Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղհովիտ համայնքը շարունակում է աջակցություն ցուցաբերել Արցախին 23.10.2020
2020 թվականի սեպտեմբերի 27-ից մինչեւ հոկտեմբերի 21-ն ընկած ժամանակահատվածում, արցախաադրբեջանական շփման գոտում ռազմական գործողությունների ծավալումից ի վեր, առաջնագծին օժանդակելու նպատակով Գեղարքունիքի մարզի Գեղհովիտ համայնքի բնակիչների եւ համայնքի աշխատակազմի կողմից Հայաստան Համահայկական հիմնադրամին է փոխանցվելել 1 միլիոն 380 հազար դրամ: Բացի այդ, առանձին բնակիչների տրամադրած նյութական միջոցներով առաջնագիծ է ուղարկվել 610 հազար դրամի սնունդ, 3 500 կիլոգրամ կարտոֆիլ, տրամադրվել է նաև 50 հատ քնապարկ, 5 հատ վառարան, 60 մետր երկաթյա շղթա, 50 զույգ վալինկա և ձեռնոց, առաջին անհրաժեշտության այլ իրեր: Գեղհովիտ համայնքի բնակիչների կողմից օժանդակության գործընթացն առաջնագծին շարունակվում է: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Գեղհովիտ համայնքին՝ մարդասիրական և հայրենանվեր գործունեություն ցուցաբերելու համար:
Ձորագյուղ համայնքը շարունակում է աջակցել առաջնագծին 23.10.2020
2020 թվականի սեպտեմբերի 27-ից մինչեւ հոկտեմբերի 22-ն ընկած ժամանակահատվածում, Արցախաադրբեջանական շփման գծի երկայնքով մեկ բռնկված մարտական գործողությունների ընթացքում, առաջնագծում մարտնչող Հայոց բանակի կարիքների համար Գեղարքունիքի մարզի Ձորագյուղ համայնքը ցուցաբերել է նկատելի աջակցություն: Ձորագյուղի համայնքապետարանը Հայաստան համահայկական հիմնադրամին է փոխանցել 500 հազար դրամ, իսկ համայնքի մի խումբ բարերարների կողմից նույն հիմնադրամին՝ 3 միլիոն 400 000 դրամ և 6000 դոլար: Համայնքի բնակիչ Կարեն Գրիգորյանի կողմից առաջնագծին նվիրաբերվել է «ՈՒԱԶ» մակնիշի 1 ավտոմեքենա, 500 հազար դրամ փոխանցվել է Հայաստան Համահայկական հիմնադրամին, 400 հազար դրամի շրջանակներում հավաքագրվել եւ առաջնագիծ է ուղարկվել սննդի տարբեր տեսակներ, առաջին անհրաժեշտության այլ իրեր: Համայնքի բնակիչների կողմից ևս առաջնագծին տրամադրվել է 600 հազար դրամի սնունդ, դեղորայք, 11 տոննա կարտոֆիլ, պտուղ եւ բանջարեղեն: Աջակցությունն առաջնագծին կրում է շարունակական բնույթ: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Ձորագյուղ համայնքին՝ մարդասիրական և հայրենանվեր գործունեություն ցուցաբերելու համար:
Լճաշեն համայնքի բնակիչները շարունակում են աջակցություն ցուցաբերել առաջնագծին 23.10.2020
2020 թվականի սեպտեմբերի 27-ից մինչեւ հոկտեմբերի 22-ն ընկած ժամանակահատվածում, Արցախաադրբեջանական շփման գծի երկայնքով մեկ բռնկված մարտական գործողությունների ընթացքում, առաջնագծում մարտնչող Հայոց բանակի կարիքների համար Գեղարքունիքի մարզի Լճաշեն համայնքը ցուցաբերել է նկատելի աջակցություն: Համայնքում կամ արտերկրում ապրող լճաշենցիների կողմից հավաքագրվել է շուրջ 17 հազար ԱՄՆ դոլար արժողության սնունդ, 5 հատ գեներատոր, տանիքի ցինկապատ թիթեղ, քնապարկ, հագուստ, զինվորական ներքնաշորեր, անձրևանոցներ, ձմեռային գլխարկներ և ձեռնոցներ, ծածկոցներ և սրբիչներ, 102 զույգ ռեզինե ճտքավոր կոշիկներ, ծխախոտ, առաջին անհրաժեշտության այլ իրեր: Լճաշենի համայնքապետարանը Հայաստան համահայկական հիմնադրամի հաշվին է փոխանցել 1 միլիոն, մանկապարտեզի կոլեկտիվը՝ 100 հազար դրամ: Համայնքի առանձին բնակիչներ անհատապես փոխանցումներ են կատարում Հայաստան Համահայկական հիմնադրամին: Աջակցությունն առաջնագծին կրում է շարունակական բնույթ: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Լճաշեն համայնքին՝ մարդասիրական և հայրենանվեր գործունեություն ցուցաբերելու համար:
Վերին Գետաշեն համայնքը աջակցություն է ցուցաբերում Արցախին 22.10.2020
2020 թվականի սեպտեմբերի 27-ից հոկտեմբերի 19-ն ընկած ժամանակահատվածում, արցախաադրբեջանական շփման գոտում ռազմական գործողությունների ծավալումից ի վեր, առաջնագծին օժանդակելու նպատակով Գեղարքունիքի մարզի Վերին Գետաշեն համայնքի բնակիչների կողմից Հայաստան Համահայկական հիմնադրամին է փոխանցվել 1 միլիոն 700 հազար ռուսական ռուբլի: Առաջնագծի կարիքների համար Վերին Գետաշեն համայնքի բնակիչ, «Շանթ Սեյրան» ՍՊԸ ղեկավար Արմեն Ղուկասյանի կողմից նվիրաբերվել է շտապօգնության «Ուազ» մակնիշի ավտոմեքենա, նույն համայնքից Սարիբեկյան եղբայրների կողմից նվիրաբերվել է շտապօգնության «Ուազ» մակնիշի ավտոմեքենա: Բացի այդ, առանձին բնակիչների տրամադրած նյութական միջոցներով առաջնագիծ է ուղարկվել 25 հազար դոլար արժողության սնունդ, հագուստ, դեղորայք, ծխախոտ, ջուր, սարքավորումներ, առաջին անհրաժեշտության իրեր: Հավաքվել եւ առաջնագծի կարիքների համար տրամադրվել է 10 տոննա կարտոֆիլ, 2 տոննա կաղամբ, շուրջ 1 տոննայի չափ պտուղ եւ այլ գյուղմթերքներ: Օժանդակության գործընթացն առաջնագծին շարունակվում է: Գեղարքունիքի մարզպետարանը,...
Վարսեր համայնքը աջակցություն է ցուցաբերում առաջնագծին 22.10.2020
Արցախին, առաջնագծին և Արցախից Գեղարքունիքի մարզ տեղափոխված ընտանիքներին աջակցություն ցուցաբերելու նպատակով Վարսեր համայնքի բնակիչների կողմից հավաքագրվել է 2 միլիոն 327 հազար դրամ, 135000 ռուբլի և 500 եվրո, որից 2 մլն 500 000 դրամի շրջանակներում ձեռք է բերվել և առաջնագծին է նվիրաբերվել ՎԻԼԻՍ մակնիշի 1 ավտոմեքենա, իսկ Վարսեր համայնքի բնակիչ Աշոտ Ալավերդյանի կողմից նվիրաբերվել է ՈՒԱԶ մակնիշի 1 ավտոմեքենա: Օժանդակության գործընթացն առաջնագծին շարունակվում է: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Վարսեր համայնքին՝ մարդասիրական և հայրենանվեր գործունեություն ցուցաբերելու համար:
Առաջնագծին օգնում է նաև Զովաբեր համայնքը 21.10.2020
Արցախյան պատերազմի ընթացքում առաջնագծին և Արցախին օգնել են Զովաբերի համայնքապետարանը, համայնքի բնակչությունը և արտերկրում բնակվող զովաբերցիները: Ռուսաստանաբնակ զովաբերցիները հանգանակել և համայնք են ուղարկել 3 միլիոն 548 հազար դրամ, որից 1 միլիոն դրամ փոխանցվել է Հայաստան Համահայկական հիմնադրամի հաշվեհամարին, 1 միլիոն 590 հազար դրամ տրվել է ժամկետային զինծառայողների, պահեստազորային զորակոչվածների և կամավորների 53 ընտանիքներին, յուրաքանչյուրին՝ 30 000-ական դրամի չափով, իսկ 958 հազար դրամի շրջանակներում գնվել և առաջնագիծ է ուղարկվել սննդամթերք, դեղորայք, քնապարկեր, հագուստ, ծխախոտ, մարտկոց, զինվորական ներքնաշոր և այլ ապրանքներ: Առաջնագծին սնունդ, հագուստ և անվադողեր է ուղարկվել նաև Զովաբեր համայնքի բնակիչների ներդրումների հաշվին: Համայնքի կողմից առաջնագծին ցուցաբերող օգնությունը կրում է շարունակական բնույթ: Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում ...
