Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
2022 թվականին Գեղարքունիքի մարզից աննախադեպ բարձր արժեքներով սուբվենցիայի ծրագրեր են ներկայացվում 26.05.2022
Համեմատելով 2019-2021 թվականներին իրականացված սուբվենցիայի ծրագրերի քանակը և կարևորը՝ դրանց արժեքները, 2022 թվականին համայնքների միավորումից հետո ներկայացված սուբվենցիայի նախնական հայտերի հետ, կարելի է արձանագրել, որ մարզերից աննախադեպ բարձր արժեքներով սուբվենցիայի ծրագրեր են ներկայացվում։ Գեղարքունիքի մարզը համայնքների միավորումից հետո ներկայացրել է 12,96 մլրդ դրամ ընդհանուր արժեքով սուբվենցիայի ծրագիր, երբ՝ 2021-ին՝ 3,69 մլրդ դրամի, 2020 թվականին՝ 4,74 մլրդ դրամի 2019 թվականին 4,438 մլրդ դրամի ծրագիր էր ներկայացվել։ Այսպիսով, կարող ենք արձանագրել, որ համայնքների միավորման պետության քաղաքականությունը ճիշտ ուղղությամբ է ընթանում։
Գեղարքունիքի մարզպետը քաղաքացիների հերթական ընդունելությունն անցկացրեց Մարտունի համայնքում 25.05.2022
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` 2022 թվականի մայիսի 25-ին Գեղարքունիքի մարզպետ Կարեն Սարգսյանը Մարտունի համայնքում կատարեց քաղաքացիների ընդունելություն։ Քաղաքացիները մարզպետին դիմեցին սոցիալ-տնտեսական տարաբնույթ խնդիրների կարգավորման հարցում անհրաժեշտ աջակցություն ստանալու ակընկալիքով, մասնավորապես հողի սեփականության իրավունքի ձեռքբերման և դրա հետ կապված գործարքների իրականացման, քաղաքաշինական, բնակարանների տանիքների և ենթակառուցվածքների հիմնանորոգմանն աջակցելու, աշխատանքային և այլ բնույթի խնդիրների համար: Դիմումատուների մի մասի խնդրանքը տեղում բավարարվեց,իսկ մնացած դիմումները հաշվառվեցին մարզպետարանում, որոնց պատասխանները կտրվեն օրենքով սահմանված կարգով և ժամկետներում՝ լրացուցիչ ուսումնասիրություն կատարելուց հետո:
Գեղարքունիքի մարզի Մարտունի համայնքի Աստղաձոր գյուղում վերջին երկու տարիների ընթացքում կառուցվել եւ արդեն շահագործման է հանձնվել 15,9 մեգավատտ ընդհանուր հզորության արեւային ֆոտովոլտային 3 կայան։ Մայիսի 25-ին կայաններ այցելեցին եւ իրականացված աշխատանքներին ծանոթացան Գեղարքունիքի մարզպետ Կարեն Սարգսյանը եւ Մարտունի համայնքի ղեկավար Հովհաննես Հովեյանը։ Ինչպես ներկայացրեց արեւային ֆոտովոլտային կայանների համահիմնադիր Արմեն Ղարիբյանը, «Ա-Ս Էներջի» ՍՊԸ-ին պատկանող արեւային կայանի դրվածքային հզորությունը կազմում է 5050 կիլովատտ ժամ, որի կառուցման համար ներդրվել է 3 միլիոն 420 հազար ԱՄՆ դոլար։ Կայանը զբաղեցնում է 7 հեկտար հողատարածք։ Այն գտնվում է Աստղաձորի հյուսիսային հատվածում, Սեւանա լիճը գոտեւորող անտառի հարեւանությամբ։ Նույն տարածքում է գտնվում նաեւ երկրորդ կայանը, որը պատկանում է «Բարի Արեւ» ՍՊԸ-ին։ Կայանի դրվածքային հզորությունը կազմում է 5600 կիլովատտ․․․
Համաշխարհային բանկի ֆինանսավորմամբ «Հիվանդությունների կանխարգելում և վերահսկում» վարկային ծրագրի շրջանակներում ՀՀ ԱՆ «Առողջապահական ԾԻԳ» պետական հիմնարկի կողմից Մարտունի քաղաքում 2020 թվականի ամռանը մեկնարկել և ընթացքի մեջ են բժշկական կենտրոնի նոր շենքի կառուցման աշխատանքները։ Մայիսի 23-ին Գեղարքունիքի մարզպետ Կարեն Սարգսյանը բժշկական կենտրոնի տնօրեն Անդրանիկ Հարությունյանի և շինարարության պատասխանատուների ուղեկցությամբ եղավ բժշկական կենտրոնի նոր շենքի շինհրապարակում, ծանոթացավ շինարարական աշխատանքներին, նրանց հետ քննարկեց դրանց ընթացքին վերաբերող բազմաթիվ հարցեր, հանդես եկավ դիտարկումներով և առաջարկություններով։ Բժշկական նորակառույց ու արդի բուժսարքավորումներով հագեցած կենտրոնն ունենալու է 55 մահճակալ՝ չհաշված հեմոդիալիզ իրականացնող ծառայության մահճակալները: Կառուցվելու է 1 ընդհանուր մասնաշենք՝ 6 բաժիններով: Նորակառույց ԲԿ-ում գործելու են ընդունարան, շտապ օգնության կայան...
Գեղարքունիքում` ցածրարժեք մշակաբույսերից անցում դեպի առավել բարձրարժեք մշակաբույսերի արտադրությանը 23.05.2022
Գեղարքունիքի մարզի մի շարք բնակավայրերում Գերմանիայի միջազգային համագործակցության ընկերության կողմից իրականացվող «EU4Sevan» ծրագրի «Գեղարքունիքի մարզում նոր մշակաբույսերի ուսուցման, մշակման եւ տարածման փորձի ընդլայնում» ենթածրագրի շրջանակներում արմատավորվում է բրոկկոլիի մշակությունը։ Գեղարքունիքի մարզում ի թիվս այլ ծրագրերի ՝ այդ ծրագրի իրականացմամբ և զարգացմամբ զբաղվում է «Համայնքի զարկերակ» հասարակական կազմակերպության նախագահ Արտուշ Խաչատրյանը, ով Գեղարքունիքի մարզպետ Կարեն Սարգսյանին ներկայացրեց ծրագրի հեռանկարները, նշելով, որ բրոկկոլիի մշակման ծրագրի մեկնարկը մարզում տրվել է 2021 թվականին։ Ծրագրի շահառու են դարձել Վարդենիս քաղաքի, Ծովակ, Վարդենիկ, Զոլաքար գյուղերի 30 տնտեսություն։ Յուրաքանչյուր տնտեսություն սածիլում կատարել է 0,07 հեկտար տարածքի վրա։ «Սածիլները, օրգանական բուժանյութերը եւ պարարտանյութերը տրամադրվել են մեր կողմից։ Շահառուներին տվել ենք համապատասխան գիտելիքներ,․․․
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 23.05.2022
Մայիսի 23-ին Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը։ Մարզպետարանի ստորաբաժանումների ղեկավարները զեկուցեցին նախորդ խորհրդակցության ժամանակ տրված հանձնարարականների կատարման ընթացքի մասին։ Զեկուցվող հարցերն առնչվում էին համայնքների բյուջեների սեփական եկամուտների հավաքագրման ցուցանիշների բարելավման, միջպետական եւ հանրապետական նշանակության ճանապարհային գոտիները չաղտոտելու նպատակով անցկացվող մշտադիտարկումների եւ կանխարգելման, մարզի գյուղացիական տնտեսություններին ազոտական, կալիումական եւ ֆոսֆորական պարարարտանյութերի մատակարարման գործընթացին օժանդակելու, վարձակալությամբ տրվող վարելահողերի, արոտների եւ խոտհարքերի նպատակային օգտագործման, մարզի հանրակրթական դպրոցներում ներդրված ներառական կրթության ընդհանուր վիճակի ուսումնասիրման, համավարակի եւ մանկական հիվանդությունների դեմ պատվաստումների, գյուղոլորտում ներդրումային ծրագրերի իրականացման ընթացքի, Վարդենիսի հիվանդանոցի...
