Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետը մասնակցեց Գավառի երաժշտական դպրոցում կայացած համերգին 21.02.2019
Գեղարքունիքի մարզպետ Գնել Սանոսյանն ու Գավառի քաղաքապետ Գուրգեն Մարտիրոսյանը փետրվարի 20-ին մասնակցեցին Գավառի՝ Հենրիկ Թալալյանի անվան երաժշտական դպրոցում կազմակերպված համերգին: Համերգի ընթացքում ներկայացվեց երաժշտության դերն ու նշանակությունը մարդու կյանքում: Առանձին- առանձին ներկայացվեցին երաժշտական գործիքների մասին տեղեկություններ և այս գործիքներով հնչեցին համաշխարհային գործեր, որոնք լավագույնս ներկայացվեցին դպրոցի մանկավարժների և աշակերտների մատուցմամբ: Համերգի ավարտին Գեղարքունիքի մարզպետ Գնել Սանոսյանը մասնավորապես նշեց, որ տպավորված է համերգով, սակայն շատ ափսոսում է, որ երաժշտական դպրոցի շենքային ու գույքային պայմանները բավարար չեն և չեն համապատասխանում սահմանված չափանիշներին: Մարզպետը հավելեց նաև, որ կարվի հնարավոր ամենը, դպրոցի հիմնանորոգումը շուտափույթ կազմակերպելու համար և այս դպրոցի մանկավարժներն ու աշակերտները հնարավորություն կունենան առավել հարմարավետ պայմաններում կազմակերպել դասապրոցեսը:
Փետրվարի 21-ին Գեղարքունիքի մարզպետ Գնել Սանոսյանն ընդունեց «Վորլդ Վիժն Հայաստան» միջազգային բարեգործական կազմակերպության Գեղարքունիքի մարզի զարգացման ծրագրերի ղեկավար Վարազդատ Սարգսյանին: Հանդիպման ընթացքում ծրագրի ղեկավարը մարզպետին ներկայացրեց կազմակերպության աջակցությամբ մարզում իրականացվող սոցիալական և երիտասարդական ծրագրերի ընթացքը, դրանց ուղղությամբ նախատեսվող զարգացումներն ու հեռանկարները: Ներկայացնելով կազմակերպության հովանավորությամբ մարզի սոցիալապես անապահով ընտանիքների երեխաներին 7 օրյա հանգստի ճամբարներ ուղարկելու ծրագրի վերաբերյալ մանրամասներ՝ Վարազդատ Սարգսյանը նշեց, որ կազմակերպությունն ամեն տարի հովանավորում է մարզի ավելի քան 400 երեխայի: Սակայն եթե մարզպետարանի աջակցությամբ հնարավոր լինի հոգալ ճամբար մեկնողների տրանսպորտային ծախսերը, «Վորլդ Վիժն»-ը ...
Փետրվարի 21-ին Գեղարքունիքի մարզպետարանում, մարզպետարանի ընտանիքի, կանանց և երեխաների իրավունքների պաշտպանության բաժնի և մարզպետարանի կրթության բաժնի նախաձեռնությամբ քննարկվեց դպրոց հաճախելուց խուսափող երեխաների հաճախելիությունն ապահովելու խնդիրը: Քննարկմանը մասնակցեցին Գավառի թիվ 5 հիմնական դպրոցի տնօրեն Արաքսյա Վարդանյանը, նույն դպրոցի մանկավարժներ, ՀՀ Ոստիկանության Գավառի բաժանմունքի աշխատակիցներ, Գավառի քաղաքապետարանի եւ «Վորլդ Վիժն Հայաստան» կազմակերպության Գավառի տարածքային գրասենյակի ներկայացուցիչներ, դպրոց հաճախելուց խուսափող երկու եղբայրների մայրը: Քննարկումը կազմակերպվել էր Գավառի թիվ 5 հիմնական դպրոցի տնօրենի գրության հիման վրա, որում նա տեղեկացնում է դպրոցի երեք աշակերտների կողմից դպրոց հաճախելուց խուսափելու փաստի մասին: «Մենք անընդհատ աշխատում ենք այդ երեխաների ու նրանց ծնողների հետ, ոչ միայն զգուշացնում, այլ նաև ...
Տեղեկացում՝ «Իմ քայլը հանուն Գեղարքունիքի» գործարար համաժողովի մասնակցության վերաբերյալ 19.02.2019
2019 թվականի ապրիլի 19-ին կայանալու է «Իմ քայլը հանուն Գեղարքունիքի» տնտեսական գործարար համաժողով, որի նպատակն է համախմբել ծնունդով Գեղարքունիքի մարզից Հայաստանում և արտերկրում բնակվող գործարարներին՝ մարզում ներդրումներ կատարելու, սոցիալ-տնտեսական բնույթի ծրագրեր իրականացնելու, աշխատատեղեր ստեղծելու համար: Մարզի համայնքներում ներդրումային ծրագրեր կյանքի կոչելու համար խնդրվում է մարզի բնակիչներին՝ իրենց կողմից մշակված խելացի և նպատակային գաղափարները ներկայացնել Գեղարքունիքի մարզպետարան՝ այն համապատասխանեցնելով ներդրումային ծրագիր-առաջարկի ձևաչափին: Ներկայացված ծրագրերը Գեղարքունիքի մարզպետարանում ստեղծված հանձնաժողովի կողմից քննարկվելու և հավանության արժանանալու դեպքում կներկայացվեն գործարար համաժողովի օրակարգում: Հարցերի և դիմումների համար կապվել՝ ՀՀ Գեղարքունիքի մարզպետարան Զարգացման ծրագրերի, զբոսաշրջության և վերլուծության բաժնի պետ՝ Վարդուհի Մնացականյանին Հեռ.՝ +374 60 65 06 27, +374 94 70 57 21 Էլ. hասցե vard.m@mail.ru
Վարդաձորցի փոքրիկները վերջապես կհաճախեն մանկապարտեզ 19.02.2019
Գեղարքունիքի մարզի Վարդաձոր համայնքում շահագործման հանձնվեց նորակառույց մանկապարտեզի շենքը: 80 սանի համար նախատեսված կառույցը գործելու է երկու խմբով, որոնցից յուրաքանչյուրն ունի առանձին խաղասենյակ, ննջարան, խոհանոց և սանհանգույց: Բացի այդ, գործելու է նաև ընդհանուր խոհանոց և սանհանգույց: Նորակառույցն ապահովված է կոմունալ բոլոր հարմարություններով, կահավորված եվրոպական չափանիշներին համապատասխան: Մանկապարտեզի շինարարական աշխատանքները մեկնարկել են 2017 թվականին՝ Հայաստանի Տարածքային Զարգացման Հիմնադրամի ֆինանսավորմամբ և Վարդաձոր համայնքի համաֆինանսավորմամբ: Մի շարք աշխատանքներում իրենց աջակցությունն են ցուցաբերել նաև վարդաձորցի գործարարները: Շինարարական աշխատանքներն իրականացնող «Նիգ Դավ Գրուպ» ԲԲԸ տնօրենների խորհրդի նախագահ Գագիկ Նիկողոսյանի տեղեկացմամբ՝ մանկապարտեզի ամբողջ շինմոնտաժային աշխատանքների համար ծախսվել է մոտ 169 միլիոն դրամ: Վարդաձորի նորակառույց մանկապարտեզի հանդիսավոր բացման արարողությունը տեղի ունեցավ փետրվարի 19-ին: Արարողությանը մասնակցում էին.
Գեղարքունիքի մարզպետարանում քննարկվեցին մարզում զբոսաշրջության զարգացման հեռանկարները 18.02.2019
Փետրվարի 18-ին Գեղարքունիքի մարզպետ Գնել Սանոսյանն ընդունեց ՄԱԶԾ-ի «Ինտեգրացված Գյուղական Զբոսաշրջության Զարգացում» ծրագրի համակարգող Արման Վալեսյանին և նույն ծրագրի «Երիտասարդների առաջխաղացման արահետ» բաղադրիչի ներկայացուցիչ Արեգ Սինանյանին: Հանդիպման հիմնական թեման մարզի զբոսաշրջության ոլորտում ՄԱԶԾ «Ինտեգրացված Գյուղական Զբոսաշրջության Զարգացում»ծրագրի կողմից առաջ քաշված որոշակի նորարարական գաղափարների և ծրագրերի կյանքի կոչումն էր, ինչպես նաև Գեղարքունիքի մարզպետարանի և մարզի համայնքների հետ համագործակցության շրջանակների ընդլայնումը: Ծրագրի համակարգող Արման Վալեսյանը ներկայացրեց ծրագրի բովանդակությունը, նպատակներն ու անելիքները, որտեղ ընդգրկված է Գեղարքունիքի մարզը: Ըստ ներկայացվածի՝ ծրագիրը ֆինանսավորում է Ռուսաստանի Դաշնությունը, իրականացնում ՄԱԿ-ի զարգացման ծրագիրը՝ ՀՀ տարածքային կառավարման և զարգացման նախարարության հետ համատեղ: Ծրագրի նպատակն է ՝ համայնքներ հետ միասին լուծումներ գտնելու զբոսաշրջության զարգացման և խթանման համար...
