Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզի փրկարարները պարգևատրվեցին մասնագիտական տոնի առթիվ 04.09.2025
Սեպտեմբերի 4-ին Գավառի կենտրոնական հրապարակում նշվեց «Փրկարարի օրը», որին մասնակցում էին Գեղարքունիքի մարզպետի աշխատակազմի և Գավառի համայնքապետարանի, ՆԳՆ ՓԾ մարզային վարչության ներկայացուցիչներ, դպրոցականներ։ Միջոցառման ընթացքում մարզպետի տեղակալ Ջանիկ Բազեյանը հանդես եկավ շնորհավորական խոսքով՝ ընդգծելով փրկարարների դերը համայնքների անվտանգության ապահովման գործում. «Ձեր աշխատանքը պահանջում է ոչ միայն գիտելիք ու հմտություն, այլ նաև անձնուրացություն, համբերություն և համարձակություն։ Ձեր նվիրվածությունն ու արհեստավարժ աշխատանքը քաղաքացիների անվտանգության հենասյունն են»։ Մասնագիտական տոնի կապակցությամբ մի խումբ փրկարարներ պարգևատրվեցին Գեղարքունիքի մարզպետի շնորհակալագրերով։ Գավառ համայնքի ղեկավարի կողմից ևս շնորհվեցին պատվոգրեր և շնորհակալագրեր, որոնք հանձնեց համայնքի ղեկավարի տեղակալ Գրիգոր Բոշյանը։ Պաշտոնական հատվածից հետո միջոցառմանը ներկա դպրոցականները շփվեցին փրկարարների հետ, ծանոթացան նրանց աշխատանքին և հրշեջ-փրկարարական տեխնիկային։․․․
Գավառ-Գեղարքունիք ճանապարհը նոր շունչ է ստանում 04.09.2025
Գեղարքունիքի մարզպետ Կարեն Սարգսյանը Գավառ համայնքի ղեկավար Գուրգեն Մարտիրոսյանի հետ կատարած աշխատանքային շրջայցի շրջանակներում այցելել է Գավառ-Գեղարքունիք ավտոճանապարհի Սարուխանի հատված, որտեղ ծանոթացել է կամրջի շինարարության ընթացքին։ 2023 թվականի հոկտեմբերից մեկնարկած հիմնանորոգման աշխատանքներն արդեն ավարտված են շուրջ 89 տոկոսով։ Մարզային նշանակության այս ճանապարհի 12.9 կմ երկարությամբ հատվածում տեղադրվում է խճավազային և ավազակոպճային հիմք, նոր երկշերտ ասֆալտբետոնյա ծածկ, կառուցվում են մայթեր և ջրահեռացման համակարգ՝ երկաթբետոնե ծածկված վաքերով։ Ծրագրի շրջանակում կառուցվում են նաև Սարուխանի և Լանջաղբյուրի հատվածների վթարային վիճակում գտնվող կամուրջները։ Լանջաղբյուրի կամրջի շինարարությունն արդեն ավարտվել է, իսկ Սարուխանում ավարտվել են հիմքերի և հենապատերի կառուցման աշխատանքները, առաջիկայում կտեղադրվի նաև կամրջի ծածկը։․․․
ՀՀ կառավարության 2025 թվականի սեպտեմբերի 4-ի հերթական նիստում որոշում է կայացվել 561 միլիոն 685, 5 հազար դրամ հատկացնել Գեղարքունիքի մարզի վեց կրթահամալիրների և մեկ դպրոցի կառուցման համար։ Այդ թվում․ 209 միլիոն 469,7 հազար դրամ՝ Շատվանի հրթահամալիրի 74 միլիոն 413,4 հազար դրամ՝ Կախակնի կրթահամալիրի 76 միլիոն 668,7 հազար դրամ՝ Արեգունու կրթահամալիրի 92 միլիոն 252,5 հազար դրամ՝ Փոքր Մասրիկի կրթահամալիրի 95 միլիոն 254,4 հազար դրամ՝ Մաքենիսի կրթահամալիրի 1 միլիոն 664,1 հազար դրամ՝ Մադինայի կրթահամալիրի 11 միլիոն 962,7 հազար դրամ՝ Գավառի թիվ 5 հիմնական դպրոցի շենքի կառուցման համար։
Հացառատ թաղամասում տասնամյակների խնդիրը շուտով կլուծվի․ նոր կոյուղագիծ՝ ավելի քան 400 բնակչի համար 03.09.2025
Գեղարքունիքի մարզպետ Կարեն Սարգսյանը և Գավառ համայնքի ղեկավար Գուրգեն Մարտիրոսյանը այցելել են Գավառ քաղաքի Հացառատ թաղամաս՝ հետևելու կոյուղագծի կառուցման աշխատանքներին։ Ծրագիրն իրականացվում է ՀՀ կառավարության կողմից իրականացվող Հրատապ ծրագրերի շրջանակում՝ պետական բյուջեի միջոցներով։ Պայմանագրային արժեքը՝ 43.3 մլն դրամ Կառուցվում է 805 գծամետր երկարությամբ նոր կոյուղագիծ Նախատեսվում է 100-110 տնային միացումներ Աշխատանքների արդյունքում կլուծվի թաղամասի ավելի քան 400 բնակչի բազմամյա խնդիրն ու կկարգավորվի ջրահեռացման համակարգը։ Շինարարությունը մեկնարկել է 2025 թ․ օգոստոսի առաջին տասնօրյակում և նախատեսվում է ավարտել հոկտեմբերին։ «Այս ծրագիրը ոչ միայն ենթակառուցվածքային կարևոր նախաձեռնություն է, այլև սոցիալական արդարության հարց․ Այսօր լուծում ենք տալիս կենսական կարևոր մի խնդրի։ Մեր առաջնահերթություններից է՝ համայնքների զարգացումը դարձնել տեսանելի և շոշափելի յուրաքանչյուր բնակչի համար»,- նշել է մարզպետ Կարեն Սարգսյանը։ Հացառատի կոյուղագծի կառուցումը հերթական քայլն է դեպի բարեկարգ և արժանապատիվ համայնքային կյանք։
Կրթական հաստատություններին սպասարկող ենթակառուցվածքների բարեկարգումը մեր առաջնահերթություններից է 02.09.2025
Բերդկունք կատարած աշխատանքային այցի շրջանակում Գեղարքունիքի մարզպետ Կարեն Սարգսյանը և Գավառ համայնքի ղեկավար Գուրգեն Մարտիրոսյանը դիտարկել են նորակառույց մանկապարտեզ տանող ճանապարհի հիմնանորոգման ընթացքը։ Ծրագրի շրջանակում նախատեսվում է․ Հիմնանորոգել Սևան-Գավառ-Մարտունի մայրուղուց դեպի մանկապարտեզ տանող մարզային նշանակության ճանապարհը՝ 750 գծամետր երկարությամբ 5100 քմ մակերեսով Կառուցել միակողմանի մայթ և ջրահեռացման համակարգ Տեղադրել բազալտե եզրաքարեր Ծրագրի արժեքը՝ 77.5 միլիոն դրամ, ամբողջությամբ ֆինանսավորվում է պետական բյուջեից։ Շինաշխատանքները մեկնարկել են հուլիսի երրորդ տասնօրյակում և նախատեսվում է ավարտել հոկտեմբերին։ Այս պահին աշխատանքներն իրականացված են շուրջ 35%-ով։ Մարզպետը նշել է, որ կրթական հաստատություններին սպասարկող ենթակառուցվածքների բարեկարգումը առաջնահերթություն է, քանի որ այն ոչ միայն ապահովում է երեխաների անվտանգ ու հարմարավետ ճանապարհը դեպի կրթություն, այլև նպաստում է համայնքի համաչափ զարգացմանը։
Նոր շունչ Հացառատ թաղամասին․ Պետրովի փողոցը հիմնանորոգվում է մեծ թափով 02.09.2025
Գեղարքունիքի մարզպետ Կարեն Սարգսյանը և Գավառ համայնքի ղեկավար Գուրգեն Մարտիրոսյանը շրջեցին Գավառի Հացառատ թաղամասում՝ տեղում դիտարկելով Պետրովի փողոցի հիմնանորոգման ընթացքը։ Այցի ընթացքում նրանց ուղեկցում էին Գեղարքունիքի մարզպետի աշխատակազմի և Գավառի համայնքապետարանի քաղաքաշինության պատասխանատուները։ Ծրագրի պայմանագրային արժեքը՝ 229 միլիոն դրամ, որից 50%-ը տրամադրել է ՀՀ կառավարությունը, իսկ մնացած 50%-ը՝ Գավառի համայնքապետարանը։ Նախատեսված աշխատանքները ներառում են․ 1231 մ երկարությամբ և 8538 քմ մակերեսով երթևեկելի մասի ասֆալտապատում 2119 քմ մակերեսով մայթերի սալարկում 1374 գմ բազալտե եզրաքարերի տեղադրում 320 գմ ջրահեռացման վաքերի կառուցում 325 գմ ջրահեռացման ներքին ցանցի կառուցում Աշխատանքների ավարտից հետո նախատեսվում է իրականացնել ճանապարհի գծանշում և կահավորում՝ ապահովելու համար երթևեկության անվտանգությունն ու հարմարավետությունը։ Շինարարությունը մեկնարկել է 2025թ.-ի հուլիսին և այս պահի դրությամբ իրականացվել է արդեն շուրջ 70 տոկոսով։ Այս ծրագիրը կարևոր քայլ է դեպի առավել բարեկարգ ու ժամանակակից Գավառ։
