Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետարանում տեղի ունեցան ցուցադրական շտաբային մարզումներ 31.03.2018
Մարտի 30-ին Գեղարքունիքի մարզպետարանում անցկացվեցին ցուցադրական շտաբային մարզումներ: Մարզումների անցկացման պլանը հետապնդում էր երկու նպատակ. առաջինը կատարելագործել համապատասխան ղեկավար մարմինների և կառավարման կետի աշխատանքային խմբերի համագործակցության մակարդակը և երկրորդ՝ Հայաստանի Հանրապետության պետական կառավարման մարմինների ներկայացուցիչներին հաղորդել տեսական գիտելիքներ և փորձ՝ շտաբային մարզումների կազմակերպման և անցկացման ուղղությամբ: Մինչ ցուցադրական մարզումների մեկնարկը՝ ներկաներին ողջունեց Գեղարքունիքի մարզպետ, մարզումների ղեկավար Կարեն Բոթոյանը: Անցկացվող շտաբային ցուցադրական մարզումներին մասնակցում էին ավելի քան 70 պետական գերատեսչությունների ներկայացուցիչներ, ովքեր հետևեցին մարզումների ողջ ընթացքին: ,,Աշխատանքային խմբերի ղեկավարները տիրապետում էին իրենց գործառույթներին, համապատասխան բացվածքներով կատարեցին համապատասխան վերլուծություններ և ներկայացրին Հանրապետության ընտրանուն, որը կոչվում էր զորահավաքային ...
Այլ աշխատանքի անցնելու կապակցությամբ Գարիկ Բադալյանն աշխատանքից ազատման դիմում ներկայացրեց 29.03.2018
Այլ աշխատանքի տեղափոխվելու նպատակով իր դիմումի համաձայն աշխատանքից ազատվել է Գեղարքունիքի մարզպետարանի աշխատակազմի կրթության, մշակույթի եւ սպորտի վարչության պետ Գարիկ Բադալյանը, ով նույն պաշտոնը զբաղեցնում էր մարզպետարանի հիմնադրման սկզբից՝ 1996 թվականի մարտից: Այս մասին հայտարարվեց Գեղարքունիքի մարզպետարանի նիստերի դահլիճում հրավիրված հանդիպման ժամանակ, որին մասնակցում էին Գեղարքունիքի մարզի հանրակրթական դպրոցների տնօրենները, Գեղարքունիքի մարզպետարանի աշխատակիցները: Բացելով հանդիպումը՝ Գեղարքունիքի մարզպետ Կարեն Բոթոյանը շնորհակալություն հայտնեց Գարիկ Բադալյանին՝ երկարամյա ու անբասիր աշխատանքի համար՝ Գեղարքունիքի մարզպետի շնորհակալագրով եւ հուշամեդալով պարգեւատրելով նրան: Իր հերթին ՀՀ ԿԳ փոխնախարար Մանուկ Մկրտչյանը նշեց, որ Գարիկ Բադալյանն իր գործին նվիրված ու գիտակ անձնավորություն է, ում աշխատանքը տարիներ շարունակ բարձր է գնահատվել նախարարությունում: Եվ այդ գնահատականը եղավ ՀՀ ԿԳ նախարարության բարձրագույն պարգեւը՝ նախարարի ՙՈսկե հուշամեդալը՚,
Գեղարքունիքի մարզի տնտեսություններին տրամադրվում է պետության կողմից սուբսիդավորված սերմացուներ 28.03.2018
Գեղարքունիքի մարզի համանքների տնտեսություններին արդեն բաշխվում է պետության կողմից սուբսիդավորված ցորենի, գարու, կորնգանի, ոլոռի, սիսեռի, հնդկացորենի, եգիպտացորենի եւ առվույտի սերմացուները: Ինչպես տեղեկացրեց Գեղարքունիքի մարզպետարանի աշխատակազմի գյուղատնտեսության եւ բնապահպանության վարչության պետ Համբարձում Համբարձումյանը, մարզի համայնքների տնտեսություններից սուբսիդավորված սերմացուներ ստանալու համար ներկայացվել է 63 տոննա գարնանացան ցորենի, 202 տոննա գարնանացան գարու, 3,4 տոննա հնդկացորենի, 4 տոննա ոլոռի, 1,5 տոննա սիսեռի, 1,5 տոննա եգիպտացորենի, 3,5 տոննա առվույտի եւ 40,4 տոննա կորնգանի բարձրորակ սերմացու:ՙԱրդեն բաշխվել է սերմացուների առաջին խմբաքանակները տնտեսություններին Նորատուս, Վարդաձոր, Գավառ, Կարճաղբյուր, Նորակերտ, Զովաբեր, Ծաղկաշեն համայնքներում: Բաշխվել է 4 տոննա գարնանացան ցորենի, 26,3 տոննա գարնանացան գարու եւ 1,2 տոննա կորնգանի սերմացու: Գարնանացան ցորենի սերմացուն տնտեսություններին վաճառվում է՝ կիլոգրամը 150, գարին՝ 130
Գեղարքունիքի մարզպետն աշխատանքային այցով եղավ Ճամբարակ քաղաքում 27.03.2018
Մարտի 27-ին Գեղարքունիքի մարզպետ Կարեն Բոթոյանն աշխատանքային այց կատարեց Ճամբարակ քաղաք: Քաղաքապետարանի աշխատակազմի հետ մարզի ղեկավարը քննարկեց համայնքի սոցիալ-տնտեսական զարգացմանն ուղղված մի շարք հարցեր, որոնք վերաբերում էին գարնան գյուղատնտեսական աշխատանքների կազմակերպմանը, սեփական եկամուտների հավաքագրմանը: Հանդիպման ընթացքում խոսվեց նաև Ճամբարակ քաղաքի և նրա կազմում ընդգրկված բնակավայրերի զարգացման հեռանկարային ծրագրերի ներդրման մասին: Մարզպետ Կարեն Բոթոյանը քաղաքապետարանում կատարեց նաև քաղաքացիների ընդունելություն, որին մասնակցեցին 55 քաղաքացիների: Սոցիալ-տնտեսական , կոմունալ-կենցաղային, բնակարանների հիմնանորոգման, սեփականության իրավունքի ձեռքբերման, պետական պատվերի շրջանակներում բուժում ստանալու և անձնական բնույթի այլ խնդիրներով մարզի ղեկավարին դիմեցին 15 քաղաքացիներ: Դիմումների զգալի մասին Կարեն Բոթոյանը պատասխան տվեց տեղում, իսկ լրացուցիչ ուսումնասիրության ենթակա դիմումներին պատասխաններ կտրվեն ...
Գեղարքունիքի մարզպետարանում գնահատվել են քամիների պատճառած վնասների նախնական չափերը 27.03.2018
Արտակարգ իրավիճակների հետեւանքով ֆիզիկական եւ իրավաբանական անձանց պատճառված վնասները գնահատող մարզային հանձնաժողովը Գեղարքունիքի մարզում գնահատել է 2018 թվականի մարտի 23-24-ին գրանցված ուժեղ քամիների պատճառած վնասների հնարավոր եւ նախնական չափերը: Գեղարքունիքի մարզպետարանի աշխատակազմի քաղաքաշինության վարչության պետ Արմեն Զոհրաբյանի տեղեկացմամբ, մարտի 23-24-ին գրանցված քամիները որոշակի վնասներ են պատճառել Երասնոս, Վարդաձոր, Ծովինար, Վաղաշեն, Զովաբեր, Ծովագյուղ, Գեղամավան, Դդմաշեն, Նորաբակ, Լճավան, Մեծ Մասրիկ, Կարճաղբյուր, Ծովակ, Նորակերտ, Մարտունի, Աղբերք, Շողակաթ, Ձորավանք գյուղերի, Գավառ եւ Վարդենիս քաղաքների ֆիզիկական եւ իրավաբանական անձանց շենք -շինություններին: Քամուց վնասվել են՝ առանձնատան տանիք եւ ավտոմեքենա՝ Վարդաձորում, դպրոցների տանքիներ՝ Ծովինարում եւ Կարճաղբյուրում, օժանդակ շինություններ եւ աձանձնատան տանիքներ՝ Երանոսում, Վաղաշենում, Զովաբերում, Ծովագյուղում...
Կարեն Կարապետյանը հերթական խորհրդակցությունն է անցկացրել Գեղարքունիքի մարզում 24.03.2018
Վարչապետ Կարեն Կարապետյանն այսօր այցելել է Սևան քաղաք` ծանոթանալու 2017 թ. Գեղարքունիքի մարզի և համայնքների զարգացման ծրագրերի շրջանակում ըստ ոլորտների իրականացված միջոցառումների արդյունքներին ու 2018 թ. անելիքներին: Գեղարքունիքի մարզպետ Կարեն Բոթոյանը զեկուցել է, որ 2017 թ. սեփական եկամուտների պլանային թվի տարեսկզբի և տարեվերջի համեմատության արդյունքում արձանագրվել է 10.6 տոկոս աճ: 2017 թ. փաստացի կատարողականը կազմել է 1 մլրդ 519 մլն 744 հազ. դրամ (101,7 տոկոս)՝ 2016 թ. 97,4 տոկոսի փոխարեն: Մարզպետարանի ֆինանսական ոլորտի պատասխանատուն ներկայացրել է սեփական եկամուտների ցուցանիշների մասով մյուս մարզերի հետ համեմատական վերլուծությունը: Վարչապետ Կարեն Կարապետյանը նշել է, որ հաշվի առնելով մարզում առկա ռեսուրսները և ներուժը՝ սեփական եկամուտների պլանավորման և կատարողականի ցուցանիշները հանրապետության մասշտաբով ամենաբարձրերից պետք է լինեն: «Մենք ձեզ հետ պետք է հասկանանք, որ ժամանակակից, զարգացող երկրում քաղաքացիներն ունեն պարտավորություններ:
