Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզպետարանի հիմնադրման 25-ամյակի առթիվ օգոստոսի 2-ին Գեղարքունիքի մարզպետ Գնել Սանոսյանը շնորհավորեց և ՀՀ Գեղարքունիքի մարզպետի շնորհակալագրով խրախուսեց մարզպետարանի այն աշխատակիցներին, ովքեր 1996 թվականից աշխատում են Գեղարքունիքի մարզպետարանում: «Շնորհավորում եմ Գեղարքունիքի մարզպետարանի այն աշխատակիցներին, ովքեր կանգնած են մարզպետարանի հիմնադրման ակունքներում: Դուք ձեր գործունեությամբ այս տարիների ընթացքում հսկայածավալ աշխատանք եք իրականացրել և համարվում եք մարզի ձևավորման, տարբեր գործընթացների իրականացման պատմության վկաները: Համոզված եմ, որ այս տարիների ընթացքում ձեր փորձն ու գիտելիքները փոխանցել եք ձեր նոր գործընկերներին և դեռ կշարունակեք այն իրականացնել: Ձեզ շնորհավորում եմ և հաջողություն ցանկանում»,- նշեց Գնել Սանոսյանը: ՀՀ Գեղարքունիքի մարզպետի N397-2021 որոշման համաձայն Հայաստանի Հանրապետության Գեղարքունիքի մարզպետարանի ստեղծման 25 ամյակի առթիվ և երկարամյա ու անբասիր ծառայության համար Հայաստանի Հանրապետության Գեղարքունիքի մարզպետի շնորհակալագրով և ....
Գնել Սանոսյանը նշանակվել է ՀՀ տարածքային կառավարման և ենթակառուցվածքների նախարար 03.08.2021
ՀՀ կառավարության 2021թ օգոստոսի 2-ի N 1251-Ա որոշմամբ Գնել Սանոսյանն ազատվել է Հայաստանի Հանրապետության Գեղարքունիքի մարզպետի պաշտոնից՝ ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» Հայաստանի Հանրապետության օրենքի 6- րդ հոդվածի 1- ին մասով։ ՀՀ նախագահ Արմեն Սարգսյանի՝ ՆՀ-205-Ա հրամանագրով Գնել Սանոսյանը նշանակվել է Հայաստանի Հանրապետության տարածքային կառավարման և ենթակառուցվածքների նախարար՝ հիմք ընդունելով վարչապետի առաջարկությունը՝ համաձայն Սահմանադրության 150- րդ հոդվածի։
Վթարային ջրանջատում Գեղարքունիքի մարզում հուլիսի 29/30-ին 29.07.2021
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ս.թ. հուլիսի 29-ին ժամը 22.00-ից մինջև հուլիսի 30-ը ժամը 22:00-ն կդադարեցվի Գեղարքունիքի մարզի Ծովազարդ, Բերդկունք, Հայրավանք, Լճափ, Չկալովկա, Նորաշեն և Լճաշեն գյուղերի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: 29.07.2021թ. «Վեոլիա Ջուր» ՓԲԸ
Մարտունու բժշկական կենտրոնը վերազինվել է ռենտգեն նորագույն սարքով 28.07.2021
Առողջապահության համաշխարհային կազմակերպության նվիրատվությամբ Մարտունու բժշկական կենտրոնը համալրվեց մոտ 250 հազար եվրո արժողությամբ նորագույն և բազմաֆունկցիոնալ ռենտգեն սարքով, որն արդեն տեղադրվել է բժշկական կենտրոնի ռենտգեն բաժանմունքում: Կաբինետի բացման արարողությանը և ռենտգեն սարքավորման գործարկմանը ծանոթանալու նպատակով հուլիսի 27-ին ՀՀ Գեղարքունիքի մարզպետ Գնել Սանոսյանի ուղեկցությամբ Մարտունու բժշկական կենտրոն այցելեցին ՀՀ առողջապահության նախարարի պաշտոնակատար Անահիտ Ավանեսյանը, Եվրամիության դեսպան Անդրեա Վիկտորին, ՄԱԿ-ի մշտական համակարգող Շոմբի Շարփը, ԱՀԿ հայաստանյան գրասենյակի ժամանակավոր ներկայացուցիչ Ջենիֆեր Քոլինսը, պատասխանատու այլ աշխատակիցներ: Ինչպես ներկայացրեց Մարտունու ԲԿ տնօրեն Անդրանիկ Հարությունյանը, բժշկակական կենտրոնի միջոցների հաշվին նախօրոք հիմնանորոգվել է ռենտգեն կաբինետը և վերապատրաստվել է բուժանձնակազմը։ «Ռենտգեն նորագույն սարքի գործարկմամբ մենք եւս մեկ քայլ առաջ ենք կատարում դեպի բուժսպասարկման որակի բարձրացում, առաջընթաց ու զարգացում։ Այն մի կողմից ...
Վարսեր համայնքում շահագործման հանձնվեց հիմնանորոգված մանկապարտեզը 27.07.2021
8-ամյա դադարից հետո Վարսերի հիմնանորոգված մանկապարտեզն իր դռները բացեց փոքրիկ վարսերցիների առջև: Մանկապարտեզի հիմնանորոգման մեկնարկը տրվել է 2019 թվականին, որի ընթացքում փոխվել է տանիքը, դռներն ու պատուհանները, իսկ 2020-21 թվականներին այստեղ իրականացվել են ներքին հարդարման,գույքի ձեռքբերման և շենքի արտաքին տարածքների բարեկարգման աշխատանքներ: Եռամյա ծրագիրն իրականացվել է ՀՀ կառավարության կողմից իրականացվող սուբվենցիոն ծրագրերի շրջանակներում, որի համար ծախսվել է շուրջ 150 միլիոն դրամ: Ծրագիրը 65 տոկոսով կամ մոտ 93 միլիոն դրամով ֆինանսավորել է ՀՀ կառավարությունը, իսկ 35 տոկոսով կամ մոտ 53 միլիոն դրամով՝ Վարսերի համայնքապետարանը: Հուլիսի 26-ին հանդիսավոր պայմաններում տեղի ունեցավ մանկապարտեզի բացման արարողությունը, որին ներկա էր Գեղարքունիքի մարզպետ Գնել Սանոսյանը, համայնքների ղեկավարներ, հյուրեր, վարսերցիներ: Միջոցառման ընթացքում ելույթ ունեցողները շնորհավորեցին միմյանց, համայնքի բնակիչներին և հատկապես համայնքի փոքրիկներին՝ Վարսերում արդի չափորոշիչներին համապատասխան մանկապարտեզ...
Գեղարքունիքի մարզում պատվաստումային գործընթացը շարունակվում է 27.07.2021
COVID-19-ի դեմ պատվաստումների մեկնարկից ի վեր հուլիսի 26-ի դրությամբ Գեղարքունիքի մարզում կատարվել է 11 729 պատվաստում, որից առաջին դեղաչափ` 8341, երկրորդ դեղաչափ` 3388։ Պատվաստվել են ՀՀ Գեղարքունիքի մարզպետարանի աշխատակիցների 90 տոկոսը և մարզի բուժաշխատողների 70 տոկոսը:
