Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Իրականացվում են հեղեղավտանգ իրավիճակի կարգավորման և ոռոգման շրջանի նախապատրաստման աշխատանքներ 08.04.2016
Ապրիլի 8-ին Գեղարքունիքի մարզպետ Ռաֆիկ Գրիգորյանը և ՀՀ գյուղատնտեսության նախարարության ջրտնտպետկոմի նախագահ Արամ Հարությունյանը շահագրգիռ կառույցների ղեկավարների մասնակցությամբ քննարկեցին մարզում գարնանային վարարումներից սպասվող հեղեղավտանգ իրավիճակի հաղթահարման եւ ոռոգման շրջանին նախապատրաստվելու հետ կապված խնդիրներ: Արամ Հարությունյանի ներկայացմամբ՝ հակահեղեղային միջոցառումների իրականացման համար այս տարի պետական բյուջեից մարզին հատկացվել է մոտ 80 միլիոն դրամ, որն ուղղվել է բնակավայրերով հոսող գետերի առավել վտանգավոր տեղերի մաքրման ու ափերի ամրացման աշխատանքների իրականացմանը..
Հերոս զավակները ճանապարհվեցին անմահություն 07.04.2016
Ապրիլի 6-ին Գեղարքունիքի մարզի Արեգունի եւ Փոքր Մասրիկ համայնքները փառքով հավերժություն ճանապարհեցին Հայոց բանակի պայմանագրային զինծառայողներ,Արցախի պաշտպանական դիրքերում հերոսի մահով ընկած իրենց զավակներին՝ Հարություն Հովհաննեսի Աբրահամյանին եւ Վրեժ Վարդանի Սարգսյանին: Հուղարկավորությունից առաջ հերոսների աճյունները տեղափոխվեցին Արեգունու եւ Փոքր Մասրիկի միջնակարգ դպրոցներ, որտեղ կազմակերպվեցին նրանց վերջին հրաժեշտի ու խոնարհումի արարողությունները: Հոգեհանգստի և և հուղարկավորության արարողություններին մասնակցեցին Գեղարքունիքի մարզպետը և մարզպետի տեղակալները...
ՀՀ Գեղարքունիքի մարզպետ Ռաֆիկ Գրիգորյանի շնորհավորանքի խոսքը Մայրության եւ գեղեցկության տոնի առթիվ 06.04.2016
Հարգարժան մայրեր եւ դուստրեր: Ձեզ ի վերուստ շնորհված մայրության եւ գեղեցկության մեջ է ամփոփված մեր աշխարհի հարատեւությունը, հայրենապաշտպան ու ազգապահպան զորավոր ուժը: Ձեր արի կամքի, ցուցաբերած նվիրվածության ու հոգատարության համար դուք արժանի եք ամենայն հարգանքի ու սիրո: Ջերմորեն շնորհավորում եմ ձեզ գարնանային այս գեղեցիկ տոնի առթիվ, մաղթում խաղաղ երկինք, քաջ առողջություն, հաջողություններ, ընտանեկան երջանկություն, ամենայն բարիք: Լավագույն ցանկություններով՝ Գեղարքունիքի մարզպետ Ռաֆիկ Գրիգորյան
Գեղարքունյաց թեմի առաջնորդանիստ Սուրբ Աստվածածին եկեղեցում ապրիլի 4-ին տեղի ունենացավ մեր հայրենիքի եւ հայրենյաց պաշտպան զինվորների հաջողությանը նվիրված միասնական աղոթքի եւ օրհնության կարգ` հանդիսապետությամբ թեմի առաջնորդական տեղապահ Տեր-Կիրակոս վարդապետ Դավթյանի եւ մասնակցությամբ Գեղարքունյաց թեմի ողջ հոգեւոր դասի: Աղոթքի եւ օրհնության կարգին ներկա գտնվեցին Գեղարքունիքի մարզպետարանի ղեկավար կազմը եւ աշխատակազմի անդամները, Գավառ քաղաքի եւ տարածքի համայնքների ղեկավարները, Գավառի զինկոմիսարիատի աշխատակիցները, այլ կազմակերպությունների ներկայացուցիչներ, հավատավորներ:ՙՄենք այսօր հավաքվել ենք այստեղ` Աստծուց խնդրելու զորակցություն դժվարին կացության մեջ հայտնված մեր ազգի եւ Արցախի համար: Իր պատմության ընթացքում հայ ազգը բազմաթիվ դժվարությունների է հանդիպել: Եթե դիտարկում ենք մեր ազգին հասած ...
Մարտ ամսին մարզում ծնվել է136 երեխա 04.04.2016
Գեղարքունիքի մարզի 5 բուժհաստատություններում 2016 թվականի մարտին ծնվել է 136 երեխա, որտեղ տղա երեխաների թիվն աղջիկներին գերազանցել է 26-ով: Գեղարքունիքի մարզպետարանի աշխատակազմի առողջապահության եւ սոցիալական ապահովության վարչության տվյալներով, մարզի 136 ծնունդներից 81-ը տղաներ են, 55-ը՝ աղջիկներ: Նույն աղբյուրի տվյալներով՝ 25 տղա եւ 17 աղջիկ ծնվել են Մարտունու ծննդատանը, 21 տղա եւ 8 աղջիկ՝ Գավառի, 15 տղա եւ 12 աղջիկ՝ Սեւանի, 15 տղա եւ 11 աղջիկ՝ Վարդենիսի եւ 5 տղա եւ 7 աղջիկ՝ Ճամբարակի ծննդաբերական բաժանմունքներում:
Գավառ քաղաքում ցուցադրվեցին Սուրբ Հովհաննես Մկրտչի մասունքները 02.04.2016
Ապրիլի 2-ին Մայր Աթոռ Սուրբ Էջմիածնից Գավառ քաղաք տեղափոխվեց Քրիստոնեական եկեղեցու սրբերից մեկի՝ Հովհաննես Մկրտչի մասունքները: Գեղարքունյաց թեմի հոգեւոր դասը եւ հավատավոր ժողովուրդը, դիմավորելով Սրբի մասունքները, այն տեղադրեցին Սուրբ Աստվածածին եկեղեցի, որտեղ հավատավոր ժողովուրդը հերթով խոնարհվեց Սրբի մասունքների առաջ եւ համբուրեց այն: Ապա հավատավորների ուղեկցությամբ Հովհաննես Մկրտչի մասունքները տեղափոխվեց Գավառի Սուրբ Կարապետ եկեղեցի: Գեղարքունյաց թեմի առաջնորդական տեղապահ Կիրակոս վարդապետ Դավթյանի ձեռամբ մատուցվեց Սուրբ պատարագ: Մասունքները Սուրբ Կարապետում կմնան մինչ երեկոյան:Հավատավոր բազմությանը հովանավորների աջակցությամբ բաժանվեց Սուրբ մատաղ:Հովհաննես Մկրտչի մասունքների հետ հաղորդվելու համար Գավառ քաղաք ուխտագնացության էին եկել արտերկրում ու Հայաստանի այլ մարզերում բնակվող ուխտավորներ: ՙԱպրիլի 2-ը ...
