Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գավառի մանկատան սաներին շնորհավորեցին ՀՀ փոխվարչապետը և Գեղարքունիքի մարզպետը 26.12.2018
Դեկտեմբերի 26-ին Գավառի մանկատան սաները տոնական բարձր տրամադրության մեջ էին: Ամանորի եւ Սուրբ Ծննդյան տոներին ընդառաջ նրանց շնորհավորելու էին եկել ՀՀ փոխվարչապետ Տիգրան Ավինյանը և Գեղարքունիքի մարզպետ Գնել Սանոսյանը՝ իրենց տիկնանց հետ միասին, Գավառի քաղաքապետ Գուրգեն Մարտիրոսյանը, ՀՀ աշխատանքի եւ սոցիալական հարցերի փոխնախարար Արսեն Մանուկյանը, նույն նախարարության այլ պաշտոնյաներ: Հյուրերը շրջեցին կառույցում, ծանոթացան մանկատան սաների համար ստեղծված կեցության պայմաններին ու հնարավորություններին, զրուցեցին տարբեր խմբակներ հաճախող և տարբեր նախասիրություններ ունեցող երեխաների հետ, ապա ամանորյա նվերներ և սնունդ հանձնեցին նրանց: Հանդիպումը շարունակվեց մանկատան դահլիճում, որտեղ բացման ու ողջույնի խոսքով հանդես եկավ մանկատան տնօրեն Նիկոլայ Նալբանդյանը: Նա հակիրճ խոսեց 2018 թվականի ընթացքում մանկատանը գրանցված ձեռքբերումների և հաջողությունների մասին, թվարկեց նաև սաների ապագայի հետ կապված...
Գեղարքունիքի մարզպետն ընդունեց «Ապագա» կոնսորցիումի ներկայացուցիչներին 25.12.2018
Դեկտեմբերի 25-ին Գեղարքունիքի մարզպետ Գնել Սանոսյանն ընդունեց «Ապագա» կոնսորցիումի ներկայացուցիչներին: Հանդիպման նպատակն էր ներկայացնել կոնսորցիումի կողմից նախատեսվող և հանրապետության մարզերում իրականացվելիք «Նոր Տուն» սոցիալական բնակարանաշինության ծրագիրը, առաջարկել մարզպետարանին դառնալ «Նոր Տուն» ծրագրի գործընկերը և ստորագրել համագործակցության պայմանագիր: Ներկայացնելով ծրագիրը նշվեց, որ այն հիմնված է արագ կառուցվող տեխնոլոգիայի, Գերմանիայում գործող գործարար սոցիալական փիլիսոփայության մշակույթի, սոցիալական բնակարանային ֆոնդի ձևավորման ռազմավարության և բնակարանային հիպոթեքային կրեդիտավորման մասին օրենքի վրա: Ծրագիրը ֆինասավորվելու է շահառուների կանխավճարի, վարկային և հիպոթեքային ռեսուրսների միջոցով: Ինչպես նշվեց, ծրագրի շրջանակներում կառուցվող բնակարանները կունենան շուկայականից անհամեմատ ցածր գներ, որոնք հասանելի կլինեն բնակչության սոցիալապես առավել անապահով խավին...
Նախապատրաստական աշխատանքներ՝ մարզը ներկայացնող ֆիլմի ստեղծման համար 25.12.2018
Դեկտեմբերի 25-ին Գեղարքունիքի մարզպետ Գնել Սանոսյանն ընդունեց «Հայ երիտասարդ էրուդիտներ» հասարակական և «Paninfo Production» ֆիլմարտադրող կազմակերպությունների ներկայացուցիչներին: Վերջիններս Գեղարքունիքի մարզպետի հետ քննարկեցին Գեղարքունիքի մարզը ներկայացնող փաստավավերագրական ֆիլմի նկարահանման թեման, որը կառնչվի Հայաստանի հանրապետության Գեղարքունիքի և Ֆրանսիայի հանրապետության Իզերի մարզերի միջև առկա բարեկամական կապի հետ: Ֆիլմի սյուժեում ներառված կլինի մարզի տնտեսությունը, մշակույթը և տուրիզմը, դրանց զարգացման հնարավորություններն ու հեռանկարները, ինչպես նաև Գեղարքունիքի-Իզեր մարզերի միջև ձևավորված բարեկամությունն ու համագործակցությունը: «Դեսպանի օգնականը» անվամբ 25 րոպե տևողությամբ փաստավավերագրական եռալեզու ֆիլմը, կազմակերպությունների ներկայացուցիչների հավաստմամբ, ներկայացվելու է համացանցային դիտման, իսկ արտասահմանյան տարբեր երկրներում...
Վառվեցին Գավառի կենտրոնական հրապարակի և տոնածառի լույսերը 25.12.2018
Դեկտեմբերի 25-ի երեկոյան վառվեցին Գավառի կենտրոնական հրապարակի և գլխավոր տոնածառի լույսերը: Հրապարակն ստացավ տոնական շքեղ տեսք: Լույսերի միացման արարողությանը մասնակցեցին Գեղարքունիքի մարզպետ Գնել Սանոսյանը, Գավառի քաղաքապետ Գուրգեն Մարտիրոսյանը, Գեղարքունիքի մարզպետի տեղակալները, քաղաքի մշակութային հաստատությունների ղեկավարներ, անհատ քաղաքացիներ: « Ես շնորհավորում եմ բոլորիս այս հիշարժան պահի առթիվ և ուրախ եմ, որ մեր քաղաքի հրապարակն ունի այսքան գրավիչ տեսք: Համոզված եմ, որ կգա ժամանակ, երբ այս հրապարակը իր շքեղությամբ չի զիջի հանրապետության շատ ու շատ հրապարակների: Այս ամենի առթիվ ես ուզում եմ շնորհակալություն հայտնել բոլոր նրանց, ովքեր նախաձեռնել, աջակցել և կյանքի են կոչել այս հրապարակի բարեկարգման ծրագիրը: Այսօր վառվեցին նաև տոնածառի լույսերը և մաղթում եմ, որ հաջորդ տարին բոլորիս համար լինի լուսավոր և ապահով տարի, թող իրականանան մեր բոլորի երազանքները: Իսկ մեր բալիկները թող միշտ հնարավորություն ...
Տեղադրվում են Գավառի կենտրոնական հրապարակի լուսասյուները 24.12.2018
Դեկտեմբեր ամսվա երկրորդ տասնօրյակից Գավառի կենտրոնական հրապարակում մեկնարկել են լուսասյուների տեղադրման աշխատանքները: Այն իրականացվում է ՀՀ պետական բյուջեից նպատակային հատկացումների՝ սուբվենցիոն ծրագրերի շրջանակներում: Այս նպատակով նախատեսվել է 46 մլն 920 հազար դրամ: Նշված գումարի 40տոկոսը տրամադրվել է պետական բյուջեից, իսկ 60-ը՝ Գավառ համայնքի բյուջեից: Նախ տեղադրվում են լուսասյուները, ապա՝ լուսատուները: Ըստ նախագծի՝ տեղադրվելու են թվով 68 լուսասյուներ: Աշխատանքները գրեթե ավարտական փուլում են: Գավառի հրապարակում լուսասյուների տեղադրման աշխատանքներն իրականացնում է «Նիկոլ Դուման» արտադրական կազմակերպությունը: Իրականացվող ծրագիրը հաճելի նվեր կլինի Ամանորի և Սուրբ Ծննդյան տոների նախաշեմին:
ՀՀ պետական բյուջեի և Գավառ համայնքի բյուջեի համատեղ ֆինանսավորմամբ վերանորոգման աշխատանքներ են ընթանում Գավառի թվով 4 մանկապարտեզներում: Աշխատանքները կատարվում են պետական բյուջեից նպատակային հատկացումների՝ սուբվենցիոն ծրագրերի շրջանակներում: Գումարի 60տոկոսը տրամադրվում է պետական բյուջեից, իսկ 40 տոկոսը՝ Գավառ համայնքի բյուջեից: Գավառի թիվ 8 մանկապարտեզում, որը գտնվում է Արծվաքար թաղամասում, կատարվում է շենքի մասնակի վերանորոգում: Հիմնանորոգվում է խմբասենյակը իր խաղասենյակով, ննջարանով և սանհանգույցով: Այժմ այստեղ ընթանում են քանդման աշխատանքներ: Թիվ 8 մանկապարտեզում վերանորոգվում է նաև դահլիճի հատակը: Այս աշխատանքների համար հատկացվել է շուրջ 14 մլն դրամ: 17մլն 233 հազար դրամի շրջանականերում էլ իրականացվել է Գավառի թիվ 4 մանկապարտեզի տանիքի հիմնանորոգումը: Պետք է տեղադրվեն նոր լուսամուտներ ու դռներ...
