԻ Ի Քաուքազուս» ՍՊ ընկերությունը՝ ՀՀ Գեղարքունիքի մարզպետարանի հետ համատեղ: Հանրային քննարկմանը մասնակցել են Գեղարքունիքի մարզպետարանի բնապահպանության և գյուղատնտեսության վարչության, ՀՀ շրջակա միջավայրի նախարարության, շահագրգիռ կառույցների, շահառու և ազդակիր համայնքների ներկայացուցիչներ և ԵՄ Ջրային նախաձեռնություններ Պլյուս ծրագրի հայաստանյան համակարգող Վահագն Տոնոյանը: Սևանի ջրավազանային կառավարման պլանի նախագիծը ներկայացվել է «Ի ՍԻ Ի Քաուքազուս» ՍՊ ընկերության ՇՄԱԳ հարցերով փորձագետ Մատիրոս Նալբանդյանի և կառավարման պլանի նախագծի մշակման պատասխանատու...
Գեղարքունիքի մարզում թշնամու առաջխաղացման լուրը չի համապատասխանում իրականությանը 12.05.2021
Մայիսի 12-ին տարբեր լրատվամիջոցներով տեղեկատվություն տարածվեց, թե իբր թշնամին Վարդենիսի տարածաշրջանի որոշ հատվածներում դիրքերն առաջ է բերել: Հայտնում ենք, որ նշված տեղեկատվությունը չի համապատասխանում իրականությանը: Հակառակորդը այս պահին աշխատանքներ է իրականացնում 2020 թվականի նոյեմբերի 9-ի համաձայնագրով իր վերահսկողության տակ անցած այն հատվածներում, որտեղ ամիսներ առաջ եղանակային պայմանների պատճառով չէր հասցրել դիրքավորվել: Հակառակորդի դիրքավորման ընթացքում ի հայտ եկած կասկածելի հատվածները ճշգրտվում են ՀՀ զինված ուժերի ներկայացուցիչների կողմից: Վստահեցնում ենք, որ իրավիճակը լիովին վերահսկվում է ՀՀ զինված ուժերի կողմից: Խնդրում և հորդորում ենք խոճապի չմատնվել և հետևել միայն պաշտոնական տեղեկատվությանը: ՀՀ Գեղարքունիքի մարզպետարան
«ԿԱՆԱՉ» ՀՄՏՈՒԹՅՈՒՆՆԵՐ ԵՐԻՏԱՍԱՐԴՆԵՐԻ ՀԱՄԱՐ 10.05.2021
Համագործակցելով ՀՀ կրթության, գիտության, մշակույթի և սպորտի նախարարության հետ «Կանայք կլիմայում և էներգետիկայում» հասարակական կազմակերպությունը դեռևս 2020 թվականին մեկնարկել է ՄԱԶԾ-ԳԷՀ Փոքր դրամաշնորհների ծրագրով ֆինանսավորվող ««Կանաչ» հմտություններ երիտասարդների համար» ծրագիրը։ Ծրագրի հիմնական նպատակն է դպրոցներում բարձրացնել իրազեկվածությունը կլիմայի փոփոխության ազդեցության մեղմմանն ուղղված գործողությունների, «կանաչ» տեխնոլոգիաների վերաբերյալ՝ դպրոցականներին մասնակից դարձնելով իրենց դպրոցների էներգաօգտագործման գնահատման, ինչպես նաև շենքերի էներգաարդյունավետության բարձրացման աշխատանքներում։ Ծրագիրն իրականացվում է վեց տարբեր մարզերի 10 դպրոցներում, որոնք ընտրվել են ներկայացված դիմումների հիման վրա՝ սահմանված չափորոշիչներին համապատասխան։ Այս դպրոցների ֆիզիկայի ուսուցիչների համար մշակվել են ուսումնական նյութեր և կազմակերպվել առցանց դասընթացներ ՄԱԿ-ի Զարգացման ծրագրի Կլիմայի փոփոխության ծրագրի, Հայաստանի վերականգնվող էներգետիկայի և էներգախնայողության հիմնադրամի ոլորտային առաջատար...
