Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 09.06.2025
Հունիսի 9-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց հերթական աշխատանքային խորհրդակցությունը։ Խորհրդակցության ընթացքում քննարկվեցին տեղական բյուջեների սեփական եկամուտների հավաքագրման 2025 թվականի առաջին հինգ ամիսների արդյունքների, նախորդ տարիներից կուտակված ապառքների գանձման, համայնքապետարանների կողմից տրամադրված շինթույլտվությունների ժամկետների պահպանման, Վարդենիսի ԲԿ, Ծակքարի ԱԱՊԿ նոր շենքերի կառուցման, մարզային նշանակության ճանապարհների հիմնանորոգման նախագծերի ձեռքբերման կամ շինարարական մրցույթների հայտարարման հետ կապված հարցեր։ Խոսվեց ֆրեզված ասֆալտի հումքով մարզի բնակավայրերում երկրորդային նշանակության ճանապարհների նորոգման մասին: Օրակարգային հարցերից էին նաև Վարդենիսի բանավան թաղամասի նորակառույց մանկապարտեզի տարածքի բարեկարգումը, Մարտունի քաղաքի Մյասնիկյան փողոցի հիմնանորոգումը և լուսավորության ցանցի կառուցումը: Խոսվեց նաև Վարդենիս քաղաքի մարզադաշտի կառուցման ներդրումային ծրագրի, ․․․
ՏԵՂԵԿԱՑՈՒՄ 09.06.2025
Տեղեկացվում է ՀՀ Գեղարքունիքի մարզի Մարտունի խոշորացված համայնքի ազգաբնակչությանը, որ 2025 թվականի հունիսի 13-ին ժամը 15։00-ին ՀՀ Գեղարքունիքի մարզպետ Կարեն Սարգսյանը Մարտունի քաղաքի մշակույթի կենտրոնի մեծ դահլիճում հանդիպում կունենա Մարտունի խոշորացված համայնքի ազգաբնակչության հետ։ Ցանկացողները կարող են ներկա գտնվել հանդիպմանը։ ՀՀ Գեղարքունիքի մարզպետի աշխատակազմ
Այսօր Կարեն Դեմիրճյանի անվան մարզահամերգային համալիրում տեղի ունեցավ Հայաստանի Հանրապետության և Ռուսաստանի Դաշնության միջև միջտարածաշրջանային համագործակցության տասներորդ համաժողովը։ Համաժողովի շրջանակներում՝ լիագումար նիստին Գեղարքունիքի մարզպետ Կարեն Սարգսյանը հանդես եկավ ելույթով, խոսեց ՀՀ–ՌԴ միջտարածաշրջանային համագործակցության կարևորության մասին, ընդգծեց տարածաշրջանային համագործակցության դերը տնտեսական և հումանիտար զարգացման գործում: Համաժողովին մասնակցում էին նաև մարզպետի տեղակալ Ջանիկ Բազեյանը, համայնքների ղեկավարները, մարզպետի աշխատակազմի և համայնքապետարանների աշխատակիցներ։
Գեղարքունիքի մարզպետ Կարեն Սարգսյանն ընդունեց Ֆրանսիայից ժամանած պատվիրակության ներկայացուցիչներին 05.06.2025
Հունիսի 4-ին Գեղարքունիքի մարզպետ Կարեն Սարգսյանն ընդունեց Ֆրանսիայի Հանրապետության Իզերի դեպարտամենտալ խորհրդի մշակույթի, ժառանգության և ապակենտրոնացված համագործակցության հարցերի փոխնախագահ Պատրիկ Կուրտոյին, մշակույթի և միջազգային համագործակցության վարչության փոխտնօրեն Ժան-Լյուկ Գայարին, «Աֆրատ» տուրիստական կազմակերպության տնօրեն Մարտին Շալինիեին և նույն կազմակերպության միջազգային ծրագրերի պատասխանատու Սեբաստիեն Ֆավիեին։ Հանդիպման ընթացքում կողմերը քննարկեցին Հայաստանի Հանրապետության Գեղարքունիքի և Ֆրանսիայի Հանրապետության Իզերի դեպարտամենտի միջև կնքված համագործակցության շրջանակներում իրականացված ծրագրերի ընթացքը և արդյունքները, ինչպես նաև՝ համագործակցության ընդլայնման, առաջիկա անելիքների, նոր ծրագրերի ներդրման հետ կապված հարցերը։
ՀՀ կառավարության 2025 թվականի հունիսի 5-ի հերթական նիստում որոշում է կայացվել Գեղարքունիքի մարզին հատկացնել 1 միլիարդ 721 միլիոն 596,8 հազար դրամ՝ Գեղարքունիքի մարզով անցնող միջպետական և մարզային նշանակության ավտոճանապարհների մի շարք հատվածների վերակառուցման, հիմնանորոգման և միջին նորոգման աշխատանքների համար։ Այդ թվում՝ 326 միլիոն 868,0 հազար դրամ՝ Մ-10, Սևան-Մարտունի-Գետափ միջպետական նշանակության ավտոճանապարհի կմ79+060-կմ80+590 հատվածի վերակառուցման համար 358 միլիոն 253,2 հազար դրամ՝ Մ-10, Սևան-Մարտունի-Գետափ միջպետական նշանակության ավտոճանապարհի կմ80+590-կմ94+590 հատվածի հիմնանորոգման համար 1 միլիարդ 036 միլիոն 384,1 հազար դրամ՝ Տ-4-13,/Հ-39/ (Գավառ) – Գանձակ – Սարուխան – Գեղարքունիք մարզային նշանակության ավտոճանապարհի կմ0+000-կմ12+900 հատվածի հիմնանորոգման համար 91 միլիոն 500 հազար դրամ՝ Մ- 10, Սևան-Գավառ միջպետական նշանակության ավտոճանապարհի 2,5 կիլոմետր հատվածի միջին նորոգման աշխատանքների համար։
ՈՒՇԱԴՐՈՒԹՅՈՒՆ 04.06.2025
ՆԳ նախարարի հրամանի համաձայն՝ ՆԳ նախարարության շրջիկ գրասենյակը հունիսի 5-ին, ժամը 11։30-15։30-ն ընկած ժամանակահատվածում ծառայություն կմատուցի Գեղարքունիքի մարզի Ճամբարակ համայնքում՝ համայնքապետարանի հարևանությամբ։ Տեղեկացվում է ճամբարակի ազգաբնակչությանը, որ հունիսի առաջին շաբաթվա գրաֆիկի համաձայն՝ շրջիկ ձևաչափով կարող եք սպասարկվել ձեր համայնքում՝ տեղում ստանալով հանրային ծառայություններ։ Իսկ հունիսի 12-ին նույն համայնքում կիրականացվեն հունիսի 5-ին ներկայացված դիմումների հիման վրա փաստաթղթերի հանձնման աշխատանքներ։ Հիշեցնենք, որ շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ, իսկ ԼՂ-ից տեղահանված անձինք ՀՀ քաղաքացիություն ստանալու համար կարող են տեղում դիմումներ ներկայացնել։ Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում, քաղաքացիները մոտենալով շրջիկ գրասենյակ, կարող են ստանալ նորը, օգտվել նաև հաշվառման-քննական բաժինների կողմից մատուցվող այլ ծառայությո
