Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանը մշտադիտարկում անցկացրեց Գավառի Ա․ Թամամշևի անվան պետական գյուղատնտեսական քոլեջի նորակառույց շենքի շինհրապարակում։ Նրան ուղեկցում էին Գեղարքունիքի մարզպետի տեղակալ Ջանիկ Բազեյանը, Գեղարքունիքի մարզպետի աշխատակազմի ՔՀ և ԵԿ վարչության պետ Սասուն Սահակյանը։ Կարեն Սարգսյանը զրուցեց պատվիրատու կազմակերպության՝ ՀՀ Քաղաքաշինության կոմիտեի ներկայացուցիչների և շինարարների հետ, ծանոթացավ աշխատանքների ընթացքին, շահագրգիռ կառույցների հետ տեղում քննարկեց որոշակի հարցեր։ Գավառի Ա․ Թամամշևի անվան պետական գյուղատնտեսական քոլեջի նոր շենքի կառուցումը, որը մեկնարկել է 2023 թվականի վերջից, իրականացվում է պետբյուջեի միջոցներով։ Ծրագրի պայմանագրային արժեքը կազմում է 1 միլիարդ 307 միլիոն 531 հազար դրամ։ Ծրագրով նախատեսվում է կառուցել 1132 քառակուսի մետր մակերես ունեցող ուսանողական 1 մասնաշենք, կաթսայատուն, անասնակերի և գյուղտեխնիկաների համար շվաքարաններ, «Խելացի» անասնագոմ, մարզական խաղահրապարակ, վերակառուցել առկա մարզադահլիճը և միջանցքը՝ 494 քառակուսի մետր մակերեսով։․․․
Գեղարքունիքի մարզպետ Կարեն Սարգսյանի շնորհավորական ուղերձը Անկախության հռչակագրի առթիվ 23.08.2024
Հայաստանի Հանրապետության սիրելի քաղաքացիներ, 34 տարի առաջ՝ 1990թ. օգոստոսի 23-ին ընդունված Հայաստանի Անկախության հռչակագիրը Հայոց նորագույն պատմության մեջ մի նոր փուլի սկիզբ դրեց՝ արտահայտելով Հայաստանի ժողովրդի միասնական կամքը՝ հռչակվեց անկախ պետականության հաստատման գործընթացի սկիզբը: Վստահ եմ, որ անցած դժվարին ճանապարհի ձեռքբերումները միասնական ջանքերով կկարողանանք պահպանել և դրանց հավելել նորերը։ Բոլորիս համար այս նշանակալի իրադարձության օրը շնորհավորենք միմյանց Հայաստանի Հանրապետության Անկախության հռչակագրի ընդունման 34-ամյակի կապակցությամբ։
Օգոստոսի 23-ին Գեղարքունիքի մարզպետ Կարեն Սարգսյանն ընդունեց ՀՀ Առողջապահական և աշխատանքի տեսչական մարմնի ղեկավար Սլավիկ Սարգսյանին։ Մարզպետ Կարեն Սարգսյանը ներկայացրեց Գեղարքունիքի մարզի առողջապահական և կրթական համակարգում վերջին տարիներին իրականացված բարեփոխումները, հաջողություններն ու ձեռքբերումները, առաջիկայում իրականացվելիք զարգացման ծրագրերը՝ շեշտելով, որ 2021 թվականից սկսած՝ մարզի բոլոր առողջապահական հաստատություններն աշխատում են եկամուտով, և որ արվում է հնարավորը՝ դրանք լիովին ինքնաբավ դարձնելու, ժամանակակից որակյալ բուժծառայությունները բնակչությանը մոտեցնելու առումով։ Տեսչական մարմնի ղեկավար Սլավիկ Սարգսյանը նշեց, որ իրենց կողմից Գեղարքունիքի մարզ կատարած այցը գործընկերության խորացման ու իրազեկվածության մակարդակի բարձրացման շրջանակներում է․․․
Գեղարքունիքի մարզպետ Կարեն Սարգսյանը Գավառ համայնքի ղեկավար Գուրգեն Մարտիրոսյանի հետ մշտադիտարկում անցկացրեց Հայրավանք բնակավայրի գերեզմանոց տանող ճանապարհի ասֆալտապատման շինհրապարակում։ Շինարարական աշխատանքները կատարվում են ՀՀ կառավարության կողմից 2024 թվականին իրականացվող սուբվենցիոն ծրագրերի շրջանակներում։ Հայրավանքի գերեզմանոց տանող ճանապարհի ասֆալտապատման ծրագրի պայմանագրային արժեքը կազմում է 31 միլիոն 247 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Գավառի համայնքապետարանը։ Ծրագրով նախատեսվում է Հայրավանքի գերեզմանոց տանող ճանապարհն ասֆալտապատել 475 գծամետր երկարությամբ՝ 2325քառակուսի մետր մակերեսով։ Շինարարական աշխատանքները մեկնարկել են 2024 թվականի օգոստոսի սկզբից և այս պահի դրությամբ արդեն գտնվում են ավարտական փուլում։
Գեղարքունիքի մարզպետը դիտարկում անցկացրեց Բերդկունք բնակավայրի մանկապարտեզի շինհրապարակում 22.08.2024
Գեղարքունիքի մարզպետ Կարեն Սարգսյանը Գավառ համայնքի ղեկավար Գուրգեն Մարտիրոսյանի հետ մշտադիտարկում անցկացրեց Բերդկունք բնակավայրի մանկապարտեզի նորակառույց շենքի շինհրապարակում։ Նրանց ուղեկցում էին Գեղարքունիքի մարզպետի տեղակալ Ջանիկ Բազեյանը, Գավառ համայնքի ղեկավարի առաջին տեղակալ Գրիգոր Դաշտոյանը, Գավառ համայնքի ղեկավարի տեղակալ Գրիգոր Բոշյանը, Գեղարքունիքի մարզպետի և Գավառի համայնքապետարանի աշխատակազմերի քաղաքաշինության ոլորտի պատասխանատուներ։ Կարեն Սարգսյանը զրուցեց շինարարների հետ, ծանոթացավ աշխատանքների ընթացքին, արեց դիտողություններ ու առաջարկություններ, միաժամանակ իր գոհունակությունը հայտնեց կատարված աշխատանքների որակից։ Բերդկունքի մանկապարտեզի շենքի կառուցման ծրագրի պայմանագրային արժեքը կազմում է 450 միլիոն դրամ, որի 75 տոկոսը հատկացնում է ՀՀ կառավարությունը, 25 տոկոսը՝ Գավառի համայնքապետարանը։ Նորակառույց շենքը կլինի երկհարկանի՝ նկուղային հարկով, շուրջ 1100 քմ մակերեսով։ Այն կգործի 90 սանի համար՝․․․
Կայացավ դպրոցների տնօրենների օգոստոսյան խորհրդակցությունը 22.08.2024
Օգոստոսի 22-ին Գավառ քաղաքի Լ․ Քալանթարի անվան պետական դրամատիկական թատրոնի շենքում հանրակրթական դպրոցների, նախադպրոցական և արտադպրոցական ուսումնական հաստատությունների ղեկավարների մասնակցությամբ անցկացվեց օգոստոսյան խորհրդակցություն, որը վարեց ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը: Խորհրդաժողովին մասնակցեցին նաև Գեղարքունիքի մարզպետի տեղակալ Ջանիկ Բազեյանը,ԿԶՆԱԿ-ի տնօրենի ժամանակավոր պաշտոնակատար Արտաշես Թորոսյանը, ԿԳՄՍՆ հանրակրթության վարչության, ԿՏԱԿ-ի, ԿԶՆԱԿ-ի, ՀՄԿ-ի, մարզպետարանի կրթության, մշակույթի և սպորտի վարչության ներկայացուցիչներ։ Խորհրդաժողովի մեկնարկից առաջ նախարարի տեղակալ Արաքսիա Սվաջյանը, Գեղարքունիքի մարզպետի տեղակալ Ջանիկ Բազեյանը, մյուս մասնակիցները շրջեցին թատրոնի դահլիճի նախասրահում բացված կրթական էքսպոյի տաղավարներով, ծանոթացան նախարարության կողմից տարբեր անվանակարգերում հայտարարված մրցույթներում հաղթած դպրոցների կողմից ներկայացված աշխատանքներին:․․․
