Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզիկները փայլել են Եվրոպայի Քիգ-բոքսինգի առաջնությունում 23.09.2025
Սեպտեմբերի 22-ին Գեղարքունիքի մարզպետ Կարեն Սարգսյանը հյուրընկալեց Վարդենիսի քիգ-բոքսինգի ասոցիացիայի տաղանդավոր մարզիկներ Գառնիկ Գրիգորյանին, Ալեք Սիմոնյանին, Իվան Մանուկյանին, ինչպես նաև նրանց մարզիչին՝ Վարդան Մովսիսյանին։ Մարզիկները սեպտեմբերի 11-21-ը մասնակցել են Իտալիայում անցկացված «Քիգ-բոքսինգի» Եվրոպայի առաջնությանը՝ ներկայացնելով Հայաստանը միջազգային հարթակում։ «WAKO» մրցաշարի արդյունքներով՝ Գառնիկ Գրիգորյանը նվաճել է ոսկե մեդալ Ալեք Սիմոնյանը՝ արծաթե և բրոնզե մեդալներ իսկ Իվան Մանուկյանը, չնայած մեդալ չի նվաճել, սակայն ցուցադրել է ուժեղ կամք և մրցունակ մասնակցություն։ «Ձեր հաղթանակները միայն մարզական հաջողություններ չեն․ դրանք ամբողջ մարզի ու երկրի համար հպարտանալու առիթ են։ Շարունակեք մարզվել նույն նվիրումով, պահպանեք ձեր հաղթողի ոգին ու անպայման կհասնեք ավելի մեծ բարձունքների»,- իր խոսքում նշեց մարզպետ Կարեն Սարգսյանը՝ շնորհավորելով երիտասարդ մարզիկներին։...
Վարդենիս համայնքի Բանավան թաղամասի նորակառույց մանկապարտեզի դռներն արդեն բաց են 23.09.2025
Սեպտեմբերի 22-ին տեղի ունեցավ Վարդենիս համայնքի Բանավան թաղամասում նորակառույց մանկապարտեզի պաշտոնական բացման արարողությունը։ Միջոցառմանը մասնակցեցին Գեղարքունիքի մարզպետ Կարեն Սարգսյանը, «Հայաստան» համահայկական հիմնադրամի գործադիր տնօրենի ժ/պ Զարուհի Ազնաուրյանը, Վարդենիս համայնքի ղեկավար Ահարոն Խաչատրյանը, ինչպես նաև «Հայաստան» համահայկական հիմնադրամի Տորոնտոյի տեղական մարմնի ատենապետ Վազգեն Ալթունյանը և Արգենտինայի տեղական մարմնի ատենապետ Ալեխանդրո Կալպակյանը։ Մանկապարտեզի կառուցումն իրականացվել է «Հայաստան» համահայկական հիմնադրամի Տորոնտոյի տեղական մարմնի ֆինանսավորմամբ՝ 172 միլիոն դրամ արժողությամբ՝ տեր և տիկին Սարգիս և Հայկուհի Մառանճեանների հովանավորությամբ։ Մանկապարտեզը նախատեսված է 50 սանի համար, որն ամբողջությամբ համապատասխանում է ժամանակակից չափորոշիչներին։․․․
ՈՒՇԱԴՐՈՒԹՅՈՒՆ 22.09.2025
Տեղեկացվում է Գեղարքունիքի մարզի Վարդենիս համայնքի Կութ բնակավարի բնակչությանը, որ ս/թ սեպտեմբերի 23-ին ժամը 13։30-14։30-ի սահմաններում բնակավայրում ուսումնական նպատակով փորձարկվելու է էլեկտրական շչակ։ Խնդրվում է խուճապի չմատնվել։
Սիրելի հայրենակիցներ, Սեպտեմբերի 21-ը մեր ժողովրդի նորագույն պատմության ամենապատվավոր էջերից մեկն է․ այն օրն է, երբ հաստատվեց Հայաստանի անկախ պետականությունը և մեր դարավոր ազատատենչ կամքը վերածվեց իրականության։ Այս օրը խորհրդանշում է ազգային միասնությունը, արժանապատվությունը և մեր պետության նկատմամբ պատասխանատվությունը։ Անկախությունը ոչ միայն պատմական նվաճում է, այլև՝ մշտապես պահպանվող ու պաշտպանվող արժեք, որն ամեն մեկս կոչված ենք ամրապնդելու մեր աշխատանքով, հավատով և միասնականությամբ։ Թո՛ղ սեպտեմբերի 21-ը դառնա նոր առիթ վերագնահատելու մեր անցած ուղին, ոգևորվելու հաջողություններով և համախմբվելու՝ դիմագրավելու ժամանակի մարտահրավերները։ Շնորհավորում եմ բոլորիս Հայաստանի Հանրապետության անկախության օրվա առթիվ՝ մաղթելով խաղաղություն, անվտանգություն և բարօրություն մեր հայրենիքին ու ժողովրդին։ Փա՛ռք ազատ և անկախ Հայաստանին։
Հերքում 19.09.2025
Երեկ համացանցում տարածվել է տեսանյութ, որտեղ նշվում է, թե իբր ուսումնական հաստատությունում պատուհանից դուրս են նետվում դասագրքեր։ Պաշտոնապես հայտարարում ենք, որ այս տեղեկատվությունը չի համապատասխանում իրականությանը։ Տեսանյութը սխալ մեկնաբանության արդյունք է։ Իրականում կազմակերպվել է բնապահպանական միջոցառում՝ թղթի թափոնների հավաք, որի շրջանակում հավաքվել են միայն օգտագործված թղթեր, հին տետրեր և ամսագրեր։ Դասագրքեր չեն վնասվել և չեն նետվել։ Միևնույն ժամանակ հարկ ենք համարում նշել, որ քննարկվում է պատասխանատուներին կարգապահական տույժի ենթարկելու հարցը՝ թափոնների տեղափոխման գործընթացը ոչ պատշաճ կերպով կազմակերպելու համար։ Հորդորում ենք զերծ մնալ ապատեղեկատվություն տարածելուց և վստահել միայն ճշգրիտ ու պաշտոնական տեղեկատվությանը։
Գեղարքունիքի մարզում անցկացվել է առողջ ապրելակերպին նվիրված իրազեկման արշավ 19.09.2025
Առողջապահության նախարարության «Հանրային առողջության պահպանման» ծրագրի «Առողջ ապրելակերպի և ծխելու դեմ պայքարի միջոցառումների» շրջանակում սեպտեմբերի 19-ին Գեղարքունիքի մարզի Գավառ քաղաքում անցկացվել է հանրային իրազեկման արշավ, որի նպատակն է զերծ մնալ վնասակար սովորություններից, հանրության շրջանում բարձրացնել իրազեկվածությունը առողջ ապրելակերպի վերաբերյալ, խրախուսել առողջ սննդի պատրաստումը, ֆիզիկական ակտիվությունը, առողջ վարքագծի ձևավորումը։ Գավառում միջոցառումը կազմակերպվել է ՀՀ առողջապահության և կրթության նախարարությունների, Գեղարքունիքի մարզպետի աշխատակազմի միջոցով։ Նախաձեռնությանը միացել են «Հայաստանի Մանուկներ» հիմնադրամը և «ՄԱԿ-ի Պարենի համաշխարհային ծրագիրը»։ Միջոցառմանը մասնակցել են ՀՀ Գեղարքունիքի մարզպետի տեղակալ Վահան Զարոյանը, Գեղարքունիքի մարզպետի խորհրդական Սևակ Խլղաթյանը, Գեղարքունիքի մարզպետի աշխատակազմի առողջապահության և սոցիալական ոլորտի հարցերի վարչության պետ Լուսինե Վարդանյանը, կրթության, մշակույթի և սպորտի վարչության գլխավոր մասնագետ Համբարձում Սաֆարյանը, այլ պաշտոնյաներ։
