Նորություններ
Հերթական նիստում քննարկվեցին կորոնվիրուսի դեմ իրականացվող միջոցառումների ընթացքին վերաբերող հարցեր 25.03.2020
Երկրի մակարդակով կորոնավիրուսային վարակի բերովի դեպքով (COVID -19) պայմանավորված, Գեղարքունիքի մարզպետարանում մարտի 24-ին անցկացվեց հերթական նիստը, որին մասնակցում էին մարզում արտակարգ իրավիճակների արձագանքման նպատակով ձևավորված աշխատանքային թիմի և վիրուսի կանխարգելմանն ուղղված տարաբնույթ միջոցառումների իրականացման նպատակով ձևավորված մասնագիտական թիմերի ղեկավարները: Նիստն անցկացնում էր Գեղարքունիքի մարզպետ Գնել Սանոսյանը: Նիստին մասնակցում էին Գեղարքունիքի մարզպետի տեղակալ Նարեկ Գրիգորյանը և մարզպետարանի գլխավոր քարտուղար Սևակ Խլղաթյանը: Աշխատանքային թիմի անդամները առանձին - առանձին զեկուցեցին մարզում տիրող իրավիճակի, իրենց ոլորտներում և մասնագիտական թիմերի կողմից կատարված հանձնարարականների մասին, ստացան նոր առաջադրանքներ: Բժշկական մասնագիտական թիմի ղեկավար, մարզպետարանի ԱՍԱ վարչության պետ Լուսինե Վարդանյանի զեկուցմամբ՝ մարզում իրավիճակը վերահսկելի է, տարբեր տարածաշրջաններում կան արտերկրից ժամանած քաղաքացիներ, որոնք գտնվում են ինքնամեկուսացման մեջ և վերահսկվում են ...
Պարետի որոշում 25.03.2020
Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թվականի մարտի 16-ի թիվ 298-Ն որոշմամբ՝ մինչև 2020 թվականի մարտի 31-ը՝ ժամը 23:59-ը՝ 1. Հայաստանի Հանրապետության ամբողջ տարածքում սահմանափակել մարդկանց ազատ տեղաշարժվելու իրավունքը և սահմանել անձանց պարտադիր ինքնամեկուսացում իրենց մշտական բնակության կամ իրենց նախընտրությամբ մեկ այլ վայրում՝ այլ անձանց հետ անմիջական շփումը սահմանափակելու և վարակի հնարավոր տարածումը կանխելու նպատակով 2. Սահմանել սույն որոշման 1-ին կետի պահանջի հետևյալ բացառությունները՝ 1) Պարետի՝ 2020 թվականի մարտի 24-ի N 14 չարգելված տնտեսական գործունեության տեսակների տնտեսվարող սուբյեկտների աշխատակիցների և Պարետի՝ 2020 թվականի մարտի 24-ի N 15 որոշմամբ սահմանված կարգով աշխատավայրում գտնվելու իրավունք ունեցող անձանց աշխատանքի վայր մեկնելը և վերադառնալը՝
Տեղեկացում 25.03.2020
Հարգելի՛ քաղաքացիներ, տեղեկացնում ենք, որ երկրում նոր տեսակի կորոնավիրուսի տարածումը կանխելու նպատակով հայտարարված արտակարգ դրությունով պայմանավորված՝ Գեղարքունիքի մարզում չեն գործում ✅ Երևան-Գավառ - Երևան ✅ Երևան-Մարտունի - Երևան ✅ Երևան-Սևան-Երևան ✅ Երևան-Ճամբարակ - Երևան ✅ Երևան-Վարդենիս - Երևան ուղղություններով ուղևորափոխադրում իրականացնող տրանսպորտային միջոցները։ ❗️Չի աշխատում նաև ներմարզային և ներհամայնքային հասարակական տրանսպորտը։ Որոշակի սահմանափակումներ կան տաքսի ծառայությունների հետ կապված. նրանց թուլատրվում է իրականացնել ուղևորափոխադրումներ պայմանով, որ տրանսպորտի մեջ, բացի վարորդից, լինի ընդամենը մեկ ուղևոր: Գեղարքունիքի մարզպետարան
Թունելային ջրատարով Սեւանա լիճ է տեղափոխվել 29 միլիոն 637 հազար խորանարդ մետր ջուր 25.03.2020
2020 թվականի հունվարի 9-ից մինչեւ մարտի 24-ն ընկած ժամանակահատվածում Արփա-Սեւան թունելային ջրատարով Սեւանա լիճ է տեղափոխվել 29 միլիոն 637 հազար խորանարդ մետր ջուր: Ինչպես տեղեկացրեցին ՀՀ ԱԻՆ «Հայհիդրոմետ» ծառայությունից, 2020 թվականի մարտի 24-ի դրությամբ Սեւանա լիճը ծովի մակարդակից գտնվել է 1900 մետր 45 սանտիմետր բարձրության վրա, ինչը 1 սանտիմետրով բարձր է նախորդ տարվա նույն օրվա նիշից: Սեւան թափվող գետերում առաջիկա օրերին ջրի ելքերի էական ավելացում չի սպասվում:
Երկրի մակարդակով կորոնավիրուսային վարակի բերովի դեպքով (COVID -19) պայմանավորված, դեռևս մարտի 12-ին, ՀՀ Գեղարքունիքի մարզպետ Գնել Սանոսյանի համապատասխան որոշմամբ, ստեղծվեց աշխատանքային թիմ, որն իրականացնում է մարզում վիրուսի կանխարգելմանն ուղղված տարաբնույթ միջոցառումներ: Սակայն, հաշվի առնելով աշխատանքային ծանրաբեռնվածությունը, մարզում արտակարգ իրավիճակների արձագանքման նպատակով ՀՀ Գեղարքունիքի մարզպետի՝ մարտի 23-ի համապատասխան որոշմամբ մարզպետարանում ձևավորվեց մարզային աշխատանքային թիմին աջակցող մասնագիտական յոթ թիմ: Թիմերի կազմավորման և նրանց գործունեության վերաբերյալ Գեղարքունիքի մարզպետը քննարկում անցկացրեց մարտի 23-ի երեկոյան հրավիրված հերթական նիստի ընթացքում: Նիստին մասնակցում էր նաև Գեղարքունիքի մարզպետի տեղակալ Նարեկ Գիրգորյանը: Հանդիպման մասնակից մասնագիտական թիմերի ղեկավարները մարզպետին զեկուցեցին շուկայի գների մշտադիտարկման, առաջին անհրաժեշտության պարենային և ոչ պարենային ապրանքների ձեռքբերման, գյուղատնտեսական մշակաբույսերի և կենդանիների պաշտպանության, ուղևորափոխադրումներ
Գեղարքունիքի մարզում մարտի 20-ին ծնվել են երկու ընտանիքների 9-րդ և 10-րդ երեխաները 24.03.2020
Շրջանցելով կորոնավիրուսի դեմ պայքարի միջոցառումների վերաբերյալ զանազան տեղեկությունները, Գեղարքունիքի մարզի բուժհիմնարկները տրամադրել են ուրախալի երկու լուր: Գեղարքունիքի մարզի Մարտունու և Վարդենիսի ծննդատներում այս օրերին լույս աշխարհ են եկել երկու ընտանիքների 9-րդ և 10-րդ երեխաները: Մարտի 20-ին Մարտունու ծննդատանը լույս աշխարհ է եկել Մարտունի քաղաքի բնակիչ, 1979 թվականին ծնված Աիդա Հարությունյանի 9-րդ երեխան, նա տղա է: Իսկ նույն օրը Վարդենիսի հիվանդանոցի ծննդաբերական բաժանմունքում, Նորակերտ համայնքի բնակիչ Գայանե Գրիգորյանը ունեցել է իր 10-րդ երեխային, ով ընտանիքի 8-րդ աղջիկն է: Բժիշկները երկու նորածինների վիճակն էլ գնահատում են լավ, նրանք առողջ են և ունեն նորմալ քաշ: